فقط في دبي : شوارع بفلوس !!

[كوكب]

يا هلا فيكم ..

كل يوم طالعيلي دبي بفنتق يديد وهالمره فنتق غير شكل ، طبعا العنوان فقط عشان اشدك لأن في بامريكا وبعض الادول الاوربية رسوم تحصل لاستخدام الشوارع لكنها جديدة علينا في الشرق الاوسط

على اية حال ...

http://www.alarabiya.net/files/image/large_24287_36033.jpg

ابتداءا من يوم 1-7-2007 بدت بلدية دبي بالتعاون مع ادارة المرور في تطبيق نظام يديد يدعى (سالك) في تحصيل الرسوم على كل من يستخدم الشارع الرئيسي واللي يعتبر عصب دبي وهو شارع الشيخ زايد غربا امتدادا الى جسر القرهود شرقا . حيث يتعين على السائق دفع الضريبة مرتين ، عند الدخول والخروج من احدى بوابتي الطريق .

يذكر ان الطريق هذا مكتض بالسيارات طوال اليوم وفي كل يوم من ايام السنة

http://www.alarabiya.net/files/image/large_35882_36105.jpg

ومع مرور يومان على تطبيق هذا القرار ، تذمر العديد من سكان دبي لأن العموم حول طريقه من هذا الشارع الى الشوارع الفرعية واصبح شارع الشيخ زايد (سالك) بين بقية الشوارع (عالق)



والخريطة ادناه توضح نقطة بداية ونهاية (سالك) باللون الاحمر



http://aycu35.webshots.com/image/21314/2001418957700319738_rs.jpg


الله يعين سكان دبي غير المواطنين
معاشاتهم على الاجار الباهض والمعيشة الغالية والبنزين الغالي والان سالك الهالك !!

انا لله وانا اليه راجعون

[أمة الله]

أتوقع رسوم رمزيه

[كوكب]

في كلّ مرة تعبر بسيارتك منطقتَي التعرفة، والموجود إحداها على جسر القرهود بينما توجد الاخرى في شارع الشيخ زايد قرب مول الإمارات، سيتمّ استقطاع الرسم المحدد والبالغ 4 دراهم بصورة تلقائية من حسابك المدفوع مسبقاً والخاص بالتعرفة المرورية، وذلك باستخدام أحدث التقنيات في تحديد موجات الراديو (rfid).

[أمير الأسهم]

الله يكون بالعون

[السديم]

المشكلة دبي ولا قطر او غيرهم من الدول الشبيهه صارت في ازدحام بشكل سريع وللحين الشوارع والبنية التحتية مافيها الاستعداد الكامل لهذا الكم من البشر !!!

فما عندهم غير طريقة تحصيل الرسوم على اساس خلق الله مايطلعون من بيوتهم !!

الله يعينهم ويعينا على الزحمة ..

لك التحية :nice:

[halcrow]

انا في دبي ...وتقدر تتخطى شارع الشيخ زايد ...بشارع الجميرا ولا بشارع الامارات الخلفي

الله يخلي زحمتنا والله انها ماتتسمى زحمه جدام دبي

للعلم اذا مريت بدون ماتركب الشريحه بتدفع مخالفه خمسين وذا خالفت مره ثانيه بتصير 100 لحد ماتوصل 400

وترى لاتحاتون الرسوم في شارع الشيخ زايد من عقب ابن بطوطه (برشا ) الين تدخل جسر القرهود
( جسر المكتوم ونفق الشندغه ماعليهم شي )

[السهم الجارح]

صار المواطن يدفع افلوس وكل ذنبه انه يبي يمشي على أرضه

[Bin Hood]

الحد الاعلى للدفع اليومي 24 درهم

يعني اذا مريت 6 مرات راح ياخذون 24 واللي بعدها 7 و 8 و ... ماراح ياخذون

وفي اكثر من شارع واحد

بس الصراحة النظام يؤخذ عليه عدة ماخذ منها

ان الرسوم مرتفعة , 4 درهم شدعوه

اذا فرضنا ان في اليوم تمر 200 الف سيارة وطبعا في الواقع اكثر بكثييييير

راح يطلع لهم في اليوم 800 الف درهم

المأخذ الثاني ان صج الشارع صار سالك بس الشوراع الفرعيه ما تنبغه من الزحمة الزايدة

[المخلب]

الله يعين الجميع ..

[غزلان]

مصيبه كل شي بفلوس

[وحيد-الشوق]

والله زمن عشان تمر الشارع تدفع فلوس شنو هاي

[نــوت قــطـــــر]

حلوه الفكره

[ANONYMOUS]

عادي شالمشكله..

اذا تبي شارع فاضي وتوصل بسرعه وماتتبهدل بالزحمه وتقعد تسب وتلعن الحكومه ولا الناس.. لازم تدفع..

نفس كل مكان..

تبي رقم مميز لازم تدفع..

تبي سياره كشخه لازم تدفع

تبي بيت او اثاث فخم لازم تدفع

تبي تسافر وتهيص لازم تدفع..

تبي خدمه درجه اولى وراحه وسعه بالطياره لازم تدفع..

ماعقد طلبوا شي جديد..

هالفييز عشان الخدمه..

فمان الله

[~¤ العنود ¤~]

الفلوس نجيبها علشان تريحنا .. اذا ما ريحتنا ايش خانتها !

فكره حلوه للي عنده ويبي يرتاح من الزحمه .. مافي مشاكل

[خسران من قلب]

ماحد يقدر يعارض صح

[وطن]

حلو مشكلة هالشارع
وحولوها على شوارع اخرى

!!!!

النظام حلو
بس له سلبيات وايد

في حل حلو
لو يقسمون الشارع او يسوون خط موازي له وبديل !!
يعني يخلون 3 خطوط للي ما يبون يدفعون
وخطين او 3 للي مستعجلين وما يبون الزحمة ويبون يدفعون ويشترون راحة بالهم

:)

[واثق الخطـوة]

ياجماعة لاداعي للقلق هذي كلها تجهيزات للخطة الخمسية والمفروض الإنتهاء منها 2015
وتنص على انه في عام 2015 سيكون امام كل بيت ومحل ووزارة وهيئة شارع محفر مكسر مبهدل وسيكون على جميع سكان دول الخليج استخدام السيكل للتنقل :D :D :D :D :D :D