المخلب
05-07-2007, 01:07 AM
السلام عليكم
موضوعي اليوم شامل ..
لحد يقول شكلك بتتكلم عن الشركه الفلانيه وبتنسى الشركه العلانيه ..
لا يخوي .. الموضوع للكل .. شامل شركات قطر كلها ..
من أصغر شركه !
لين .. أكبر شركة في دولتنا الحبيبه .. !
يمكن أختلف مع ناس .. ويمكن أتفق مع بعض الناس ..
لكن يبقى الهدف الاساسي من الموضوع هو أني اسمع الجواب الشافي منكم والنقاش البناء من الجميع .
بداية الكل سمع تصريح وزير الخارجيه ( سابقا ) رئيس الوزراء حالياً حمد بن جاسم حينما قال بفم مليئ تسبقها حرقه في قلبه ( او الي نسميه بالقطري شايل عليهم !! - غضبان - ) : " خلنا بالأول نشوف خط سريع مثل الناس " .
وكانت نبره صوته تبين كيف ان المشاريع الي المفروض انها تخلص ( بالنسبه للشوارع ) لم يتم الانتهاء منها حتى يومنا هذا ..
وأكبر دليل خط سلوى الي آخر المطاف أستقروا على ان يقسمونه على 10 شركات علشان يخلص ! ..
هنا نجي نسأل سؤال ! ..
يمكن يكون سؤال تافه ! ولكن ترى معناه كبير جدا !! ..
هل مريت يوم من أيام حياتك ( خلال السنه ) على شارع من شوارع قطر وماشفت عمال يشتغلون عليه ؟
طيب شالاسباب ؟؟
والله تبون الصدق مافي أي مبرر !! ..
بالله عليكم نجي من نقطه الصفر ! ..
الدوحه وهي الدوحه ( عاصمه بلادنا قطر ) مافيها بنيه تحتيه وتوهم خلال السنتين الماضيتين بدأوا في تمديد البيبات للمجاري والصرف الصحي والماء وغيرها ..
حلو .. حلو
طيب دام ان ندري ان عندنا مشكله مثل هذي المشكله الكبيره !! ليش ما بدينا بهذي الحركه من قبل ! ( قبل ما تبتدي البيوت تطلع وتعمر ) قبل لا نحط الزفلت ! ..
نعطيكم مثال بسيط : في دول مجاوره .. تجي تشرط عليها الدوله ! وقبل الدوله المواطن ! ان ما يشتري الارض من المعرض الفلاني ( او المكتب ) الا تكون مخططه ! علشان ما تقص الارض الدوله ! وانها تكون فيها مجاري ! علشان ما يحفرون بالمستقبل للبيت ويمددون له ! .. فيها كهرب ! علشان ما يحفرون ويبهدلون الشارع ! .. فيها ماي ! علشان ما يحتاج الا توصيل البيت فقط !! فيها تلفون ! علشان ما تجيك شركات الاتصالات وتزعل لين صار مكان بيبت التلفون بيب كهرب وله ماي ! وبكل تأكيد شوارع مرصوفه وفيها اناره !! ..
طبعا ناهيك عن الحديقه والمسجد وكفتيريا للفريج وملاعب وغيرها من أمور .. وتقسيمتهم حلوه ويبيعونها كمخططات ( أحياء سكنيه ) .
اما تجي عندنا هنا .. يبيعك الارض قاحله ! .. بدون خدمات ! بدون ماي وكهرب ! بدون تلفون ! بدون شوارع أزفلت ! بدون أناره ! .. وبدون ملاعب ومسجد وكفتيريا وبقاله وغيرها من احتياجات للفريج وسكانه .
وان فكر حد يفتح له دكان من بيته قالوا ممنوع !! .. وان فكر أن يبني لازم يخرب الشارع ويحفر فيه ويبهدل الطريق علشان يمد بيباته من أول الشارع لين آخره وله من جاره ! ..
طيب ليش كل هل العباله ؟؟
حلاتها تشرط عليهم البلديه ! او أشغال ! .. ان الخدمات تكون قبل كل شئ !! .. ثم يتم بيع الاراضي ! ..
بعدين تعال .. أشغال الي تنفذ مشاريعها على الورق دايما وتنسى نفسها على الواقع ! ..
شمشكلتها مع المطر ؟ شمشكلتها مع الازفلت ؟ شمشكلتها مع ضيق الشوارع ؟ شمشكلتها مع الكل ؟
الكل يتشكى منها ! .. وهي تصرخ بأعلى صوت أنها مو الغلطانه وانها على حق ! ..
زين خلنا نفكر فيها شوي ! ..
يا أشغال جاوبي بصراحه (( والله وحولناك مؤنث )) ..
ليش الشارع بعد ما تزلفتونه تكسرونه ! , وبعد ما تكسرونه تحطون البيبات الخاصه بالصرف الصحي والماي والكهر ! ثم تدفنون ! وان جاء شهر 10 وفوق جيتوا حفرتوا الشارع من أوله لين آخره بسبب المطر الي هب على البلد والشوارع تنترس مياها وتضطرون تسحبون الماي بتناكر ! يعني معقوله ما كان عندكم خبر ان قطر يطيح فيها مطر ؟؟ تناقضات عجيبه ! ..
نجي لموضوع الازفلت ! .. ليش يا أشغال أزفلتكم درجة ثانيه !! .. ندري ان مثل ماصرح الوزير العطيه أن المشكله في الازفلت لان بترول قطر مافيه ترسبات كثيره ! .. لكن هذا مايمنع ان نستورد من الخارج أزفلت ! .. على الاقل علشان الشوارع الرئيسيه !! ..
والله الواحد قام يستحي ان جاه واحد من برع قطر وسألنا عن سبب الرجه في الشوارع ! وله الحفر الي تجي بعد المطر !!! يعني شتبون يكون الرد عليه !! .. ( مافي غير الابتسامه الخجوله ! او تغير الموضوع ! ) ..
ان عدينا هذا وذاك .. شبيكون ردكم على ضيق الشوارع ؟؟
شوارع قطر ضيقه لا تناسب حجم الدوله ! ولا تناسب وتواكب التطور الي يصيد قطر ولا تماشي الزمن ! .. كانهم مسوين الشوارع لـ 3 سنوات فقط ! .. طيب ليش ؟ هل في مشكله مع الناس ؟؟ وله هل في مشكله منكم انتوا وله من المهندسين ؟ ما أتوقع بيكون عندكم رد مقنع ! .. ومب خساره ان سمونا بلد الملون حفره ! .. وأحلى تصريح لكم .. يوم شخص قال : السبب في انواعج الشوارع السيارات ! والشاحنات ! وليس نحن ..
نجي لموضوع الرصفان ( الجزيره الي بنص ) والله عيب ! .. رصيف كبير وشارع بوخطين ! ..
الجماليات مطلوبه ! .. لكن ان كانت على حساب الناس ترى مالها داعي ! ..
الكورنيش على سبيل المثال ! .. حادث بسيط ( مثل ما صار اليوم ) يوقف السيارات كلها ! ..
والسبب عدم وجود مخارج طوارئ من خلال الرصيف العالي ! .. وغير كذا الشوارع العاديه تجبلك الهم ! .. ضيقه ومافيها مجال للمشي ! .. وأكره شئ لين صادك موقع وكان قدامك واحد ويمشي 30 وانت تمشي 100 ! ويبي يبعد لك ! ما يقدر والسبب ان شاحنه تمشي نفس سرعته وانت مسرع ! .. مايصير هل الكلام ! .. والغريبه ان يتم تسميته شارع رئيسي - دائري - اي شخص من خارج قطر يضحك علينا ! ..
فياريت اشغال ما تمسك مشاريع مو قادره عليها ! وله على الاقل توصل لموعد معين وتضبطه وليس فقط ترقيع علشان الفلوس !! ..
طبعا هذا الجزء فقط لأشغال .. وسنلحقه قريبا بالجزء الثاني ..
للكلام بقيه .. ولكن على أجزاء ..
نشوفكم على خير ..
موضوعي اليوم شامل ..
لحد يقول شكلك بتتكلم عن الشركه الفلانيه وبتنسى الشركه العلانيه ..
لا يخوي .. الموضوع للكل .. شامل شركات قطر كلها ..
من أصغر شركه !
لين .. أكبر شركة في دولتنا الحبيبه .. !
يمكن أختلف مع ناس .. ويمكن أتفق مع بعض الناس ..
لكن يبقى الهدف الاساسي من الموضوع هو أني اسمع الجواب الشافي منكم والنقاش البناء من الجميع .
بداية الكل سمع تصريح وزير الخارجيه ( سابقا ) رئيس الوزراء حالياً حمد بن جاسم حينما قال بفم مليئ تسبقها حرقه في قلبه ( او الي نسميه بالقطري شايل عليهم !! - غضبان - ) : " خلنا بالأول نشوف خط سريع مثل الناس " .
وكانت نبره صوته تبين كيف ان المشاريع الي المفروض انها تخلص ( بالنسبه للشوارع ) لم يتم الانتهاء منها حتى يومنا هذا ..
وأكبر دليل خط سلوى الي آخر المطاف أستقروا على ان يقسمونه على 10 شركات علشان يخلص ! ..
هنا نجي نسأل سؤال ! ..
يمكن يكون سؤال تافه ! ولكن ترى معناه كبير جدا !! ..
هل مريت يوم من أيام حياتك ( خلال السنه ) على شارع من شوارع قطر وماشفت عمال يشتغلون عليه ؟
طيب شالاسباب ؟؟
والله تبون الصدق مافي أي مبرر !! ..
بالله عليكم نجي من نقطه الصفر ! ..
الدوحه وهي الدوحه ( عاصمه بلادنا قطر ) مافيها بنيه تحتيه وتوهم خلال السنتين الماضيتين بدأوا في تمديد البيبات للمجاري والصرف الصحي والماء وغيرها ..
حلو .. حلو
طيب دام ان ندري ان عندنا مشكله مثل هذي المشكله الكبيره !! ليش ما بدينا بهذي الحركه من قبل ! ( قبل ما تبتدي البيوت تطلع وتعمر ) قبل لا نحط الزفلت ! ..
نعطيكم مثال بسيط : في دول مجاوره .. تجي تشرط عليها الدوله ! وقبل الدوله المواطن ! ان ما يشتري الارض من المعرض الفلاني ( او المكتب ) الا تكون مخططه ! علشان ما تقص الارض الدوله ! وانها تكون فيها مجاري ! علشان ما يحفرون بالمستقبل للبيت ويمددون له ! .. فيها كهرب ! علشان ما يحفرون ويبهدلون الشارع ! .. فيها ماي ! علشان ما يحتاج الا توصيل البيت فقط !! فيها تلفون ! علشان ما تجيك شركات الاتصالات وتزعل لين صار مكان بيبت التلفون بيب كهرب وله ماي ! وبكل تأكيد شوارع مرصوفه وفيها اناره !! ..
طبعا ناهيك عن الحديقه والمسجد وكفتيريا للفريج وملاعب وغيرها من أمور .. وتقسيمتهم حلوه ويبيعونها كمخططات ( أحياء سكنيه ) .
اما تجي عندنا هنا .. يبيعك الارض قاحله ! .. بدون خدمات ! بدون ماي وكهرب ! بدون تلفون ! بدون شوارع أزفلت ! بدون أناره ! .. وبدون ملاعب ومسجد وكفتيريا وبقاله وغيرها من احتياجات للفريج وسكانه .
وان فكر حد يفتح له دكان من بيته قالوا ممنوع !! .. وان فكر أن يبني لازم يخرب الشارع ويحفر فيه ويبهدل الطريق علشان يمد بيباته من أول الشارع لين آخره وله من جاره ! ..
طيب ليش كل هل العباله ؟؟
حلاتها تشرط عليهم البلديه ! او أشغال ! .. ان الخدمات تكون قبل كل شئ !! .. ثم يتم بيع الاراضي ! ..
بعدين تعال .. أشغال الي تنفذ مشاريعها على الورق دايما وتنسى نفسها على الواقع ! ..
شمشكلتها مع المطر ؟ شمشكلتها مع الازفلت ؟ شمشكلتها مع ضيق الشوارع ؟ شمشكلتها مع الكل ؟
الكل يتشكى منها ! .. وهي تصرخ بأعلى صوت أنها مو الغلطانه وانها على حق ! ..
زين خلنا نفكر فيها شوي ! ..
يا أشغال جاوبي بصراحه (( والله وحولناك مؤنث )) ..
ليش الشارع بعد ما تزلفتونه تكسرونه ! , وبعد ما تكسرونه تحطون البيبات الخاصه بالصرف الصحي والماي والكهر ! ثم تدفنون ! وان جاء شهر 10 وفوق جيتوا حفرتوا الشارع من أوله لين آخره بسبب المطر الي هب على البلد والشوارع تنترس مياها وتضطرون تسحبون الماي بتناكر ! يعني معقوله ما كان عندكم خبر ان قطر يطيح فيها مطر ؟؟ تناقضات عجيبه ! ..
نجي لموضوع الازفلت ! .. ليش يا أشغال أزفلتكم درجة ثانيه !! .. ندري ان مثل ماصرح الوزير العطيه أن المشكله في الازفلت لان بترول قطر مافيه ترسبات كثيره ! .. لكن هذا مايمنع ان نستورد من الخارج أزفلت ! .. على الاقل علشان الشوارع الرئيسيه !! ..
والله الواحد قام يستحي ان جاه واحد من برع قطر وسألنا عن سبب الرجه في الشوارع ! وله الحفر الي تجي بعد المطر !!! يعني شتبون يكون الرد عليه !! .. ( مافي غير الابتسامه الخجوله ! او تغير الموضوع ! ) ..
ان عدينا هذا وذاك .. شبيكون ردكم على ضيق الشوارع ؟؟
شوارع قطر ضيقه لا تناسب حجم الدوله ! ولا تناسب وتواكب التطور الي يصيد قطر ولا تماشي الزمن ! .. كانهم مسوين الشوارع لـ 3 سنوات فقط ! .. طيب ليش ؟ هل في مشكله مع الناس ؟؟ وله هل في مشكله منكم انتوا وله من المهندسين ؟ ما أتوقع بيكون عندكم رد مقنع ! .. ومب خساره ان سمونا بلد الملون حفره ! .. وأحلى تصريح لكم .. يوم شخص قال : السبب في انواعج الشوارع السيارات ! والشاحنات ! وليس نحن ..
نجي لموضوع الرصفان ( الجزيره الي بنص ) والله عيب ! .. رصيف كبير وشارع بوخطين ! ..
الجماليات مطلوبه ! .. لكن ان كانت على حساب الناس ترى مالها داعي ! ..
الكورنيش على سبيل المثال ! .. حادث بسيط ( مثل ما صار اليوم ) يوقف السيارات كلها ! ..
والسبب عدم وجود مخارج طوارئ من خلال الرصيف العالي ! .. وغير كذا الشوارع العاديه تجبلك الهم ! .. ضيقه ومافيها مجال للمشي ! .. وأكره شئ لين صادك موقع وكان قدامك واحد ويمشي 30 وانت تمشي 100 ! ويبي يبعد لك ! ما يقدر والسبب ان شاحنه تمشي نفس سرعته وانت مسرع ! .. مايصير هل الكلام ! .. والغريبه ان يتم تسميته شارع رئيسي - دائري - اي شخص من خارج قطر يضحك علينا ! ..
فياريت اشغال ما تمسك مشاريع مو قادره عليها ! وله على الاقل توصل لموعد معين وتضبطه وليس فقط ترقيع علشان الفلوس !! ..
طبعا هذا الجزء فقط لأشغال .. وسنلحقه قريبا بالجزء الثاني ..
للكلام بقيه .. ولكن على أجزاء ..
نشوفكم على خير ..