مطلوب شراء فيلا شغل عدل مو تجاري... ابي استقر فيها

[ام حمودي]

السلام عليكم و رحمة الله
مطلوب شراء فيلا لسكن بس ياليت يا جماعة بليز ابي شغل عدل
ترى مريت على عدد كبير من الفلل الشغل التجاري واضح فيها
بصراحة ما ودي آخذ بيت بمبلغ و قدره و احط فوقه بعد حق تصليح
صحيح التاجر وده يربح و باسرع طريقة و اقلها تكلفة
لكن تقوى الله يا جماعة .. نسكن في بيت و عقب سنتين يطيح علينا ما يجوز
انا جادة في الشراء اليوم قبل باجر و عن طريق احد المصارف

ابي فيلا في احد المناطق التالية بترتيب الافضلية:
بو هامور
الهلال
المعمورة
دحيل
الخريطيات
زغوى
الدفنة
عين خالد

بالمواصفات التالية:


4 الى 5 غرف و اذا اكثر ممتاز
مساحة بناء 400 فاكثر (اقل من جذي مستحيل ما ينقعد في البيت)
ضروري غرفة بحمامها في الطابق الارضي و يفضل غرفتين
ملاحق للخدم و السايق
تشطيب جيد اقل تقدير
حدود السعر مليون و نصف اقصى حد و كلما كان اقل بيكون افضل لي و افضل لعمولة السمسار
( ماعدني مشكلة لو البيت مستعمل بس مو اكثر من عمر 4 سنوات )
شرط المعاينة في كل الاحوال


لا تقولون مواصفاتج خيالية ادري لو ادور زين القى
بصراحة مواصفاتي مو خيالية :con2:
مواصفاتي مواصفات فيلا عادية لسكن عائلة قطرية لا اكثر

يسعدني جدا الحصول على عروض بمواصفاتي
و انا بانتظاركم

[دولـة قطـر]

السلام عليكم

الله يوفقك اختي ... بصراحه انتي وضعتي النقاط على الحروف

فعلا الفلل المعروضه للبيع هالايام ...تجاريه بحته

والاسعار...ربحيه اكثر من مستوى الضمير

من فتره دخلت فله 600 المساحه

6 غرف...لكن المهندس مادري شو مخبص داخل الفيلا....حسيت نفسي داخل بيوت الدوحه الجديده

او فريج عبدالعزيز

الله يوفقج انشالله....

[ام حمودي]

الله يجزيك خير
فرصة حلوة تضمنلي ان البيت على الاقل موتجاري
اذا كان واحد بانيه لنفسه و لسبب من الاسباب يبي يبيعه

[دولـة قطـر]

اختي في بيت في عين خالد

خلف بنك الدوحه

التشطيب بصراحه وايد عجبني....وشرح الصراحه

بس راعيه طالب فيه مليون وثمانميه المساحه 450

اذا ودك بعطيك رقم المكتب اللي وصلني له

والله يوفق...

[hussainy]

السلام عليكم


في فيلا بالمعمورة مساحته تقريبا 600 متر جديده في ه6 غرف غير الملاحق وحوش كبير

مطلوب فيه 2 مليون 350 ألف

[bo sltan]

في مقاولين شغلهم ماعليه كلام وفللهم تنعرض للبيع والناس تشتري وهي مغمضه قطريين معروفين اكثر فللهم في الخريطيات وازغوه والخيسه اسأل عنهم....وبالتوفيق

[ام حمودي]

دولة قطر مشكور
عطني الرقم مع ان السعر فوق المطلوب
اخواني حددت السعر في الموضوع
مو اكثر من مليون و نصف مبلغ كبير علي

[ام حمودي]

بو سلطان عطني اسماء محددة

[دولـة قطـر]

4426006
وبالتوفيق

انا حاولت فيه على مليون وسبعميه ...هاي ... ببيع موتري عشان اخذه مارضى
وشوي سلف يمين يسار خخخخخخخخخخخ الله يرحمنا برحمته

[bo_hamad]

حدود السعر مليون و نصف اقصى حد ؟ وتبين بنيان غير تجاري.

بالتوفيق أن شاء الله

[ام حمودي]

موجود يا بوحمد .. لقيت و راح علي للاسف
شكرا دولة قطر على التعاون

[بنت الدوحه]

فيلا
475 المساحه
4 غرف +مجلس + مطعم + مطبخ + حمامين عزك الله وباب بيدخل سياره مع حوش مناسب
عمرها 5 سنين


موقعها في معيذر الشمالي والسعر مليون و300



وفيه فيلا ثانيه 5 غرف 4 فوق ووحده تحت وصاله ومجلس وحمامين وملحق الملحق غرفه وحمام الله يكرمكم
مساحتها 509
ومطلوب مليون و600

[bo_hamad]

أنا أدري انج بتحصلين أكيد فيلا أرضية أو بيت شعبي أو فيلا دورين مستعملة بمساحة صغيرة ما تزيد عن 500 متر وفيلا تجارية بحته ولكن أنا أتمنى لج التوفيق في نفس الوقت يا ام حمود وتحيااتي

[TanGo]

ام حمودي

ماعليج من الكلام انشاء الله بتحصلين في واايد ناس شايفين خير وعندهم ذمه وضمير واللي نيته صادقه الله يعطيه على قد نيته
الله يرزقج ويرزقنا على قد النيه

[بوخــــالد]

السلام عليكم


في فيلا بالمعمورة مساحته تقريبا 600 متر جديده في ه6 غرف غير الملاحق وحوش كبير

مطلوب فيه 2 مليون 350 ألف
أخوي عطيني الرقم .. ودي اشوف الفيلا

[وجه الخير]

عندي فيلا عظم في الخريطيات انتي شطبيها على كيفج مساحة 525 م2 8 غرف نوم ومجلس خارجي

[ام حمودي]

قطعة سكر كيف اتواصل وياك؟
وجه الخير عجبني العرض بعد ابي التفاصيل

[ام حمودي]

وجه الخير ابي التفاصيل
قطعة سكر كيف اتواصل وياك؟

[لاموشي]

بالتوفيق

[بنت الدوحه]

ام حمودي شيكي الخاص اختي

[أبو خالد]

أخت ام حمودي موجود طلبك بإذن الله
طرشيلي رقمك على الخاص و تشوفي اللي عندي
إن شاء الله يعجبك

[ام حمودي]

بو خالد اشتراكي جديد ما يسمحلي بالمراسلة
ارسلي التفاصيل

[وجه الخير]

ارسلت لج رقم تلفون المكتب و الجوال

[TanGo]

بالتوفيق انشاء الله

[ام حمودي]

بو خالد اشتراكي ما يسمحلي بارسال رسايل خاصه