سؤال الاسبوع: ماذا تفعل ان علمت ان أخوك اوأحد أقاربك تزوج من الخارج من دون علم الاهل؟

[المخلب]

السلام عليكم

اطرح عليكم موضوع قديم في معناه ( وهو الزواج ) ولكنه جديد في محتواه ..

موضوعي هذي المره يركز على الزواج من بنات أوروبا ! وله امريكا او غيرهم لما يكون الواحد يدرس بدوله اجنبيه ( غير عربيه ) ..

شلون بتكون نظرتك له ؟! خاصه انه تزوج ولا قال لحد من أهله وبعد ماتزوج رجع هو والعروس لبلاده ! ..

وايش بيكون موقفك منه ؟

وشرايك بهذا النوع من الزواج ؟؟

[BODYGUARD]

اعتقد ان هذا الشي راجع له " اخوي مثلاً " وهو ادرى بمصلحته عن اخبار الاهل اعتقد ان لو تزوج عربيه اكيد راح يزعلون بس لو تزوج اجنبيه اعتقد ان الاهل في الاساس ماراح تفرج معاهم يعني ماراح يزعلون لو انه تزوج من وراهم ..

شاكر لك اخوي المخلب على الطرح الرائع

[M-OH-A-ME-D]

سواء أتزج عربيه ولا أجنبيه

أش راح بتفرق معي

أو

أش راح يتغير على علاقتي معه

أنا علاقي معاه مش مع زوجتوه

وعلى العموم أنا بعرف شب درس في الخارج في دوله أجنبيه

وأتزوج ورجع مع زوجتوه

ما حد أنصدم غير الأهل وعشان ما خبرهم بس مش لأشي ثاني

تحياتي

[خفايا الروووح]

الصراحه انا ماحب هالنوع من الاخوان...يعني اشفيها اذا خبرنا :confused: ..هو ناوي ناوي مافيها شي اذا خبرنا ..طيب لايخبرنا ع الاقل يخبر الام والابو ولا بعد مب لازم يعرفون ؟!هذول اللي ربوه ودارو بالهم عليه وطرشوه برع ع شان يدرس ع الاقل يقولهم..وبعدين ليه يخش اذا هو بياخذها حلال ؟! اما بيسوي سوالفه من تحت لين تحت طبعا حتى انا بحتر:anger1:

وبعدين هو رايح يدرس يتزوج شو له؟؟ واشلون بيصرف عليها اذا ماشتغل...


ويعطيك العافيه يالمخلب ع الطرح

[حيهور]

اباركله واعطيه عينيه
وادعيله

[التيما]

بازعل منه طبعا و باخذ بخاطري لانه المفروض يقولنا مافيها شي ومو عيب دام بيتزوجها .. بس يصدمنا جذي جنه ماله اهل عيل لا يناديني اختي دامه ماخلاني افرح وياه ..

[ANONYMOUS]

شالمشكله

[mohd2010]

:eek3: :eek3: :eek3:

[هداف]

نظرتي له انه مب كفووووو ولا فيه غيره وناقص مراجل الهيس الاربد ماخذ اجنبيه اوروبيه فاصخه الحيا ولعفه هذولا مجتمعات منحله وثلثينهم عيال حرام يعني هو لو فيه ذرة حميه لدينه ولاصله ولهله كان مافكر ياخذ اجنبيه اوروبيه من زود حياها وحشمتها ها لعالم المفاصيخ المنحلين !!!!!!!!!!!!!!!!!!!!!!!!!!!!!!!!!!!!!!!!!!!!!!

والشرهه على اللي ردوا على الموضوع ويقولون عادي مافيها شي بس خل يخبرنا هههه الحمدالله والشكر
من شابه اباه فما ظلم الله يخلف اقوووووووووووووووووول

[امل الحب]

الله يوفقه ويسهل له..

[shrook]

عادي الله يوفقه هذي حياتوا وله حرية الاختيار

[mohd2010]

المشكله طلعت بالاملاء والتعبير وليس بالزواج من الاجنبيات :con2:

[prettywoman]

نظرتي له انه مب كفووووو ولا فيه غيره وناقص مراجل الهيس الاربد ماخذ اجنبيه اوروبيه فاصخه الحيا ولعفه هذولا مجتمعات منحله وثلثينهم عيال حرام يعني هو لو فيه ذرة حميه لدينه ولاصله ولهله كان مافكر ياخذ اجنبيه اوروبيه من زود حياها وحشمتها ها لعالم المفاصيخ المنحلين !!!!!!!!!!!!!!!!!!!!!!!!!!!!!!!!!!!!!!!!!!!!!!

والشرهه على اللي ردوا على الموضوع ويقولون عادي مافيها شي بس خل يخبرنا هههه الحمدالله والشكر
من شابه اباه فما ظلم الله يخلف اقوووووووووووووووووول
:nice: :nice: :nice:
(تخيلوا عياله ...اشلون بتكون تربيتها(الزوجه الاجنبيه) لهم هناك نماذج موجوده عندنا ...والا واحد تزوج ما هما الا نفسه...وما شاف جدامه شنو راح اتكون حالة عياله والجيل اللي بيتربى من راس الاجنبيه الله يخلف علينا)....بس لو اجنبيه مسلمة متدينه تختلف النظره لها بصوره ايجابيه.....بس الموضوع الاساسي انه غلطان اذا هو ما خبر اهله ما في خير لغيره وما فيه هو خير من الاصل.:anger1:

[abo rashid]

خله يتزوج هو حر في حياته

انا ما اويد هذي الزيجه احس مو راكبين على بعض لان العادات و التقاليد غير و اغلبها فاشل

[ذوق]

ههههههههههههههههه ملاحظة شي....

أن الشباب أغلبهم موافق وماعنده مشاكل

والبنااااات ثايره فيهم الحميه...

اما عني انا....بصراحه ما أيد وبزعل من قلب...يعني اذا هو ماقال لنا من الأساس...اكيد عارف ان الي سواه غلط...؟؟

واذا على قولته ان خايف أن احنا مابنوافق...وبغى يحطنا في الأمر الواقع؟ فهذا يعني أن راينا رماه بعرض الطوفه....

يعني بالأساس ماهميناه

فليش نعور راسنا ونهتم.....

الا في حاله وحده اذا المره فيها خير ودينه .... يمكن تختلف النظره والرؤيه :)

أطيب أمنياتي على الموضوع الفناااان صراحه

تفاؤل

[EleGanT]

ليه يعني نقصوا بنات الديره علشان يتزوج من الخارج :con2:

(واللي بيقول المهر واجد ومدري وشو ماعتقد انه عذر علشان يتزوج من اجنبيه لأن اللي بيتزوج من برع ماعتقد ان اللي بياخذها

تركت عيال ديرتها علشان سواد عيونه أكيد خذته لأنها ناويه على نيه omen omenمن وصايا ابوها واخوانها وعلى قولتهم (الخليجي ياريتوا يجي:strong )

وطبعاً تربية العيال هذا شي ثاني

لأنه معروف ان اي عيال امهم تكون مب قطريه او مب خليجيه دايماً فيهم شي حتى الناس يتكلمون عنهم

مثلاً يقولون ماينلام ولد ال....... ولا اكيد هذي امها...... علشان كذا البنت طالعه.... نسمع كلام كثيررر من الناس والسبب تربية الأم

(مــــــــــــــــــــــــب الكل لاتفهموني غلط فيه ناس والله والنعم وماعليهم كلام وامهاتهم مب من الديره)

طلعت من صلب الموضوعcrazy crazy

المهم انا عن نفسي اكيد باخذ في خاطري لأنه ماخبرنا بس مستحيل اقطع اخوي والسبب حرمه هذا عضيدي مهما صار

ويعطيك العافيه اخوي عالموضوع

[المخلب]

اعتقد ان هذا الشي راجع له " اخوي مثلاً " وهو ادرى بمصلحته عن اخبار الاهل اعتقد ان لو تزوج عربيه اكيد راح يزعلون بس لو تزوج اجنبيه اعتقد ان الاهل في الاساس ماراح تفرج معاهم يعني ماراح يزعلون لو انه تزوج من وراهم ..

شاكر لك اخوي المخلب على الطرح الرائع


راي ونحترمه شكرا لك ..

[khaldoon]

والله اشوف انها حريه شخصيه

اهم شي ان البنت تكون اخلاقها عاليه

كل الشكر يا المخلب على طرح الموضوع

[simsim1963]

بس بصراحه يابنات قطر بلا زعل ..... البنات الاوروبيات جسم وجمال ودلال ... القطريه اذا فيها جسم حليو تلاقي الجمال لك عليه واذا الجمال الوجه الجسم رايح فيها يعني صعب جدا جدا يركبون على بعض الجسم والجمال والسبب زواج الاقارب خلق مشاكل بس الغرب خليط عجيب وساحر

[المخلب]

سواء أتزج عربيه ولا أجنبيه

أش راح بتفرق معي

أو

أش راح يتغير على علاقتي معه

أنا علاقي معاه مش مع زوجتوه

وعلى العموم أنا بعرف شب درس في الخارج في دوله أجنبيه

وأتزوج ورجع مع زوجتوه

ما حد أنصدم غير الأهل وعشان ما خبرهم بس مش لأشي ثاني

تحياتي


مو هذا هو السؤال انه ليش مايخبرهم ! ..

المفروض الفرحه تكون للأهل قبل اي شخص ثاني حتى لو انه تزوج من برع .

غير كذا موافقه الوالدين أهم شئ :) ..

رضاهم من رضى الله ..

تحياتي لك

[على قد حالها]

بقول له ماااااااااااااااالت عليك والطيور على اشكالها تقع ...
واذا جا دوري وتزوجت بموافقة الاهل بشرط انهم مايقولون له وذيك الساعه بيعرف شنو قيمة الاهل!!!!

[الطرف الأغر]

أستغرب أحيانا من شغله بالمجتمع ،، ان اذا الشاب بغى ياخذ قطريه بس مب قبيليه أو من العايلة الفلانيه ،، تلقى الأهل يحاربونه ويزعلون عليه لانها مب من ثوبه بالنسبة لوجهة نظرهم ،، لكن تلقاه اذا نوى ياخذ له خليجيه مب معروف أصلها ولا سنعها او شامية ما تدري اشناويه عليه او أجنبية ماتعرف اش نسبها ،، قالوا معليه مافيها شي الله يوفقه

اسمحلي اخوي المخلب ان طلعت اشوي عن صلب الموضوع بس نقطة حبيت أضيفها ،، عشان أفهم السبب من أخواني الأعضاء المحترمين

أما بالنسبه اذا صار هالموقف معاي ،، يمكن بتأثر لأنه الي سواه احتمال كبير تكون نتايجه سلبيه عليه في المستقبل أو على اعياله بزعل عليه على نفسه مب عشان قال او ما قال ( بالنسبه اذا كان أخوي أو أحد أقربائي )

أما اذا كان ولدي ،، الله لا ايب اليوم الي اشوف فيه ولدي يعاملني مثل الغريبه ،، مهما كانت الأسباب
اللهم اجعله باراً بي

وفي النهاية كل انسان مسؤول عن تصرفاته ،، والله يكون في عون الوالدين

[التيما]

بقول له ماااااااااااااااالت عليك والطيور على اشكالها تقع ...
واذا جا دوري وتزوجت بموافقة الاهل بشرط انهم مايقولون له وذيك الساعه بيعرف شنو قيمة الاهل!!!!
تعجبيني :app: :app: :app:

[Sari]

باخذ توكيل عنه وباطلقها بثلاث :)
يسلمو

[جلمود]

ههههههههههههههههه ملاحظة شي....

أن الشباب أغلبهم موافق وماعنده مشاكل

والبنااااات ثايره فيهم الحميه...

اما عني انا....بصراحه ما أيد وبزعل من قلب...يعني اذا هو ماقال لنا من الأساس...اكيد عارف ان الي سواه غلط...؟؟

واذا على قولته ان خايف أن احنا مابنوافق...وبغى يحطنا في الأمر الواقع؟ فهذا يعني أن راينا رماه بعرض الطوفه....

يعني بالأساس ماهميناه

فليش نعور راسنا ونهتم.....

الا في حاله وحده اذا المره فيها خير ودينه .... يمكن تختلف النظره والرؤيه :)

أطيب أمنياتي على الموضوع الفناااان صراحه

تفاؤل

:app: :app: :app:

هــــــــــــذه الكلام الصح

[حنان الدنيا]

مااعتقد رايي بيهم اخوي لان لو كان يهمه كان خذا شورنا وراينااا
ومايهمني اذا خذ اجنبيه لان لو صار شئ هو المسؤؤل وهو اللى اختار مو احناااا
وهو يتحمل اختياره

[المخلب]

الصراحه انا ماحب هالنوع من الاخوان...يعني اشفيها اذا خبرنا :confused: ..هو ناوي ناوي مافيها شي اذا خبرنا ..طيب لايخبرنا ع الاقل يخبر الام والابو ولا بعد مب لازم يعرفون ؟!هذول اللي ربوه ودارو بالهم عليه وطرشوه برع ع شان يدرس ع الاقل يقولهم..وبعدين ليه يخش اذا هو بياخذها حلال ؟! اما بيسوي سوالفه من تحت لين تحت طبعا حتى انا بحتر:anger1:

وبعدين هو رايح يدرس يتزوج شو له؟؟ واشلون بيصرف عليها اذا ماشتغل...


ويعطيك العافيه يالمخلب ع الطرح


ولا انا ..

شكرا لك .. وتحياتي لك ..

[المخلب]

بازعل منه طبعا و باخذ بخاطري لانه المفروض يقولنا مافيها شي ومو عيب دام بيتزوجها .. بس يصدمنا جذي جنه ماله اهل عيل لا يناديني اختي دامه ماخلاني افرح وياه ..


كلام سليم .. بس تدرين بعض الاشخاص يضن ان الزواج امر سيادي له يعني ماله دخل اهله اعرفوا بالموضوع او لاء ..!

[المخلب]

اباركله واعطيه عينيه
وادعيله


اي بس ماقال لهله ! ..

تهقى هذا شئ عادي ؟؟

[المخلب]

شالمشكله

المشكله ياطويل العمر .. انه ماقال لهله ! ..

ماتحس انها غلطه ووصمه عار في جبهته !

[المخلب]

:eek3: :eek3: :eek3:


:looking: :looking: :looking:

[المخلب]

نظرتي له انه مب كفووووو ولا فيه غيره وناقص مراجل الهيس الاربد ماخذ اجنبيه اوروبيه فاصخه الحيا ولعفه هذولا مجتمعات منحله وثلثينهم عيال حرام يعني هو لو فيه ذرة حميه لدينه ولاصله ولهله كان مافكر ياخذ اجنبيه اوروبيه من زود حياها وحشمتها ها لعالم المفاصيخ المنحلين !!!!!!!!!!!!!!!!!!!!!!!!!!!!!!!!!!!!!!!!!!!!!!

والشرهه على اللي ردوا على الموضوع ويقولون عادي مافيها شي بس خل يخبرنا هههه الحمدالله والشكر
من شابه اباه فما ظلم الله يخلف اقوووووووووووووووووول


وجهة نظر .. اشكرك عليها ..

[المخلب]

الله يوفقه ويسهل له..

رايك ونحترمه ..

بس الافضل يقول لهله وله ؟ :con2:

[سهم المراقيب]

الزواج شر لا بد منه ,,
واختيار الزوجة المفروض يكون بيد الزوج ,,
حتى لو تكتّم على الموضوع ,,

ما هي الحكمة من الزواج ؟ ,,
اكمال نصف الدين والتعفف واشباع الغريزة,,
صح وللى ؟

الزواج طريقة لتقوية الصلات والمعارف من خلال المصاهرة ,,

طيب اذا تزوج غربية ,, ومعظم أهل الغرب من غير المسلمين ,,
وكان الزواج سبب في إسلامها ,,



يطلع الشخص "مش كفو ونذل وخائن .. " ,, عجبي ,,

[المخلب]

عادي الله يوفقه هذي حياتوا وله حرية الاختيار


هذي حياته صح ! .. لكن المفروض اهله يدرون ..

يعني تخيل هم يطرشون يدرس ! وبالاخير يرجع ومعاه وحده من دون مايقول لهم ! وانجليزيه بعد . :looking:

والله تبي الصدق قويه في حقهم !

[المخلب]

:nice: :nice: :nice:
(تخيلوا عياله ...اشلون بتكون تربيتها(الزوجه الاجنبيه) لهم هناك نماذج موجوده عندنا ...والا واحد تزوج ما هما الا نفسه...وما شاف جدامه شنو راح اتكون حالة عياله والجيل اللي بيتربى من راس الاجنبيه الله يخلف علينا)....بس لو اجنبيه مسلمة متدينه تختلف النظره لها بصوره ايجابيه.....بس الموضوع الاساسي انه غلطان اذا هو ما خبر اهله ما في خير لغيره وما فيه هو خير من الاصل.:anger1:


كلام سليم .. وجهة نظر تشكرين عليها ..

[المخلب]

خله يتزوج هو حر في حياته

انا ما اويد هذي الزيجه احس مو راكبين على بعض لان العادات و التقاليد غير و اغلبها فاشل


لو استبعدنا العادات والتقاليد ! ..

ولو استبعدنا انه حر وهذي حياته ! ..

لكن الاجدر انه يقول لابوه وله لامه ! ( وان كان يتيم ) يقول لاخوانه ..

مايصير يتزوج ويخلص وهله مايدرون crazy

كانه يقول لهم مالكم شغل فيني حتى في فرحتي وحزني ! :deal:

[المخلب]

ههههههههههههههههه ملاحظة شي....

أن الشباب أغلبهم موافق وماعنده مشاكل

والبنااااات ثايره فيهم الحميه...

اما عني انا....بصراحه ما أيد وبزعل من قلب...يعني اذا هو ماقال لنا من الأساس...اكيد عارف ان الي سواه غلط...؟؟

واذا على قولته ان خايف أن احنا مابنوافق...وبغى يحطنا في الأمر الواقع؟ فهذا يعني أن راينا رماه بعرض الطوفه....

يعني بالأساس ماهميناه

فليش نعور راسنا ونهتم.....

الا في حاله وحده اذا المره فيها خير ودينه .... يمكن تختلف النظره والرؤيه :)

أطيب أمنياتي على الموضوع الفناااان صراحه

تفاؤل


وجهة نظر نشكرك عليها ..

وترى الزواج مو غلط :looking: .. بس الغلط انك ماتبلغ هلك ;)

تحياتي لك .. :eek2:

[المخلب]

ليه يعني نقصوا بنات الديره علشان يتزوج من الخارج :con2:

(واللي بيقول المهر واجد ومدري وشو ماعتقد انه عذر علشان يتزوج من اجنبيه لأن اللي بيتزوج من برع ماعتقد ان اللي بياخذها

تركت عيال ديرتها علشان سواد عيونه أكيد خذته لأنها ناويه على نيه omen omenمن وصايا ابوها واخوانها وعلى قولتهم (الخليجي ياريتوا يجي:strong )

وطبعاً تربية العيال هذا شي ثاني

لأنه معروف ان اي عيال امهم تكون مب قطريه او مب خليجيه دايماً فيهم شي حتى الناس يتكلمون عنهم

مثلاً يقولون ماينلام ولد ال....... ولا اكيد هذي امها...... علشان كذا البنت طالعه.... نسمع كلام كثيررر من الناس والسبب تربية الأم

(مــــــــــــــــــــــــب الكل لاتفهموني غلط فيه ناس والله والنعم وماعليهم كلام وامهاتهم مب من الديره)

طلعت من صلب الموضوعcrazy crazy

المهم انا عن نفسي اكيد باخذ في خاطري لأنه ماخبرنا بس مستحيل اقطع اخوي والسبب حرمه هذا عضيدي مهما صار

ويعطيك العافيه اخوي عالموضوع

شكرا لك ..

[المخلب]

والله اشوف انها حريه شخصيه

اهم شي ان البنت تكون اخلاقها عاليه

كل الشكر يا المخلب على طرح الموضوع

العفو اخوي خلدون .. صحيح حريه شخصيه .. لكن الاهل لازم يدرون وله ؟

[المخلب]

بس بصراحه يابنات قطر بلا زعل ..... البنات الاوروبيات جسم وجمال ودلال ... القطريه اذا فيها جسم حليو تلاقي الجمال لك عليه واذا الجمال الوجه الجسم رايح فيها يعني صعب جدا جدا يركبون على بعض الجسم والجمال والسبب زواج الاقارب خلق مشاكل بس الغرب خليط عجيب وساحر


:eek: :eek: :eek: :eek: :eek: :eek:

:rolleyes: :looking: :rolleyes: :looking: :rolleyes: :looking: :rolleyes:

crazy crazy crazy crazy crazy crazy crazy

omen omen omen omen omen

:D :D :eek2: :eek2: :funny:

تصدق .. ردك عجيب .. ههههههههههه شكرا لك .. ياسمسم :strong

[المخلب]

بقول له ماااااااااااااااالت عليك والطيور على اشكالها تقع ...
واذا جا دوري وتزوجت بموافقة الاهل بشرط انهم مايقولون له وذيك الساعه بيعرف شنو قيمة الاهل!!!!


:looking: :looking:

شكرا لك ..

[المخلب]

أستغرب أحيانا من شغله بالمجتمع ،، ان اذا الشاب بغى ياخذ قطريه بس مب قبيليه أو من العايلة الفلانيه ،، تلقى الأهل يحاربونه ويزعلون عليه لانها مب من ثوبه بالنسبة لوجهة نظرهم ،، لكن تلقاه اذا نوى ياخذ له خليجيه مب معروف أصلها ولا سنعها او شامية ما تدري اشناويه عليه او أجنبية ماتعرف اش نسبها ،، قالوا معليه مافيها شي الله يوفقه

اسمحلي اخوي المخلب ان طلعت اشوي عن صلب الموضوع بس نقطة حبيت أضيفها ،، عشان أفهم السبب من أخواني الأعضاء المحترمين

أما بالنسبه اذا صار هالموقف معاي ،، يمكن بتأثر لأنه الي سواه احتمال كبير تكون نتايجه سلبيه عليه في المستقبل أو على اعياله بزعل عليه على نفسه مب عشان قال او ما قال ( بالنسبه اذا كان أخوي أو أحد أقربائي )

أما اذا كان ولدي ،، الله لا ايب اليوم الي اشوف فيه ولدي يعاملني مثل الغريبه ،، مهما كانت الأسباب
اللهم اجعله باراً بي

وفي النهاية كل انسان مسؤول عن تصرفاته ،، والله يكون في عون الوالدين

كلام جميل .. شكرا لك على ابداء الراي ..

[المخلب]

تعجبيني :app: :app: :app:


:eek2: :eek2:

[المخلب]

باخذ توكيل عنه وباطلقها بثلاث :)
يسلمو


ههههه .. شكرا لك ..

[المخلب]

:app: :app: :app:

هــــــــــــذه الكلام الصح


:) ..

[المخلب]

مااعتقد رايي بيهم اخوي لان لو كان يهمه كان خذا شورنا وراينااا
ومايهمني اذا خذ اجنبيه لان لو صار شئ هو المسؤؤل وهو اللى اختار مو احناااا
وهو يتحمل اختياره


بارك الله فيك .. وتحياتي لك .

[المخلب]

الزواج شر لا بد منه ,,
واختيار الزوجة المفروض يكون بيد الزوج ,,
حتى لو تكتّم على الموضوع ,,

ما هي الحكمة من الزواج ؟ ,,
اكمال نصف الدين والتعفف واشباع الغريزة,,
صح وللى ؟

الزواج طريقة لتقوية الصلات والمعارف من خلال المصاهرة ,,

طيب اذا تزوج غربية ,, ومعظم أهل الغرب من غير المسلمين ,,
وكان الزواج سبب في إسلامها ,,



يطلع الشخص "مش كفو ونذل وخائن .. " ,, عجبي ,,

راي ونحترمه ... ولكن من دون موافقه الاهل ماحس انها حركه طيبه ..

[هداف]

الزواج شر لا بد منه ,,
واختيار الزوجة المفروض يكون بيد الزوج ,,
حتى لو تكتّم على الموضوع ,,

ما هي الحكمة من الزواج ؟ ,,
اكمال نصف الدين والتعفف واشباع الغريزة,,
صح وللى ؟

الزواج طريقة لتقوية الصلات والمعارف من خلال المصاهرة ,,

طيب اذا تزوج غربية ,, ومعظم أهل الغرب من غير المسلمين ,,
وكان الزواج سبب في إسلامها ,,



يطلع الشخص "مش كفو ونذل وخائن .. " ,, عجبي ,,


الاخ يفتي ولا ايش !! كيف تتزوج بكافره لاتدين با الاسلام وتقول بتزوجها وانشاءالله بحاول اخليها تسلم !! تعلم الغيب لظاهر

يا زمااااااااااااااااااااااااااااااااان الوهن ياعوين الاسلام وهله وين الغيره وين الحميه على لمحارم تتزوج اوروبيه من مجتمعات الانحلال والخنا وتقول يكمل نص دينه اي دين هذا


على العموم اذا انزلت زوجتك الاوربيه المحترمه المصونه المسبح او البحر با لمايوه شوف نفسك باقرب مرايه صدقني ماتشوف رجال بتشوف ,,,,, ؟ اكمل لفراغ يامن يخصك الامر

[هداف]

للاسف اخي المخلب انت تدير النقاش هنا من زاويه سطحيه جداااااااااااااا وتترك ماهو اعظم !!

النقاش اوسع واعم من يكون فقط لماذا لم يخبر هله ؟؟

[المخلب]

للاسف اخي المخلب انت تدير النقاش هنا من زاويه سطحيه جداااااااااااااا وتترك ماهو اعظم !!

النقاش اوسع واعم من يكون فقط لماذا لم يخبر هله ؟؟


والله ان تبي الصدق معاك حق .. لكن انا حبيت اخليه بدائره ضيقه لان الموضوع سمعته من واحد من الربع و امه في المستشفى مرقده والسبب ان ولدها تزوج ولا قال لها ! وجاء هو وزوجته وولد صغير في ايده ! تخيل وللعلم كان متزوج من ثاني سنه راح هناك يدرس ولما رجع بعد اربع سنوات جاهم على هذي الحاله فتخيل الموقف المؤلم يعني !

[هداف]

هذا نهاية البر بوالدينه ؟؟ لاحول ولاقوة الا بالله العلي العظيم

اللهم لاشماته

تقبل مني وافر التحايا اخي المخلب

[سهم المراقيب]

الاخ يفتي ولا ايش !!
لا أعلم سبب اسلوب المحاباة وتغاضي بعض أعضاء الإدارة
الموقرة في تحرير مثل تلك الردود ,, على العموم الشكوى لغير الله مذلة ,,

من قال لك اني مفتي ؟؟ هل قرأت في ردي السابق اي افتاء ؟؟
اسمك هداف .. أي صائب الأهدااف ,, لكن اخطأت الهدف هذه المره ,,


كيف تتزوج بكافره لاتدين با الاسلام وتقول بتزوجها وانشاءالله بحاول اخليها تسلم !! تعلم الغيب لظاهر


ذكرت غير المسلمين ولم اقل كفّار ,,
هناك فرق بين أهل الكتاب والكفّار ,,

وبما ان الإسلام حلل الزواج من الكتابية بشروط وهي كالتالي :

أولها: أن يستوثق من كتابيتها فقد تكون مسيحية اسمًا؛ ولكنها ملحدة حقيقة أو بهائية أو نحو ذلك.
الشرط الثاني: أن تكون محصنة أي عفيفة لا تبيع جسدها لمن يريد، أو على الأقل تكون تائبة مما وقعت فيه من أخطاء.
الشرط الثالث: ألا تكون من قوم معادين للمسلمين كاليهودية في عصرنا.
الشرط الرابع: ألا يكون في ذلك مضرة على الزوج أو على أولاده منها أو على بنات المسلمين كأن تكون الجالية الإسلامية محدودة العدد فإذا تزوج غير مسلمة كسدت سوق مسلمة مقابلها.
بهذه الشروط الأربعة يجوز التزوج من الكتابيات.
المصدر (http://www.islamonline.net/servlet/Satellite?cid=1122528612808&pagename=IslamOnline-Arabic-Ask_Scholar%2FFatwaA%2FPrintFatwaA)

فبأي حق تقوم وتحرّم من دون دراية ولا علم؟


على العموم اذا انزلت زوجتك الاوربيه المحترمه المصونه المسبح او البحر با لمايوه شوف نفسك باقرب مرايه صدقني ماتشوف رجال بتشوف ,,,,, ؟ اكمل لفراغ يامن يخصك الامر

استغفر ربك ,,

--------------------------------------------------------------------------



اسمحلي المخلب بالخروج عن صلب الموضوع ,,
انا ضد اخفاء موضوع الزواج عن الأهل حتى وان كانت الزوجه غربيه ,,
تقبل تحياتي ,,

[بوعبدالله - قطر]

نظرتي له انه مب كفووووو ولا فيه غيره وناقص مراجل الهيس الاربد ماخذ اجنبيه اوروبيه فاصخه الحيا ولعفه هذولا مجتمعات منحله وثلثينهم عيال حرام يعني هو لو فيه ذرة حميه لدينه ولاصله ولهله كان مافكر ياخذ اجنبيه اوروبيه من زود حياها وحشمتها ها لعالم المفاصيخ المنحلين !!!!!!!!!!!!!!!!!!!!!!!!!!!!!!!!!!!!!!!!!!!!!!

والشرهه على اللي ردوا على الموضوع ويقولون عادي مافيها شي بس خل يخبرنا هههه الحمدالله والشكر
من شابه اباه فما ظلم الله يخلف اقوووووووووووووووووول

صدقت يالغالي....
تستاهل بوسه على خشمك....
الزواح حلو بس الاحلى ان تختار وحده من دمك ولحمك يعني وحده عادتها وتقاليدها نفس عادات الزوج مع وجود فروقات بسيطه مب مشكلة...
الواحد لين يتزوج أجنبيه بتكون سلبيات أكثر من الايجابيات وخاصه أوروبيه...
والام تنتظر بفارق الصبر عشان تفرح بولدها... وتحرمها من فرحتها؟؟؟؟

[بوعبدالله - قطر]

بس بصراحه يابنات قطر بلا زعل ..... البنات الاوروبيات جسم وجمال ودلال ... القطريه اذا فيها جسم حليو تلاقي الجمال لك عليه واذا الجمال الوجه الجسم رايح فيها يعني صعب جدا جدا يركبون على بعض الجسم والجمال والسبب زواج الاقارب خلق مشاكل بس الغرب خليط عجيب وساحر

تحياتي لك يالغالي...
الجمال مب كل شئ في الزواج من وجهة نظري مع احترامي لوجهة نظرك...
أش فيهم بنات قطر أو بشكل عام بنات الخليج والعرب؟؟؟؟
فيهم جمال روحي وديني ودلع والاحترام والسحر....
الواحد لين يبي يتزوج مب أهم شئ الجمال...
في أهم منه هو أن تكون تخاف الله وتقدرك وتقدر هلك وتصونك...
دلع زوجتك بدلعك عدل عدل عدل...
بنات الغرب عادتهم غير عادتنا من اللبس وأشياء كثيره...
( حلاته الثوب رقعته منه وفيه )
ولك خالص التحيه ولكاتب الموضوع...

[السديم]

المخلب ..

كالعاده موضوع زواج لكن جد هالمره الطرح غيررر ..

انا لا اؤيد مثل هذا الزواج .. يعني وين فرحة الانسان اذا ماشاركوه امه واخوانه واخواته ؟؟

وين الفرحة اذا ماتم الزواج بالطريقة اللي عارفينها والريايل يخطبون وعرس وتوابعه ...

هذي كلها امور تفرح قلب الواحد وماتتكرر ..

للأسف وايد من شبابنا خذتهم مظاهر الغرب وانبهرو بالبنات هناك وحياة الانفتاح وعيشة الحب و و و و الخ

لكن في الاخير 99% ندمو على مثل هالزواج لان الفكر الاجتماعي غير والزوجه يوم ترجع من ولد البلد ماتقدر تتأقلم معاه بعيشته عاد حزتها تاخذ اليهال وترجع ومن اللي يضيع اليهال اللي ياكثرهم في امريكا و اوروبا قطريين كجنسية لكن لا انتماء ديني ولا وطني !!!!!

ياليت كل واحد قبل لايقدم على هالخطوة يدرسها عدل ومن كل النواحي .. وياليت الاهالي هني يوضحون للعيال مدى خطورة مثل هالزيجات في المستقبل ..

هذرت وايد سوري ..

المخلب لك التحية :nice:

[هسلان]

النوع هذا من الزواج كثيراً ما يكون مصيره الفشل

[بوعبدالله - قطر]

رأي في الموضوع...
أفرح وخل هلك يفرحون وياك...
وخاصة العيوز إلى قاعده في البيت تنطرك...
والدين الاسلامي أهم شئ في الزواج...
وتحياتي لك ياالمخلب...

[المخلب]

اسمحلي المخلب بالخروج عن صلب الموضوع ,,
انا ضد اخفاء موضوع الزواج عن الأهل حتى وان كانت الزوجه غربيه ,,
تقبل تحياتي ,,

مسموح ... تقبل تحياتي .

[المخلب]

تحياتي لك يالغالي...
الجمال مب كل شئ في الزواج من وجهة نظري مع احترامي لوجهة نظرك...
أش فيهم بنات قطر أو بشكل عام بنات الخليج والعرب؟؟؟؟
فيهم جمال روحي وديني ودلع والاحترام والسحر....
الواحد لين يبي يتزوج مب أهم شئ الجمال...
في أهم منه هو أن تكون تخاف الله وتقدرك وتقدر هلك وتصونك...
دلع زوجتك بدلعك عدل عدل عدل...بنات الغرب عادتهم غير عادتنا من اللبس وأشياء كثيره...
( حلاته الثوب رقعته منه وفيه )
ولك خالص التحيه ولكاتب الموضوع...

هههههههه

مرحبتين اختي .. على فكره صاحبنا سمسم مايبي لا بنات الغرب ! ولا بنات العرب ! ولا بنات الخليج ! طموحه ان شاء الله في الجنه الحور العين ..

الله يرزقنا وجميع المؤمنين الجنه وحور العين .

تحياتي

[المخلب]

النوع هذا من الزواج كثيراً ما يكون مصيره الفشل


راي ونحترمه . شكرا لك .

[المخلب]

المخلب ..

كالعاده موضوع زواج لكن جد هالمره الطرح غيررر ..

انا لا اؤيد مثل هذا الزواج .. يعني وين فرحة الانسان اذا ماشاركوه امه واخوانه واخواته ؟؟

وين الفرحة اذا ماتم الزواج بالطريقة اللي عارفينها والريايل يخطبون وعرس وتوابعه ...

هذي كلها امور تفرح قلب الواحد وماتتكرر ..

للأسف وايد من شبابنا خذتهم مظاهر الغرب وانبهرو بالبنات هناك وحياة الانفتاح وعيشة الحب و و و و الخ

لكن في الاخير 99% ندمو على مثل هالزواج لان الفكر الاجتماعي غير والزوجه يوم ترجع من ولد البلد ماتقدر تتأقلم معاه بعيشته عاد حزتها تاخذ اليهال وترجع ومن اللي يضيع اليهال اللي ياكثرهم في امريكا و اوروبا قطريين كجنسية لكن لا انتماء ديني ولا وطني !!!!!

ياليت كل واحد قبل لايقدم على هالخطوة يدرسها عدل ومن كل النواحي .. وياليت الاهالي هني يوضحون للعيال مدى خطورة مثل هالزيجات في المستقبل ..

هذرت وايد سوري ..

المخلب لك التحية :nice:


خذي راحتك ..

كالعاده .. رد في الصميم ..

شكرا لك .. ياسديم المستقبل :) ..

[المخلب]

رأي في الموضوع...
أفرح وخل هلك يفرحون وياك...
وخاصة العيوز إلى قاعده في البيت تنطرك...
والدين الاسلامي أهم شئ في الزواج...
وتحياتي لك ياالمخلب...


الصراحه ردك حلو ! .. بس كلمه عيوز ماهي بحلوه .. ياريت تعيدين صياغتها ..

تحياتي لك .

[بوعبدالله - قطر]

هههههههه

مرحبتين اختي .. على فكره صاحبنا سمسم مايبي لا بنات الغرب ! ولا بنات العرب ! ولا بنات الخليج ! طموحه ان شاء الله في الجنه الحور العين ..

الله يرزقنا وجميع المؤمنين الجنه وحور العين .

تحياتي

مرحبتين يالغالي...
آمين إن شاء الله تعالى...
بالجنة وحور العين...

[بوعبدالله - قطر]

الصراحه ردك حلو ! .. بس كلمه عيوز ماهي بحلوه .. ياريت تعيدين صياغتها ..

تحياتي لك .

صراحتك احلى يالغالي...
تم تعديل من كلمة عيوز إلى الوالده الغاليه والحبيبه....
كلمة عيوز ماتنزل من قيمتها بس احنا متعودين من زمان نقول حق الوالده كلمة العيوز...
معاك اخوك الصغير ياالغالي....
وتحياتي لك...

[المخلب]

صراحتك احلى يالغالي...
تم تعديل من كلمة عيوز إلى الوالده الغاليه والحبيبه....
كلمة عيوز ماتنزل من قيمتها بس احنا متعودين من زمان نقول حق الوالده كلمة العيوز...
معاك اخوك الصغير ياالغالي....
وتحياتي لك...


السموحه على الخطا ..

شكرا الشيخ .. تحياتي لك

[بوعبدالله - قطر]

السموحه على الخطا ..

شكرا الشيخ .. تحياتي لك

أبوك الشيخ وانت أولده...
مسموح يالغالي....
كلنا ربع وأخوان...
وعلى روحك الرياضيه...
تحياتي لك ياالمخلب...

[نــوت قــطـــــر]

لا أعلم سبب اسلوب المحاباة وتغاضي بعض أعضاء الإدارة
الموقرة في تحرير مثل تلك الردود ,, على العموم الشكوى لغير الله مذلة ,,

من قال لك اني مفتي ؟؟ هل قرأت في ردي السابق اي افتاء ؟؟
اسمك هداف .. أي صائب الأهدااف ,, لكن اخطأت الهدف هذه المره ,,



ذكرت غير المسلمين ولم اقل كفّار ,,
هناك فرق بين أهل الكتاب والكفّار ,,

وبما ان الإسلام حلل الزواج من الكتابية بشروط وهي كالتالي :

أولها: أن يستوثق من كتابيتها فقد تكون مسيحية اسمًا؛ ولكنها ملحدة حقيقة أو بهائية أو نحو ذلك.
الشرط الثاني: أن تكون محصنة أي عفيفة لا تبيع جسدها لمن يريد، أو على الأقل تكون تائبة مما وقعت فيه من أخطاء.
الشرط الثالث: ألا تكون من قوم معادين للمسلمين كاليهودية في عصرنا.
الشرط الرابع: ألا يكون في ذلك مضرة على الزوج أو على أولاده منها أو على بنات المسلمين كأن تكون الجالية الإسلامية محدودة العدد فإذا تزوج غير مسلمة كسدت سوق مسلمة مقابلها.
بهذه الشروط الأربعة يجوز التزوج من الكتابيات.
المصدر (http://www.islamonline.net/servlet/Satellite?cid=1122528612808&pagename=IslamOnline-Arabic-Ask_Scholar%2FFatwaA%2FPrintFatwaA)

فبأي حق تقوم وتحرّم من دون دراية ولا علم؟



استغفر ربك ,,

--------------------------------------------------------------------------



اسمحلي المخلب بالخروج عن صلب الموضوع ,,
انا ضد اخفاء موضوع الزواج عن الأهل حتى وان كانت الزوجه غربيه ,,
تقبل تحياتي ,,



كلامك ما عليه غبار يا سهم المراقيب

[نــوت قــطـــــر]

بالنسبه للموضوع يرجع لتربية الوالدين لابنائهم بالدرجه الاولى

ومدى بعد او قرب علاقتهم فيهم ...

اما بالنسبه لسؤال الموضوع ما في احسن من الصراحه وانه يعلم هله وان يقنعهم بنظرته قد ما يقدر لانها في النهايه حياته وهو اللي اختارها وبعيش معاها...

[ابن ادم]

قال العلماء:

غير المسلمين هم الكفار والذي لا يكفرهم أو يشك بكفرهم فهو كافر

فاليهود والنصارى كفار والذي لا يكفرهم أو يشك بكفرهم فهو كافر

[ابن ادم]

[quote=سهم المراقيبهناك فرق بين أهل الكتاب والكفّار ,,

,,[/quote]

قال العلماء:

غير المسلمين هم الكفار والذي لا يكفرهم أو يشك بكفرهم فهو كافر

فاليهود والنصارى كفار والذي لا يكفرهم أو يشك بكفرهم فهو كافر

[ابن ادم]

بالنسبة للموضوع الرئيسي

السؤال هنا لماذا يقول لأهله؟ الرجل هو صاحب القرار وليس غيره فلا يحق لغيره الدخول في خصوصياته وأموره الشخصية

[بنت الفيصل]

اشد على يده... واخبره ان انسان متميز بالفعل ... على الاقل عرف احتياجة ... ولم يعدم شرف الاختيار الذي اباحه الله عز وجل له... ولم ينتظر موافقه وتباريك ملا يعنيهم امره...

[سهم المراقيب]

قال العلماء:

غير المسلمين هم الكفار والذي لا يكفرهم أو يشك بكفرهم فهو كافر

فاليهود والنصارى كفار والذي لا يكفرهم أو يشك بكفرهم فهو كافر


ويجب أن نفرق هنا بين الكتابية والمشركة، فالكتابية مَن لها دين سماوي نزل في أصله من عند الله ـ عز وجل ـ وإن حدث فيه تحريف منهم بعد ذلك، وأما المشركة فهي التي لادين لها، ولذلك فرق القرآن الكريم بين أهل الكتاب والمشركين، فقال في أول سورة البينةلَمْ يَكُنْ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنْفَكِّينَ حَتَّى تَأْتِيَهُمُ الْبَيِّنَةُ)0 فقد عطف المشركين على أهل الكتاب، فكأنهما صِنفانِ لا صنف واحد، لأن ظاهر العطف بالواو بين أهل الكتاب والمشركين يقتضي المغايرة، فهؤلاء غير أولئك. ولذلك قال بعض العلماء في الإفتاء: "ذهب بعض السلف إلى أنه لا يجوز للمسلم أن يتزوج بغير المسلمة مطلقًا، ولكن الجمهور من السلف والخلف على حِلِّ الزواج بالكتابية، وحُرْمَةِ الزواج بالمشركة... وأحل بعضهم المجوسية أيضًا، ويريدون بالمشركة الوثنية مطلقًا، بل عَدُّوا جميع الناس وَثَنِيِّينَ ما عدا اليهود والنصارى، ومن الناس من قال إنهم من المشركين، ولكن التحقيق أنهم لا يطلق عليهم لقب المشركين، لأن القرآن عندما يذكر أهل الأديان يَعُدُّ المشركين أو الذين أشركوا صنفًا، وأهل الكتاب صنفًا آخر، يعطف أحدهما على الآخر، والعطف يقتضي المغايرة كما هو مقرر".


كلامك صحيح اخي الكريم والمفروض ان استخدم كلمة "الكتابيّين " بدل "غير المسلمين "

انا كنت أقصد اباحة الزواج من الكتابيّة ,, أرجو مراجعة المصدر في الرد السابق ,,

[themasteraaa]

الصراحة انا هذا الموضوع احترت فيه كثير
وفي مثل شعبي يقول الي ما ياخذ من ملته يموت بعلته
بس بالنهاية القصة كلها قسمة ونصيب
والشي ما يحتاج مفاجات الاهل وخصوصا الام
من راي اخبار الاهل حتى يفرحوا لولدهم