المساعد الشخصي الرقمي

مشاهدة النسخة كاملة : أفضل فنادق ميونخ


جوري قطر
05-07-2007, 09:54 AM
مرحبا الراقيه انشالله مسافره اخر شهر 7 لميونخ وماحصلت سكن الا في فندق الماريوت حبيت اسئل هل هو قريب من المارين بلاتز ( سوق المشاه ) واقدر اروح له مشي مثل المريدين والسوفيتيل .لا هذول الفندقين قريببين من السوق. اتمنى اتردي علي باسرع وقت
وشكرا
إنتعاش
05-07-2007, 11:42 AM
اختي ارجو منك الاتصال قبل كل شي بمكتب حجوزات شركة ستار وود
اللي تابع لها الشيراتون والمريديان قبل كل شي
عشان تتأكدين من نفسك هل يوجد حجز ام لا
هذا رقمهم الساخن : 4368877

لان يمكن المكاتب السياحية ما عندهم غرف
======================

اما بخصوص
فندق الماريوت بعيد عن المارين بالاتس لانه يقع فى اخر الليبولد شارع كله قهاوى
تقريبا 7 كيلو

لكن فيه ماريوت ثاني يمكن هو اللي تقصدينه
http://www.marriott.com/hotels/travel/muccy-courtyard-munich-city-center/

خمس دقائق من الميرديان,قريب من محطه القطار ( ستاندر روم + استديو)موقع قيريب من سوق الاتراك

--------------



الخيارات القريبة من المارين بلاتس :

- غير المريديان والسوفتيل -



5 نجوم :

- Mandarin Oriental, Munich

- كمبنسكي
Kempinski Hotel Vier Jahreszeiten Munich

- Konigshof Hotel


-Mercure Munchen Altstadt


- Holiday Inn Munich City Centre
يبعد تقريبا كيلو او اقل شوى من المارين بلاتس ويوجد تحت الفندق سوبرماركت وحطة ادرقراوند
بن درهم
05-07-2007, 07:56 PM
اخوي انا رايح والصراحة ماحصلت فندق المرديان وابي فندق قريب منة يعني جنب السوق والمارين بلاترس وشو غيرة يكمن قريب وبالنسبة لي السفوتيل كم سعرة وهو قريب من المارين بلاترس يعني من الستي سنتر وشاكر لك اخوي انتعاش
إنتعاش
06-07-2007, 01:37 AM
هلا بك اخوي

كتبت لكم اسماء الفنادق اللي بنفس منطقة المارين بلاتز اللي هي الساحة الشهيرة


وشيكت على مواقعها الرسمية ولقيت الاسعار كالاتي :


1- المندرين
Mandarin Oriental, Munich

http://www.mandarinoriental.com/hotel/525000001.asp

الغرفه بـ 460 يورو
يعني 2300 ريال



2- كمبنسكي هوتيل
Kempinski Hotel Vier Jahreszeiten Munich
http://www.kempinski-vierjahreszeiten.de/en/hotel/index.htm?folding=1

220 يورو
1100 ريال


3- ميركور اشوف سعره زوين ومكانه بعد زين
Mercure Hotel Muenchen City Center

http://www.mercure.com/mercure/fichehotel/gb/mer/0878/fiche_hotel.shtml

سعره يتراوح ما بين 90 يورو إلى 120 يورو

يعني ما بين 450 ريال إلى 600 ريال لليلة


4- الهوليدي ان بعد سعره حليو وتقريبا كيلو ونص عن المريديان
Holiday Inn
MUNICH CITY CENTRE

http://www.ichotelsgroup.com/h/d/hi/1/en/hotel/muchb?rpb=hotel&crUrl=/h/d/hi/1/en/hotelsearchresults

تقريبا 180 يورو يعني 900 ريال


5- السوفتيل زين تراه ولقيت فيه حجز بموقعه الرسمي
وهو مجابل المريديان موووووووول

Sofitel Munich Bayerpost

http://www.sofitel.com/sofitel/fichehotel/gb/sof/5413/fiche_hotel.shtml


السعر بالموقع الرسمي


140 يورو

يعني 700 ريال فقط
إنتعاش
06-07-2007, 01:38 AM
هذا فقط اكبر دليل جدامكم

في اهمية وافضلية الحجوزات والغرف المتاحة

من المواقع الرسمية للفنادق

افضل من المكاتب السياحية المتخلفة عندنا
ســـهم
06-07-2007, 02:26 AM
إنتعاش


نبي باريس

من قيمة رفع الايجار:dance
جريح الايام
06-07-2007, 03:30 AM
انا بصراحه رايح ميونخ في بدايه شهر اغسطس وحجزت في فندق السوفتيل وعلى هو قريب من المريديان مول وان شاء الله نلتقي في ميونخ
قطر
06-07-2007, 09:26 AM
انتعاش يعطيك العافيه

بس هوليدي ان

وكمبنسكي

بعيدين عن المارين
يعني يبيلهم سياره

مااعتقد مشي
أمير المحبه
06-07-2007, 09:29 AM
مشكور اخوي انتعاش على التوضيح والجهد اخوي المريديان مول الي ذكرتة نفس فندق لي مرديان في المارين بلاترس الي ذكرتة الاخت الراقية مع صورتة يعني السفوتيل جنبة وتسلم واسفين على الازعاج

تحياتيييييييييييي
سهم طايش
06-07-2007, 01:06 PM
هذا فقط اكبر دليل جدامكم

في اهمية وافضلية الحجوزات والغرف المتاحة

من المواقع الرسمية للفنادق

افضل من المكاتب السياحية المتخلفة عندنا

كلامك صحيح اخوي انتعاش الحجز عن طريق الموقع الرسمي للفندق افضل من جميع النواحي و مؤكد و حتى بالنسبة للغرف تكون افضل من الغرف اللي تنحجز عن طريق المكاتب السياحية 0
لأن الفنادق تخصص اتعس الغرف في الفندق للمكاتب السياحية
إنتعاش
06-07-2007, 11:39 PM
حرام عليك يا قطر


الكمبنسكي بعيد !!

عيل شنو القريب !


حرام عليك ياخي يمكن انت ملخبط

الكمبنسكي ياخي في الماكسميليان ستريت - شارع الماركات -

ابد يعني مشي ولا 5 دقايق الا انت في المارين بلاتز

لكن الهوليدي ترا فيه اكثر من واحد ياخوك

وهذا هو اللي بقلب المدينة اسمه

Holiday Inn
MUNICH CITY CENTRE



طبعا المعروف والمتعارف عليه لاهل الخليج يبون يا المريديان يا سوفتيل

السوفتيل لقيت فيه غرف موجوده بالموقع الرسمي

يعني يا شباب اللي يبي فندق قريب عنده هالاثنين يحاول فيهم

المريديان يتصل على الرقم 4368877

والسوفتيل موجود الوب سايت ماله تلقونه بالمشاركه فوق


وانا عن نفسي الصراحه لا اسكن في هذا ولا واحد من المكتوب اسمهم فوق

اسكن في مكان صاد اكثر لان الاهل وياي

ارابيلا شيراتون جراند هوتيل

يبعد حوالي 5 كيلو عن هالزحمه

يكفيك في الفندق الله يسلمك قنوات قطر والجزيرة ودبي وابوظبي والعربية

ههههههههههههه
قطر
07-07-2007, 07:08 PM
:looking:

انتعاش لا ماني بغلطان

انا كنت ساكن في كمبنسكي
واعرف شارع المكاسمليان عدل مدل

لكن ماقد جرب مشي لين المارين

كل بالسياره واحسه بعيد :looking:


والهوليدي ان هذا اللي اقصده اللي جنبه الهلتون بعد مقابلين بعض
وقريب من الحديقه اللي مثل الهايدبارك من تجمع العرب فيها :o

ومستواه مب شي بصراحه الغرف وايد صغيره وخدمتهم تعيسه
رحت زياره وقلت خل اشوف

بصراحه مافي ارقى وارتب من المريديان


بس انا اقولك مشي ماجربت بصراحه من كمبنسكي لين المارين.


بس تعال سمعت ان اربيلا شيرتون بدون تكييف ؟؟؟صج؟
بن درهم
07-07-2007, 07:23 PM
اخوي انتعاش ابي انشدك ماعليك امر فندق الهيلتون بارك جنب المريديان يعني في قلب المارينا بلاترز وفندق هوليدين سيتي ميونخ كم يبعد عن المارينا يصلح حق عائيلة قريب من الاسواق والمطاعم وتسلم اخوي

تحياتيييييي
بن درهم
08-07-2007, 04:06 PM
وينك يا انتعاش قدامك استفسارات وانت راعيها
إنتعاش
08-07-2007, 05:07 PM
اخوي قطر ترا في ميونخ موجود حوالي 4 او 3 فنادق كلها اسمها - ارابيلا شيراتون -
لكن يفرق اخر اسم بس . .
وانا اقصد - جراند -
ArabellaSheraton Grand Hotel München

وفيه مكيفات وشحلاته ولا فيه عيب
حتى قدامه على طول من غير سيارة يعني من باب اللوبي
تعبر الشارع الفرعي اللي قدامك قدامك مجمع الشيراتون تبعهم
فيه شقق وفيه محلات ومخابز ومكتبات ومطاعم
يعني وناسة الصراحه
واهم مميزات اشوفها في هالفندق :
1- بعيد عن المارين بلاتز حول الظاهر 4 كيلو لأني ابي مكان صاد عن حشرة الخليجيين ( الهيلق )
2- اللوبي كبير و وناسة
3- كله كله خليجيين عوايل خصوصا والله ان الاجنبي في اللوبي تلقاه مثل الغريب من كثر اهل الامارات وقطر هههههههههههههه
4- لوبي الفطور رائع جدا
5- معاملة الفندق تحسهم ياخي مسوينه للخليجي وبس انت ملك هناك
6- جدامه سوبرماركت كبير وصيدلية و صراف الي و مخابز ومطاعم وحلاق تابع للشيراتون يعني زي المجمع المتوسط للعوايل
7- قنوات الخليج في التلفزيون بالفندق يعني عندك قطر وابوظبي و دبي والجزيرة والعربية
8- الغرف مستواها حلو ومش بطال اطلاقا
9- تحت عندك مكتب سيكست لتأجير السيارات يعني ما تنقطع عن شي




اخوي بن درهم هلا فيك :

هوليدي ان ستي سنتر ميونخ يبعد عن فندق السوفتيل والمريديان حوالي كيلو ونص فقط
عن قلب المدينة - المارين بلاتز -



لكن بالنسبة للهيلتون انتبه :
هناك فندقين هيلتون:


Hilton Munich Park hotel
هيلتون ميونخ بارك

يبعد حوالي 5 كيلو عن قلب المدينة



وهناك هيلتون اخر

اسمه :

Hilton Munich City
هيلتون ميونخ ستي

ويبعد عن قلب المدينة حوالي 3كيلو

=============


السوفتيل يبعد : 1.5 كيلو عن الساحة
المريديان يبعد : 1.7 كيلو عن المارين بلاتز
ميركور هوتيل : يبعد 1.7 كيلو عن المارين بلاتز
مندرين هوتيل يبعد : 600 متر فقط عن المارين بلاتز
الكمبنسكي يبعد : 600 متر فقط عن المارين بلاتز
اللي على قولت قطر يقول بعيد هههههههه طلعت كسول يا قطر


وياشباب اللي يبي يبحث عن المنطقة اللي هي الساحة المعروفة بالمارين بلاتز

اسمها بالانجليزي :

Marienplatz
إنتعاش
08-07-2007, 05:12 PM
وللفائدة اكثر

عندي رقمين لعرب مناك يمكن تشوفونهم يدبرون لكم فندق او شقق قريبه بأسعار جيده

بعد الاذن من المشرفين والاداره


ام ماهر : 4369918675904+

سعيد حافظ : 491729265365+


وللامانه انا ماخذ ارقامهم من واحد من الربع ولا جربت اتصل عليهم لكن حاطهم احتياط لا اكثر
أمير المحبه
09-07-2007, 10:21 AM
اخوي انا محصلت حجز الافي الكنمبنسكي والهوليدن سيتي سنتر تنصحني بوشو الغالي الشباب اقولون الهوليدن احسن وارخص والثاني غالي ومايسواة ممكن تنصحني الغالي
إنتعاش
09-07-2007, 11:27 AM
والله اخوي يعتمد على الرغبة الشخصية
وانصحك تخلي السفريات تولي اللي بقطر
وتتصل على الفندق مباشرة تشوف
كان لك خاطر في فندق معين لكن
ما لقيت حجز تشوف الفندق نفسه تلقا عنده غرف
وتتصل عليهم تلفون
ما يبون منك الا رقم الفيزا وتواريخ السكن والمغادرة


هاذي صور الغرف وانت احكم وبراحتك :


الهوليدي ان سيتي سنتر ميونخ

السعر بالليلة حول الـ 900 ريال

المسافة : حول 1.7 عن قلب المدينة

تلفون الفندق :
Hotel Front Desk: 0049-89-48030

صورة الغرفة

http://www.q6r.com/up/uploads/8a62f9af5f.jpg (http://www.q6r.com/up)


---------------------------------


2- الـ ميركور هوتيل
Mercure Hotel Muenchen City Center


يبعد عن قلب المدينة
1.7 كيلو

سعره بحدود الـ 450 إلى 600 ريال

تلفون الفندق :
Tel : (+49)89/551320

صورة الغرفة لميركور
http://www.q6r.com/up/uploads/5333753b7d.jpg (http://www.q6r.com/up)

======================


3- السوفتيل

Sofitel Munich Bayerpost

المسافه : 1.8 كيلو عن قلب المدينة

السعر حدود 700 ريال فقط

تلفون : Tel : (+49)89/599480

صورة الغرفه
http://www.sofitel.com/photos/5413u00.jpg

=====================

4- كمبنسكي
Hotel Vier Jahreszeiten Kempinski München

السعر بالليله حول 1100 ريال

المسافه فقط 600 م عن قلب المدينة

الرقم : Telefon: +49 89 2125 0

صورة الغرفه :
http://media.expedia.com/hotels/1000000/10000/6100/6047/6047_6_b.jpg
قطر
09-07-2007, 11:47 AM
اخوي قطر ترا في ميونخ موجود حوالي 4 او 3 فنادق كلها اسمها - ارابيلا شيراتون -
لكن يفرق اخر اسم بس . .
وانا اقصد - جراند -
ArabellaSheraton Grand Hotel München

وفيه مكيفات وشحلاته ولا فيه عيب
حتى قدامه على طول من غير سيارة يعني من باب اللوبي
تعبر الشارع الفرعي اللي قدامك قدامك مجمع الشيراتون تبعهم
فيه شقق وفيه محلات ومخابز ومكتبات ومطاعم
يعني وناسة الصراحه
واهم مميزات اشوفها في هالفندق :
1- بعيد عن المارين بلاتز حول الظاهر 4 كيلو لأني ابي مكان صاد عن حشرة الخليجيين ( الهيلق )
2- اللوبي كبير و وناسة
3- كله كله خليجيين عوايل خصوصا والله ان الاجنبي في اللوبي تلقاه مثل الغريب من كثر اهل الامارات وقطر هههههههههههههه
4- لوبي الفطور رائع جدا
5- معاملة الفندق تحسهم ياخي مسوينه للخليجي وبس انت ملك هناك
6- جدامه سوبرماركت كبير وصيدلية و صراف الي و مخابز ومطاعم وحلاق تابع للشيراتون يعني زي المجمع المتوسط للعوايل
7- قنوات الخليج في التلفزيون بالفندق يعني عندك قطر وابوظبي و دبي والجزيرة والعربية
8- الغرف مستواها حلو ومش بطال اطلاقا
9- تحت عندك مكتب سيكست لتأجير السيارات يعني ما تنقطع عن شي




السوفتيل يبعد : 1.5 كيلو عن الساحة
المريديان يبعد : 1.7 كيلو عن المارين بلاتز
ميركور هوتيل : يبعد 1.7 كيلو عن المارين بلاتز
مندرين هوتيل يبعد : 600 متر فقط عن المارين بلاتز
الكمبنسكي يبعد : 600 متر فقط عن المارين بلاتز
اللي على قولت قطر يقول بعيد هههههههه طلعت كسول يا قطر


وياشباب اللي يبي يبحث عن المنطقة اللي هي الساحة المعروفة بالمارين بلاتز

اسمها بالانجليزي :

Marienplatz


انتعاش انا اعرف اربيلا شريتون الثاني وغير عن اللي اتقول عنه


اما بخصوص المارين وبعده وقربه هو ياانت مغلط

او ياانا ماادل الطريق اللي انت اتقول ان الكمبنسكي اقرب من الليميريديان :court:


اخبر انزل من اللي ميريديان امشي اقل من 5 دقايق الا انا واصل المارين

امر على المطاعم وعلى سي اند اي
وعقبه كوف هوف على الزاويه وخلاص نعبر وهذا احنا في المارين


اما كمبنسكي قريب ،، اخاف انك تقصد مجمع المحلات اللي فيه كوفي شوب ارماني :looking:

ولكن اكيد انت ادرى مني في المناطق لاني مااحب المشي وايد واطلع برع ميونخ مااقعد فيها :strong
وســـيـــط
09-07-2007, 12:48 PM
Hilton Munich City
هيلتون ميونخ ستي

اقل من 3 كيلو متر...

ومسافة حلوه للمشى ..خصوصا ً إن الجو رهيب...!

تسلم إنتعاش...
فلوه
09-07-2007, 02:50 PM
أنا بصراحــــــه ماسكـن الا في
ArabellaSheraton Grand Hotel München

أرتاااح فيه أكثر ولو انه ابعيد ...عن ال marienplatz بس ناخذ المترو اللي جنب الشرتون ..وتغريباً 7 محطات احنا في محطة السوق
وحتى حديقة الزهور بوقا بالمترو مافي شي بعـــيد((((دعاااايه)))
جوري قطر
09-07-2007, 09:24 PM
السلااام عليكم..
ممكن استفسر عن هلتون بارك..ووين موقعة في ميونخ؟؟
اخااف احجز فيه ويطلع بعييد عن المارين بلاتس..
بلييييز ردوا علي بسررررررررعة لان السفرياات ينطر مني الرد....
بن درهم
09-07-2007, 09:30 PM
اخوي ابي انشدك عن فندق ريجزت ميونخ سيتي سنتر اهو قريب من المارينا
واسمحلنا على الازعاج اخوي انتعاش
gxr o.z
09-07-2007, 09:32 PM
Akoy Il Hilton Munich Park
Ana Sakant Feeh Wel Hotel Mumtaz
Wel Hotel Gareeb MIN ILCity Center Yani Fel Madina
We Feeh Hadiga Ganmb Il Hotel Isimha Touher Park Helwaaa
gxr o.z
09-07-2007, 09:52 PM
hilton munich park zein
بن درهم
09-07-2007, 11:05 PM
اختي احجزي في الهيلتون ستي اقرب من هيلتون بارك حق المارينا حسب كلام الهيلتون بارك انا كلامتهم في المانيا وتقدرين تاستفسيرن من رقمهم موجود في السايد مالهم
بن درهم
09-07-2007, 11:06 PM
للرفع
إنتعاش
09-07-2007, 11:08 PM
هلا بك اخوي بن درهم

والله يفداك الكذب حاولت ادور اسم مقارب ما حصلت

ياريت لو عندك الاسم بالانجليزي تعطيني اياه اكون لك شاكر
إنتعاش
09-07-2007, 11:22 PM
لقيت لكم فندق آخر

مكانه ممتاز يعتبر وسعره ايضا ممتاز


ميركور

ولكن يختلف عن المذكور اعلاه

هذا اسمه

Mercure Hotel Muenchen Altstadt

يبعد عن المارين بلاتز

500 متر فقط

سعر الليلة حوالي 550 ريال بدون افطار

للاتصال : Tel : (+49)89/232590

صورة الغرفه
http://www.q6r.com/up/uploads/4c265f96b9.jpg (http://www.q6r.com/up)
بـوصـالـح
09-07-2007, 11:57 PM
انتعااااش + قطر

يعطيكم العافيه على هالمعلومات



وبخصوص الحجوزات

ترى يالربع (( يمدحون موقع بوكنج )) شغل عدل

وفرق الاسعار (( شغل مب طبيعي ))

والمكاااتب عندنا (( بوق مب طبيعي ))

وبخصوص باريس

الي راحوااا باريس

(( ينصحونا بنفدق قريب من الشانز )) ويكون فندق محترم
أمير المحبه
10-07-2007, 07:22 AM
تسلم اخوي بس ماعليك امر تعرف سفريات تتعامل مع فندق Mercure Hotel Muenchen او ميروكور ميونخ ستي سنتر انا دورت ولا لقيت اي سفريات تتعامل مع هالفندقين ماحصلت اي مكتب يتعامل معاهم اذا عندكم معلومات لاتبخل علينا الغالي
حمد بن خالد
10-07-2007, 07:45 AM
انا ماقريت الردود

لكن افضل فندق سكنت فيه في ميونخ

الميريديان

وذلك لموقعه

:)

بس فندق نظيف وماعليه كلام صراحه

وتروح وترد بالسلامه
أمير المحبه
10-07-2007, 08:10 AM
الله يسلمك الغالي
إنتعاش
10-07-2007, 08:59 AM
تسلم اخوي بس ماعليك امر تعرف سفريات تتعامل مع فندق Mercure Hotel Muenchen او ميروكور ميونخ ستي سنتر انا دورت ولا لقيت اي سفريات تتعامل مع هالفندقين ماحصلت اي مكتب يتعامل معاهم اذا عندكم معلومات لاتبخل علينا الغالي


هلا فيك اخوي

انا شقول من الصبح فديت خشمك ؟

انا اقول هذا اسم الفندق وهذا موقعه وهذا سعره وهذا تلفونه

يعني مالي خص في سفريات قطر المتطورة هاذي بزود !

ان لقيت اسمه اخوي عند السفريات كان بها

وان ما لقيته اتصل عليكم دايركت بالتلفون

واحجز بنفسك

ويرسلون لك حجزك على الايميل مالك

تطبعه وخلاص


لكن اعتقد حسب ما اقرا في المنتدى ان المتحدة للسفريات احسن موظفة حجوزات فنادق عندهم

لكن مادري ما جربتهم

الحمدلله حجوزاتي بالانترنت ولا ابي غثا السفريات
بن درهم
10-07-2007, 08:08 PM
اخوي بالنسبة حق مطار ميونخ وش احسن توصيلة لين الفندق من المطار
وتسلم ولا يسلم ردي العزايم
ساره2007
10-07-2007, 09:22 PM
تسلم اخوي بس ماعليك امر تعرف سفريات تتعامل مع فندق Mercure Hotel Muenchen او ميروكور ميونخ ستي سنتر انا دورت ولا لقيت اي سفريات تتعامل مع هالفندقين ماحصلت اي مكتب يتعامل معاهم اذا عندكم معلومات لاتبخل علينا الغالي

مرحبـــــــا سفريات ريجنسي
اللي عند الشورى
بن درهم
10-07-2007, 10:58 PM
جيكت انا معاهم مايتعاملون معاة
حمد بن خالد
11-07-2007, 11:23 AM
لكن اعتقد حسب ما اقرا في المنتدى ان المتحدة للسفريات احسن موظفة حجوزات فنادق عندهم

لكن مادري ما جربتهم




اسمها بيرني (( احرقيني ) هههه

انتعاش

تعامل مع المتحدة

:)

:D
الراقية
11-07-2007, 04:15 PM
مرحبا الراقيه انشالله مسافره اخر شهر 7 لميونخ وماحصلت سكن الا في فندق الماريوت حبيت اسئل هل هو قريب من المارين بلاتز ( سوق المشاه ) واقدر اروح له مشي مثل المريدين والسوفيتيل .لا هذول الفندقين قريببين من السوق. اتمنى اتردي علي باسرع وقت
وشكرا
جوري يا بختك فزعوا لج اكبرها واسمنها في المنتدى

حبيبة قلبي اسمع من بنات خالتي ان فيه 2 ماريوت

اللي اعرفة بعيد عن المارين وما انصحك به

الثاني يقولون قريب من المارين ويمدحونة معظم الناس بس بالنسبة لي ما ادري عنه :looking:
بن درهم
11-07-2007, 06:44 PM
الاخت الراقية حبيت اسائلج عن فندق الرجنت سيتي سنتر كم يبعد عن المارينا

وشاكرلج
alkaabi
14-07-2007, 02:10 AM
الاخت الراقية حبيت اسائلج عن فندق الرجنت سيتي سنتر كم يبعد عن المارينا

وشاكرلج

كيلو ونص عن المارين

ونص كيلو عن محطة القطار الرئيسية

بس مانصحك فيه لانه بدون تكييف
بن درهم
14-07-2007, 02:26 PM
المشكلة ياالغالي ماعينت حجز الا فية وشاكر مداخلتك
alkaabi
15-07-2007, 08:18 AM
براحتك بس المكيف ضروري ...

واحيانا تمر عليك موجات حر
أمير المحبه
17-07-2007, 08:51 AM
حسب علمي انة اغلب فنادق ميونخ لاتوجد فيها مكيفات وشكرا