المساعد الشخصي الرقمي

مشاهدة النسخة كاملة : برنامجكم ( شرينا و بعنا ) .. 7



قطر
08-03-2005, 11:32 AM
مرحباااااا


انا اليوم اللي يبيلي بارد



بشروني ايش سويتوا


بيزات تنفذت لك اوردرات البيع؟؟


او انت مناظر من بعيد



انتعاش عساك بعت وشريت وضاربت في المصرف

بوعبدالعزيز ... اخبارك مع الاسمنت

الباقيين سهم عتيج وبنت قطر وقطر مون وواحد لحاله




وووكلكم بشورنا عساكم متفائلين..


تفضلوا المايك بالدور:)

إنتعاش
08-03-2005, 11:43 AM
هلا هلا هلا

لا والله ياخوي ما سوينا شي الامور يبيلها شوية حذر و تنبه للاوضاع


لكن اللي لفت انتباهي اليوم المتحده عليها شغل مب صاحي

وعندك بعد الغنم ترا طلعت مب سهله ههههههههه

قطر
08-03-2005, 11:46 AM
هههههههههه

حلوه الغنم

بس كان في امكانية تنزيل

لكن المتحده الطلب غطى على صناعات


اتهقى صدقوا الاشاعه اللي اطلعت في المنتدى؟؟

بيـــزات
08-03-2005, 11:56 AM
والله يا اخوك اليوم يا زين الراحات

تنفذت الاوردرات كلها والحمد لله.. ورحت عن خاطري

حطيت لي اوردر شراء بعد على الصناعات

لين بكره جذيه اذلف النص والنص الثاني بنشوف وين
الله يجيبه :cool:


بس والله كثر ما صار قلبي قوي

الحين يا بوك لازم ارتاح من الماااتش :p

سهم عتيج
08-03-2005, 11:56 AM
والله آنه عندي تحليل في الموضوع اللي يصير,, وقد تكون صحيحة أو غير ذلك,, وهي أن اللي قاعد يشتري الآن بشكل عام هم من رجعت لهم فلوس الناقلات,, اما البائعون فهم كبار المستثمرين والله أعلم

بالنسبة لي,, يمكن بدأت بالبيع اليوم أكثر,, وما شريت,, لأني أعتقد بأن الامور ربما تستقر في الأيام القادمة,, او أنها راح تاخذ اتجاه نزولي,, والله أعلم

إنتعاش
08-03-2005, 11:58 AM
الراجحي يسعى إلى عضوية مصرف قطر الاسلامي !!

تحت هذا الخبر المفاجىء ذكر الاستاذ بشير الكحلوت ما يلي :

سألت في المصرف المركزي عن موضوع الراجحي فقال مسؤول ربما تكون الإشاعة صحيحة ويكون الراجحي قد اشترى كمية من الأسهم ليتمكن من دخول عضوية مجلس الإدارة في وقت لاحق... ولكن على أي حال السعر اقترب من 500 ريال أي ثلاثة أمثال ما كان عليه السعر في الصيف، ومبروك عليه العضوية وعلى المساهمين الزيادة في السعر.


للعلم فقط :rolleyes:

باريس
08-03-2005, 12:00 PM
ياريت حد يعلمني المصرف والوطني والسلام كم تتوقعون بتكون أسعارهم في أول أبريل؟؟؟؟؟

قطر
08-03-2005, 12:14 PM
ممكن المايك

بيزات بارك الله في اموالك وزادها لك والحمدلله تنفذت لك الاوردرات

وان شالله الخير في صناعات
..



سهم عتيج والله انا مثلك بس مابعت شريت بس وطحت فيها :) الله كريم

لكن انا ماابي ابيع اللي عندي لسبب بسيط جمعياتهم متلاحقه .. وارباحهم اظمن لي
من باقي الشركات.


انتعاش علم علم والله ويافرحتك ههههههههه بس مااحس الخبر ايفرح ترى مب شاري منك هههههه امزح


باريس ماقلت لنا ايش سولفت اليوم عنه
ايش شريت وايش بعت

بالنسبة للمصرف توقاعتي 500
الوطني مااعندي له توقع ولا اتوقع له لاني رافضه على توزيعاته

السلام بين 55-53 والله اعلم


وينك ياشباب وين الاسهم عنكم؟

تفضل من معاي؟

بيـــزات
08-03-2005, 12:46 PM
تسلم الغالي

الله يطمنك ويريح بالك

انت واخوانا المساهمين ويرزقنا واياكم

الحلال الطيب
امين
ومشكورين على الاستضافه :D


حد قال مايك

حمد
08-03-2005, 01:43 PM
شباب رايكم في مواشي ....

عندي اسهم كثيره وخايف ان السهم ينزل اشرايكم ....

وايش سبب بقاء الطلب الكبير على مواشي في فتره صار الطلب ايقل على بعض الشركات الاخرى ...

حمد

ابوعلي اليافعي
08-03-2005, 01:56 PM
مساء الخير انا اول مره اشاركم وين المايك؟؟؟ مشكورين انا اليوم عكس شريت في اكثر الشركات خاصه الصناعات والعقاريه والسلام وباصرفهم يوم الخميس انشالله علشان ارتاح فالويكند..السوق مطمن انشالله لي يوم الخميس..وبعدين يصير خير..بس كلمه اخيره الاخوان الي يقولون نخاف ان السهم الفلاني ينزل ياليت يبيعون ويرتاحون ..........

أبو عبدالعزيز
08-03-2005, 01:57 PM
تحياتي للأعضاء الكرام

وبالنسبة لي اليوم :
تخلصت من صناعات بأعلى سعر ( 233.7) مع قناعتي بإمكان ارتفاعها أكثر في الأيام الجاية
إلا أني قررت التخلص منها لأرتاح نفسيا ، حيث كنت الفترة الأخيرة مشغول كثيرا بها لدرجة أثرت على بعض الالتزامات أو الارتباطات الضرورية بي .. والحمد لله اكتتبت بسهمها بـ (16.5) وبعتها بالسعر المذكور ، والقناعة كنز لا يفنى .

بالنسبة للملاحة أيضا بعته بأعلى سعر (213.9) وكنت مشتريه بـ ( 144 ) .

واشتريت من كهرباء بأقل سعر ( 110.4) .

أما الاسمنت قررت في الدقايق الأخيرة قبل فتح السوق سحب أمر البيع .

والتوفيق من الله

عـافـك الخـاطـر
08-03-2005, 01:57 PM
السلام عليكم

هاذي اول مشاركه لي وانشالله استفيد منكم
لاني اول مره ادخل في الاسهم

ياجماعة الخير اول امس انا اخذت اسهم بنك الاهلي
وشو تتوقعوون له ؟؟ لاني الصراحه متخوف منه

إنتعاش
08-03-2005, 02:12 PM
عفوا اخواني بالنسبة للاخ حمد وتساؤله حول شركة المواشي

احب اعطيك هالرابط اللي يمكن يكون له علاقه بالسؤال المطروح من الاخ حمد

تفضلوا :

http://www.qatarshares.com/vb/showthread.php?goto=newpost&t=1184


المايك للي بعدي واعتذر عن المقاطعه

سراب الامل
08-03-2005, 02:13 PM
بالنسبة لي انا اشتريت بالفلوس اللي رجعت لي الايجارة بسعر الليمت اب مع اني كنت حابه اشتري بالتخصصي بس ماكان في طلب ( طبعا الخيره فيما اختاره الله وانشاءالله اتوفق فيها )

وبكره ناويه اشتري في اسهم الخرفان بس بالبدايه باحاول على التخصص مره ثانيه اذا كان فيه عرض
بس اشرايكم عطوني اقتراحكم عندي 30000 اشتريها باسهم الخرفان او السلام بس لمتوسط الاجل لاني مش مستعجله عليها او اخذ لي كم سهم بالتخصصي حتى لو كان 300 سهم

ابوعلي اليافعي
08-03-2005, 02:22 PM
الاخت سراب الدوحه اولا: هل عملتي بالنصيحه وشريتي الدولي..لا تقولين لا..ثانيا:اشرايج في كلامي عن سؤالج عن سهم التحويليه بتاريخ 3/5/2005يوم قلت ان السهم راح يواجه مقاومه عنيفه عند ال90 وقد حصل ماتوقعت امس واليوم عرض بالمت داون..نصيحتي على طول بكره حطي اوردر السلام لانه رايح ال50 قريب انشالله..ولا تخافين انا شاري امس واليوم 40الف سهم ومرتااااااااااااااااااااااااااح اني حصلت اخيرا...

سراب الامل
08-03-2005, 02:26 PM
تسلم لي ياليافعي والله انك المنقذ بالنسبه لي

بالنسبة لي ماقدرت اشتري بالدولي الصراحه اقولها لك سعرها توب علي يعني على الفلوس اللي عندي يمكن الاقي لي 50 سهم هههههههههههه

بالنسبه لمشورتك للسلام انشاءالله احد من اليوم طلب عليها بالمجموعه بس ادعي لي الاقي لي عرض عليها والله يوفقني وويفقك الجميع

ابوعلي اليافعي
08-03-2005, 02:56 PM
لا انشالله بتحصلين لان اليوم صار عرض عليه فالبدايه وبعدين صار عالمت اب..وصدقيني كلنا بدينا بمبالغ بسيطه والحمدلله توفقنا..عالعموم بكره اشتري السلام ونشالله بتتوفقين

قطر
08-03-2005, 06:49 PM
بيزات
تسلم الغالي والله ايطمني من قلب :)

حمد
هلا بك اولا ماقلت لنا ايش شريت ايش بعت ايش سولفت اليوم؟

بالنسبة لمواشي خلك متابع السوق ولا تطمع وايد ;)

يعني لي حسيت الطلب خف عطهم كم سهم ..لاتصرفها كلها مره وحده

قطر
08-03-2005, 06:58 PM
هلا هلا ابوعلي اليافعي
واخيرا شاركتنا

بالنسبة لاسهمك الله ايبارك لك فيهم واختيار موفق.

بالنسبه للي يقولون نزل لايكون تقصدني احم احم

مااقدر ابيع مابقى شي عن الجمعية وباذن الله ربحان في كل الحالات
لان السعر العالي شراء ثاني وعندي من قبل بسعر اقل بكثير فالمتوسط كويس بالنسبة لي لحد الان


ابوعبدالعزيز

هلا ومرحبا

تعجبني قناعتك ..........

ثانيا...... لو انا منك مابعت صناعات لاني بكون في كل الحالات رابح
بالنسبة لسعر الشراء حتى لو انزلت شوي بقول الحمدلله

بالنسبة للملاحة موفق

بالنسبة للكهرباء الله يستر انا بعتها والله لان مامنها فايده

الاسمنت ...خير مافعلت ولاتبيع اول ايام بعد الجمعية اذا ماشفت في طلب كبير
خله ذخر نصيحه لاغير:)

===========
عافك الخاطر
هلا ومرحبا يسعدني انضمامك

بالنسبة للاهلي يعتمد على سعر الشراء

عموما اتوقع له ارتفاع قوي عند دخول الخليجيين
لسبب بسيط رغبة اخوانا البحريينيين تعزيز موقف ملكيتهم من البنك

===========


سراب حرام ليش ماشريتي امس في السلام بدل الايجاره

كانت بتفرق معاج صح

بس الله كريم والخيرة فيما اختاره الله

لاتفوتين السلام ولاتخافين لو شفتي محاولة تنزيل السعر

لان عليه طلب كبير


وشكرا للمحاوره الجميلة بين ابو علي وبين سراب:)


في حد ايحب يستلم المايك؟

موووجة
08-03-2005, 11:01 PM
أخواني و أخواتي أعضاء المنتدى أنا عضوة جديدة و حبيت آخذ رايكم في العقارية و المخازن هل أشتريهم بكرة وخاصة إن جمعية العقارية بنص الشهر و جمعية المخازن بعده تاريخها مو معروف و لا تحسوون إن الأسعار إرتفعت وايد و إن السوق بادي ينزل فالأحسن إني أنتظر ؟؟؟

قطر
08-03-2005, 11:11 PM
اولا اهلا بج اختي موجة نورتي

ياليتج قلتي لنا ايش شريتي وايش بعتي وايش سولفتي فيه اليوم:)

بالنسبة للعقارية توكلي على الله وباذن ترتفع

اما بالنسبة للمخازن ماعندي اي خلفية عنها ومااحب المخاطره بها...

بكره راقبي السوق والخميس قرري الشراء او البيع

هلا بج

موووجة
08-03-2005, 11:18 PM
مشكور أخوي قطر .. بس بالنسبة للمخازن لاحظت من فترة إنها في إرتفاع يومي ثابت (بمعدل ريالين و أكثر يوميا) و إن شاء الله أحاول بكرة آخذ فيهم كلهم أو في العقارية بس ، حسب السوق .

قطر
08-03-2005, 11:24 PM
صحيح المخازن في ارتفاع

بس اذا تبين شي مضمون دوري سبب الارتفاع

هل هو مجدي ام لا

والمخازن مااعتقد تجدي بشيء

الا على المدى الطويل

وهلا بج

قطر
09-03-2005, 12:05 AM
اخواني الاعزاء سعدت بلقائكم اليوم

ينتهي الاستدويو الان

على أمل اللقاء بكم غدا ان شاء الله بعد البورصة

وعلى الموعد المعتاد مع سوالف سهميه ... ووو اوردرات بورصية :D



تصبحون على خير