حذف نسبة من مجموع طالب الثانوية المستقلة !!!

[الزاجل]

السلام عليكم للجميع


بكل صراحة سبق وان تحدثنا عن امتحانات المجلس الأعلى للتعليم
والامتحانات كانت موحدة في اربع مواد اساسية حسب
تقدير المجلس الأعلى للتعليم ..

ولاقت لجنة التقييم في المجلس الأعلى للتعليم
هجوما كاسحا من نوعية الإسئلة خاصة في مادة الرياضيات .

ولكن هناك من قال
لن تجدوا علامات متدنية في النتائج العامة
فالتجربة سوف تنجح رغم انوف المتذمرين
والساخطين والمعترضين crazy ..

وكانت مفاجأة الفرحة لا توصف للكثير من الطلاب واولياء أمورهم
بعد اعتماد وزيرة التعليم التي ترأس منصب الأمين العام للمجلس الأعلى
نتائج ثانويات المدارس المستقلة
فكانت المفاجأة
ان ولا طالب حصل على نسبة تقل من 700 من 990
بينما هناك من حصل على نسبة 100% واعتقد انهم
تجاوزوا 20 طالب او اقل ..

والصدمة الكبيرة
كانت
عندما اصبح الطالب ذو النسبة 62 % في الفصل الأول
صاحب نسبة 78 % :looking:
ومن كان 80 اصبح 90

ومن كان 95 اصبح 99

شوفوا انتوا بعيونكم الفرق اشلون ؟!!

اشلون طالب متفوق ما قدر يكسر حاجز 10 % صعود في نتيجته
لتصبح 105%:eek2:
بينما استطاع الطالب الأقل مستوى انه يكسر حاجز 10%
بكل سهولة :court:

لو الدولة متمثلة بأهل الربط والحزم والجد
شكلوا لجنة لمراجعة نتائج الثانوية العامة للمدارس المستقلة
راح نكتشف امور ما ينعرف لها اصل وفصل
وراح تؤلف فيها معلقات وحكايات وروايات ..

ماذا بعد نتيجة 79% او 80 %
تفاجأ الطلاب ان جامعة قطر
تخصم لهم نسبة المجموع
فاللذي كان 79 يصبح 72
بينما في وسائل الإعلام كانوا يتباهون بالنتائج والتجربة الناجحة ..

وللعلم
اقولها بكل أسف الله يكون في عون التعليم في قطر
مستويات متدنية من المناهج التي تدرس في المدارس المستقلة
ان طلاب الثانويات في المدارس المستقلة
يدرسون مناهج المرحلة الإعدادية في المدارس الحكومية
بشكل موسع قليلا
بينما يدرسون مناهج الصفوف الأخيرة من مناهج الإبتدائي
والصفوف الأولى من الإعدادي في المدارس الخاصة ..

ما نقول الا

الله يرحم زمانج يا وزارة التربية والتعليم :eek3:

[المخلب]

نظام خاطئ مليون بالمليون ..

تخيل الي نسبته ممتازه بسبب هذا الامتحان الفاشل الي ماله دخل بالمنهج ! يصير طالب فاشل ..

ولا تقبله الجامعات .. ولا يروح للبعثات ..

حبيبي .. النظام التعليمي عندنا بدأ صح ! ولكنه سيقع في فخ الكويت !! (( المستقله وغيرها )) ..

وللاسف الظاهر لازم نمر على نفس الاخطاء علشان نقول ان احنا جربنا يوم من الايام هذي الطريقه ( يعني مجرد رياء امام اللجنات الدوليه ) والي يوقع فيها عيالنا ..

الطريقه هذي فاشله !...

وأن حبوا صحيح يطبقون طريقه سليمه 100%

وهي حاليا متبعه في أغلب دول العالم المتحضر ! وهي ألغاء الأمتحانات ..

وعمل بحث شامل لكل ما تم دراسته خلال السنه في 20 ورقه تقريبا ! يشرح فيها الطالب ماأستفاد منه وما فاده والأمور التي يرغب بتحسينها وماشابه ..

وهي نظام الجامعات حاليا ! ..

أبرك مليون مره من بهدله الأمتحانات الماصخه الي مالها داعي ! وتأثر سلبا في عقول الأبناء وخاصه الامتحانات الجديده ذي ! ..

تحياتي لك يالزاجل ..

[~¤ العنود ¤~]

وللعلم
اقولها بكل أسف الله يكون في عون التعليم في قطر
مستويات متدنية من المناهج التي تدرس في المدارس المستقلة
ان طلاب الثانويات في المدارس المستقلة
يدرسون مناهج المرحلة الإعدادية في المدارس الحكومية
بشكل موسع قليلا
بينما يدرسون مناهج الصفوف الأخيرة من مناهج الإبتدائي
والصفوف الأولى من الإعدادي في المدارس الخاصة ..

ما نقول الا

الله يرحم زمانج يا وزارة التربية والتعليم

القهر انهم جايبيين شركه عالميه وهي Rand علشان تقييم مستوى التعليم في قطر .. وطلعت لنا شركه راند بالمدارس المستقله اللي راح تفك ازمه القطريين وتفتح عقولهم :court:

زين ان تخرجنا والله ولا هذي البهدله اللي عايشينها الطلاب .. مدارس مستقله ومادري ايش .. وشركات عالميه تقيم التعليم في قطر او تحاول تدخل في عقول القطريين ويصلحون الغلط اللي فيه :anger2: الحين شوفوا النتيجه !! الغلط في هالشركات مو في عقولنا !! ضيعوا مستقبل أهل قطر وربي .. والله يستر من الجاي crazy

[يعقوب ذياب]

نظام فاشل
ويستخدم بامريكا
وفشل في كندا وفشل في الكويت
هذا على ماسمعت

والاصح ان تبتدي من اين انتهى الاخرين وليس ان تبتدي من اين ابتدى الاخرين

الناس انصدموا وكثير من لا يعرف بانه اعتماد نتيجة المجلس الاعلى هي النهائيه وانه نتيجة المدرسه المستقله فقط لتخصيص الدراسه المناسبه

الله يكون في عون اهالي الطلبه والطلبه نفسهم ولو كانوا يدرون كان محد دخل مدرسه مستقله

يسكرونها ابرك ومافي الا المدارس الحكوميه شحلاتها

[الزاجل]

نظام خاطئ مليون بالمليون ..

تخيل الي نسبته ممتازه بسبب هذا الامتحان الفاشل الي ماله دخل بالمنهج ! يصير طالب فاشل ..

ولا تقبله الجامعات .. ولا يروح للبعثات ..

حبيبي .. النظام التعليمي عندنا بدأ صح ! ولكنه سيقع في فخ الكويت !! (( المستقله وغيرها )) ..

وللاسف الظاهر لازم نمر على نفس الاخطاء علشان نقول ان احنا جربنا يوم من الايام هذي الطريقه ( يعني مجرد رياء امام اللجنات الدوليه ) والي يوقع فيها عيالنا ..

الطريقه هذي فاشله !...

وأن حبوا صحيح يطبقون طريقه سليمه 100%

وهي حاليا متبعه في أغلب دول العالم المتحضر ! وهي ألغاء الأمتحانات ..

وعمل بحث شامل لكل ما تم دراسته خلال السنه في 20 ورقه تقريبا ! يشرح فيها الطالب ماأستفاد منه وما فاده والأمور التي يرغب بتحسينها وماشابه ..

وهي نظام الجامعات حاليا ! ..

أبرك مليون مره من بهدله الأمتحانات الماصخه الي مالها داعي ! وتأثر سلبا في عقول الأبناء وخاصه الامتحانات الجديده ذي ! ..

تحياتي لك يالزاجل ..

المخلب ..
الطالب الشاطر والممتاز ما تأثرت نسبته
لأنه من الأساس شاطر وما في شي ارتفع اصلا
قياسا بنسبة الطالب اللي كانت نسبته 62 وصار 70
وصار 76
وين صارت هذي ؟
لكن المشكلة مثل ما قلت لك
تدري شنهي انواع الامتحانات اللي هم مبسوطين عليها
اسئلة تعتمد على مهارات التفكير
واحنا في قطر ما في شي اسمه تطوير مهارات التفكير

يسئلون الطالبة او الطالب
اين يوجد الهواء
في الجو
فوق المحيط في كل مكان
ويختار الطلاب جواب واحد
هذا نموذج لسؤال في العلوم للصف الرابع الابتدائي ..

المشكلة يا المخلب
ان الطلاب اللي انتقلوا للمدارس المستقلة
من المدارس الاجنبية الخاصة
المنهج عندهم ماااااي ويقولون مال يهال

تخيل عيالنا يدرسون مناهج يهال في المدارس الثانية
في الوقت اللي الكثير من طلاب المدارس المستقلة
المنهج صعب عليهم ..

مب لشي
ولكنه لأنه يدرس باللغة الانجليزية
وعلشان الطالب يفهم لغة انجليزية
صاروا يقللون من الدروس
على حساب كمية المعلومات اللي المفروض
الطالب يجمعها من حياته المدرسية ..

[الزاجل]

القهر انهم جايبيين شركه عالميه وهي Rand علشان تقييم مستوى التعليم في قطر .. وطلعت لنا شركه راند بالمدارس المستقله اللي راح تفك ازمه القطريين وتفتح عقولهم :court:

زين ان تخرجنا والله ولا هذي البهدله اللي عايشينها الطلاب .. مدارس مستقله ومادري ايش .. وشركات عالميه تقيم التعليم في قطر او تحاول تدخل في عقول القطريين ويصلحون الغلط اللي فيه :anger2: الحين شوفوا النتيجه !! الغلط في هالشركات مو في عقولنا !! ضيعوا مستقبل أهل قطر وربي .. والله يستر من الجاي crazy
يقول لي احد الاخوان امس
ان يايبين لهم خبير امريكي كلامه دستور لا يقبل النقاش
قال لهم فوق قالوا فوق قال لهم تحت قالوا له تحت ..



يشهد الله
اني شفت ورقة صغيرة بيد ولدي
فرحان فيها ويقول لنا شوفوا خذت 10 من 10 في الانشاء
وهو في الصف الأول الإعدادي ..مبسوط بالعلامة
ويوم شفت الانشاء لاعت جبدي
وتغير ويهي قال لي اشفيك
قلت له من معطك العلامة هذي ؟
قال لي الاستاذ
قلت له
على زمن اخوانك ما تاخذ 2 من 10
اسلوب ركيك
مافي مقدمة
مافي نهاية
مافي ولا حكمة او مثل او صور تعبيرية
وفوق كل هذا خطه بشع
والانشاء مكتوب في ورقة متوسطة الحجم..
بجد
خايف على عيالي من المدارس المستقلة ..

عيالنا ما يعرفون يكتبوب خطوطهم صارت بشعة
اعراب مافي شي اسمه اعراب
بحجة ان الطلاب ما بيحتاجونه في حياتهم العامة crazy

يقولون لنا اعتمدنا على الكيف مب الكم
زادوا وقت الدوام المدرسي
لكن الطلاب ما تطورت مستوياتهم مع الكيف ..

والدليل ان لاطب الحكومي اقوى منهم في الثقافة
و نسبة المعلومات
لأن المناهج الحكومية بالفعل تسمى مناهج
حاطين مدرسين خبراء وموجهين..

مب مناهج المدارس المستقلة
اللي عبارات عن ملازم تسمى كتب
ذات طباعة رديئة والوان باهتة واوراق رخيصة
واللي حاط المنهج خريج او خريجة
تربية عربية :p
صاير له خمس سنين في مجال التعليم crazy

الغلط كل الغلط
في المسؤولين الكبار
اللي برو برو
بيا بيا
مالهم كلمة وساكتين على ضياع المستقبل
لاجيال قطر

[الزاجل]

نظام فاشل
ويستخدم بامريكا
وفشل في كندا وفشل في الكويت
هذا على ماسمعت

والاصح ان تبتدي من اين انتهى الاخرين وليس ان تبتدي من اين ابتدى الاخرين

الناس انصدموا وكثير من لا يعرف بانه اعتماد نتيجة المجلس الاعلى هي النهائيه وانه نتيجة المدرسه المستقله فقط لتخصيص الدراسه المناسبه

الله يكون في عون اهالي الطلبه والطلبه نفسهم ولو كانوا يدرون كان محد دخل مدرسه مستقله

يسكرونها ابرك ومافي الا المدارس الحكوميه شحلاتها

مون
حسب ما سمعنا
ان مركز الامناء او مجلس الامناء
يتكون من اولياء الأمور في امريكا
نفسنا يعني ..

بس اللي عرفناه
ان الاباء هناك يتدخلون في المسيرة التعليمية لعيالهم
بحيث ان
اتحصل الاباء هذول
ذوي خبرة في مجلاتهم
واللي يحطون المناهج ناس لهم مكانتهم وثقلهم
في المجال التربوي والمنهجي ..
مب عندنا كل من هب ودب حط له منهج حق المدرسة :court:

المفروض اولياء أمور الطلاب المتضررين
ما يسكتون
اعدادهم كبيرة جدا الطلاب اللي ما يعرفون
شنهو راح يكون مصير مستقبلهم
بسبة نظام المدارس المستقلة ..

[حيهور]

من راح يسمعكم؟

[سهم عربي]

ما في أحلي من المدارس الحكوميه :nice:

أن شاء الله ترجع المدارس الحكومية omen

[ضوى]

يقول لي احد الاخوان امس
ان يايبين لهم خبير امريكي كلامه دستور لا يقبل النقاش
قال لهم فوق قالوا فوق قال لهم تحت قالوا له تحت ..



يشهد الله
اني شفت ورقة صغيرة بيد ولدي
فرحان فيها ويقول لنا شوفوا خذت 10 من 10 في الانشاء
وهو في الصف الأول الإعدادي ..مبسوط بالعلامة
ويوم شفت الانشاء لاعت جبدي
وتغير ويهي قال لي اشفيك
قلت له من معطك العلامة هذي ؟
قال لي الاستاذ
قلت له
على زمن اخوانك ما تاخذ 2 من 10
اسلوب ركيك
مافي مقدمة
مافي نهاية
مافي ولا حكمة او مثل او صور تعبيرية
وفوق كل هذا خطه بشع
والانشاء مكتوب في ورقة متوسطة الحجم..
بجد
خايف على عيالي من المدارس المستقلة ..

عيالنا ما يعرفون يكتبوب خطوطهم صارت بشعة
اعراب مافي شي اسمه اعراب
بحجة ان الطلاب ما بيحتاجونه في حياتهم العامة crazy

يقولون لنا اعتمدنا على الكيف مب الكم
زادوا وقت الدوام المدرسي
لكن الطلاب ما تطورت مستوياتهم مع الكيف ..

والدليل ان لاطب الحكومي اقوى منهم في الثقافة
و نسبة المعلومات
لأن المناهج الحكومية بالفعل تسمى مناهج
حاطين مدرسين خبراء وموجهين..

مب مناهج المدارس المستقلة
اللي عبارات عن ملازم تسمى كتب
ذات طباعة رديئة والوان باهتة واوراق رخيصة
واللي حاط المنهج خريج او خريجة
تربية عربية :p
صاير له خمس سنين في مجال التعليم crazy

الغلط كل الغلط
في المسؤولين الكبار
اللي برو برو
بيا بيا
مالهم كلمة وساكتين على ضياع المستقبل
لاجيال قطر




والله مدري شاقول وشاعلق

عيالي انا اشوف مستواهم ممتاز وفوق الممتاز واللي بثالث واللي بخامس واللي بثاني اعدادي كلهم ياخذون قواعد واعراب ويحاسبونهم عالاملاء وعالخط عالتعبير وللامانة كلهم بمدارس مستقلة اللي بثالث بمجمع عمر التربوي ، والحقيقة انا متابعة معاهم وامتحنهم بنفسي في البيت عشان اتاكد انه هذا مستواهم الحقيقي والصراحة بالنسبة لي شخصيا تجربة المدارس المستقلة نجحت مع عيالي كلهم يمكن حظ وتوفيق من رب العالمين

تحياتي يالزاجل

[الزاجل]

والله مدري شاقول وشاعلق

عيالي انا اشوف مستواهم ممتاز وفوق الممتاز واللي بثالث واللي بخامس واللي بثاني اعدادي كلهم ياخذون قواعد واعراب ويحاسبونهم عالاملاء وعالخط عالتعبير وللامانة كلهم بمدارس مستقلة اللي بثالث بمجمع عمر التربوي ، والحقيقة انا متابعة معاهم وامتحنهم بنفسي في البيت عشان اتاكد انه هذا مستواهم الحقيقي والصراحة بالنسبة لي شخصيا تجربة المدارس المستقلة نجحت مع عيالي كلهم يمكن حظ وتوفيق من رب العالمين

تحياتي يالزاجل

اللهم يزيد عيالج يارب ويبارك لهم في مستوياتهم ..
مب عارف شاقول والا شعلق مثلج بالضبط ..

راجعي ملازم المدارس المستقلة وقارنيها بكتب الوزرارة
شوفي رياضيات رابع ابتدائي الحكومي والخاص
وشوفي كتب الرياضيات للمدارس المستقلة ..

تقليل القواعد وحصرها في نقطة ضيقة
الشي هذا معروف على مستوى مدرسي ومدرسات
المدارس المستقلة و هم بروحهم يقولون مخففين القواعد
وفي امور مب مطالبين به الطلاب
لأنهم ما راح يستفيدون منها في حياتهم العامة ..
وكل هذا حسب تعليمات المجلس الأعلى ..

بالنسبة لي
10من 10
مافي احسن منها
لكنني ما عجبني اسلوب ولدي في كل كلمة كتبها
وفي كل شخبطة شخبطها ..

حسب اللي اشوفه
يا ضوى .. وبالفعل افكر اطلع عيالي من المدارس المستقلة
مب لأنني ابي اذمها وبس
ولكنني ابي عيالي يتأسسون على اسس قوية ومتينة
مب يتأسسون على اسس نجاح فكرة متبنيتها جهة معينة
وكل هذا راح نجني ثماره في المستقبل ..

يوم من الأيام كنت فرحان بالمدارس المستقلة على اساس انها مدارس علمية
ولها معايير خاصة ..
لكن لما اشوفهم يقللون من هالمعايير حتى تتساوى مع
كل الاطفال دون مراعاة لقدرات الاطفال المتفوقين ..

اهنيه اقدر اقول لج انها مصيبة من المصايب ..

من حق جميع الاطفال انهم يتمتعون بمستوى تعليم موحد
ولكن مب من حقهم انهم يقللون من تفوق الأخرين
بحجة توحيد المعايير لكل المدارس بفتح الباب لكل المستويات
بالدخول للمدارس دون امتحانات قبول او غيرها ..

شوفي لي يا ضوى
كم عدد طالبات مدرسة البيان الثانوية العامة
اللي تخرجوا هالسنة .. وشوفي كم وحدة فيهم قدرت تتجاوز التوفل :con2:

وكم وحدة فيهم تجاوزت امتحانات السات الدولية..:con2:

ولكن شوفي طلاب النور الخاصة وشويفات
وشوفي مستوياتهم في السات والتوفل
كمتوسط يمكننا من خلاله تقييم الطلاب بشكل عام ..

بشكل عام ما بقول لج تجربة فاشلة
ولكنني اقول انها تجربة ناقصة
يلعب بها المسؤولين لعب على هوا كيفهم ..
ياليت ترجع المناهج الحكومية بقوتها
حتى انشوف مجموعات كبيرة تتفوق بمجهودها
مب تتفوق لأن المدارس لابد ان يكون بها متفوقين ..

تحية لك

[الخيميائي]

اللهم يزيد عيالج يارب ويبارك لهم في مستوياتهم ..
مب عارف شاقول والا شعلق مثلج بالضبط ..

راجعي ملازم المدارس المستقلة وقارنيها بكتب الوزرارة
شوفي رياضيات رابع ابتدائي الحكومي والخاص
وشوفي كتب الرياضيات للمدارس المستقلة ..

تقليل القواعد وحصرها في نقطة ضيقة
الشي هذا معروف على مستوى مدرسي ومدرسات
المدارس المستقلة و هم بروحهم يقولون مخففين القواعد
وفي امور مب مطالبين به الطلاب
لأنهم ما راح يستفيدون منها في حياتهم العامة ..
وكل هذا حسب تعليمات المجلس الأعلى ..

بالنسبة لي
10من 10
مافي احسن منها
لكنني ما عجبني اسلوب ولدي في كل كلمة كتبها
وفي كل شخبطة شخبطها ..

حسب اللي اشوفه
يا ضوى .. وبالفعل افكر اطلع عيالي من المدارس المستقلة
مب لأنني ابي اذمها وبس
ولكنني ابي عيالي يتأسسون على اسس قوية ومتينة
مب يتأسسون على اسس نجاح فكرة متبنيتها جهة معينة
وكل هذا راح نجني ثماره في المستقبل ..

يوم من الأيام كنت فرحان بالمدارس المستقلة على اساس انها مدارس علمية
ولها معايير خاصة ..
لكن لما اشوفهم يقللون من هالمعايير حتى تتساوى مع
كل الاطفال دون مراعاة لقدرات الاطفال المتفوقين ..

اهنيه اقدر اقول لج انها مصيبة من المصايب ..

من حق جميع الاطفال انهم يتمتعون بمستوى تعليم موحد
ولكن مب من حقهم انهم يقللون من تفوق الأخرين
بحجة توحيد المعايير لكل المدارس بفتح الباب لكل المستويات
بالدخول للمدارس دون امتحانات قبول او غيرها ..

شوفي لي يا ضوى
كم عدد طالبات مدرسة البيان الثانوية العامة
اللي تخرجوا هالسنة .. وشوفي كم وحدة فيهم قدرت تتجاوز التوفل :con2:

وكم وحدة فيهم تجاوزت امتحانات السات الدولية..:con2:

ولكن شوفي طلاب النور الخاصة وشويفات
وشوفي مستوياتهم في السات والتوفل
كمتوسط يمكننا من خلاله تقييم الطلاب بشكل عام ..

بشكل عام ما بقول لج تجربة فاشلة
ولكنني اقول انها تجربة ناقصة
يلعب بها المسؤولين لعب على هوا كيفهم ..
ياليت ترجع المناهج الحكومية بقوتها
حتى انشوف مجموعات كبيرة تتفوق بمجهودها
مب تتفوق لأن المدارس لابد ان يكون بها متفوقين ..

تحية لك

ناقصة في طور الاكتمال :p

انا وش مدخلني هنيه سوري بالغلط :D

[الزاجل]

ناقصة في طور الاكتمال :p

انا وش مدخلني هنيه سوري بالغلط :D

زين سويت ودخلت
الله يسلمك محتاجين لمروحة الطيارة :p

[امل الحب]

هههههههههههههه

لا بالله خرجنا جيل مثقف...

ويقولون تطور التعليم..

الله يرحم زمان الكرف..

[مكنتوش]

صديقي الزاجل
حبيت اسجل زيارة لموضوعك فقط
للامانة ماقدرت اقراء الموضوع بالكامل مع الردود لضيق الوقت

( مبدع )

[shrook]

والله مدري شاقول وشاعلق

عيالي انا اشوف مستواهم ممتاز وفوق الممتاز واللي بثالث واللي بخامس واللي بثاني اعدادي كلهم ياخذون قواعد واعراب ويحاسبونهم عالاملاء وعالخط عالتعبير وللامانة كلهم بمدارس مستقلة اللي بثالث بمجمع عمر التربوي ، والحقيقة انا متابعة معاهم وامتحنهم بنفسي في البيت عشان اتاكد انه هذا مستواهم الحقيقي والصراحة بالنسبة لي شخصيا تجربة المدارس المستقلة نجحت مع عيالي كلهم يمكن حظ وتوفيق من رب العالمين

تحياتي يالزاجل

صحيح اختي يمكن تكون المدارس المستقله ناجحه مع بعض الطلاب الي اهلهم يتابعون
معاهم اول باول بس المشكله ليش بينزل من المعدل في الجامعه داخل الدوحه واذا حب الطالب يدرس بره الدوحه معترف فيها او لا لانوا اصلا الي يدرس بره الدوحه من البلاد العربيه بينزل معدلوا 10درجات ......... :con2: :con2:

[الزاجل]

صديقي الزاجل
حبيت اسجل زيارة لموضوعك فقط
للامانة ماقدرت اقراء الموضوع بالكامل مع الردود لضيق الوقت

( مبدع )

اشلون مبدع وانت ما قريت الموضوع لضيق الوقت crazy
على العموم بنسوي نفس أول
الأول والأخير يودي معاه قوطي مكنتوش للمدرسين
:app:

http://blikkenentrommels.web-log.nl/blikkenentrommels/images/quality_street_chocolade_toffees_blik_b.jpg

[ذوق]

ترى في النهاية يعتمد على المدرسه نفسها...وعلى طريقه أسلوبهم وتدريسهم

[ashhal_q]

اخواني الاعزاء...
مشكلتي بساطه
اخي كان بمدرسه حكوميه في الفصل الاول ومش رايح اخبي عليكم كان راسب بخمس مواد بكل جداره ومعدله ضعيف جدا ...
طبعا هذا بدل على انه كان في عالم ثاني
المهم احد اصدقائه اقنعه بالانتقال الى احد المدارس المستقله..
المميز بالموضوع ان حصل في نهاية المطاف على نسبة 83
كيف... ليش ...
الله اعلم ...

السؤال ...
طالب راسب بالفصل الاول بخمس مواد منه اللغه العربيه...
ناجح في نهاية السنه بنسبة 83 ...( بمدرسه مستقله )

هل مستواه التعليمي بسمحله يكمل بجامعه؟

ارجوا من الاخوان التعليق...

وشكرا...

[السديم]

الزاجل ..

صحيح الله يعينك ويعين كل ولي امر مهتم بدراسة عياله .. ولا ترا في ولاة امور مايدرون شالطبخه مع الخيل ياشقرا ..

تجربة المدارس المستقلة اثبتت فشلها اكاديميا ونجاحها اعلاميا ..

مايبون يطلعون نفسهم غلطانين بالاخير ..

النسب اللي طلعو بها العيال هالسنه اكبر دليل على انها تجربة فاشلة !!

الله يعينكم بصراحة ..

[الزاجل]

هههههههههههههه

لا بالله خرجنا جيل مثقف...

ويقولون تطور التعليم..

الله يرحم زمان الكرف..

لا تسهينين فيهم .. صاروا خبراء في النت :strong


صحيح اختي يمكن تكون المدارس المستقله ناجحه مع بعض الطلاب الي اهلهم يتابعون
معاهم اول باول بس المشكله ليش بينزل من المعدل في الجامعه داخل الدوحه واذا حب الطالب يدرس بره الدوحه معترف فيها او لا لانوا اصلا الي يدرس بره الدوحه من البلاد العربيه بينزل معدلوا 10درجات ......... :con2: :con2:

حسب علمنا ما يصدر من المجلس الأعلى غير معترف بها في الدول العربية
وبنفس الوقت المجلس الأعلى ما تعترف في الجامعات العربية crazy

[الزاجل]

ترى في النهاية يعتمد على المدرسه نفسها...وعلى طريقه أسلوبهم وتدريسهم

بهذا صحيح واتفق معاك .. بس بنفس الوقت
صاروا يراعون ان الطلاب ما يفهمون انجليزي
ولازم المنهج يكون مقلل ومب مركز او عادي
علشان ما يضيعون العيال مرة وحدة



اخواني الاعزاء...
مشكلتي بساطه
اخي كان بمدرسه حكوميه في الفصل الاول ومش رايح اخبي عليكم كان راسب بخمس مواد بكل جداره ومعدله ضعيف جدا ...
طبعا هذا بدل على انه كان في عالم ثاني
المهم احد اصدقائه اقنعه بالانتقال الى احد المدارس المستقله..
المميز بالموضوع ان حصل في نهاية المطاف على نسبة 83
كيف... ليش ...
الله اعلم ...

السؤال ...
طالب راسب بالفصل الاول بخمس مواد منه اللغه العربيه...
ناجح في نهاية السنه بنسبة 83 ...( بمدرسه مستقله )

هل مستواه التعليمي بسمحله يكمل بجامعه؟

ارجوا من الاخوان التعليق...

وشكرا...

شوف
ما في شي صعب . اهم شي يشد الهمة
دام ان توفق بالمجموع بالساهل
خله يشد على عمره في الجامعة ..

بس على قولتك هو ضعيف
واعتقد في اسباب للضعف خله يراجع نفسه
وما يستسلم .. ولا يفكر في كل مرة تسلم الجرة ..

[الزاجل]

الزاجل ..

صحيح الله يعينك ويعين كل ولي امر مهتم بدراسة عياله .. ولا ترا في ولاة امور مايدرون شالطبخه مع الخيل ياشقرا ..

تجربة المدارس المستقلة اثبتت فشلها اكاديميا ونجاحها اعلاميا ..

مايبون يطلعون نفسهم غلطانين بالاخير ..

النسب اللي طلعو بها العيال هالسنه اكبر دليل على انها تجربة فاشلة !!

الله يعينكم بصراحة ..

تدرين يا السديم

المفروض انهم بدل ما يطرشون مع بداية السنة
اجندة الطلاب في اياديهم فيها قوانين المدرسة
وايام الدراسة والاجازات والعطلات ..

يطرشون اوراق ينبهون فيها عيالهم بالنسب
المطلوبة لثالث ثانوي مع قرارات المجلس الأعلى
مع نصح الأباء والامهات بالحاق عيالهم في دورات
انجليزية وتقويتهم في الرياضيات ..

بفضل من الله ولدي ما تأثر كلش
لأن نسبته من الأساس عالية في المدرسة
وعنده توفل ومخلص عمره ..

لكن لما شفت ربعه اشلون منصدمين
عقب ما افرحوا بالنسب مالت المجلس الأعلى
قلت على الدنيا السلام ..

يفوشرون في الجرايد
وفي الواقع يصدمون الطلاب ..
اشوف ان الطلاب و أولياء أمورهم ما يسكتون عنهم
يعني هي يات على شنهو الا على شنهو ..

طالب وراه شهادة يلعوزونه مع امتحان تقييم
وياخذون ما مقداره 40% من المجموع كله

وبعدين يخصمون لهم نسبة معينة وتنحسب لهم
مجاميع يديدة عند الالتحاق بالجامعات ..

خلوا طلاب الثانوية يعرفون اللي لهم واللي عليهم
من خلال المنهج بعيد عن امتحانات التقييم هذي ..

اشلون يقيمون طلاب على اشياء ما خذوها وبلغة ثانية crazy

تدرين شكلي مب مخلص هذرة اليوم
وانت بعد ما اتصدقين :D

سلام

[khaldoon]

والله اخوي الزاجل انا بنتي حاولت اسجلها بالمستقله ما قدرت فسجلتها في الحكوميه لانها ان شاء الله بتدخل صف اول ابتدائي

الله يبشرك بالخير لانه من موضوعك افهم اني ما خسرت شي لا بالعكس كسبت والله يكون في عونك على مشكلتك في تعليم اولادك يا رب

[الزاجل]

والله اخوي الزاجل انا بنتي حاولت اسجلها بالمستقله ما قدرت فسجلتها في الحكوميه لانها ان شاء الله بتدخل صف اول ابتدائي

الله يبشرك بالخير لانه من موضوعك افهم اني ما خسرت شي لا بالعكس كسبت والله يكون في عونك على مشكلتك في تعليم اولادك يا رب

شوف يا خلدون
علشان ما انقص عليك .. المدارس الحكومية ينقصها دعم
اللغة الانجليزية .. ولكن من حيث المناهج الثانية فهي قوية
وما عليها كلام ..

ولكن للأسف الشديد اذبحوننا باللغة الانجليزية
والطالب في قطر من غير لغة انجليزية ما يسوى شي ..

فلازم اتشوف لك حل في اكتساب عيالك
اللغة الانجليزية في 3 مواد اساسية
العلوم + الرياضيات + الانجليزي :p ..

احنا يا خلدون لما نشتكي نشتكي من باب
نبي التحسين مب الغاء المدارس المستقلة ..

نبي يدرسون ويقيمون تجاربهم الفاشلة
اللي يالسين يجربونها على جيل كامل من اطفال وشباب قطر
بحجة تطوير العلم crazy

[فارس السهم]

والله ياطويل العمر انا مب داشه مزاجي سالفة المدارس المستقلة ذي .. كلها على بعضها ( خربطيشن ) في ( خربطيشن ) .. والله العالم وش التالي .. المشكلة الإعلام والصحافة .. مسوين هاله على هالنظام والكل يجامل ومحد يقدر يتكلم .. وفي الواقع شي ثاني ومختلف .. يكفي تعرف ان تجربة المدارس المستقلة اثبتت فشلها في دولة الكويت حيث كانت سباقة في هذا المجال .. واستمرت فيه لمدة 13 سنة قبل ان تعلن فشل هذه التجربة .. مشكلتنا نبي نقلد الغرب في كل شي .. وبدون تقنين او ترتيب .. نسال الله السلامة .. (( إييييييييه دي بأت مدارس دي .. فيييين ايام رفاعه الطهطاوي وقاسم أمين وزكي جمعه .. مين دا زكي جمعه ؟! .))

[الزاجل]

والله ياطويل العمر انا مب داشه مزاجي سالفة المدارس المستقلة ذي .. كلها على بعضها ( خربطيشن ) في ( خربطيشن ) .. والله العالم وش التالي .. المشكلة الإعلام والصحافة .. مسوين هاله على هالنظام والكل يجامل ومحد يقدر يتكلم .. وفي الواقع شي ثاني ومختلف .. يكفي تعرف ان تجربة المدارس المستقلة اثبتت فشلها في دولة الكويت حيث كانت سباقة في هذا المجال .. واستمرت فيه لمدة 13 سنة قبل ان تعلن فشل هذه التجربة .. مشكلتنا نبي نقلد الغرب في كل شي .. وبدون تقنين او ترتيب .. نسال الله السلامة .. (( إييييييييه دي بأت مدارس دي .. فيييين ايام رفاعه الطهطاوي وقاسم أمين وزكي جمعه .. مين دا زكي جمعه ؟! .))

تبي الصراحة بجد منهو ذيه زكي جمعة :D

مشكلة الإعلام مشكلة
اتصدق ممكن يخلوني ملياردير وانا قاعد مكاني :o

تطبيل في تطبيل

صرت من اقرا تحقيق او خبر في الجريدة
اضحك لأن الواقع شي والجرايد و وسائل الإعلام شي ثاني ..

بس احنا قبل ما كنا نعرف شي عن المدارس المستقلة
كنا فرحانين بالمباني :shy:
وتدريس الكمبيوتر :strong
والتركيز على اللغة الانجليزية :app:

بس مع مرور السنين
بدينا نشعر بخطر كبير .. وخاصة
لما اتشوف طالب حسب ما سمعت وصل الصف الثالث
في احدى المدارس وهو ما يعرف يكتب :court: