أبي أصير ( سمسار ) عقارات .. اشلون ؟!

[فارس السهم]

اللي عنده خبره في العقارات .. اشلون أقدر أصير ( سمسار ) .. قصدي وسيط ؟! .. هل لازم اكون ( صاحب ) مكتب عقارات ..؟! او شغال في مكتب ( وساطة ) معترف فيه ؟! وشنهي قانونية ( السمسرة ) ؟! .. وشنهي ( اعرافها ) .. ؟!
ياليت ( حد يفيدني ) .. لأن واحد من ( اصدقائي العرب ) .. وده يدخل هالمجال .. بحكم انه ( راتبه ) ما يكفيه .. ويحاول ( يبحث عن ) مصدر دخل ثاني غير الراتب ..

[الخبير العقاري]

هلا بك أخوي

إذا بتكون سمسار بو شنطة مافيها قواني ولا شروط فقط تكون ملم باسعار العقارات ولك علاقات وتبحث عن عقار وتنقل المعلومات من هذا إلا هذاك عبر الهاتف والزيارة مع ان هذه الشغلة متعبة شوي وفيها إحراجات ولهذا افضل انك تفتح مكتب والتوفيق على الله

طبعاً المكتب يحتاج محل وسجل تجاري ورخصة بلدية ومستندات عقد إيجار إيصالات مكاتب حافظات اوراق موظف وهلم جرا لكن في نظري المكتب أفضل من السمسرة الأخرى

قانون المكاتب


عمولة البيع حد اقصى متعارف عليه 2.5%
إيجار شهر أول إلى نصف شهر وهذه الايام صعب تلقى شهر كامل الناس تبحث عن الارخص لرفع قيمة الإيجارات.


وإذا فيه اي ساتفسار حاضرين

وسيط عقاري

[الماسي]

اهم شي العلاقات .. يعتمد على علاقاتك ومعارفك

[hussainy]

السلام عليكم


أخوي التجاره شطاره كون علاقات مع ملاك العقارات وحاول تكسبهم ولو في احراج شوي بس في النهاية بكون بيعه وحده مع احد الملاك يعطيك ثقته الكامله

وتبي تكون ناجح ما في أحسن من الصراحه مع المالك والمشتري علشان أتكون في السفسايت ويحترموتنك ولا تنحرج
أخوي حاول وان شاء الله تنجح محد ينولد وهو خبير أو عالم شوي شوي لغايت الهدف
اتمنالك التوفيق

[مليت]

نزل اعلان مطلوب مطلوب مطلوب لمدة شهر وسجل البينات وخلك متابع
وبعدها اعلىن يوجد لدينا يوجد لدينا مع شوية حنكه والسلام عليكم

[دولـة قطـر]

نزل اعلان مطلوب مطلوب مطلوب لمدة شهر وسجل البينات وخلك متابع
وبعدها اعلىن يوجد لدينا يوجد لدينا مع شوية حنكه والسلام عليكم

حركات

[oxqatarxo]

بصراحة اخونا مكتب عقار عطانا المفيد في هالموضوع ز جزاه الله خير .
والتارة مب سهله ، سوى مكتب عقارات او تاجير سيارات حتى لو حلاق،
كل شخله لها اصولها في التعامل مع زالزبائن.
والله يوفق الجميع

[فارس السهم]

هلا بك أخوي

إذا بتكون سمسار بو شنطة مافيها قواني ولا شروط فقط تكون ملم باسعار العقارات ولك علاقات وتبحث عن عقار وتنقل المعلومات من هذا إلا هذاك عبر الهاتف والزيارة مع ان هذه الشغلة متعبة شوي وفيها إحراجات ولهذا افضل انك تفتح مكتب والتوفيق على الله

طبعاً المكتب يحتاج محل وسجل تجاري ورخصة بلدية ومستندات عقد إيجار إيصالات مكاتب حافظات اوراق موظف وهلم جرا لكن في نظري المكتب أفضل من السمسرة الأخرى

قانون المكاتب


عمولة البيع حد اقصى متعارف عليه 2.5%
إيجار شهر أول إلى نصف شهر وهذه الايام صعب تلقى شهر كامل الناس تبحث عن الارخص لرفع قيمة الإيجارات.


وإذا فيه اي ساتفسار حاضرين

وسيط عقاري

هلا عزيزي ( مكتب عقار) .. اشكرك على كلامك الطيب وعلى ردك الوافي .. بغيت أسالك بالنسبة لاسعار الأراضي هل فيه ( تسعيره ) .. موحده ومعروفه .. ووين اقدر ( احصلها ) .. ؟! اخبر بين فترة والثانية تنزل ( لستة ) في الجريدة فيها ( اسعار ) العقار في مناطق الدوحة كلها ..

أعطيك مثال ( احيانا ) القى ( اعلان ) في جريدة ( مطلوب ) بيت شعبي في المنطقة الفلانية .. هل من الصح إني أتصل على صاحب الأعلان واستفسر منه عن تفاصيل ( الطلب ) .. ومن ثم ( اروح ) .. ابحث له عن العقار اللي هو طالبه ..؟؟! حتى لو كان بصفة ( شخصية ) بدون مكتب ؟؟!!

وبالنسبة للي يعرضون ( عقاراتهم ) .. هل ( أسوي ) معاهم ( نفس الحركة ) ؟!

وفرضا سين من الناس عارض فيلا للبيع وطالب فيها مثلا ( مليونين ) .. قمت انا تكفلت وجبت له شراي .. هل قبل لا اجيب له الشراي اتفق وياه ع العمولة ؟! .. وهل لازم تكون 2.5 % والا عادي ممكن تكون اقل ؟!

واذا مثلا انا جبت له شراي لكن ( عرضت انا على الشراي ) .. سعر جديد .. ( مليونين و200 ألف ) .. هل الـ 200 ألف تكون لي ؟! ولا زم اشعر البايع ابها قبل والا ما يحتاج ؟!

السموحه ثقلت عليك بالأسئلة لكن ( حبيت استغل خبرتك وفهمك في هالمجال ) .. لأن اللي معاي الآن قاعد يمليني الكلام والاسئلة اللي اطرحها عليك ..

[فارس السهم]

اهم شي العلاقات .. يعتمد على علاقاتك ومعارفك

هل افهم من كلامك انه لازم أكون ( بياع ) كلام ؟!

[فارس السهم]

السلام عليكم


أخوي التجاره شطاره كون علاقات مع ملاك العقارات وحاول تكسبهم ولو في احراج شوي بس في النهاية بكون بيعه وحده مع احد الملاك يعطيك ثقته الكامله

وتبي تكون ناجح ما في أحسن من الصراحه مع المالك والمشتري علشان أتكون في السفسايت ويحترموتنك ولا تنحرج
أخوي حاول وان شاء الله تنجح محد ينولد وهو خبير أو عالم شوي شوي لغايت الهدف
اتمنالك التوفيق

جعل عمرك طويل عزيزي (hussainy) .. كلامك ذهب

[فارس السهم]

نزل اعلان مطلوب مطلوب مطلوب لمدة شهر وسجل البينات وخلك متابع
وبعدها اعلىن يوجد لدينا يوجد لدينا مع شوية حنكه والسلام عليكم

طريقة خطيرة وعجيبة عزيزي ( مليت ) .. مادري شنهو راي باقي الاخوان .. خصوصا عزيزي ( مكتب عقار) .. هل هالطريقة ( معقولة ) .. ؟!

[فارس السهم]

نزل اعلان مطلوب مطلوب مطلوب لمدة شهر وسجل البينات وخلك متابع
وبعدها اعلىن يوجد لدينا يوجد لدينا مع شوية حنكه والسلام عليكم

حركات

تصدق ( تستحق ) التجربة ..

[khaled1]

بالتوفيق اخوي