تسجيل الدخول

مشاهدة النسخة كاملة : ماذا تفعل لو ....؟


ANONYMOUS
27-06-2007, 02:53 PM
توني حاط راسي على مخدتي الريشيه
وفراشي الوثير
ولحافي اللذيذ

وفجأه دون انذار سابق


انقطعت الكهربه..


وطار النوم...

والمزاج تعكر..

والحاله حاله..

انا لله وانا اليه راجعون..

حتى لو باخذ شور.. درجة حرارة الماي عندنا 100 درجه مئويه.. حد الغليان..

مادري لو انتوا مكاني.. وش بتسوون..

مادري اروح القهوه.. واطقطق بالنت..

ولا شالحل بربكم..

وشكرا..

( من كهربتهم مقطوعه.. ؟؟ بالعربي.. من بفريجنا )
التيما
27-06-2007, 03:27 PM
هههههههههههههههههههههه في هالحر ما يسوى عليك .. انا باطير بالسياره حق بيت اختي اللي عندهم كهرباء .. سهالات
ANONYMOUS
27-06-2007, 03:55 PM
فضيحه... اشيل لعيال والمره.. وزيارة القايله بايخه

:(

بخصوص

للحين الكهربا مجطوعه.. جطعوا لغاليغهم..

رحت الحلاق.. وحلقت الراس واللحيه على شمعه..

والحين اكلمكم .. وحذاي شمعه...

زين ان اللاب توب.. باقي فيه جرج.. ولا قمة الملل..

والحل..؟
EleGanT
27-06-2007, 07:51 PM
اليوم صارلنا هالشي (الله يهديهم)

وقلنا بنمر على قرايبنا بس بصراحه مب شي فمرينا على اقرب مجمع :) لانهم خبرونا بتنقطع الكهرباء لمدة ساعه
بوعبدالله - قطر
27-06-2007, 08:10 PM
بروح ادور في السيارة أو في المجمعات أو بيت أختي أو أخوي....
سهلات...
وطن
27-06-2007, 08:21 PM
بدور بالسيارة
او بروح بيت اي حد من أهلي
:)
ANONYMOUS
28-06-2007, 11:52 AM
اليوم صارلنا هالشي (الله يهديهم)

وقلنا بنمر على قرايبنا بس بصراحه مب شي فمرينا على اقرب مجمع :) لانهم خبرونا بتنقطع الكهرباء لمدة ساعه



ييييييييييسسسسسسسسسس

يعني انتوا بفريجنا :funny:
ANONYMOUS
28-06-2007, 11:54 AM
بروح ادور في السيارة أو في المجمعات أو بيت أختي أو أخوي....
سهلات...



اتصلت للكهربا.. وقالوا شيل عيالك واطلعوا برا..

بس انا صاير بيتوتي هالايام..
ANONYMOUS
28-06-2007, 02:19 PM
بدور بالسيارة
او بروح بيت اي حد من أهلي
:)


غشمرة كهرماء ثقيله شوي.. crazy

اجطعو الهربا مره اخرى :court: الساعه 1 ونصف..

زين نطروا لين 3 .. يوم يأذن..

:anger2:


لازم ازور بيت عمي اليوم.. واحذف لعيال مناك.. :D

ومن زمان مارحت السينما.. بسير عليهم.. :nice:
امل الحب
28-06-2007, 03:44 PM
ههههههههههههه كسرت خاطري.. عادي خذوا كم لفة فالشارع..
ANONYMOUS
29-06-2007, 01:48 PM
ههههههههههههه كسرت خاطري.. عادي خذوا كم لفة فالشارع..


اليوم الجمعه
...

بعد انجطعت الكهربه.. بس الزين في الانقطاع يمكن خمس دقايق.. تقريبا كان حول العشر..

خربوا على ماتابعة البي بي سي Talking Movies

ونتي يا امل.. لاتدشين اوريكس..

نصيحه دشي قطر للبترول.. ومثل ماقال احد من الاخوان.. بيعطونج برنامج تطويري.. وانتي وشطارتج.. تخلصينه بدري.. كله كورسات ووناسه

وشكرا عالمرور