(( هل توؤيدون المبالغه في بناء الفلل )) أرأئكم تهمنا

[rashid-1]

الســلام عليــكم

الغربي (الأوربي والأمريكي ) إذا دخل محل لبيع الفواكهه فإنه لايبالغ في شراء الفاكهه فكل شىء محسوب عنده فتجدون الغربيين يأخذون أربع تفاحات خمس موزات وهكذا عكسنا نحن الخليجيين الشرقيين لانشتري إلا كرتون موز كرتون تفاح وبالأخير تنقلب ريحة الثلاجة لرائحة شبيه لرائحة الخمر نتيجة العفن الذي أصاب الفاكهه


هذه المقدمه وضعتها وأعلم أن لاعلاقة لها بالمقاولات ولكن لأضرب لكم مثلا لعلكم تفهمون طرحي وماأقصد

كثير من المواطنين الأن يبنون بيوت العمر فبناء بيت العمر حلم كان يراود كل مواطن قطري
لأن المسكن جزء لايتجزاء من الأمان والإستقرار النفسي لكن البعض منا لايتعلم من أخطاء غيره فإذا بنا يريد بيت عظيم لامثيل له وسط البيوت

مما يدفعه لتجاوز حصة القرض الممنوحه له من الدوله بنسبه كبيره وربما يدفع أكثر من المبلغ الذي منحته إياه الدوله وبعد ماينتهي من البناء يعجز عن تأثيث المنزل بسبب القروض
التي أقترضها لأجل بناء بيت العمر


وأنا شخصيا أسميها ( بيوت القهر ) لأنها تقهر الرجل وتذله وتعيشه على بساط الفقر وهو في بيت يحسبه الجاهل أنه لرجل ميسور الحال والصح مقهور الحال

وبعد الدين وحياة الذل يكون المنزل الفخم مرتع للعناكب وموحش على أصحابه لأن صاحب المنزل بنى فيلا لخمس عوائل وليست عائلة صغيره

ومن الحالات التي أعرفها أن رجل بنى بيت فخم وبالنهاية أغلق الطابق الثاني وأستمر بالعيش بالدور الأول

والحاله الثانيه صاحبي مل السؤال من زملائة ومن أهله ( بخصوص إنتهاء بناء البيت ) فهو سيكمل السنه الرابعه والبيت محلك سر ف على مايحط فيه مايبين فيه من كبره ومازال صاحبي
يحط إيده على خده حائرا متحسرا على غبائه وأجزم لو أنه يرجع لنقطة الصفر لرضي أن يبني
بيت شعبي أو فيلا أرضيه أو حتى فيلا متوسطه وترك عنه التأليف والخرابيط بالبيت

[اتحادى]

:D مب على كيفه يا الطيب لانه اللي عنده زبايه

[rashid-1]

:D مب على كيفه يا الطيب لانه اللي عنده زبايه

ردك جدير بالإحترام وفعلا بعض الزوجات سبب رئيسي لخراب أسره لكن السؤال اللي يطرح نفسه لماذا الرجل يجامل زوجته على حساب سعادته وسعادتها وسعادة العيال

[ANONYMOUS]

انا اقول.. اللي عنده.. مافي مشكله.. جعله يبني قصر.. فيه العافيه..

اما اللي يبي ينافس اللي عندهم خير وهو ماعنده ماعند جدته.. هذا يكسر خاطري.. و أشفق عليه

[زعيم البورصة]

انا اقول الي عنده وفايض عن حاجته ما عليه وانا من الناس الي يحب يكون فيلاته فخمه بس على اصول

[امل الحب]

الفيلا الكبيرة مأساة حقيقية والافضل للشخص يبني فيلا ولكن مو كبيرة ..

وبعض الاحيان الزوجة يكون مالها علاقة ولكن الزوج هو الي يختار التصميم..

عن نفسي افضل الدور الارضي وبس..

[السديم]

:court: :court:

راشد انا ادري ليش طرحت انت هالموضوع :strong

اللي عنده يا اخوي راشد حلو انه يوسع على هله وعلى عمره ويستانس بخيره ..

اللي ماعنده ويبني بيت كبير واكبر من مقدوره وحاجته هني يسمونه زبو وفشخره كذابة ..

يعني يستحيل اخ راشد احنا عايشين بوسط مجتمع فيه الغني والفقير والمتوسط وتبي كل البيوت تكون بنفس الحجم والمساحه !!!!!

حزات بين الاخوان ولا الخوات ناس ربي منعم عليهم ويسوون بيت كبير والثانيين على قدهم مايقدرون الا بالشي البسيط :)

:nice:

[قناص قطر]

طرح حلو

وبوقت حلو

انا توني بالتشطيب بالفيلا

اسأل ام العيال من ضمن السوالف عادي يعني شنو تحب شنو تفضل بالفيلا طبعا قبل البناء

وخلاص انت بتعرف هي ميولها شنو + وبس ما تدخل الفيلا الا بعد الانتهاء بالكامل للاثاث فقط

لان بصراحه بنيت فيلا من قبل بالخرايط فقط مغير فوق 10 مرات

تدري الحريم ماعندهم سوالف غير لا ليش جذي حطي جذي والباب ليش هني والشباك ليش هني والجسر لو كان هناك احسن ( عشان تعرف تفكير الحريم ) جسر يالحبيب جسر
بتمل واحلم تخلص الفيلا وهكذا

بصراحه انا عن نفسي واعوذ بالله من كلمة انا

مسوي الفيلا حجم ممتاز 1000 متر مربع مساحه البناء والملحق 100متر مربع × 5 فلل نفس الخريطه للاخوان

غير مجلس خارجي ومسبح بالحديقه ( مساحه ارض الفيلا الواحده 1500 تقريبا )

والمجلس 1200م والحديقه 1500 م غير الشارع اللي يفصل الفلل و4 اراضي مواقف مؤقته لين يكبرون الباقي ان شاء الله

الفيلا الوحده فيها :

فوق = 6 غرف وصاله كبيرة وبنتري وبلكونه متحسف على البلكونه غبار افكر اصكرها

---------------

تحت = عندي صالتين مستوين فوق وتحت بمقدار بسيط 20 سنتي فقط + غرفه رئيسيه رقم 2+ مكتب + مطعم مفتوح على المجلس ومطبخ

والمحلق الخارجي مطبخ كبير + غرفتين للخدم + حمام + ستور + غرفة غسيل

المجموع = مجموع الغرف 8 غرف

الغرف الرئيسيه 8 × 6 ( غرفتين وحده تحت والثانية فوق )

غرفه ( 7×5 ) غرفه ( 6×4 ) والباقي (5×5) تقريبا

+ 8 حمامات ( الريئسية 4×4 ) والباقي ( 3×3،5) تقريبا

+ 3 صالات ( فوق 13 × 10 ) { (تحت ، مستوى 1( 5×7 ) ( تحت ، مستوى 2 ( 13×10 )}

+ مطعم ( 6× 5 ) مجلس ( 7 × 5 )

مطابخ 3 ( فوق 3×2 ) تحت داخلي ( 5×6 ) تحت خارجي ( 6 × 5 )

المساحات تعطيك وسع وخاصه بالصالات

نصيحه لاتسوي شيء برع غير الحجر وحط فلوسك جدام عينك داخل الفيلا

شيء تستفيد منه من اثاث وديكور و،،،،،،،،،،،،،،، الخ

ولي رجعه قريبه ان شاء الله

----------------------------

والمقاول مصنف درجه اولى والتشطيب سوبر ديلوكس ممكن اعرف كم يسوى المشروع حاليا

[المخباط]

انا باعطيكم وجهة نظري من زاوية ثانية
البيوت الكبيرة مانصحكم فيها لانه كلما كبر الحجم كلما قل الترابط الاسري وبتحصلون كل
فرد منعزل بروحه في غرفة او في قسمة ووين وين اذا شافوا بعض تلاقي اكلهم في غرفهم
وكل واحد لاهي بنفسة اما في المدرسة او الشغل وبعدها يطلع ويرجع قد امه وابوه راقدين
اعرف بعض العوايل ما يشوفون بعض الا في الويك اند على الغدا وهم في نفس البيت
خلوا نظرتكم قدام كبر البيت ليش ومقاسات الغرف اللي يسمعهم عمالقه ساكنين مهب اوادم
نعم عندنا فلوس ونقدر نبني قصور بس العبرة اللي ساكنين فيها شلون عايشين هل تقعدون
على سفره وقت الغدا مع بعض ؟؟هل تشوف خواتك وخوانك اللي في نفس البيت على قهوه
العصر او وقت العشا او او او ؟؟؟؟اوكي غرفه لكل فرد من الاسرة بس مقاسات معقوله
اخطاء وحبيت انكم تعرفونها قبل لا تبنون لما تكون الصاله مفتوحه على اللي فوق منتهى الازعاج ما حد يقدر يقعد في الصاله تحت من الصدى ...عوائل اعرفهم اذا بيغيرون الليتات لازم شركه خاصه عشان ارتفاع الصاله 8متر فوق او حتى تنظيف الجبس والستائر ايش حادهم راعيه البيت تقول لو بيدي طلعت في بيت شعبي ابرك لي!!!
فيا جماعه ابنوا بيوتكم عشان تعيشون فيها مش عشان تبهرون الناس اللي بيجونكم اول شهر يباركون المنزل الجديد
تحياتي واتمنى اكون وصلت الفكره صح:nice:

[بويوسف]

شكرا على هذا الموضوع اخوي ..

بحكم عملي في هذا المجال فكثيرا ما ترد على مخططات وتصاميم الفلل واكثر مايلفت انتباهي وربما استغرابي هو كبر المساحات خصوصا اذا ماتكلمت عن الفلل الخاصة والتي تعود لنفس المالك فالمساحات غالبا ماتتجاوز 800 واذا ما اخذت المتوسط فهي مساحة 1000 متر مربع .. في الاخير اقول كبر المساحات يتعدى التكلفة الاولية للبناء ليدخل في التكاليف الغير مباشرة للمبنى كالصيانة والاثاث والكهرباء

[قناص قطر]

انا باعطيكم وجهة نظري من زاوية ثانية
البيوت الكبيرة مانصحكم فيها لانه كلما كبر الحجم كلما قل الترابط الاسري وبتحصلون كل
فرد منعزل بروحه في غرفة او في قسمة ووين وين اذا شافوا بعض تلاقي اكلهم في غرفهم
وكل واحد لاهي بنفسة اما في المدرسة او الشغل وبعدها يطلع ويرجع قد امه وابوه راقدين
اعرف بعض العوايل ما يشوفون بعض الا في الويك اند على الغدا وهم في نفس البيت
خلوا نظرتكم قدام كبر البيت ليش ومقاسات الغرف اللي يسمعهم عمالقه ساكنين مهب اوادم
نعم عندنا فلوس ونقدر نبني قصور بس العبرة اللي ساكنين فيها شلون عايشين هل تقعدون
على سفره وقت الغدا مع بعض ؟؟هل تشوف خواتك وخوانك اللي في نفس البيت على قهوه
العصر او وقت العشا او او او ؟؟؟؟اوكي غرفه لكل فرد من الاسرة بس مقاسات معقوله
اخطاء وحبيت انكم تعرفونها قبل لا تبنون لما تكون الصاله مفتوحه على اللي فوق منتهى الازعاج ما حد يقدر يقعد في الصاله تحت من الصدى ...عوائل اعرفهم اذا بيغيرون الليتات لازم شركه خاصه عشان ارتفاع الصاله 8متر فوق او حتى تنظيف الجبس والستائر ايش حادهم راعيه البيت تقول لو بيدي طلعت في بيت شعبي ابرك لي!!!
فيا جماعه ابنوا بيوتكم عشان تعيشون فيها مش عشان تبهرون الناس اللي بيجونكم اول شهر يباركون المنزل الجديد
تحياتي واتمنى اكون وصلت الفكره صح:nice:

كلامك صحيح

بس اخوي الترابط الاسري نبته مثل الصلاه تنزرع فيك

مب بيت وحجره تفرق

الحمدلله احنا اخوان وكل واحد مب في بيت في فريج

والحمدلله مجتمعين عند الوالدين صبح وعصر وليل حتى البنات ولله الحمد ( الله لايفرقنا )

بخصوص تغير الليت ( الحين عقد مع شركه كل 6 شهور تسوي فحص للكهرباء بالكامل )

ما تدري شيء مندعس تحت الساس ومعزول او شيء محترق وانت بعالم ثاني

اهم الكهرباء والماي هلايام

الله الموفق ان شاء الله

[قناص قطر]

شكرا على هذا الموضوع اخوي ..

والكهرباء


لا تذكرني بو يسف

صج عذاب والله ماتوقعت الاعمال الكهربائيه غاليه جذي

كنت متوقع ثريا وسبوت لايت وليتات مخفيه تحت الجبس فقط

الله كريم بس