مطلوب نصيحة سريعة بخصوص التواير

[RJ83]

السلام عليكم ..

بغيت حد يقول لي عن أحسن نوع تواير أركبه حق الانفنتي الكوبيه طبعاً مقاس 18.. وأحسن مكان وسعر .. ويفضل يكون أقرب مكان بالنسبة للخريطيات ..

أرجو الرد سريعاً لاني أبي أغيرهم في أقرب فرصة

وشكرا

[راعى Sl]

الشيخ ما لك الا الميشلان

اما بالنسبه من وين فما لك الا العبيدلى اللى بالريان او عندك محلات السد اللى عند مدماك

وانت بعد دور الارخص بس لا تاخذ تواير مستعمله

[X 4 X]

أخوي عندك كذا نوع

اذا تبي الممتاز عندك الميشلان...بس غالي شوي

وعند الدانلوب Sport R ما عليهم كلام وسعرهم معقول

[ALRAYYAN]

نصيحه عليك بنفس نوع التواير اللي جاتك ع الموتر من الوكاله

[وطن]

نصيحه عليك بنفس نوع التواير اللي جاتك ع الموتر من الوكاله
هذا اللي كنت بقوله

اذا مرتاح على النوعية اللي موجوده ع السيارة

لا تغير الموديل والماركة

خذ نفسهم

[RJ83]

زين أي أحسن برجستون أو الميشلان ولاغيرهم
ويعطيكم العافية على الردود

[A.L.I]

ميشلان

[القطري554]

مشلان أو قود ير أو فيروستن

[السني 73]

الميشلان احسن من البرجستون ..... حتى لو كان غالي لكن انت تشتري سلامتك .... وبعدين عليها ضمان سنه كامله ..... والوكيل يعبيها لك نيتروجين وهذا ميزته انه يتم ضغط الهواء ثابت .... والوكيل موجود عند اللاند مارك وعلى طريق سلوى عند شركة المستوبيشي ...وفي الأخير لك انك تختار الي تبي ... والله يوفقك ..... حاول انك تاخذ الصناعة الفرنسيه .... والصناعة الامريكيه بعد جيدة انا مجربها على اليوكن ريفه وممتازة

[معاند جروووحه]

مـــــــــــــــــــــــــــــــــــوفق

[BURBERRY]

شنو نوع التواير الي حاطينها لك الوكاله؟

[RJ83]

لقيت ميشلان التايرين اللي ورى الواحد ب800 واللي جدام الواحد ب750 .. شرايكم بالسعر هل هو موحد والا في مكان ارخص؟؟ وشنو اسم وكيل ميشلان ؟؟ واي صوب من اللاند مارك ؟؟

وشكرا

[RJ83]

اليوم شفت الميشلان اللي في محطة اللاند مارك التاير الواحد ب1250 !!!! زين ليش الميشلان اللي لقيته على طريق سلوى أرخص؟؟؟ شالفرق؟؟

[RJ83]

شنو نوع التواير الي حاطينها لك الوكاله؟

برجستون

[RJ83]

بس ما لقيت برجستون مقاس توايري حتى من الوكيل

[RJ83]

هلا يا الربع ردوا علي لين الحين ما بدلت التواير وابي ابدلهم في اقرب فرصة .. الكل أشاد بالميشلان .. بس ياليت حد يرد على استفساري السابق.. وعندي استفسار مهم ..
هل الميشلان قاسي في الشارع يعني تحس بأي حصة أو حفرة أومطبة ؟؟

[علـــي]

الشيخ ركب كومهو خوش تواير وارخص من الانواع المذكورة كنت مركبها على الام فايف وريفا ومريحه

[RJ83]

مشكور اخوي على الرد

[السني 73]

يمكن الي في طريق سلوى عطاك الى جودة اقل من الي في طريق سلوى ..... شوف الشيخ التاير يجيك نفس الرقم ونفس المقاس بس تحصل تاير حق سرعة مثلا إلى 250 كم وتحصل له رمز اعتقد R(مب متأكد من الرقم) وفي اقل منه ونفس الرقم والمقاس بس للسرعة 210 كم ويمكن يكون الرمز H ..... وهاي ترى يفرق في السعر ..... يعني سيارتي مثلا ركبت لها تواير قبل ست شهور والحين قيمتها 800 ر.ق بس قال اعلى سرعة لها 210 كم فقط وإذا تزيد خطر انه يمكن ينفجر ..... لكن في اغلى منه ويتحمل سرعة اعلى ممكن توصل 250 بس سعره اكيد فوق ال 1000 ر.ق ...... وبعدين الشيخ ترى المشلان ماعليها كلام للحين ماحصلت حد يذمها ويوم ركبتها على اليوكن كانت وايد احسن من تواير الشركة ولينه على السيارة في الشارع .

[RJ83]

مشكور اخوي السني73 انا توايري اللي من الشراكة ZR يعني السرعه 270 وفوق ..وانا ادور الميشلان pilot sport ZR.. او البرجستون بوتنزا بعد ZR