-+-+- أسلم طريقه لـ توصيل الخبر السيئ -+-+-

[خفايا الروووح]

بسم الله الرحمن الرحيم




أسلم طريقه لتوصيل الخبر


لا قدر الله إن توفي شخص قريب وغالي جداً لصديق لك ( والله يبعد كل مكروه عن الجميع ) وتريد أن تخبر صديقك بـ وفاة هذا الشخص الغالي عليه .. ولكن تريد أن توصل له هذا الخبر بشكل صحيح لكي لا ينفجع أو يحدث له أي تأثيرات ،،

في الغرب يقولون للشخص الذي توفي له شخص غالي .. لدي خبر سيئ ومن ثم يتأسف ومن ثم يخبره بالخبر ومن ثم يتأسف ويتركه لوحده :) .. والبعض عندنا الله يهديهم عند سماعهم الخبر لا يصدقون فـ يباشرون بأخبار كل من هو قريب لـ هذا الميت .. فـ تجدهم يذهب لأعز الناس له ويقول يا فلان أن فلان مات ..
بلا مقدمات بلا مواساة وتذكير بالقدر وأن الموت حق .. لدرجه يوجد من توفي بسبب خبر مثل هذا ..

فـ مارأيكم .. ما هي أسلم طريقه لتوصيل الخبر السيء سواء كان موتاً او شيئاً محزناً آخر ؟






منقووول مع بعض التعديلات

[ANONYMOUS]

نذكره بالله..

نذكره بان لله ما اعطى ولله ما اخذ.. ولله امانات لازم ياخذها..

نذكره بالصبر..



نذكره بقصة حد مات..

وعقب نعطيه على بلاطه لو حسينا ان فيه شده..

بس من خلال التدرج.. لازم.. نشوف الـ ري اكشن تبعه.. نكمل ولا نوقف.. وبعدين يعتمد على درجة القرابه.. او درجة الصداقه .. الخ

اعتقد هالخطوات اللي اتبعتها .. والحمد لله مشى الحال..



اما اللي يقهر.. الخبر عن طريق المسج.. اعوذ بالله.. والله الواحد ينصدم ويتسبه.. الله يهدي بعض الناس..

[Qa6ar]

احاول ابتعد عن نقل الاخبار الا الزين منها

[khaldoon]

احاول ان ابتعد عن نقل خبر وفاة لاي شخص خصوصا انه بتظل عالقه في ذاكرته هذه اللحظه ومين بلغه علشان ما اخليه ينفر مني كل ما يتذكر السالفه او يشوفني


كل الشكر يا خفايا الرووح على هذا الموضوع

[التيما]

مستحييييييييييل اتحمل عبء زي نقل خبر وفاة .. مااااقدر اسويها نفسيتي ما تساعدني ..

[احلى سهم]

نقل الخبر للشخص المعني يعتمد على ناقل الخبر ..

والطريقه الاقل تاثيرا هي ان تحط مقدمه متعلقه بالخبر .. مقدمه تخفف ما تزيد

وكل واحد وشطارته!

[ضوى]

والله هالموضوع صعب

تدرين يا خفايا

ابوي لما توفى كنا نتوقع وفاته باي لحظة وتوفى الفجر وعلى طول اتصلوا علي خواتي ورد عليهم زوجي
يبي يخبرني دخلني الحمام وغسل ويهي بايده وقال لي لبسي عباتج ابوج تعبان شوي قال جذي وعرفت انه توفى

بس اخوي الله يرحمه كنت بالدوام واتصلت علي اختي ومعروف عنها الغشمرة والضحك تكلمني وقالت لي اخوج فلان عطاج عمره والله من المفاجاة ضحكت وقلت لها يالسخيفة صج بايخة قالت لي والله اقول الصج وسكرت اخط بويهي والله ما ادري ايش صار بعدها الا انا بالطواري واختي الكبيرة بعد

ويوم صحيينا رحنا بيت ابوي وامي للحين ما درت وكاسرة خاطري اشلون اقول لها اتصلنا على بنت خالتي تجي تتفاهم معاها والله كانت ايام صعبة


ويوم توفت امي مرضت اربع ايام تنومت بالمستشفى والخامس توفت زرتها ليلتها وصلت معاي المغرب والعشا ورحت عنها واتصل علي اختي الكبيرة وهي تصيح امي راحت امي راحت دخلت باللاوعي لمدة ساعتين ودوني لها المستشفى حتى اشوفها

مدري والله الاخبار السيئة لازم بتعرفينها تبين والا ما تبين


عني ما اوصل خبر سئ ابدا ابدا

شكرا خفايا

[خفايا الروووح]

نذكره بالله..

نذكره بان لله ما اعطى ولله ما اخذ.. ولله امانات لازم ياخذها..

نذكره بالصبر..



نذكره بقصة حد مات..

وعقب نعطيه على بلاطه لو حسينا ان فيه شده..

بس من خلال التدرج.. لازم.. نشوف الـ ري اكشن تبعه.. نكمل ولا نوقف.. وبعدين يعتمد على درجة القرابه.. او درجة الصداقه .. الخ

اعتقد هالخطوات اللي اتبعتها .. والحمد لله مشى الحال..



اما اللي يقهر.. الخبر عن طريق المسج.. اعوذ بالله.. والله الواحد ينصدم ويتسبه.. الله يهدي بعض الناس..

تسلم اخوي ع الرد والمشاركة..ومثل ماقلت الواحد لازم يمهد..وشيء اكيد يعتمد ع الشخص نفسه مثلاً ف ناس قلوبهم ضعيفه صعب جداً تخبرهم بالخبر السيء:(
مثل ماصار مع الوالده يوم توفى خالي الله يرحمه ..الوالد تعب كثير لين ماقدر يخبرها ..بس الحمدلله الامور عدت ع خير..وهذا يعتمد ع ايمان الشخص بعد

وبالنسبه عن الخبر السيء اللي ينشرونه بالمسجات..مره اخوي جاه مسج عن واحد واسمه نفس اسم رفيجه الـ close ومثل ماقلت تسبه وقاعد يطالع الاسم ويتمقل فيه مايعرف شيسوي وعقب اتصل لرفيجه ويوم رد عليه والله يقولنا بغت العبره تخنقني وماعرفت اتكلم ...بس شنقول غير الله يهدي بعض الناس..يعني يطرشون التهنئه بالمسج وقلنا معليه اما الاخبار الشينه ماينفع انهم يطرشونها بالمسجات .

[خفايا الروووح]

احاول ابتعد عن نقل الاخبار الا الزين منها


تسلم اخوي ع المشاركه...

[خفايا الروووح]

احاول ان ابتعد عن نقل خبر وفاة لاي شخص خصوصا انه بتظل عالقه في ذاكرته هذه اللحظه ومين بلغه علشان ما اخليه ينفر مني كل ما يتذكر السالفه او يشوفني


كل الشكر يا خفايا الرووح على هذا الموضوع


تسلم ع المشاركة خيو خلدوون...صج الواحد يحب يبتعد عن نقل مثل هالاخبار بس اذا الظروف حدتك شو بتسوي ذيج اللحظه؟!..وليش بيكرهك الشخص اللي بتنقله الخبر..انت مالك خص.. بس طريقة نقل الخبر تلعب دور .

[خفايا الروووح]

مستحييييييييييل اتحمل عبء زي نقل خبر وفاة .. مااااقدر اسويها نفسيتي ما تساعدني ..


تسلمين ع المشاركه يالغاليه التيما... مااقول غير الله يعينج

[خفايا الروووح]

نقل الخبر للشخص المعني يعتمد على ناقل الخبر ..

والطريقه الاقل تاثيرا هي ان تحط مقدمه متعلقه بالخبر .. مقدمه تخفف ما تزيد

وكل واحد وشطارته!

تسلمين اختي احلى سهم ع مشاركتج... ومثل ماقلتي لازم مقدمه ..وغيرها من نظرات العطف ومسح الرأس خصوصا اذا كانوا تحت العشرين.:(

[أمة الله]

الله لا يحطني بموقف مثل ذي.....

مرّه لمن كنت فالحج جاني خبر صديقتي وكانت بعد وحده من صديقاتي معانا.....جاتني تسلّم علي وتبي تسولف....حاولت أكون طبيعيه بس كان شكلي يبيّن إني أبي أتهرب منها بسرعه....خلتني وما قالت شي.......لمن رجعنا الدوحه وعرفت قالت لي اني كنتي تدرين وعشان جييه ما كنتي طبيعيه معاي.........

مستحيل أوصّل خبر جييه....آنا بموت قبل لا أقوله

[{راشد}]

يعطيج العافيه,,

لج ودي

[خفايا الروووح]

الله لا يحطني بموقف مثل ذي.....

مرّه لمن كنت فالحج جاني خبر صديقتي وكانت بعد وحده من صديقاتي معانا.....جاتني تسلّم علي وتبي تسولف....حاولت أكون طبيعيه بس كان شكلي يبيّن إني أبي أتهرب منها بسرعه....خلتني وما قالت شي.......لمن رجعنا الدوحه وعرفت قالت لي اني كنتي تدرين وعشان جييه ما كنتي طبيعيه معاي.........

مستحيل أوصّل خبر جييه....آنا بموت قبل لا أقوله


موقف صعب : (

وبسم الله عليج من الموت...

[ذوق]

تحسفت....انقل اخبار سيئه....

حسيت صرت وجه شوووم..الله يبعدنا عن الأخبار السيئه

[خفايا الروووح]

يعطيج العافيه,,

لج ودي


الله يعافيك ..ومرحبا فيك دائما وابدا

[خفايا الروووح]

تحسفت....انقل اخبار سيئه....

حسيت صرت وجه شوووم..الله يبعدنا عن الأخبار السيئه


بالعس يالغاليه هو مب شؤم ..بس يعتمد ع طريقة نقل الشخص للخبر السيء..والله يبعد السوء عن الجميع..

شاكرتلج مشاركتج : )

[رحال]

ماشاء الله يا في في !!!

قلمك يحملنا اليوم الى البحور في المواجع !!!

وبصراحة الأخت ضـــــــوى كفت ووفت في تجربتها في تلقي الخبر !!!

رفقا بأقلامنا أيتها المبدعة دائما ، وسلم القلم وحامله من كل مكروه !!!

وتقبلي مني أجمل تحياتي ،،،

ولا أرى الجميع مكروه لعزيز لديهم !!!omen

[M-OH-A-ME-D]

اااااااااااااااااااااااااااااااه

ياما نقلت أخبار وفاه

بس الحمد لله أعانني الله على نقل الخبر

أهم شي الأسلوب المتبع من التمهيد كما ذكرت وليس كالغرب

تحياتي

[هسلان]

نقل خبر مثل كذا صعب جدا ونا بصراحة أتجنب نقل الاخبار السيئة

[خفايا الروووح]

ماشاء الله يا في في !!!

قلمك يحملنا اليوم الى البحور في المواجع !!!

وبصراحة الأخت ضـــــــوى كفت ووفت في تجربتها في تلقي الخبر !!!

رفقا بأقلامنا أيتها المبدعة دائما ، وسلم القلم وحامله من كل مكروه !!!

وتقبلي مني أجمل تحياتي ،،،

ولا أرى الجميع مكروه لعزيز لديهم !!!omen

العين ماتعلى ع الحاجب يااستازي الفاضل رحال

والصراحه اخجلتم تواضعنا :shy:

وشاكرتلك مرورك العطَر

[خفايا الروووح]

اااااااااااااااااااااااااااااااه

ياما نقلت أخبار وفاه

بس الحمد لله أعانني الله على نقل الخبر

أهم شي الأسلوب المتبع من التمهيد كما ذكرت وليس كالغرب

تحياتي

الحمدلله على كل حال..والله يثبتك اخوي ويجزيك كل خير

شاكرتلك مرورك الكريم