البنوك والتسهيلات العقارية....وهيله يارمانه (موضوع نقاش جاد جدا)

[دولـة قطـر]

بسم الله الرحمن الرحيم

آسف ياجماعة ليس من عادتي كتابة المواضيع لكن لفت انتباهي شي ممكن اكون على خطاء او على صواب...وارجوا التنويه

من فتره بسيطة تقدمت احد البنوك الوطنــــــية في الدولة بطرح خدمة تمويل بغرض الاجارة حيث ان البنك قد كان عرضه كالاتي:

35% يدفعها العميل و65% على البنك من قيمة أي عقار...وطبعا في الاتفاقية بنود

يتضمن بعضها...

- 70 % من قيمة التأجير تعود للبنك والمتبقي للعميل

- لايشترط ان يكون مقدم الطلب احد عملاء البنك

يعني لو نحسبها بلغة الارقام هي بهذي الطريقة عقار قيمتة مليون ...العميل يدفع 350 الف
والبنك يكمل 650 الف يقسط المبلغ الباقي على 20 سنة وبطريقة حسابيه معقدة

يقولك لابد ان لايقل الاجار عن 10000 آلاف ريال قطري 7000 آلاف ريال للبنك والباقي للعميل<<<طبعا المبلغ الباقي للعميل ..لان الفكره لارباح العميل اساسا<<ياعيني

ولو نضرب المده في المبلغ المدفوع...بعد 20 سنة اذا الله احيانا ..تكون قد سددت الدبل

أعتقد الكثير باستطاعتهم دفع ال35% من قيمة أي عقار لكن القليل اللي بيستحمل 20 سنة انتظار لكي يمتلك العقار او مابيقدر يسدد القسط

وطبعا مثل مانحن شايفين سوق العقار كيف ارتفع بطريقة غريبة دون حسيب او رقيب

الموضوع غريب ...وانا لحد الحين ماوصلت للغرض الرئيسي منه ...

يمكن راح تستغربون او ان الشي عادي....طبعا كل انسان وتحليله...وماكذب عليكم كثير من الاحيان ابالغ في وصف الشي ...وانشالله هالمره غير crazy

قرار من البنك المركزي بتخفيض تسهيلات القروض الشخصيه وتحجيم معدلها لدرجه

مبالغ فيها...

ياجماعه الخير...في عالم في البنوك ضرب سلفيات والسبب هالقرار..اللي ينقل من البنك لان الثاني بيعطي اكثر...وياعيني على بنك من البنوك في نفس الوقت سمع عن القرار انه راح يطبق نزل اقوى تسهيلات للقروض الشخصية في تاريخه وتاريخ الدوله

يعني اللي راتبة 8آلاف ..عادي توصل سلفته مليون وزود

خلونا نراجع الاخبار مع بعض ونحلل:

- قروض عقاره غريبه 35% وشغلات حلوه ...الكثير يقول آآخ عليها لو كانت من زمان.
- تسهيلات بنكية غريبه من بعض البنوك لجذب العملاء180ضعف الراتب وانقز.
- القرار الغريب اللي راح يطبق يوم الاحد الجاي الموافق 8/07/2007 تخفيض القروض الشخصيه الى 7 سنوات الحد الاقصى للسداد<<<يعني خراب بيوت.

وكل هالكلام ظهر في وقت واحد وفجأه ودون سابق انذار والحق ماتلحق وهيله يارمانه

اسف على التعبير لاني اشوفها من زاويه حاده جدا ...جدا

القرار اللي راح يطبق الاحد الجاي...من يقدر يقولي راح يخدم من ولا من .

من وجهة نظري لا أعتقد راح يخدم اي عميل او اي شخص على وجه التحديد

سواء كان ذوي دخل محدود او تاجر او هامور

الكل راح يتضرر من دون استثناء...وطبعا كل واحد وطبيعة وضعه الاقتصادي

خلوني اضرب مثال صحي بارز في يومنا هذا

موضوع الاجارات المرتفعة وارتفاع اسعار بيع العقارات ...الفلل والاراضي بوجه التحديد

نفرض ..العميل جنير راتبة 10000 ريال..متزوج من قريب ...طبعا ماخذ سلفة ...ولاتنسون سلفة السيارة ...نجمع من غير مانطرح ...يطلع مبلغ وقدرة....

والبنك صاحب العرض 35% من قيمة العقار بغرض التأجير موجود لكن للاسف البنك مايعطي هالسيوله للعميل والسبب المديونية السابقة وعلى طول راح يضطر انه يطلع من البنك ويتجه الى هالبنك صاحب 180 ضعف الراتب....وبما ان البنك الاول لم يشترط انك تكون عميل عنده...بكل بساطة راح تمتلك عقار بهالطريقة ... وحتمال كبير انك ماتأجره على شخص غريب ...بالعكس راح تسكن فيه وتسدد القيمة الباقية عليك بطريقة ما ام بأخرى...اعتقد ان كلامي لحد الحين مقنع....ولو نفرض ان صاحب هالفكره عنده مدخول ثاني....احلى واحلى...راح تتقلص مدة السداد ...ويملك العقار في فترة زمنية قياسية .... وبأقل الفوايد....(ياسلام ...كلامك منطجي ياأستاذ )...

لكن ...آآآآآآآآآآآآه هذا القرار الصادر من البنك المركزي هو اجحاف للوضع الراهن...بل زاد الطين بله ... وجعل الناس يتهافتون على النقل من البنوك...والغرض هالنوع من الصفقات

ولكن للاسف ليس لها تخطيط مسبق...

والسبب هي العجالة....وعدم كفاية الوقت

كثير من المواطنين ساكنين على الاجار....ويدفعون مبالغ رهيبة للمؤجر تفوق رواتبهم

وانا متأكد لو كانت هالسيوله موجوده من دون القرار....كنا بنشوف تعاون في الاسرة...والفكرة...ادفع شهريا على عقاري...ولا اتكدر آخر الشهر يوم اتذكر وقت سداد الاجار المستحق علي وفي شي ماأملكه وخسارة من جيبي...؟ّ!!؟ّ

:con2: ارجوا امعان النظر في الموضوع :con2:

آخر خبر

قبل يومين في احد البنوك...دخلت عجوز ملامح الكبر واضحه في يديها...تترجى تخليص معامله

سلفة شخصية لابنها العامل حديثا في احد المؤسسات الحكومية حيث انه متدرب

ولايستطيع ان يأتي الى البنك لانه يعمل في المناطق الجنوبية 77 كيلوا تقريبا...ومتدرب يعني

استريح مكانك لو طلعت ..راح نكتب انك مهمل ولا تصلح للعمل

اسمعها تقول...ياجماعة الخير خلصو الولد لاتطيحون حظه نبي نزوجه قبل القرار

اقسم بالله ان شعر جنبي وقف...والله العظيم كنت مستغرب من هالرد

ماهو وجه الترابط بين الزواج والقرار ....!؟

والحمد لله جزاهم الله خير الاخوان....في البنك...وخلصوا العجوز...الله يبارك فيها

ويعطيها الصحه والعافية....طبعا بعد مادخلت على مدراء ورئساء اقسام

<<<<<<<<<<<للعلم صاحب الموضوع...كان متواجد لمدة ساعتين عشان يخلص معاملة

بسيطة ماتاخذ دقايق لكن الضغط من العملاء...يخليك تنتظر...وللاسف تسمع الطراطيش

ــــــــــــــــــــــــــــــــــــــــــــــــــ ـــــــ

انشالله تكون الفكرة وصلت

وانشالله ماكون ملغت او طولت عليكم

اترك الموضوع لكم....وانشالله الكل يستفيد

وتقبلوا تحياتي

[Muslim Investor]

مرحبا أخوي دولة قطر

حسب فهمي للقانون الجديد أن التقييد سيكون للقروض الشخصية وليس للقروض العقارية (بغرض شراء منزل أو عمارة أو غير ذلك)

تحيتي

[bo_hamad]

تأخذ سلفة مليون بيظهر لك مع الفوائد 2 مليون ورايح طول عمرك تدفع

[ضدالتيار]

وسشو هاالبنك الي يعطي 180000ضعف الراتب اول مرة اسمع هالشي؟؟؟؟؟؟؟؟؟؟؟

[TanGo]

وسشو هاالبنك الي يعطي 180000ضعف الراتب اول مرة اسمع هالشي؟؟؟؟؟؟؟؟؟؟؟


180 ضعف الراتب

البنك الاهلي....طبعا من يوم الاحد انسى الموضوع

[TanGo]

اخوي بوحمد

في ناس مو مهتمه في الفوايد اخوي....لاتنسى الزواج يكلف...

واللي بقسط على 20 سنه تأكد انه يبي القسط خفيف ...ويصفى من راتبه

[وحيد-الشوق]

سؤال بلييييييييييز متى راح تتوقف القروض والى متى ؟؟

[TanGo]

15\7\2007

[محمد عبدالرحمن]

للتوضيح،

العرض المذكور هو من بنك قطر الوطني "القرض العقاري الإستثماري"
القرض متوفر لكل القطريين اللي اعمارهم من 18 لين 70 سنة، و عندهم دفعة أولى 35% من قيمة البيت/الفيلا/العمارة، البنك يكمل الباقي 65% مباشرة و الأقساط الشهرية تنخصم من الإيجار الشهري.

شرط الصفقة، لازم يكون العقار مقيم من واحد من 3 مكاتب معتمدة للبنك قطر، مكتب الزيني، مكتب الحق، و نوفكو، و التقييم يكون فيه قيمة العقار مع القيمة الإيجارية للعقار حسب السوق.

البنك بيعتمد ان القسط مايتجاوز 75% من الإيجار علشان يكون في مكسب للقطري في النهاية بقيمة 25% شهرياُ.

التفاصيل:
تمويل يوصل لغاية 10 ملايين ر.ق
240 قسط لجميع الأعمار من 18 لين 70 للقطريين فقط
تمويل 65% من البنك 35% من المستفيد
القسط يبدأ بعد 6 شهور


طريقة سهلة للحسبة: قسم قيمة أي عقار على 160 بيطلع لك القسط الشهري، و علشان تعرفون كيف تحسبون قيمة الإيجار المفروض: القسط الشهري ضرب 100 تقسيم 75

تحياتي،

[قطري عصامي]

ممكن اخوي توضح لنا اش معنى (160) و (100) و (75) في حسبتك؟؟؟

طريقة سهلة للحسبة: قسم قيمة أي عقار على 160 بيطلع لك القسط الشهري، و علشان تعرفون كيف تحسبون قيمة الإيجار المفروض: القسط الشهري ضرب 100 تقسيم 75

[محمد عبدالرحمن]

ممكن اخوي توضح لنا اش معنى (160) و (100) و (75) في حسبتك؟؟؟

طريقة سهلة للحسبة: قسم قيمة أي عقار على 160 بيطلع لك القسط الشهري، و علشان تعرفون كيف تحسبون قيمة الإيجار المفروض: القسط الشهري ضرب 100 تقسيم 75

160 = هو رقم انا مسويه (نفس في الرياضيات في شي يسمونه "باي") لو قسمت قيمة أي عقار على 160 بيعطيك القسط الشهري على طول مال بنك قطر للقرض العقاري الاستثماري

100 تقسيم 75 = لو قلنا ان القسط اللي فوق كان فرضاً 7,500 ر.ق بالشهر، معناتها ان الدخل لازم مايقل عن 10,000ر.ق......شلون تطلع الـــ10,000ر.ق؟ اضرب 7,500 في 100 و قسمها على 75


تحياتي

[قطري عصامي]

160 = هو رقم انا مسويه (نفس في الرياضيات في شي يسمونه "باي") لو قسمت قيمة أي عقار على 160 بيعطيك القسط الشهري على طول مال بنك قطر للقرض العقاري الاستثماري

100 تقسيم 75 = لو قلنا ان القسط اللي فوق كان فرضاً 7,500 ر.ق بالشهر، معناتها ان الدخل لازم مايقل عن 10,000ر.ق......شلون تطلع الـــ10,000ر.ق؟ اضرب 7,500 في 100 و قسمها على 75


تحياتي

وشلون (160) يعطيك القسط ، وانا للحين ما حددت لك الفترة ومبلغ القرض؟؟؟؟؟؟

[محمد عبدالرحمن]

وشلون (160) يعطيك القسط ، وانا للحين ما حددت لك الفترة ومبلغ القرض؟؟؟؟؟؟


الـــ160 رقم عام إذا القرض على 20 سنة، و التمويل 65% من قيمة العقار. لو تبي تغير التمويل تحت الــ65% أو تقلل المدة، أتصل في البنك :) أنا بس حبيت اساعد من فهمي البسيط لحسبة البنوك.

تحياتي،