عندي سؤال ممكن ....؟

[الدوحه 2007]

هل المتاجرة بالسيارات من بيع و شرا مربحه وتسوا تعبها

[زعيم البورصة]

الصراحه يا خوي سوق السيارات فيه النصب والاحتيال وحاسب على حسب الي الله ميسره لك

[الدوحه 2007]

مشكور اخوي (((( زعيم البورصه )))) على الرد

[مرحوم قطر]

هلا الغالي

اول شي ارد على اسالتك

بخصوص انها مريحه انا اقولك لا ابد مب مريحه

وبخصوص انها تستاهل التعني اي تستاهل و لله الحمد و المنه

و مثل ماقالت ان فيها النصب و الاحتيال بس انت خاف الله في الناس

والله يوفقك انشالله

[bo sltan]

بالتوفيق اخوي

[ابوعزوز6]

هلا اخوي الدخول بالشغله انا اشوفه شغله خطره لانه السوق فيه نصابين اكثار لازم اتكون عندك خبره اكيده في السيارات عشان تتفادى العيبهم فتخيل مثلا ان اغلبيت المعارض الموجوده في الدوحه العاملين فيها اغلبيتهم من جنسيه عربيه معروفه وكلهم تربطهم ببعض صلت قرابه ممايجلعم يتعاونون على البائع او المشتري بالحيله والخداع وهمهم دخول الفلوس جيوبهم وبس وهذ من واقع الواقع

[الدوحه 2007]

مشكورين على المرور و التوضيح


ويعطيكم العافيه

[هداف]

التجاره انواع واشكال ولكل تجاره اهلها وناسها العارفين فيها

وبما انك تجهل هذه التجاره انصحك با الابتعاد عن كل ماهو مجهول لان ضريبة التعلم قاسيه
وعلى ما قالوا كل طراااااق بتعلوومه

[علـــي]

اخوي اذا بتفتح معرض فيها ربح اما اذا بتبيع وتشتري ماتستاهل تعبها

[alwahesh]

اخوي الكريم انا اقول لك توكل على الله واشتر وبيع وباذن الله ربي يبارك لك وفي فلوسك


واقول لك نعم انها تجاره مربحه ومربحه ولكن بحذر لا تجارة السيارات ينطبق عليها مثل (((مصايب قوما عند قوما فوائد ))) مب تروح المعارض ويقصون عليك خلاص اذا السياره وصلت المعارض راحت حلاوتها مثل ما يقولون ولا ما كار رماها راعي المعرض


ابدء بأقل سعر وسجل كل سياره تبيعها وكم مربحها عشان الزكاة واخر السنه تعرف كم ربحت او خسرت ...


توكل على الله بس نصيحه لا تسوي مثل اخونا مستثمر مقرود وتشتري سيارات غاليه واذا توهقت من الديون تعقد تترجى الناس ارجوكم تعالو اشترو سياراتي ...

خلك على ابو 20 الف او تحت ال 50 الف انت بخير

[الدوحه 2007]

مشكوررين و ما قصرتوا على النصايح الغاليه

بس الصراحه من كلامكم حسيت الموضوع مب سهل

ويعطيكم العافيه