الملل بيقتلني ! .. (( اين تذهـــــــــــب هذا الصيف في قطر ؟)) سوالف وفضفضه وثقاله دم

[المخلب]

السلام عليكم

موضوعي اليوم راح يكون عن الصيف وبالذات صيف قطر ..

واتمنى انه يكون موضوع مفيد اكثر من انه موضوع فقط للقراءه ..

خاصه اني متملل وانا اكتبه اصلا ً .. والسبب اني خلصت الامتحانات ولله الحمد وناطرين النتايج ..

والصيف خلاص بدأ من اسبوعين تقريبا ( مع المدارس ) الا احنا تونا اليوم مخلصين ..

وتعرفون الملل لين صاد الواحد .. اوووف يسبب له ازمه مو بس ازمه نفسيه ! الا ازمه تؤدي الا التفكير في امور جنونيه وربما تؤدي الا اختراع اجهزه كهربائيه << انشتاين الثاني ! crazy :eek3:

جالس الحين وانا اكلمكم ووافكراني اسافر ..

وين يالمخلب ؟

والله خاطري اروح سوريا ..

شطاري عليك ؟؟ .. :funny:

شسوي نتمشى منها نغير جو .. ومنها نصيد سمج << حلوه سمج ذي :D

والله قطر تملل الصراحه ..

وين تبوني اروح ؟

الستي , المول , الاند مارك , الحياه بلازا , فلامنجو , وين ؟؟ بالضبط ..

كل المراكز التجاريه لفيتها وبيوم واحد ومن الملل والزهق خاطري اغيب عنها سنه واجيها مره كل سنه ! ..

مجمعات ممله .. لافي نشاطات ! ولا في حجات ترفيهيه تجذب الناس لها !! .. ولا فيها جوايز على الاقل الواحد يشارك بمسابقه ويربح تكت بومبي - دوحه - بومبي ..

مافيها شئ ! ..

اللهم ساعات يجيبون المذيعه العراقيه تلوع كبدنا وهي تفرفر بالمجمعات ! وعادنها بولفيت خفيفه دم ! مع المكياج الي ما بقى خباز عنده طحين الا وحطته في وجها ..

يارجال .. الصراحه كرهت المجمعات ..

ابي شئ ! .. شئ جديد .. !!

لا تقولي رح سيلين ! .. ملينا ..

يعني وبعدين .. مره مرتين , يوم يومين !

خلاص عاد مو كل يوم ! .. ترى كل شئ يزيد عن حده ينقلب ضده ! omen

طعسنا ولعبنا وخلاص .. ماغير احنا الي نخسر .. والمغاسل تربح .. ويازين التيسير لين لم شمل الشباب .. من قممم الطعوس الرمليه .. مرورا بالطين البحري .. الى المغسله وضرب الجيك ..

والهنود يتشكون ! .. وعادنهم ان غسلوا السياره زين تمصلح وياك قالك بنظفها صح علشان تعطيه كم ريال !! .. اذا مانظفه صح ! اجل وشو وظيفته ؟ ليكون مشغلينه متفرج ؟؟

ياشين ثقاله الدم , ورزه الفيس ..

الصراحه زهقان ..

قلت خلنا نفكر بشئ جديد .. :con2:

الصراحه مافي شئ جديد .. ! crazy

يعني شلون نرجع للدراسه ؟؟

ان رجعنا ردينا للهم والزهق وعوار الراس !! ..

وان مارجعنا ملينا في الصيف ! ..

واحد متصلي من قبل ساعتين يقول شرايك تدش وياي صيفي ؟

قلتله صيفي وين ؟؟

قال : الجامعه ! .. ندرس كورس صيفي ..

الصراحه فاجأني .. هي تقضيت وقت .. لكن شنو !! يبه انا انسان .. والدراسه المتواصله تملل .. مابي صيفي .. والمشكله دوام الصيفي يبتدي يوم 8-7 ..

شلون يعني ؟؟ مانعطل الا اسبوع ونرد مره ثانيه !

ناقص انا عوار راس مع المدرسين المميزين ..

مدرس اقوله عطني نص درجه علشان ينقز معدلي !!

يقولي اوكي يالمخلب على راسي ! واول ما أمشي منه يكذب علي ومعدلي ينزل والسبه هو ! ..

شالكلام .. وين قاعدين !! ..

المفروض المدرس يعطي الدرجات للطالب , منها يفيده , ومنها يستفيد هو !

نجاح اكبر عدد من الطلاب , يبين ان المدرس مميز !! ...

مو بالعكس !! ينزل درجاتنا ويوهقنا ! ..

الصراحه متملل ..

لو اني ادخن كان خلصت باكيتين الحين من كثر الهم والزهق والملل ..

والله مادري وش اقول .. قمت اخربط ! .. أظاهر تأثير عصير الفروله مع الليمون سبب لي ازمه ! ..:looking:

وين كنا .. نرجع للإجازه الي ذبحتنا ..

اذكر من قبل اسبوع داق ولد خالي يقول : المخلب ها بشر سمعنا عندكم مهرجان الصيف هذي السنه !

قلتله : لا يبه قل للي وصلك المعلومه ان فيوزاته ضاربه ! ..

لاعندنا مهرجان ولا غيره ..

بعدين تعال . . شبتشوف في مهرجان صيف قطر ؟ ؟؟ خاطرك تشوف بنقال وهنود وفلبن وسنغال وافارقه يرقصون ؟

اذا كذا خاطرك اجل شف لك شريط فيديو ابرك ارخص ! واريح للعين ! ..

وله بالله عليك مهرجان ! واسعار المحلات تصير دبل مع التخفيض والعروض عباره عن رقص الافارقه وابتسامه المنوليزا ..

شالملل ذا ..

صج ثقاله دم ! .. << اشوف خذت علينا يابو الشباب ..

شسوي بعد .. متملل ابي اهج من هنا ! ..

طيب شرايك نروح وناخذ جوله خليجيه نغير جو ؟

يعني وين نروح ؟

لا تقولي البحرين ؟؟؟

يارجال ! اجل في غيرها .. منها نقز وقت ونشوف فلم ونرجع !

ها ها ها .. ضحكتني وانا متملل .. اقول .. تبيني اقطع مشوار من قطر الى السعوديه الى البحرين علشان اشوف فلم ! معروض عندنا بسينما الستي ؟ وأزيدك تنعرض افلام قبل لا توصل البحرين !! .. وله تبيني اقطع مشوار واخسر 55 ريال جسر وتأمين علشان اشرب قلاص كرك والكرك الي عندنا بريال وبلا جسر بلا تأمين ؟ بعدين تعال كأني سمعتك تقول ان نروح نغير جو ! مو كأنك غبي يا بن خالي .. ترى جونا مثل جوهم !! ما تفرق بينا وبينهم شمسنا مثل شمسهم , ومطرنا مطرهم , ورطوبتنا رطوبتهم , ما في فرق ! ..

حبيبي انا متملل .. مافي شئ اسويه !

قالي : تدري شلون غلطان من يعطيك وجه .. طس مناك .. وسكر التلفون ! ..

شتبوني اسويله ! .. متملل .. والله متملل ..

نكمل بكره لان احس عيني اصفرت واحمرت واخضرت ! واخاف تتجاوز الخطوط الحمراء ويصيدها تشنج في المعده ..

ويقولون خير جليس للانسان السرير !! .. وفيه 3 فوائد : الراحه , الدفئ , ويقتل الملل .

يا رجال .. شغل المكيف هذا الي اقول بس .. وعطني البطانيه برقد ..

تصبحون على خير .. وانا من أهله ..

صدقون ملل ..

نكمل بالجزء الثاني بكره .

[ارستقراطي]

روح سوريا مثل ماذكرت في البدايه بس حاره هاليومين على فكره

سوريا البلد الي ساعته تمشي كنها خمس دقايق

الله يصبرنا على الملل لين تجي الاجازه

[اتحادى]

الله يهداك يا المخلب والله مللتني معاك الواحد زهقان
وانت تجي وتزيده تبي نصيحتي روح العمره بتستانس في مكه وبتدعي لي

[مافيا قطر]

المخلب عليك بتايلند وناسه من قلب واذا تبى وناسه بعد وجو ومطر وغيم عندك لندن ولا المانيا اشوف اهل قطر وايد السنه هاى رايحين المانيا

[برنس قطر]

سو برنامج في قطر اجلس معا نفسك .. اكتب في الجدول مثال الساعه 3 العصر بعد صلاه بروح الستي في فلم بحضر هناك وبعد الفلم الساعه 6 مثال بروح اتمشى شوي في ستي وبجلس في مطعم بتعشى وبرجع البيت بس اهم شي يكون لي معااك ونيس مش سندااره ملل زهق ؟...!! وثاني يوم الرووح فلاجيوم الساعه 1.30ظهر تغدى هناك وجلس في كافيه وشوف ناس والرفيجك يسولف سولف حلوى مش حنه اف اف مللتني لا يسوالف وتضحكوون يعني عيش جوو شوي ..وعدى السااعه 6 المغرب الرووح البيت الريح وجلس شوي معا المنتدى وشووف الجديد وبس ناام والرتااح وبااقي لاياام .. الله يعينك عليها .. بصرااحه بتطفرررررر .. اخوي غير سفر ماافي اذا عندك مكاانيه مااديه الرووح فرنساا والله بتكيف وبتستاانس وناااااااااسه ماااغيرها واذا مااااعندك عليك بشرق اسيااا عندك الفلبين وعندك اندونيسيا و تايلاند وماليزياا والله دول وشعووب مااافي اطيب منهم انا الرحت وناااسه بس الجو نفس دووحه بدون الرطووبه بس صج تكيف تونس وااااسف على لايطاااله بس صدقني سبوعين تغير جووو برع بتجي قطر اف اف عليك بتحس انك شي شي غير ماادري بس احساس انك تبي تفتر في قطر عدل بتروح البحر سكوتراات سيلين سينما مادر بتحس انك تبي تمشى شلوون مااتدري كيف .

واسف على لايطاااله ياا المخلب بااي

[امل الحب]

اما صيف الجامعة هههههههههههههه الله يغربل ابليسك..

لا ترا بتصيدك حالة نفسية اسال مجرب خذت صيفيين ورا بعض مرة 9 ساعات ومرة 6 ساعات ودخلت الكورسات الي بعدها مالي خلق اشوف الكتاب لا تتهور ومسجلة صيفي وبحذف...

خبرك بداوم..

لاتسافر اقعد مثلي فالدوحة مايصير انت تسافر وانا حك يوميا من 7-3 العصر..

<<<<<صج انانية..

لا امزح وياك سافر تمشى غير جو..

[مليت]

والله اسمع كلامي ادخل صالة حديد ولياقه كلها شهرين ويدخل عليك الرمضان بتاريخ 14/9
ان ما خاب تقديري

[التيما]

وين ملل ؟؟ هني؟؟


حشا وين الملل ؟؟


يبيلك اسبوعين هني وعقب سافر لك اسبوعين واختار مكان هادي شكلك جالك اكتئاب ههههههههههههه الله يعينك ..

انا العكس اشوف الصيف مريح مافي زحمه والناس مسافره والبلد مافيه الا هالاجانب اللي ما اقدروا يسافرون ..

والله مهرجان الصيف الاول اللي ما خلو فرقه من هالعالم ما جابوها وسوو لنا ربشه في الستي كااااااان رووووووعه .. شي يونس ان شاء الله يردون يسوونه

[al_lord]

تبي الشور

توكل على الله وجمع لك ربع لاتزيدون عن 4 ولا تقلون عن 3 وروحوا مكه عمره و اجر وثواب وعقب اطلع مناك على الطايف على ابها غير جو صح وارجع لنا بالسلامه ولا تنسى تصور لنا لامناظر

[ANONYMOUS]

خذ لك يخت.. تمشى على حدود قطر الاقليميه..

وياحبذا تحدق..

وشكرا

[دانـة قطـر]

أي والله ملل من قلب أنا قاعده في البيت صار لي 6 شهور من تخرجت وأنواع الحالات النفسية

لو أني (استغفر الله من كلمة لو) رجال كان سافرت..حتى لو الأحساء أهم شي أطلع :eek3:

أحس مالي أي هدف مجرد عاطله عن العمل:looking:

[البركان]

وين الجزء الثانى


بسرعه ننتظره

[الخيميائي]

ههههههههههههههههههههههههههه

توني اشوف الموضوع

جاب لي اكتئاب بس على خفيف :)

ماعندي حلول لان الموضوع صعب ويبيله تفكير وانا حاليا مابي افكر في اي شيء علشان ماصدع

ممكن تعطيني فرصة اشرب نسكافية واحاول ارفع نسبة السكر في دمي :p وبعدين بحاول اشوف لك حلول مناسبة

نشوفك بعد شويات

[ROSE]

اجازتي قربت :dance :dance

[ROSE]

ههههههههههههههههههههههههههه

توني اشوف الموضوع

جاب لي اكتئاب بس على خفيف :)

ماعندي حلول لان الموضوع صعب ويبيله تفكير وانا حاليا مابي افكر في اي شيء علشان ماصدع

ممكن تعطيني فرصة اشرب نسكافية واحاول ارفع نسبة السكر في دمي :p وبعدين بحاول اشوف لك حلول مناسبة

نشوفك بعد شويات


:funny: :funny: :funny:


كل شي ولا توقيعك :funny:

[غزلان]

صح ملل من قلب عيل شنقول احنا يالبنات انتوا لي تمللتوا رحتوا كل مكان اما احنا ملينا من التلفزيون اشوى اني احب ادخل المطبخ واجرب طرق الطبخ الجديده وا كان:eek3: من الملل

[التيما]

:funny: :funny: :funny:


كل شي ولا توقيعك :funny:
:funny: :funny:

[الخيميائي]

:funny: :funny: :funny:


كل شي ولا توقيعك :funny:


:o :o :o

بدل ماتضحكون على توقيعي شوفي حلول حق المسكين اللى حط الموضوع وغطس ماندري وين راح