استخدام النت عن طريق الجوال ؟ [الأرشيف] - منتديات شبكة الأسهم القطرية

مشاهدة النسخة كاملة : استخدام النت عن طريق الجوال ؟

قطريه فديتني

01-09-2005, 01:23 PM

السلام عليكم ورحمة الله وبركاته

اخواني بغيت استفسر عن خدمة النت عن طريق الجوال !

حد منكم جرب الخدمه ؟ وهل هي جيده وشلون تكلفتها ؟ :con2:

انا اليوم سألت كيوتل قالوا لي ادفع شهريا 20 ريال و2 ميجا مجانا وفوق ال 2 ميجا كل ميجا بعشر ريال فمادري شلون مافهمت شي الصراحه :anger1:

اذا حد مجرب الخدمه يليت ينورني :)

ويعطيكم الف عافيه :nice:

سموالأخلاق

01-09-2005, 04:12 PM

السلام عليكم ورحمة الله وبركاته

بخصوص الانترنت عن طريق الجوال...

صراحه.. خدمه تعيسه .. وغاليه بنفس الوقت...

مرات الدقيقه بريال ومرات بريالين ...! الدقيقه مب الساعه !!!
وهذا بس عشان كنت اشوف موقع الاسهم...( شاشة العرض *.
وطبعا.. السعر....

هذا يعتمد على الداون لود .. التحميل .. .. وحتى على تحميل أي شي بأي موقع .. حتى الصور العاديه اللي تطلع بأي موقع والاعلانات وأي شي,,,

ومع اني سويت حظر على اي صوره .. يعني الاكسبلورر ما يحمل ولا يطلع الصوره ..

لكن مافرقت وايد يعني.....

انا جربت هالشي الاسابيع اللي راحت بالامارات عن طريق كيبل وصله للاب توب من الجوال.

لكن..... غالي غالي
والسرعه 49 كيلو تقريبا ....

ونفس الشي عندنا في قطر...

http://www.arabiyat.com/forums/images/smilies/taheya.gif

سهم طايح

01-09-2005, 07:09 PM

الخدمة الهدف منها النصب والاحتيال

انا مشترك فيها وجاتني فاتورة 600 ريال فقط للانترنت ! مع اني نادر ما افتحه

اللي اعرفه ان الفاتورة تنحسب على حسب التنزيل ( الداون لوود ) لكني لقيت في الفاتورة اني دخلت 92 ساعة في يوم واحد واليوم اللي عقبة دخلت 35 + 32 ساعة فاستغربت ورحت اسأل في كيوتل عن هالموضوع وكل ما اروح حق موظف يطرشني لموظف غيره وآخر المطاف طرشوني حق مدير احتفظ باسمه ( بلاش فضايح ) قالي كلام غريب !!!!!!!!!!!!

يقول انا ماعرف !
اقوله شنهو اللي ماتعرفه
يقولي انا ماعرف !
اقوله من يعرف ؟
يقولي انا ماعرف !

قلتله والحل قالي كنسل الخدمة لان محد في كيوتل يعرف كيف الحسبة لان اللي ركبوا الخدمة ركبوها وسافروا !

هذا كلام بالله عليكم !!!!!!!!!!!!!

Qa6ar

01-09-2005, 09:06 PM

السلام عليكم

انا ركبت الخدمه من شهر 6 تقريبا وتلفوني 9300

وماشفت زود فواتير... وغيرت الجهاز من اقل من شهر ونسيت الخدمه شغاله

الزبده اذا انتي تنزلين من النت لاتنزلينه على فاتوره الجوال

نزليه بالبيت

ويعطيكم العافيه

مجرد مساهم

01-09-2005, 10:08 PM

والله جربتها من سنة تقريبا ولغيت الخدمة ، ما أدري الحين تحسنت ولا لأ ، يعني ينبط جبدك لين تنفتح صفحة ، واعتبر السعر حقهم غالي ..... هم يقولون الحساب على كمية التحميل ... لكن تتفاجأ إن الفاتورة غير متناسبة مع الاستهلاك

السهم الازرق

01-09-2005, 10:33 PM

sulai6i

01-09-2005, 10:43 PM

الخدمة الهدف منها النصب والاحتيال

لقيت في الفاتورة اني دخلت 92 ساعة في يوم واحد

هذا كلام بالله عليكم !!!!!!!!!!!!!

غريب أمهرهم كيوتل !!!

طيب كان قلت له ان اليوم فيه 24 ساعة بس .. كيف تشتغل على الأنترنت 92 ساعة في اليوم ؟؟؟؟؟

اووو صح .. نسيت ان الجواب بيكون (( انا ماعرف )) !!!

قطريه فديتني

01-09-2005, 11:11 PM

يعطيكم العافيه ماقصرتوا :o

انا والله مابي النت بالموبايل الا عشان اشوف التداول في الدوام بعد تدرون محكرين حق العالم فقلت افتح الخدمه واستعملها بس فترة التداول لكن للأسف محد مدحها :(

سهم طايح

02-09-2005, 12:06 AM

غريب أمهرهم كيوتل !!!

طيب كان قلت له ان اليوم فيه 24 ساعة بس .. كيف تشتغل على الأنترنت 92 ساعة في اليوم ؟؟؟؟؟

اووو صح .. نسيت ان الجواب بيكون (( انا ماعرف )) !!!

تصدق اني طرحت عليه هالسؤال !

قال انا ماعرف

:anger2:

سهوم المنايا

05-09-2005, 02:54 PM

مادري عن الخدمه عندكم :looking:

لكن بالكويت 100% :nice:

كأنج مركبه برق بسرعة 256 :eek2:

الدوانلود 33kb بالثانيه :eek:

و الاشتراك 10 دنانير شهريا (125ريال) :deal:

و الداونلود مفتوح :cool:

عقبالكم ان شاء الله :shy:

طبعا لما تفتح شركه تنافس كيوتل :eek3:

الله يديمه عليكم من نعمة

حناالدولة الوحيدة في العالم اللي فيها احتكار من كل نوع مش مثل العالم

الذيب1

22-09-2006, 01:35 PM

السلام عليكم
الحين الخدمة صارت بدون اشتراك،المحاسبة فقط على الاستخدام، حد منكم جرب الخدمه ؟ وهل هي سريعة؟
وجزاكم الله خير.