يلعن امـــــــك ..

[معاند جروووحه]

السلام عليكم ورحمه الله وبركاته ....


ماتلاحظون ان كلمه يلعن امك ...


انتشرت انتشار غريب ومريب ...

. وصارا الي يقولها عااادي

كانه قايل السلام عليكم ...

والاغرب ان الي تنقال له يرضووو عااادي ...


كيف وليش ...




بعض الشباب الحين بالعكس صارت عندهم يلعن امك مدحه ...




مثلا يجي واحد يقول والله امس سويت كذا وسويت كذا ,,, يجي الثاني يلعن امك ياشيخ ...:


واذا قاله يلعن امك مددد الخشه شبرين كنه قايله ... شعر يمدحه ..


ولا بعض الشباب ... واحد يسال ثاني ... وش رايك بالدكتور الفلاني ...


يقول يلعن اممممممممممه قوي من جد ...



طيب قوي وش دخل امه بالموضوع ...


للاسف الشديد ان الكلمه هذي منتشره عندنا انتشار كبير ...

فمثلا تحصل دايم تراها ...

.................................
ب: وينك امس يلعن امك
م : ابد رحت لفلان الله يلعن امه
ب:ليه ماقلتلي انك بتروحله الله يلعن امك انت وياه
م: وش دراني انك موجود يلعن امك ..
ب:ههههههههههههههههه
م:هههههههههااااااااي


ولا كنه صار شي .................................

وللاسف انها تقريبا اكثر كلمه تنقال هالايام ....


وكم بنت اسالها... تقول يا اخي خلاص تعودنا مانقدر نخليها صارت جزء من كلامنا ...

هذا رد ابيخ من الفعل ... مافيه شي تتعود عليه وانت تدري انه مو زين ولا تقدر تخليه ...

بالعكس ...

فيه شباب تدرون وش سوو ... قالوا من الحين الي يقول يلعن امه ... يتبرع بخمسه ريال ...

وصاروا اي واحد يلعن يجي ويعطيهم خمسه ويجمعونها ..

حتى لو انهم مب عندهم .. .. وبكذا خففوا



لييييييييييين تركوها .... صراحه اعجبوني ...



لذلك .. ترا الكلمه هذي مو هينه ابد مو هينه .... معناها الطرد والابعاد عن رحمه الله ...

لذلك ... انصح كل من بلاه الله به الكلمه ان يخليها ... وكل ماشفت واحد يقولها ... علمه بخطر هذي الكلمه ..

أنا لاجاني ولد او بنت وتقولي يلعن امك اقولها عادي سبي عشان ماعندي ام ولا افكر فيها او يقول لي بشر امك مويلعن امك بس وش الفايده المشكله من سب الام
تقول عادي دايم اقول للعيال كذا يضحكون


عالعموم اتمنى يكون الموضوع عجبكم ..



اتمنى تردون عالموضوع .. والله ولي التوفيييييق....


مع التحيه

[khaleel]

حققيقة اخي الفاضل لم اسمع هذه الكلمه تنطق بهذه الكثره والحمد لله

يمكن اخوي بسبب طبيعة الناس اللي حول الشخص وايضا العمر له دور

المهم ان هذا القول شنيع وبغيض جدا والتلاعن لا يجوز بحال من الاحوال

وقد قال الرسول عليه الصلاة والسلام( إن من أكبر الكبائر أن يلعن الرجل والديه ، قيل يارسول الله ، وكيف يلعن الرجل والديه ؟ قال : يسب الرجل أبا الرجل فيسب أباه ، ويسب أمه فيسب أمه) . رواه مسلم برقم ( 92 )

يجب التوضيح للشباب وتحذيرهم من التعود على هذه الرذائل

[ابوالجازي]

الله يجزيك الخير اخوي فعلا في ناس تعوديت تقول هالكلمه بس شكل ماتفضل اخوي خليل مش بالكثره اللى تقول عنها ويمكن تختلف من دوله لدوله والله اعلم .

الف شكر لك على هالتنبيه

[الخيميائي]

وين منتشرة انا عن نفسي ماشوفها منتشرة لهذي الدرجة الي تتكلم عنها اخوي بالموضوع؟؟؟

[معاند جروووحه]

حبيبي الخميائي سلام خاص مني بس للتوضيح أنت في وين عايش أذ كنت في قطر أرجو منك الصدق في ردودك لان فعلأ المسبة منتشرة وبكثرة في الأيام هذه والسبب كل واحد عارفة وخلني ساكت عن الأجابة لان السكوت من ذهب وأسف على الاطالة ولاتزعل مجرد توضيح.

[فارس قطر]

اعوذ بالله
هذة الكلمة غير متداولة عندنا
وكم كنت اتمنى انك تكتب اخر الموضوع
منقول
من منتدى اخر
المصدر
.http://www.jooorey.com/vb/showthread.php?t=13741
.

[الـدانـه]

ولامره سمعنا هاللفظ لابالبيت ولابرا


اخواني الاولاد على كثر مايتكلمون مع اصدقائهم عمري ماسمعتهم يقولونها


احتمال منتشره بدول مجاوره مو عندنا


شكرآ على الموضوع

[Exclusiveperfumes]

اي والله صادق
مشكووووووووووور

[ورقــة أمــل]

نادر ماسمع هالكلمة
ومماشفت حد مستانس عليها باالعكس بتصير هوشة على هالموضوع
يمكن في دول مجاورة مثل ما قالو الاخوان

[معاند جروووحه]

هو المشكلة كل حاجة مانبيها أنقول غيرنا أو بالصح دول مجاورة والمشكلة هذه الدول المجاورة الي تتكلمون عنها بينا نسب وعرق وجيرة والمفروض الي عندهم عندنا والة كلامي غلط فهموني ومرة ثانية أسف على الاطالة.

[المخلب]

أغلب مواضيعك تخص المجتمع الكويتي ... مادري انت تنقلها للفايده ! وله تنقلها علشان تزيد مشاركاتك ..

ترى المنتدى يسمح لجميع المواضيع ! ولكن الي مالها دخل في بلادنا ! مثل موضوعك السابق بدوي وحضري !! اعتقد الافضل ماتنقلها علشان ما تسبب توتر ماله داعي .

[معاند جروووحه]

نور عيني (المخلب )أتحداك اتجيب لي موضوع ذكر دولة لحالها وكل واحد يبي يزيد مشاركتة وأكبر دليل أنك اتراد على اي موضوع والمشكلة أتجيب كلام موصحيح عني وعن موضيعي الخلاصة الموضيع الي تذكر بالمنتدى أكثريتها منقولة والة اشرايك ولك الف تحية مني .

[الخيميائي]

حبيبي الخميائي سلام خاص مني بس للتوضيح أنت في وين عايش أذ كنت في قطر أرجو منك الصدق في ردودك لان فعلأ المسبة منتشرة وبكثرة في الأيام هذه والسبب كل واحد عارفة وخلني ساكت عن الأجابة لان السكوت من ذهب وأسف على الاطالة ولاتزعل مجرد توضيح.

المسئلة مافيها زعل اخوي العزيز

وكلها وجهات نظر واختلاف في الاراء ومافي شيء يستوجب الزعل

لكن بكل صدق اقولها لك نادر ان اسمعها حولي وحتى لو سمعتها تكون مستهجنة من الكثيرين

اما بخصوص الصدق فلا يوجد شيء يجبرني ان اقول غيره فالدعوة كلها منتدى ومواضيع وردود :)

هذا ما لازم توضيحه :p

[خالد32]

الحمد لله رب العالمين الشعب القطري واعي و متربي و ما تصدر منه هالالفاض الا البعض و نادر ما تسمع هالكلام
اخوي ترى مب عيب تقول الموضوع منقول

[وطن]

وين منتشرة انا عن نفسي ماشوفها منتشرة لهذي الدرجة الي تتكلم عنها اخوي بالموضوع؟؟؟

انا بعد ما اشوفها منتشرة !!!

والموضوع اخوي مكتوب باللهجة السعودية
يعني اللي كاتبه مو قطري
وما يتكلم عن قطر !!

ومو شرط كل شي موجود عندهم يكون عندنا omen

[الطرف الأغر]

عنوان الموضوع ضايقني وايد :(

والحمدالله هالكلمه نادر ما نسمعها ،، حتى اني ما اتذكر ان حد قالها جدامي

واعتقد شبابنا مايرضون على نفسهم واهاليهم ان حد يتكلم عنهم بهالطريقه حتى لو بالغشمره

شكرا أخوي عالموضوع

[prettywoman]

جزاك الله خير على منقولك اخي الكريم
وللحق هذه الكلمة ابدا لا تسمعها من,من وعي بخطورتها والجاهل بها هو الذي يتداولها فهو جاهل
ولذلك للاسف نسمعها احيانا ولكن للصدق من بعض الاخوة العرب الجاهلون بها
ولذلك كان موضوعي المنقول لاتلعن شيئا ولا تلعن احدا ليعلم بخطورتها الجاهل بها
وادله للعالم بها لتعليم الجاهل بها...وتحياتي:)

[معاند جروووحه]

وطن ومو كل شي موجود عندنا يكون عندهم وتحياتي.

[bo_hamad]

اهم شئ التربية والاخلاق

[{راشد}]

لاحول ولاقوة الابالله ,,

اتمنى تغير عنوان الموضوع وكتابة انتشار اللعن !!

حتى لانكسب اثم في قول الكلمه..

وجزاك الله خيرا اخي الكريم

[رقم خاص]

اعوذ بالله
هذة الكلمة غير متداولة عندنا
وكم كنت اتمنى انك تكتب اخر الموضوع
منقول
من منتدى اخر
المصدر
.http://www.jooorey.com/vb/showthread.php?t=13741
.
صادوووووووووووووووووه :funny:

[المخلب]

نور عيني (المخلب )أتحداك اتجيب لي موضوع ذكر دولة لحالها وكل واحد يبي يزيد مشاركتة وأكبر دليل أنك اتراد على اي موضوع والمشكلة أتجيب كلام موصحيح عني وعن موضيعي الخلاصة الموضيع الي تذكر بالمنتدى أكثريتها منقولة والة اشرايك ولك الف تحية مني .


اذا انا نور عينك اجل ان انطفيت بتعمى !

حبيبي .. اتحداك ! واعطيك مليون ريال ان جبت لي موضوع من مواضيعي منقول !!! وانا ماكتبت تحته انه منقول ! ..

الحمد لله والشكر انا مؤمن أن لكل شخص قدره في التفكير ويقدر يبدع بالكتابه بس الكسل ذابح الناس ! ..

اما مواضيعك عزيزي .. فهي منقوله والحمد لله مو بس انا الي قلت هل كذا صاحبنا جايب لك الرابط ملصقه بالموضوع علشان تقراه ! ..

وبخصوص اني قلت الكويت بالتحديد !! لان نفس هذا الموضوع مر علي في منتدى كويتي ! ( من دون ذكر اسم المنتدى ) فما حبيت اني اسبب احراج لك وله لأي شخص !! فقلتلك ان كان هدفك من نقل الموضوع الفائده ! فأعتقد ان ماله فايده الموضوع لان المجتمع القطري معروف مجتمع ملسون ومايشتم !! - الا لو تطورنا وانا مادري - ( طبعا بستبعاد فئه قليله تنعد على الاصابع يمكن ! ولكل قاعده شواذ ) ..

حاول أخوي الكريم ان تركز على الشئ الي نحتاج نطوره في المجتمع ويفيد المجتمع ! ويحتاجه 90% من القطريين او الناس الي عايشه على هذي البلاد ! .. مو على شئ نادر ما نشوفه وفتحنا لملفاته تسبب ازمه مالها داعي ..

تحياتي لك .. وأشكرك مره ثاني لوصفك اني نور عينك .. :) ..

[فارس السهم]

هذي مشكلة ( المواضيع المنقولة ) ..

[معاند جروووحه]

أغلب مواضيعك تخص المجتمع الكويتي ... مادري انت تنقلها للفايده ! وله تنقلها علشان تزيد مشاركاتك ..

ترى المنتدى يسمح لجميع المواضيع ! ولكن الي مالها دخل في بلادنا ! مثل موضوعك السابق بدوي وحضري !! اعتقد الافضل ماتنقلها علشان ما تسبب توتر ماله داعي .

نور عيني صدقني لوكان الموضوع على دولة قطر لوحدها صدقني باحطة المشكلة منتشرة وبكثره واللغز كان في نور عيني واتمنى انك عرفتة ولك مني وكل الاعضاء سلام خاص من kkhk

[معاند جروووحه]

صادوووووووووووووووووه :funny:
سلام خاص على اجدع ناس الهامــــــــور حبيبي قريب رمضان وبيحطونة لك واذ كان قصدك الردار مومشكلة كل واحد علية رادار لاتزعل ترى غشمرة منتدى.

[الخيميائي]

هذي مشكلة ( المواضيع المنقولة ) ..


:nice: اتفق معاك