حفل زواج للرجال ----- ارجو المساعدة [الأرشيف] - منتديات شبكة الأسهم القطرية

مشاهدة النسخة كاملة : حفل زواج للرجال ----- ارجو المساعدة

الواعد

07-07-2007, 02:32 PM

السلام عليكم

احد يعرف لي محل يسوي حفل زواج للرجال من خيام وغيرها ؟

طبعا التوقيت تقريبا بيكون في الشتاء حوالي شهر 1 أو 2 أو 3 / 2008

ياليت يكون مو غالي سعره مناسب + إذا بالأمكان يوفرون لي الذبائح ( الخرفان )

ولو كنت متأكد انه ماراح يكون فيه مطر كان مو لازم خيمة لكن المشكلة

كل شيء متوقع وأنا ابغي احجز من الحين قبل ماترتفع الأسعار

لأن صالات الأفراح سألت عنها طلعت غالية جدا جدا جدا وقالوا هذي أسعار 2007

اما 2008 فاالله يعين وأنا تقريبا بحجز في صالة الماريوت للنساء وهي تقريبا بـ 34 ألف

بس باقي حفل الرجال ماادري كم يكلف السعر ؟؟؟ ياليت اللي عنده معلومات

عن اكثر من محل يحط هنا اسماءها مع اسعارهم

ولكم جزيل الشكر

تقبلوا تحياتي

بنت الدوحه

07-07-2007, 03:41 PM

الف مبروك مقدما

وماعندي فكره عن الاسعار

فارس قطر

07-07-2007, 03:42 PM

اخوى روح شارع بن محمود اكثر من محل هناك والاسعار متفاوتة
ع حسب عدد الكراسي والليتااات والخيمة تكييف او بدون
بس اخوى اذا حجزت لازم تاخذ فاتورة
علشان ماتتوهق والفاتورة عليها ختم المحل
يكون لو صار شي والاغاء الحجز من طرفهم
تجرجرة مثل صخل وتودية العاصمة
لان بعضهم اذا واحد دفع لة اكثر منك الغاء الحجز
وطلع لك عشرين عذر
من ضمنها الكفيل باع المحل او الى اتفق معاك ساب العمل الخ
ومبرووووووووووووووووك مقدما

QtrTrd

07-07-2007, 05:29 PM

الله يعينك يالاخو

وبالتوفيق ان شاء الله

والف مبروك مقدماً

قطريه كوول

07-07-2007, 05:49 PM

بالمبارك إن شاء الله

الواعد

07-07-2007, 06:34 PM

المتأمل خيرا

07-07-2007, 08:26 PM

الله يبارك فيكم جميع

بس احد يعرف محل معين مضمون في الشغل التمام ؟

والعرس بإذن الله بيكون في شهر 2 تعتقدون يحتاج تكييف

أو على الأقل يحطون مراوح خفيفة لأني ماادري ذاك الوقت

ايش بيكون الجو بس اكيد بارد بس مايندرى بارد جدا او خفيف

مجرد وجهة نظر..

أخي الكريم.. في ذلك الوقت يفترض أن الجو يكون معتدلاً.. وبالتالي لا داعي للمكيفات.. ويمكن بترتيب فتحات الخيمة / الخيم بحيث تكون التهوية الطبيعية جيدة وتكون الواجهة الرئيسية مواجهة للشمال - إذا لم يكن الجو بارداً - ..
من ناحية ثانية، لو كان الجو يستدعي تكييف - جدلاً - فيمكن أن يطلب منهم ذلك عندئذ.. لأن المهم هو كونك حجزت الخيمة.. - هذا الذي أظنه - ..

ومباركين مقدماً..

"فقط نصيحة لكل من يقدم على الزواج.. دائماً خلوا بالكم طويل.. مع هدؤ أعصاب.. والظن الحسن.."

حاير

08-07-2007, 01:16 AM

ليش ماتشوف الأنديه القطريه

يعطونك الصاله بسعر رخيص لكن المشكله في وقت العرس يكون في منتصف الموسم للألعاب

وبخصوص الخرفان شوف المطبخ الذهبي الي بالمطار راح يوفر لك كل شي تبيه للعرس

بوحارب

08-07-2007, 01:34 AM

نصيحة لوجه الله

سو عرسك في فندق الواحة ابركلك من

الخيمة وسعرة زين ومقبول

وما تدري في ذاك اليوم كيف الجو يكون

واحد من ربعي سوا عرسه في خيمة بيت شعر

نصحتة الف مرة يابو فلان فندق ابركلك واريحلك

ماتدري يمكن ينزل مطر ويخرب العرس عليك

الرجال عاند وسبحان الله في يوم العرس

انزلت مطرة مب صاحية وعفست العرس عليه

والماي خر علينا من البيت

فأنا انصحك أخوي اول شي بالتوكل على الله وحدة

وابشر بالخير انت مقبل على خير كبير وعمل صالح بأذن الله

وربك بيسرلك الأمور لأن هذا خير

أهم شي تجنب البطرة الزايدة والأسراف الي ماه داعي

وأقولك مقدما

بارك الله لكما وعليكما وجمع بينكم على خير

الواعد

08-07-2007, 05:46 AM

وبخصوص الخرفان شوف المطبخ الذهبي الي بالمطار راح يوفر لك كل شي تبيه للعرس

وين مكانه بالضبط في شارع المطار التجاري ؟ أو القديم ؟

مساهمة

08-07-2007, 05:55 AM

بالمباارك عرسك اخوي

اخوي عندك محل اسمه الأندلسيه(للأسف مااعرف رقمه ..تقدر تاخذه من الاستعلامات)
اخبر واحد من الاهل نظموله عرسه وطلس شي راقي واسعاره تعتبر مقبوله

بس بالنسبه للذباح انصحك تسويه عند طباخ انت مجرب شغله قبل
ولاتوثق بكلام المحلات لانهم يمدحون طباخهم وفي الاخير يطلع يفشل(الله يديم النعمه)

ومبرووك مره ثاانيه

QtrTrd

08-07-2007, 01:04 PM

خذ لك لفه في بن محمود على المحلات تبع الاعراس وشوف الاسعار والعروض وقارن وفكر وقرر وشوف الانسب لك

موفق ان شاء الله

قطري عصامي

08-07-2007, 02:31 PM

مبروك مقدما

شوف اذا تبي نصيحتي اخذ من مكتب مضمون وريح بالك :
ارشح لك:-
1. البداد. (خيامهم قبل العرس بيوم الى يومين اتكون جاهزه)
2.الاندلسية.

واحذرك من:
(((مكتب الخيم الاميرية)))
اعرف واحد من الشباب عرس في الصيف اللي فات مسكين جابوا له خيمة مشققه ومكيفاتهم ما اتبرد.

اخذها نصيحه مني وما عليك من اللي يقولك وفر وليله وبتعدي ومن الكلام اللي ماخوذ خيره

ادفع اشوي زياده وريح بالك بعدين

fandi

11-08-2007, 01:43 PM

انت صادق هو بيدفع على كل حال فا يدفع في شى مضمون احسن له من الخساير وعقب مايتجمل مع المعازيم.

الهاوي28

11-08-2007, 03:23 PM

بالمبارك مقدما

انا عن نفسي سويت عرسي العام في شهر 2 وكانت التجهيزات من مكتب الاندلسيه

الي عند معيذر صراحه شغلهم كان مرتب

وبالنسبه للمطر يومها المطر يصب من الصبح لكن سبحان الله يوم جا العصر طار الغيم كلة

ههههههههههههه اهنية عاد انا تشققت

تحياتي

الهاوي

" روح قطر "

11-08-2007, 03:59 PM

مبروك مقداما
وتمعن عدل في شغل المكاتب وخدمتهم
وخذ خبرة من أخوانك اللي عرسو قبلك وسار عندهم خلفية عن هالأمور
وأنشاء الله راح تنسق عرسك مثل ماتبي وتتمني
الله يوفق لك مقدما ومبروووووووووووك الف مبرووووووووووووك

السريع6

11-08-2007, 06:12 PM

الف ممبروك مقدما ,,

انصحك بشارع بن محمود ,,

في محل اعرفه وتعاملة معه ,,

بصراحه ترتيبه وشغله عدل ,,

اما بنسبه لطباخ والخرفان ,,

اعرف مطبخ عجيب في الطباخ ,,

اسعاره حلوه وطعم أحل ,,

تقبل مروري ,,

فمان الله ,,