الى اهل الخبرة / ما رأيكم في فندق ويستن في بانكوك

[ولد الزبارة]

السلام عليكم ورحمة الله وبركاتة

ايها الاخوة الاعزاء

انا اول مرة أسافر لبانكوك

ولقد حجزت في فندق ويستن في بانكوك .

فما رايكم
هل هو محترم ؟؟؟؟

هل هو قريب من الاسواق ؟؟؟؟

هل قريب من المستشفى ؟؟؟؟

ماهي عيوبة و مميزاته ؟؟؟؟

[عبدالمحسن]

مرحبا اخوي

انا ماعرفه هالفندق


ولكني انصحك بالماريوت راقي جدا ونظيف و 5نجوم وقريب من مركز تجاري


وقريب من شارع العرب واكله نظيف وقريب من المستشفى الأمريكي


ولا انصحك بأكل المطاعم والدليل حاول الدخول داخل المطعم وتعرف السبب ..


ونصيحتي الأخيره الله الله في الجبن والروتي .. وود معاك ابوقوس كم قوطي :)



والله يعينك على وصاخة البلاد وريحة شوارعها



ونصيحه اخيره

لاحد ياكل سمك في بانكوك ..
اذا احتديت احتديت !! اكل ربيان اضمن ، لأن الربيان مايعيش في مستنقعات المجاري اعزكم الله








ادري خرجت من الموضوع ولكن من باب النصيحه

[ولد الزبارة]

الله يهداك روعتني .

[عبدالمحسن]

يارجال والله ماجاك الا الصدق

[عبدالمحسن]

يقولون بتايا نظيفه !! واكلمهم فرش

انا ماعمري رحت لها

رحت بانكوك وبس ماطلعت من العاصمه

[قناص قطر]

شوف اخوي

عندك الماريوت لا يعلى عليه ممتاز وقريب من كل شيء الحي العربي والمستشفى الامريكي

وسعره حلو 500 ريال الليله عند سفريات الديره ( عرض خاص )

وكذلك عندك :


1- JW Marriott Hotel Bangkok
2- Majestic Grande Hotel
3- Grand Sukhumvit by Sofitel, Bangkok, Thailand

افضل الفنادق القريبه من المستشفى والحي العربي

من واقع تجربه مب قالي فلان وعلان

واي خدمه حاضر لك

[بطران]

الشيخ ماريوت احسن منه مافيه ... واذا تبي تروق وبعيد عن الزحمه ... الله لا يهينك رحله داخيه بالطياره وروح جزيرة بوكيت ...نظيفه حدها

[hgahuv]

عليك بفنق امارى

[سبورت]

اخوي ولد الزبارة فندق الماريوت للشقق الفندقيه اذا معاك هلك راح ترتاح فيه وهم راح يرتاحون المطبخ عندهم وطباخ ومايحتااااي وعن عوار الراس
غرفة وصاله صغيره وطبخ صغير مجربه هههههه ب 480
غرفة كبيرة وصالة ومطبخ 510
غرفتين وصاله وطبخ 900
ثلاث غرف وصاله ومطبخ 1100
وقريب من المستشفى انا دوم اسكنه
وكله قطرين وخليجين الفندق ومعاملتهم ممتازه وفندق رهيب وراح تشكرني عليه
Mayfair, Bangkok - Marriott Executive Apartments
وهذا الموقع عشان تتأكد وتشوف الغرف https://www.marriott.com/reservation/rateListMenu.mi

[محمد999]

اخوي اذا قصدك
http://www.asiatravel.com/thailand/prepaidhotels/westin_bangkok/images/logo.gif

الفندق حلو و نظيف و راقي و 5 نجوم

بالتوفيق

[alkaabi]

من افضل فنادق كوالالمبور

وافضل من الماريوت بكثير

وموقعه ملاصق للماريوت على شارع العرب

وسعره مناسب جدا

يعني عليك به ولاتردد ;)

[سبورت]

شدخل كولامبور
وانت مالك حاجة في شارع العرب قسم بالله مكان الله يعز السامع مكان الصراحة تعبااااان من قلب
وثاني شي انت رايح مع هلك تبي الراحة
شارع العرب مطاعم وشيش بداعوس وكله ماي ومجاري وطراره ووووو,,,,,, وطبقات من المجتمع الفاسد هذا شارع العرب بختصار

[قطر]

شارع العرب مطاعم وشيش بداعوس وكله ماي ومجاري وطراره ووووو,,,,,, وطبقات من المجتمع الفاسد هذا شارع العرب بختصار

صدقت والله

وقسما بالله اتعس شارع شفته

مجاري ووصاخه وحتى المطاعم مادري شلون كنهم معاصرنا بس ناقصهم هنود

شلون يستحملون يتمشون ويقعدون فيه مع هالوصاخه والريحه اللي اتبط الراس

[مملوحه الفال]

اخوي سمعني انا تراني خبره في هالديره << امحق ديره ههه

انا كل سنه مبسطه هناك يعني اعرف كل مكان فيها

واللي هناك من امشي يسلمون علي هههه من كثر الشهره

اسمع اخوي بخصوص الفنادق

اذا تبي جمعه هل قطر والغثه روح الماريوت

لكن تبي مكان راقي مافي هالناس اللي الله بالخير

قول حق التكسي يوديك الماريوت وانت كنك تبي تداخل الماريوت بيكون الماريوت على يسارك وهقن داز على يمينك روح شوي سيده بتحصل فندق على يدك اليمين هذي صج فندق ومايسكنونه اله الهاي كلاس نسيت اسمه والله بس حتى لو قلت حق التكسي ودني ياه ماراح يعرفه لانه توه جديد

نصيحه يعني لا تفرط فيه

وشارع العرب مأأأأساه مافيه شي زين صج مثل ماقالوا الشباب وصاخه وريحه بواليع الله يعزك يعني لوعه من قلب ومثل ماقالوا الخمه كلها هناك .

وخاصه اخر الليل يعني جد شي مقرف

اما بخصوص بتايا وع وع وع من قلب هناك اخس واخس وصاخه من قلب كل خليجي مع وحده والله يعزك في الشارع ومافيها شي ، احلى مافيها التكسي العراوي ههههه

بس بيني وبينك منظر البحر هناك حلو احنا رحنا 4 ايام هناك ملل من قلب كنا كله في الفندق نقعد وننزل نقعد على البحر واستانسنا هناك لانه حصلنا في فندقنا انترنت كافيه خخخ اما مجمعاتهم وشوارعها كلش مب حلوه من جي ماطلعنا برع .

واي شي تبي تعرفه هناك انا حاظر

يعطيك العافيه يالشيخ

[alkaabi]

من افضل فنادق كوالالمبور

وافضل من الماريوت بكثير

وموقعه ملاصق للماريوت على شارع العرب

وسعره مناسب جدا

يعني عليك به ولاتردد ;)

:eek2:

السموحة يا جماعة

انا احسب فندق ويستن كوالالمبور في ماليزيا

ويستن تايلاند مادري عنه

[التيما]

شدخل كولامبور
وانت مالك حاجة في شارع العرب قسم بالله مكان الله يعز السامع مكان الصراحة تعبااااان من قلب
وثاني شي انت رايح مع هلك تبي الراحة
شارع العرب مطاعم وشيش بداعوس وكله ماي ومجاري وطراره ووووو,,,,,, وطبقات من المجتمع الفاسد هذا شارع العرب بختصار
:app: :app: :app:

انا من راي الاخ وخر عن شارع العرب ووصاخته .. ولا تنسى الأجبان وابو قوس لان مافي هناك ..

[قناص قطر]

اخوي سمعني انا تراني خبره في هالديره << امحق ديره ههه

انا كل سنه مبسطه هناك يعني اعرف كل مكان فيها

واللي هناك من امشي يسلمون علي هههه من كثر الشهره

اسمع اخوي بخصوص الفنادق

اذا تبي جمعه هل قطر والغثه روح الماريوت

لكن تبي مكان راقي مافي هالناس اللي الله بالخير

قول حق التكسي يوديك الماريوت وانت كنك تبي تداخل الماريوت بيكون الماريوت على يسارك وهقن داز على يمينك روح شوي سيده بتحصل فندق على يدك اليمين هذي صج فندق ومايسكنونه اله الهاي كلاس نسيت اسمه والله بس حتى لو قلت حق التكسي ودني ياه ماراح يعرفه لانه توه جديد

نصيحه يعني لا تفرط فيه

وشارع العرب مأأأأساه مافيه شي زين صج مثل ماقالوا الشباب وصاخه وريحه بواليع الله يعزك يعني لوعه من قلب ومثل ماقالوا الخمه كلها هناك .

وخاصه اخر الليل يعني جد شي مقرف

اما بخصوص بتايا وع وع وع من قلب هناك اخس واخس وصاخه من قلب كل خليجي مع وحده والله يعزك في الشارع ومافيها شي ، احلى مافيها التكسي العراوي ههههه

بس بيني وبينك منظر البحر هناك حلو احنا رحنا 4 ايام هناك ملل من قلب كنا كله في الفندق نقعد وننزل نقعد على البحر واستانسنا هناك لانه حصلنا في فندقنا انترنت كافيه خخخ اما مجمعاتهم وشوارعها كلش مب حلوه من جي ماطلعنا برع .

واي شي تبي تعرفه هناك انا حاظر

يعطيك العافيه يالشيخ

Majestic Grande Hotel
قصدك هذا الفندق ممتاز ممتاز عائلي ونظيف

ما شاء الله عليك

نبي اشوي من خبرتك يلا نازل اول اغسطس ان شاء الله

[ولد الزبارة]

أشكر الجميع على المشاركة

والله يعين