البنوك والتسهيلات العقارية....(موضوع نقاش ج

[دولـة قطـر]

بسم الله الرحمن الرحيم

آسف ياجماعة ليس من عادتي كتابة المواضيع لكن لفت انتباهي شي ممكن اكون على خطاء او على صواب...وارجوا التنويه

من فتره بسيطة تقدمت احد البنوك الوطنــــــية في الدولة بطرح خدمة تمويل بغرض الاجارة حيث ان البنك قد كان عرضه كالاتي:

35% يدفعها العميل و65% على البنك من قيمة أي عقار...وطبعا في الاتفاقية بنود

يتضمن بعضها...

- 70 % من قيمة التأجير تعود للبنك والمتبقي للعميل

- لايشترط ان يكون مقدم الطلب احد عملاء البنك

يعني لو نحسبها بلغة الارقام هي بهذي الطريقة عقار قيمتة مليون ...العميل يدفع 350 الف
والبنك يكمل 650 الف يقسط المبلغ الباقي على 20 سنة وبطريقة حسابيه معقدة

يقولك لابد ان لايقل الاجار عن 10000 آلاف ريال قطري 7000 آلاف ريال للبنك والباقي للعميل<<<طبعا المبلغ الباقي للعميل ..لان الفكره لارباح العميل اساسا<<ياعيني

ولو نضرب المده في المبلغ المدفوع...بعد 20 سنة اذا الله احيانا ..تكون قد سددت الدبل

أعتقد الكثير باستطاعتهم دفع ال35% من قيمة أي عقار لكن القليل اللي بيستحمل 20 سنة انتظار لكي يمتلك العقار او مابيقدر يسدد القسط

وطبعا مثل مانحن شايفين سوق العقار كيف ارتفع بطريقة غريبة دون حسيب او رقيب

الموضوع غريب ...وانا لحد الحين ماوصلت للغرض الرئيسي منه ...

يمكن راح تستغربون او ان الشي عادي....طبعا كل انسان وتحليله...وماكذب عليكم كثير من الاحيان ابالغ في وصف الشي ...وانشالله هالمره غير crazy

قرار من البنك المركزي بتخفيض تسهيلات القروض الشخصيه وتحجيم معدلها لدرجه

مبالغ فيها...

ياجماعه الخير...في عالم في البنوك ضرب سلفيات والسبب هالقرار..اللي ينقل من البنك لان الثاني بيعطي اكثر...وياعيني على بنك من البنوك في نفس الوقت سمع عن القرار انه راح يطبق نزل اقوى تسهيلات للقروض الشخصية في تاريخه وتاريخ الدوله

يعني اللي راتبة 8آلاف ..عادي توصل سلفته مليون وزود

خلونا نراجع الاخبار مع بعض ونحلل:

- قروض عقاره غريبه 35% وشغلات حلوه ...الكثير يقول آآخ عليها لو كانت من زمان.
- تسهيلات بنكية غريبه من بعض البنوك لجذب العملاء180ضعف الراتب وانقز.
- القرار الغريب اللي راح يطبق يوم الاحد الجاي الموافق 8/07/2007 تخفيض القروض الشخصيه الى 7 سنوات الحد الاقصى للسداد<<<يعني خراب بيوت.

وكل هالكلام ظهر في وقت واحد وفجأه ودون سابق انذار والحق ماتلحق وهيله يارمانه

اسف على التعبير لاني اشوفها من زاويه حاده جدا ...جدا

القرار اللي راح يطبق الاحد الجاي...من يقدر يقولي راح يخدم من ولا من .

من وجهة نظري لا أعتقد راح يخدم اي عميل او اي شخص على وجه التحديد

سواء كان ذوي دخل محدود او تاجر او هامور

الكل راح يتضرر من دون استثناء...وطبعا كل واحد وطبيعة وضعه الاقتصادي

خلوني اضرب مثال صحي بارز في يومنا هذا

موضوع الاجارات المرتفعة وارتفاع اسعار بيع العقارات ...الفلل والاراضي بوجه التحديد

نفرض ..العميل جنير راتبة 10000 ريال..متزوج من قريب ...طبعا ماخذ سلفة ...ولاتنسون سلفة السيارة ...نجمع من غير مانطرح ...يطلع مبلغ وقدرة....

والبنك صاحب العرض 35% من قيمة العقار بغرض التأجير موجود لكن للاسف البنك مايعطي هالسيوله للعميل والسبب المديونية السابقة وعلى طول راح يضطر انه يطلع من البنك ويتجه الى هالبنك صاحب 180 ضعف الراتب....وبما ان البنك الاول لم يشترط انك تكون عميل عنده...بكل بساطة راح تمتلك عقار بهالطريقة ... وحتمال كبير انك ماتأجره على شخص غريب ...بالعكس راح تسكن فيه وتسدد القيمة الباقية عليك بطريقة ما ام بأخرى...اعتقد ان كلامي لحد الحين مقنع....ولو نفرض ان صاحب هالفكره عنده مدخول ثاني....احلى واحلى...راح تتقلص مدة السداد ...ويملك العقار في فترة زمنية قياسية .... وبأقل الفوايد....(ياسلام ...كلامك منطجي ياأستاذ )...

لكن ...آآآآآآآآآآآآه هذا القرار الصادر من البنك المركزي هو اجحاف للوضع الراهن...بل زاد الطين بله ... وجعل الناس يتهافتون على النقل من البنوك...والغرض هالنوع من الصفقات

ولكن للاسف ليس لها تخطيط مسبق...

والسبب هي العجالة....وعدم كفاية الوقت

كثير من المواطنين ساكنين على الاجار....ويدفعون مبالغ رهيبة للمؤجر تفوق رواتبهم

وانا متأكد لو كانت هالسيوله موجوده من دون القرار....كنا بنشوف تعاون في الاسرة...والفكرة...ادفع شهريا على عقاري...ولا اتكدر آخر الشهر يوم اتذكر وقت سداد الاجار المستحق علي وفي شي ماأملكه وخسارة من جيبي...؟ّ!!؟ّ

:con2: ارجوا امعان النظر في الموضوع :con2:

آخر خبر

قبل يومين في احد البنوك...دخلت عجوز ملامح الكبر واضحه في يديها...تترجى تخليص معامله

سلفة شخصية لابنها العامل حديثا في احد المؤسسات الحكومية حيث انه متدرب

ولايستطيع ان يأتي الى البنك لانه يعمل في المناطق الجنوبية 77 كيلوا تقريبا...ومتدرب يعني

استريح مكانك لو طلعت ..راح نكتب انك مهمل ولا تصلح للعمل

اسمعها تقول...ياجماعة الخير خلصو الولد لاتطيحون حظه نبي نزوجه قبل القرار

اقسم بالله ان شعر جنبي وقف...والله العظيم كنت مستغرب من هالرد

ماهو وجه الترابط بين الزواج والقرار ....!؟

والحمد لله جزاهم الله خير الاخوان....في البنك...وخلصوا العجوز...الله يبارك فيها

ويعطيها الصحه والعافية....طبعا بعد مادخلت على مدراء ورئساء اقسام

<<<<<<<<<<<للعلم صاحب الموضوع...كان متواجد لمدة ساعتين عشان يخلص معاملة

بسيطة ماتاخذ دقايق لكن الضغط من العملاء...يخليك تنتظر...وللاسف تسمع الطراطيش

ــــــــــــــــــــــــــــــــــــــــــــــــــ ـــــــ

انشالله تكون الفكرة وصلت

وانشالله ماكون ملغت او طولت عليكم

اترك الموضوع لكم....وانشالله الكل يستفيد

وتقبلوا تحياتي

[بويوسف]

اخوي في كل بلد من بلدان العالم يفترض ان تكون هناك ضوابط توضع للقروض وان لا تفتح بهذه الطريقة

هذا الموضوع يحتاج الى خبير اقتصادي ليفيدنا اكثر فيه ولكن ماعلاقة الزواج بالقروض المفتوحة هل تعتقد ان اي شخص يريد ان يتزوج يجب ان يأخذ قرض ؟؟ ولا وقرض لمدة عشرين سنة ؟؟ هل تعلم حجم الفائدة من هذه النوعية من القروض؟ وهل انت متأكد من ان الناس ستأخذ قروض للزواج وليس لامور قد تكون كمالية واستهلاكية؟؟

[bo_hamad]

مكرر وتحياااتي

[ANONYMOUS]

الظاهر على سالفة ان الديون بطيح.. الكل يبي يتقاسم الكيكه

[بوحارب]

الظاهر على سالفة ان الديون بطيح.. الكل يبي يتقاسم الكيكه

:con2: :con2: :con2:

:eek3: :eek3:

:looking:

[قطري عصامي]

يا الربع حدث العاقل بما لا يعقل فإن صدقك فلا عقل له

اي ديون واي خرابيط اللي بتطيح (لا حد يصدق بس ويتدبس في ديون)

اخوي (دولة قطر) ممكن اسأال : هل القرار بيطبق بأثر رجعي ، يعني اقصد هل اللي عنده قرض اكثر من (7 سنين) ، هل بيعيدون جدولة القرض لمدة (7 سنين)؟؟؟

[قطري عصامي]

بعدين اي بنك اللي كان حاط هذا الاستثمار (35% و 65%)

ممكن توضيح اسم البنك؟؟؟

[_QTR_]

يعطيك العافية اخوووووووي دولة قطر

بس والله اكبر غلط السلفية

لا تضرب سلفية الا على شيء يستاهل

الله يكون في عونا وعون الشباب اللي عليهم سلفيات اذا تم تطبيق هذا القرار

[بو سالم]

بعدين اي بنك اللي كان حاط هذا الاستثمار (35% و 65%)

ممكن توضيح اسم البنك؟؟؟



كل البنوك اللي في الدولة

المصرف المركزي حدد ان يتم دفع دفعة مقدمة 35 % لاتمام المعاملة
والبنوك الود ودها بدون دفعه مقدمة بس المصرف المركزي هو المسؤول الوحيد لتحديد النسبة لكل البنوك

[دولـة قطـر]

اخوي بوسالم اشكرك على الرد

واشكر جميع الاخوه على التفاعل

القرار تم تطبيقه يوم الاحد اللي فات الموافق8/7/2007

وهو تخفيض السيوله للقروض الشخصية كحد اقصى سداد 7 سنوات

في شخص ذكر ايش دخل القرار بالزواج

بصراحه انا اشوف انه له دخل ونص

المهر 200 الف
عرس الرجاجيل اضعف الايمان 20 الف
الحريم 80 الف
سفره خفيفه مدتها 10 ايام ماليزيا يبيلك 20 الف
طبعا من غير التذاكر والسكن قول 10 آلاف
وكان عندك نسيان 93 استاندر باب وودك تسنع روحك تاخذلك باجيروا في داخلك يقول يشبه الكروزر هم يبيلك دفعه واقساط


في ذمتكم هالقرار له دخل ....ام اكمل كلامي

اوكى نفرض انك مقترض ومتزوج كله قبل القرار

وبعد القرار....ضاقت بك الوسيعه ... والعيال اكبروا .... والاسكان مايعطي وجه للجنير

وسبحان الله اطلعت لك الارض....والبنك ماقصر اخدمك من ناحية التسهيلات العقاريه

لكن الاثاث .... اشلون راح تأثث... يا عن طريق الاولى .... او سلفه شخصيه

ويوم تروح البنك يقولك...ياخوي راجعنا بعد 10 سنوات لانك متعدي اللمت قبل القرار

ياسلااااااااام

اكيد بتسمع من ناس...انت بالاول اثث غرفه وصاله....كيف الحال ..!؟

اللي يده في الماي مب مثل اللي يده في النار

والسموحه

[دولـة قطـر]

اخوي بويوسف

انا اتكلم من منظور محدد اللي هو الزواج

على الاقل لو يفتحون سلفه خاصه للزواج...اعتقد راح ينطلقون الشباب

وبفوايد محدوده ...ولو بدون فوايد الله احلى كلام

بس المشكله...الزواج هالايام صاير مثل العقار والسوبر ماركت ...!؟

تستفيد من صوب وتنضر من صوب

انشالله الفكره اوصلت

تقبل تحياتي

[LOLOO]

مانقول الا الله يكون في عون المسلمين.........................

[بويوسف]

اخوي بويوسف

انا اتكلم من منظور محدد اللي هو الزواج

على الاقل لو يفتحون سلفه خاصه للزواج...اعتقد راح ينطلقون الشباب

وبفوايد محدوده ...ولو بدون فوايد الله احلى كلام

بس المشكله...الزواج هالايام صاير مثل العقار والسوبر ماركت ...!؟

تستفيد من صوب وتنضر من صوب

انشالله الفكره اوصلت

تقبل تحياتي

الزواج مشكلته بعيدا عن القروض .. في اعتقادي انا مجتمعنا محتاج الى توعية للبذخ اللي يصير في الزواج .. وفي حاجة لعمل قاعات للزواج تكون بأسعار رمزية بدال اللي يصير حاليا مش معقول 80 الف ريال بس لحجز قاعة .. اللي صاير استغلال للشباب فعلا

الله كريم

[محمد عبدالرحمن]

للتوضيح،

العرض المذكور هو من بنك قطر الوطني "القرض العقاري الإستثماري"
القرض متوفر لكل القطريين اللي اعمارهم من 18 لين 70 سنة، و عندهم دفعة أولى 35% من قيمة البيت/الفيلا/العمارة، البنك يكمل الباقي 65% مباشرة و الأقساط الشهرية تنخصم من الإيجار الشهري.

شرط الصفقة، لازم يكون العقار مقيم من واحد من 3 مكاتب معتمدة للبنك قطر، مكتب الزيني، مكتب الحق، و نوفكو، و التقييم يكون فيه قيمة العقار مع القيمة الإيجارية للعقار حسب السوق.

البنك بيعتمد ان القسط مايتجاوز 75% من الإيجار علشان يكون في مكسب للقطري في النهاية بقيمة 25% شهرياُ.

التفاصيل:
تمويل يوصل لغاية 10 ملايين ر.ق
240 قسط لجميع الأعمار من 18 لين 70 للقطريين فقط
تمويل 65% من البنك 35% من المستفيد
القسط يبدأ بعد 6 شهور


طريقة سهلة للحسبة: قسم قيمة أي عقار على 160 بيطلع لك القسط الشهري، و علشان تعرفون كيف تحسبون قيمة الإيجار المفروض: القسط الشهري ضرب 100 تقسيم 75

تحياتي،

[حمد]

للتوضيح،

العرض المذكور هو من بنك قطر الوطني "القرض العقاري الإستثماري"
القرض متوفر لكل القطريين اللي اعمارهم من 18 لين 70 سنة، و عندهم دفعة أولى 35% من قيمة البيت/الفيلا/العمارة، البنك يكمل الباقي 65% مباشرة و الأقساط الشهرية تنخصم من الإيجار الشهري.

شرط الصفقة، لازم يكون العقار مقيم من واحد من 3 مكاتب معتمدة للبنك قطر، مكتب الزيني، مكتب الحق، و نوفكو، و التقييم يكون فيه قيمة العقار مع القيمة الإيجارية للعقار حسب السوق.

البنك بيعتمد ان القسط مايتجاوز 75% من الإيجار علشان يكون في مكسب للقطري في النهاية بقيمة 25% شهرياُ.

التفاصيل:
تمويل يوصل لغاية 10 ملايين ر.ق
240 قسط لجميع الأعمار من 18 لين 70 للقطريين فقط
تمويل 65% من البنك 35% من المستفيد
القسط يبدأ بعد 6 شهور


طريقة سهلة للحسبة: قسم قيمة أي عقار على 160 بيطلع لك القسط الشهري، و علشان تعرفون كيف تحسبون قيمة الإيجار المفروض: القسط الشهري ضرب 100 تقسيم 75

تحياتي،

مشكور على الشرح اخوي

السؤال : هل الوطني الاسلامي يوفر هذا العرض ؟

: كم نسبة الربح لهم سنويا ؟

[محمد عبدالرحمن]

مشكور على الشرح اخوي

السؤال : هل الوطني الاسلامي يوفر هذا العرض ؟

: كم نسبة الربح لهم سنويا ؟


حسب علمي أنه حالياً بس بنك قطر الوطني العادي هو اللي يقدم هالعرض في قطر و الخليج على فكرة.

[دولـة قطـر]

اهني القمنده...ههههههه

لو كان الوطني مقدم هالعرض قبل قرار السلفه الشخصيه....اعتقد كان الوضع راح يكون افضل

وشكرا على الردود المميزه