استفسار عن بون ون

[hgahuv]

من ليه خبره عن عناوين الشفف او الفنادق يزودنا بمعلومات

[إنتعاش]

الله يا بون

لقد سألت عن عظيم


بون اخوي قبل كل شي

معروفة انها للعلاج بعيد الشر وحدها ترا لو سياحة 4 ليالي

وتمتاز بالهدوء وعائلية 100% وكثرة اهل قطر والامارات فيها


عموما ً الفنادق والشقق كانت سألت ياطويل العمر

عندك الفندق الاول فيها - ماريتيم هوتيل -
http://www.maritim.de/typo3/english/hotels/hotels/hotel-bonn.html

اللوبي حقه يستوي مجلس من كبره بالليل كله خليجيين وسوالف وضحك وتعارف

وفي الفندق السيد محمد عنان هناك ما يقصر فلسطيني الاصل و يساعد اهل الخليج ويقضي امورهم ونشمي وشقردي تراه ويعجبك . .

موقع الفندق: حوالي 5 دقايق بالسيارة عن قلب المدينة او السنتر
ويمتاز انه امام حديقة الزهور الشهيرة . . يعني تمشي على كيف كيفك

المركز الطبي التابع للسفارة ما يقصرون الصراحه الشهادة لله . .
يعني حتى لو تتصل فيهم من اهنيه وتطلب منهم توفير حجوزات بخصومات حكومية لكم
بيوفرونها لكم بالمناطق اللي يعرفونها عدل وبأسعار جيده كونكم ذاهبين لعلاج - لا سمح الله -



وهناك منطقة السنتر بمسماها باد قودس بيرغ -bad Godsberg
وبالقطري اسمها المشهور ( براحة الجفيري ) :)
كونها كلها محلات وقهاوي ومطاعم عربية واهل الخليج كلهم مناك يتجمعون
بتلقا الشياب بثياب الصوف جني اشوفهم والعجايز الله يطول باعمارهم بالبطاطيل
والله شوف عيني شايف عجوز فارشه الجريده تحتها ومتربعه عايشه الجو هههههههههه


وكانك بغيت مترجمين او مرافقين برضو كلم السفارة يوفرون لك




على فكره انا بالي كله رايح للعلاج

لكن لو كانت سياحة علمني عشان بس نعلمك بالأماكن السياحية المتوفرة والقريبة من بون

[نــوت قــطـــــر]

اشهدلك يا انتعاش ذكرتني بأحلى ايام الطفوله والمراهقه مع بون

[بدور]

ماشاء الله عليك انتعاش ماخليت شيء اكيد شفتك في بون وكلون وفانتا زيلاند:dance

على طاري البطاطيل حتى الالمان يشوفون امهاتنا بالبطاطيل ولا يستغربون لانهم تعودوا

وبراحة الجفيري الله وناسه :( واعليه على شيبانا يجلسونهم اعيالهم وبناتهم على القهاوي

وهم يتمشون حتى السفير احمد الخال يجي يجلس مع الشيبان ويقول لهم تامرون على شيء

ناقصكم شيء تراني تحت امركم الله يذكره بالخير ياربي على المانيا اشتقت لها

[السهم الجارح]

هلا اخوي

انا بالصيف اللي راح كنت في بوووون تحديدا سكنت في ( باد قود سبيرق) ويسمونها بون 2

انا ما انصحك بفندق مراتيم اول شي لأنه بعيد عن مركز المدينة يعني مافي مجال تمشي لا زم

سياره ومنطقته مقطوعه ما اعجبتني وبعد هذا سعره غالي ، انا سكنت في فندق اسمه

امباسيدور يعني تقدر تقول ثلاث نجووم لكن كله اهل قطر ، بس مشكلته انه مافي خدمات

يعني حدك بوفيه الافطار مافي غسي ولا كي حق الثياب ولا تقدر تطلب عشا او غدا ، لكن

أحسن شي فيه قريب جدا من المحلات والمطاعم ( وساحة الجفيري طبعا ) تقدر تروح مشي

دقيقتين ونت واصل ، وعندك محلات سنترال حق الاتصالات رخصيه وكلها اصحابها عرب

وانصحك تودي معك لابتوب لأنه الفندق فيه خدمة النت تقريبا 12 ساعه بأثنين يورو

وطبعا بالنسبه للمحلات راحت تلاحظ انه وايد غاليه فأنا انصحك بمحلين اسعارهم وايد حلوه

ومعقوله ( وول وورث) + ( تشبوو) الاول محل كبير وفي اشياء وايد حلوه والثاني محل اصغير

بس حاجاته بعد حلوه ، عموما انا رحت كولون وهي مدينه حلوه ورحت دسيلدورف بس مب

لي اهناك ماتستاهل العنوه ، بس نصيحه لاتفوت ( ملاهي فنتازيا) وخصوصا غرفة الغاز

اللي اطير فيها كنك رائد فضاء وانصحك انك تروح بووون 1 بعد فيها جو حلو وحاسب من

الطلعات آخر الليل ما اقصد شي الديره اهناك آمان بس وانا اخوك بلاد ماتعرفها خلك خذر

حتى من العرب انفسهم . واخيرا الغرفه في هذا الفندق 95 يورو .

في فندق ثاني في في وسط ساحة الجفيري كنت ودي انزل فيه بس للأسف كنت حاجز من الدوحه

وماصار نصيب بس حلووو وايد وفيه كوفي شوووف عجيب وراقي . بس اسوء شي ماعجبني

ان اكثر امحلات تسكر الساعه 8 وتكون الشمس توها ماغابت وتبقى بس المطاعم لغاية 11

تقريبا وماراح تحس بزهق إلا يوم الاجازه الرسميه عندهم السبت والاحد مافي محلات مفتوحه

إلا كم محل والله يعينك تحس الدنيا ميته عندهم ...

وآخر نصيحه خذ معاك أدويه للزكام والاحتقان والحراره واذا عندك يهال لاتنساهم بعد بالادويه

وآسف أني طولت واي استفسار انا حاضر

تروح وترجع بألف سلالالالامه وسلملي على تمثال بتهوفن في بووون 1