ابي اتعلم انجليزي وين اروح

[تيتانيوم]

ابي اتعلم انجليزي وين اروح
يعني وين افضل معهد نبي مكان مجرب ومضمون

وين تنصحوني اروح

اتمنى الرد حتى لوبتذمون مركز معين بس المهم فيدوني بمعلومه

الله لايهينكم

[امل الحب]

هلا اخوي..

عندك المعهد البريطاني..

عندك الدورات الي تطرحها الجامعة..

وبالممارسة تقدر تقوي نفسك..

موفق..

[تيتانيوم]

هلا اخوي..

عندك المعهد البريطاني..

عندك الدورات الي تطرحها الجامعة..

وبالممارسة تقدر تقوي نفسك..

موفق..

اعتقد قصدت البرتش كونسلت

[ROSE]

فيه اي هورايزون ، ويطرح برنامج تعليمي للتوفل

[ابوعلي]

اخوي عندكels في المعمورة

[نوارة الدار]

انا وجهة نظري
تاخذ لك دوره خارج البلاد........في بريطانيا

[milan]

british council
المعهد البريطاني وبالتوفيق

[عبد الناصر]

انا انصحك تروح ال els
لان انا جربته ونفعني
لكن المعهد البريطاني مب ذاك الزود
انا جربته

[ورقــة أمــل]

Els
تمام

[عبد الناصر]

Els
تمام
صح لسانك

[مليونير قادم]

في وين هذاelsموقعه وين

[نــوت قــطـــــر]

يا els أو البرتش كونسل

[rashid-1]

في وين هذاelsموقعه وين

عند معرض الغنم

وانت طااالع من المعهد تهف عليك روايح الماشيه والأسماك

درست في هذا المعهد سنة 1999 كان عجيب الصراحة

بس إذا تفكر نفسك بتدخل المعهد وبتعلم إنجليزي تراك غلطان

المعهد مهمته يعطيك الأساسيات وانت تبني

وشلون تبني

تتكلم إنجليزي وتغلط وتتعلم

وتقرا قصص أجنبيه وصحف وتشوف أخبار وأفلام بغرض التعلم

واللي يقولك الإنجليزي سهل ترى كذااااااااب

الإنجليزي يحتاج إلى جهد وصبر

أما اللي يتعلمون بسرعه إنجليزي لاتغتر فيهم ترى يتكلمون مثل الهنود مايتكلمون عربي

واتمنى لك التوفيق والنجاح

[BURBERRY]

عندك مركز Els

انا درست فيه تماااام بس ما استفدت وايد و الكورس يكون 5 اسابييع

و عندك Cna-q

درست فيها سنه لغة انجليزيه .. بس استفدت وايد .. بس الكورس طويل 13 اسبوع و كل مستوى يبي له كورس

و اذا تقدر تروح برع ... روح بريطانيا 6 شهور و بترجع تتكلم انجليزي بطلاقه :app:

[قطري طموح]

والله اخوي الدراسه في معهد داخل قطر فكره تطبيقها غير مجدي انا جربت وددخلت معهد برتيش كانسل وكانت الاستفاده محدود ، اخوي انت تطلع من المعهد وبتروح البيت وبتمارس حياتك بشكل طبيعي وبلغتك الام بمعنى انه صعب تطبق دراستك بالمعهد في حياتك اليوميه ، ونصيحتي لك جرب اطلع ادرس في الخارج فهذا افضل واكثر فائده ، انا شخصيا اخذت لي كورس لغه في نيوزيلند وكانت ايام ممتعه ومفيده وحتى وانا هناك كانت استفادتي من المعهد محدوده وكانت الاستفاده الاكبر من خلال الاحتكاك في الشارع والمطعم والباص وزملاء المعهد وحتى الاصدقاء الخليجين الدراسين هناك كنا نتحدث باللغه الاتجليزيه بدون حياء او خجل فكانت النتيجه رائعه .

[The Blade]

مرحبا اخوي
في معاهد كثيره بس كلها تكون لفلات يعني دوره وره دوره يعني صعب تتعلم وتتقن الانجليزية في دوره واحده مدتها شهر ... يعني ممكن تاخذ شهر تكون بس خلفية بسيطة عن اللغة ولكن كل معهد له كورسات خاصه توصل الى 5 شهور ويمكن اكثر :)

بالتوفيق

[تيتانيوم]

مشكورين على التجاوب والتفاعل
والله يجزاكم خير جميعا


الظاهر ان مركز ELS هو الافضل في قطر
وشكلي بدش الدوره الجايه ان شاء الله


اما من ناحيه السفر فهو اقتراح جميل بس يبيله دراسه وتخطيط


مشكورين مره ثانيه

[eXpert*]

بصراحة المعاهد ما تفيد في طلاقة اللسان مع الاسف ،، ممكن كـ قواعد وكتابة واستماع لكن المحادثة يبيلك اقل شي 3 شهور في دولة اجنبية وصدقني بترجع وانت مستغرب من نفسك .

[الواارد]

اخوي اذا تبغي تعلم انجليزي محادثة وقواعد عندك معهد اكسبرشن في جنب نيو هورايزن بس بدون شهادة معتمدة . واذا تبغي تعلم انجليزي حق جامعة عندك المعهد البريطاني وخذ مع وحدة اسمها ديانا ممتازة بس مادري اذاعادها حية لانها شوي كبيرة في السن .

2- اهم شي هو وجود دافع التعلم سوى داخل قطر ولا في بريطانيا وما انصحك تجي تدرس لغه اقل من ست شهور لان اكثر المعاهد مدرسينها يطلعون اجازة في الصيف ويمسكون مدرس ولااثنين حق عدد كثير من الطلبة . والعوائل الانجليز لا تتوقع انه بيقعد يكلمونك اكثر من نصف ساعة في اليوم لانك ما راح اتشوفهم الا اخر النهار بيتعشون معك ويشوفون كورنيشن استريت والساعة تسع راقدين. طولت عليك والله يوفقك :nice:

[تيتانيوم]

بصراحة المعاهد ما تفيد في طلاقة اللسان مع الاسف ،، ممكن كـ قواعد وكتابة واستماع لكن المحادثة يبيلك اقل شي 3 شهور في دولة اجنبية وصدقني بترجع وانت مستغرب من نفسك .

مشكور على النصيحه
الله يجزاك خير eXpert

[تيتانيوم]

اخوي اذا تبغي تعلم انجليزي محادثة وقواعد عندك معهد اكسبرشن في جنب نيو هورايزن بس بدون شهادة معتمدة . واذا تبغي تعلم انجليزي حق جامعة عندك المعهد البريطاني وخذ مع وحدة اسمها ديانا ممتازة بس مادري اذاعادها حية لانها شوي كبيرة في السن .

2- اهم شي هو وجود دافع التعلم سوى داخل قطر ولا في بريطانيا وما انصحك تجي تدرس لغه اقل من ست شهور لان اكثر المعاهد مدرسينها يطلعون اجازة في الصيف ويمسكون مدرس ولااثنين حق عدد كثير من الطلبة . والعوائل الانجليز لا تتوقع انه بيقعد يكلمونك اكثر من نصف ساعة في اليوم لانك ما راح اتشوفهم الا اخر النهار بيتعشون معك ويشوفون كورنيشن استريت والساعة تسع راقدين. طولت عليك والله يوفقك :nice:

الاكسبرشن في ناس يمدحونه لي ماعندك فكره عن نظام التدريس هناك

[احلى سهم]

ما عندي فكره عن المراكز .. ماحس ان منها فايده كبيره (((رأي شخصي)))

بس نصيحتي لك هي القراءه ..

تقرا مثلا قصه او كتاب يناسب مستواك في الانجليزي ..

صفحه وبعدين تجوف شاللي فهمته واللي ما فهمته تطلعه من الدكشنري... ومن هالطريقه تقدر تختار المعنى المناسب للكلمه في النص ..

او اذا ما تحب تقرا .. تابع افلام او برامج اجنبيه .. MBC4 فيها برامج حلوه ومفيده

بالقراءه تتعلم التهجئه وبالافلام تتعلم كيفيه نطق الكلمه ...

جذي انا تعلمت .. :dance


ان شالله تكون نصايح مفيده :D