يا شين الرجيم في الصيف .. (( بقلم المخلب .. حصريا للمنتدى .. )) ابداع 2007

[المخلب]

يا شين الرجيم في الصيف ..

الرجيم .. ومن ماوده من الشباب والبنات المتان انه يضعف .. وحتى الضعيف والمكرش ! يقول بسوي رجيم علشان تروح الكرشه !! ..

اي بعد مو عدله يطلع مثلا طلعه مع الربع للبحر ..

ويقولون يالله نسبح ! ..

وهو من تحت الثياب معصقل ! ..

اول ما يلبس الشورت تبين العصاقل والكرشه طالعه متر برع ..

فشله والله ..

لكن مافي شئ يفشل دام ان الحل موجود ..

وشو الحل برايك ؟

مافي غيره الرجيم !! ..

بس رجيم عن رجيم يفرق ! ..

واخس انواع الرجيم !! (صحيح يضعف , بس يذبحك ) هو رجيم الصيف ..

وعاد أي صيف ! .. صيفنا ما شاء الله درجه الحراره فوق الـ 50 وكل يوم الارصاد الجويه تقول لالا 48 وتحت !!

مادري يخافون يعطونا اجازه حسب القانون الدولي ؟! ..

وله المسأله مسأله كرف في هل الشمس الي تذبح ! ..

وياشين المرور .. تقولهم نبي نظل الموتر ..

يقولون No ممنوع .. وبنصكك مخالفه ! ..

شدعوه يبه ترى والله الشمس تذبح ! ..

وين ارحموا الناس ؟ وارحموا من في الارض ؟ وين الناس الي تحب الخير ؟ ..

والمشكله تشوف سيارته هو تحصل صاكها يا عازل يا مخفي ! ..

وين المخالفه ياحلو ؟ وله بس علينا ؟؟ ..

المهم شكلي طلعت عن موضوعي .. شسوي من الحره ! ..


الواحد ان سكت ! كلوا حقه ! ..

وان تكلم .. وبهدلوه .. ! ..

المهم .. وين وصلنا ! اييييه الرجيم ..

عاد الله يسلمكم .. الرجيم مشكلته مشكله ..

في الصيف بالذات تنطبخ مرتين ..

مره من الشمس ! , ومره من الجوع والتمارين ! .

وانت وحظك ..

وهنا اذكر قصه بومحمد – الله يستر عليه ويرحمه –

" لاتخافون ترى الرجال مامات .. بس الرحمه تجوز على الحي والميت  " ..

بومحمد مدرس في أحدى المدارس القطريه .. وبكل امانه ممتاز لكن عيبه انه متين ..

زين يا جماعه الخير ..

يقولكم الرجال .. حلف أن جاء الصيف ليضعف ويصير غزال ! ..

قلت بقلبي .. ياخوفك تصير عنز يابسه ! ..

حد يضعف في الصيف !؟ ..

عندك طول السنه وما أخترت الا الصيف بالذات ..

المهم .. الرجال خلاص حلف .. وهو أصيل كلمته ماتنزل الارض ..

مرت الايام وجاء الصيف – الكلام ذا تقريبا من سنه - .

عاد في يوم من الايام وانا ماشي بالسياره على الكورنيش ..

لمحته وهو يركض ! ..

وقفت الموتر وناديته ..

بومحمد بومحمد ياااهووووو تعال تعال ! ..

الرجال جاني وهو معرق وحالته حاله ! ..

وجهه أحمر من الشمس ! ..

خدوده سايحه تقول عسكريم ذايب ! ..

جاني وهو يلهث ! .. وبصوت ضعيف يقولي ..

تكككككككفى .. مااااااي .. بموت ! بببببموت ! ..

قلتله شتقول ماأسمع ! ..

خبركم المتان لين تكلموا بصوت ضعيف ما ينسمعون ! ..

قام يصرخ وقال : ماااااااااااااااي ! .. بموووووت ..!

ضحكت انا هنا .. مو علشان الماي .. علشان موقفه الي الصراحه ماينحسد عليه ..

بطلت السياره وطلعت غرشه ماي 2 لتر ! ..

شربها كامله .. قلت بل ! ..

صج بو شباب ميت عطش ..

قلتله من متى انت هنا ؟

قال : والله ماتدري .. صارلي 3 ساعات امشي ! .. على الكورنيش .. وتوقعت اني ما أحتاج ماي فقلت خلنا نمشي !

وتخيل اول ماوصلت نص المسافه مت عطش ! دورت براد ماي ماحصلت !! شسالفه ؟؟

كورنيش شكبره شعرضه مافيه براد ماي كل كيلو ! .. صج الله يعين الصغار والمساكين امثالي ..

قلتله .. والله معاك حق .. !

يارجال اسكت .. شاطرين يحفرون بئر ماي في افريقيا وغيرها ..

وكورنيش مافي ماي سبيل مع انه خيره بيكون سباق للطير وللزرع وللناس ..

المهم .. اسمع كم كان وزنك وكم صار ؟

وزني قبل : 130 كيلو ..

والحين : 124كيلو ..

بس ! .. من متى تلعب رياضه وتمشي ؟

يعني صارلي اسبوعين ! ..

اسبوعين ومانقص منك الا 6 كيلو تقريبا ! ..

شكلك مشحم يا بومحمد ..  ..

مالك الا تروح مركز رياضي يضبطك اهناك ..


بومحمد قرر أنه يروح المركز ويسأل عن أسعار الأشتراك ..

بس تفاجأ .. كل مركز سعره أغلى من الثاني ! ..

المشكله يقولون له اشتراك لمده شهر او شهرين او ثلاثه ما في خصم ! ..

بس أشترك سنه تحصل ذاك الخصم الزين ! ..

والرجال ما يبي سنه ! ..

عنده عيال , عنده شغل , وراه أسهم , وراه أشغال ..

ماهو بفاضي للمركز لمده سنه ! ..

حده شهرين الصيف ! .. وبعدها ولا بيفضى ..

المهم .. أن بومحمد أشترك لمده شهر ..

ولكن جاك بو الشباب المصري ( أسم انه مدرب يعني ) ..

وقام يقوله ترى انت محتاج تخس بقوه ! ..

وانت وانت .. وانت الصراحه يبيلك 6 شهور لين ما تضعف ..

ويبيلك وقت .. طويل ..

الرجال انحبط ! .. كلام العيار ذا سبب له ازمه ! ..

صحيح الي قال المصري ما يقدر يسكت ! ..

لازم يحشر نفسه بكل شئ ..

بومحمد قال : بلاها من مركز ! .. والي خذوه حلال عليهم مانبيه ..

طلع بومحمد من المركز ..

لكن جلس في البيت .. ولان الدنيا اجازه ..

ماقام يحس بروحه ..

وجلسه البيت تخليك ان ماكان عندك اراده .. تاكل ! ..

وهو يقرأ جريده الشرق صوب الوسيط ( والاعلانات ) وطختهم ..

لقى إعلان عن مشروب امريكي تشربه تضعف 5 كيلو في الاسبوع ! ..

الرجال قال بس ! .. هذا احسن شئ ..

اقل وقت !.. واقل جهد ! .. وأسرع شئ قبل ماينتهي الصيف ..

وعلى طول أتصل بومحمد على المحل ..

بومحمد : الووو ..

الزلمه : اهلين ..

بومحمد : شفت اعلانكم عن مشروب برتقالي بغيت اعرف شنو مكوناته ؟ وهل يضر ؟ وهل له آثار جانبيه ؟

الزلمه : والله شوف ياخي .. المشروب هذا من أحسن المشروبات في العالم للي بدو يخس ويضعف .. وهو عباره عن فواكه مشكله مع فيتامينات وشئ أشياء بتفيد الجسم وبتسبب الضعف و تقلل من الرغبه والشهيي للأكل .

ومن ناحيه انه يضر .. لا ما سمعنا احد من زبايينا ..انوا ضار ولا حدا أشتكا منو .. مشروب منيح ويعطيك حيويي .. وبيضعفك ! .. خلال فتره قصييري ..

(( وخربط عليه بشويه كلمات انقليزيه وبومحمد على نياته ))

طلب بومحمد غرشه ! ..

وقال نجرب وان شاء الله خير ..

الرجال شرب من هل العصير ! ..

والله يكافي الشر .. ثاني يوم طايح على هله في البيت ! ..

طلبوا له الأسعاف ..

وسووا له غسيل معده ..

أستغفر الله ربي واتوب اليه ..

وين الي يقول ماله اضرار ؟ وين الي مابقى مدح في هذي الدنيا الا وحطه فيه ! ؟ وين الي حلف ان هذا العصير صحي 100% ..

أتصل علي بومحمد وجيت له للمستشفى ..

ها بومحمد .. شخبار .. ؟

والله شقولك .. قسم بالله جاتني حاله من شرب العصير المقرف ذا ..

وانت للحين تسميه عصير ! ..

هذا سم بس بطريقه ثانيه !! ..

أحمد الله ان هلك في البيت واطلبوا لك الاسعاف كان الحين انت في مقبره بوهامور ..

أسكت لا تذكرني .. والله ماقصروا ..

بس صج حرمت خلاص ! ..


(( طبعا كلام فاضي .. قال ايش قال حرمت ! )) ..

مرت الايام ومابقى على نهايه الصيف الا شهر بالضبط ..

بومحمد كان جالس يطالع تلفزيون ..

متملل .. وكاره حالته ونفسه ..

يقول .. دق عليه واحد من ربعنا أيام الثانويه ..

سلمان : السلام عليكم .. شحالك بومحمد . ؟

بومحمد : وعليكم السلام .. بخير .. منو ؟

سلمان : معاك سلمان .. أفا يا ذا العلم .. نسيتنا خلاص ! ؟

بومحمد : هلالالالالالالا سلمان .. قسم بالله توني جايب طاريك بالخير ! .. يارجال ما عاش من ينساك وينسى ايامك الحلوه ..

سلمان : ههههه .. الله يسلمك ..

بومحمد : الا اسألك .. شفتك في المقابله في التلفزيون .. ضعيف ! شلون ياخوي ؟

سلمان : قول ماشاء الله لا أمتن من عينك ! هههههه .. الله يسلمك أشتركت مع الدايت سنتر ! ..

بومحمد : دايت سنتر ؟ ! .. وشو ذا بعد ..

سلمان : هذا الله يسلمك .. مركز علشان تحافظ على شكلك ! .. وطريقه غذائك ووزنك ..

بومحمد : طيب وشلونهم زينين ؟ شلون خدماتهم ؟ وشو الوجبات الي يقدمونها ؟ وفي اشتراك في الصيف ؟ وبكم ؟

سلمان : والله ياخوي .. هم يحافظون على المواعيد للأكل .. 3 وجبات يومياً فطور , غداء , عشاء , خدمتهم زينه .. لكن وجباتهم حالها حال البيت ! ..

يعني سندويش بسعرات حراريه معينه ! , خبز , خس , جزر , اشياء عاديه متوفره في البقاله ! .. لكن كسلنا يخلينا ما نسويها في البيت ! ..

بالنسبه لأشتراكهم الصيفي في ! .. لكن مادري بكم يتغير سعرهم بين فتره وفتره ! ..

......

بومحمد جلس يفكر ! .. يشترك ؟ ولالا ؟؟

المشكله انه خايف انه يتوهق بالي صارله في المره الي فاتت ..

وخايف تتكر السالفه ! ..


لكن من يشوف نفسه بالمرايه ! .. يقول خلاص الضعف زين والمتن شين ! ..

اشترك وياهم ..

لمده شهر ..

اول يومين كان متحمس ! ..

لكن بعد اليومين .. صار الشئ روتيني .. وقام يتملل من الوجبات ..

بعضها مكرر , بعضها مايشبع , بعضها كريه وما يحبه ! .

الرجال قال والله حرام وجبات تجيك للبيت ولا تتهنى فيها ! ..

خساير على الفاضي ..

آخرها طاح مره ثانيه على اهله في البيت ! مصفر ! ..

طلبوله الاسعاف ..

والله يعينهم الاسعاف الصراحه شلون شلوه ما أدري ! ..

الرجال عطوه مغذي .. وجاله دكتور ! ..

بومحمد سأل الدكتور .. عن استشاره له ..

الدكتور قاله : شوف يا خوي ! .. الي جالس تسويه غلط بغلط ! ..

المفروض تاكل على راحتك ! ..

وتشرب على راحتك ! ..

ولا تحرم نفسك من شئ ! ..

ولكن .. بتوازن .. يعني لا تكثر من شئ على حساب شئ ثاني ! ..

وألعب رياضه على الخفيف ..

وكل شئ بيكون تمام .. بتشوف نفسك تخسر وزن بطريقه سليمه .

بومحمد قال للدكتور .. تدري يادكتور ..

خلاص حرمنا لا رجيم .. ولا غيره ..

خلنا كذا على طول ! ابرك مليون مره من هل البهدله والعوار الي صابني وانا في غنى عنه ! ..


وانتهت قصه بومحمد .. وهذي طبعا قصه من آلاف القصص الي تصير في الخليج والعالم ! ..

ان شاء الله الفايده وصلت .. وتحياتي لكم ..

المـــــــــــــــــــــــ:cool: ـــــــــخلب ..

[خفايا الروووح]

ههههههههههههههه والله اني ضحكت اول شي ع العنوان لان توني من يومين اقول حق وحده مافي احسن من رجيم الصيف ههههههههاااي عاد مب ف الظهر ع شان تنسلخ صح
اما بخصوص الدايت سنتر اعرف بنات طايحين فيه طيحه واخر شي لاعت جبودهم من الاكل(الله يعز النعمه ) وطلعوا بعد ماقطو كمن الف بس ع شان الوجبات:shy:
ومااقول غير الله يعين خويك بومحمد..وكل الضعاف :funny: قصدي شسمونهم :shy:


بس لو جينا للصح ان الواحد لازم ولو 3 مرات ف الاسبوع يمشي او يسوي اي رياضه حتى لو ف البيت ..مب ع شان الضعف..ع شان اللياقه بعد:strong ...كلش ماعاد عندنا شي اسمه اللياقه خصوصا ان روتين الحياه اليوميه يذبح الشغل نشتغل واحنا قاعدين ونرجع البيت ونرقد ..وع الكمبيوتر نكتب واحنا قعود...اخبر مره قلت حق اختي اوف زهقت وانا قاعده اكتب قالت لي اوقفي واكتبي هههه ادري ماعندها سالفه :anger1:


شكلي طولت ..اسمح لي ..وويعطيك العافيه يالمخلب

[**قطـــــر**]

الله يعيين أبو محمـــــــــــد


كل الشكر اخوي المخلب

[فارس قطر]

طال عمرك احنا نجلس هاديين مب مثل المعصقلين
يناقزون جنهم سلوس
صحيح كومتنا ثقيلة بس نفكر قبل لانسوى اى شي
وعند صواني الهرفي مانقدر نقاوم
واهل الكروش دايما هم في القيادة
عمرك شفت مسئول معصقل لانها ماتركب
الظاهر انا طلعت ع موضوعك لاكن موضوعك شيق
وهذا الي خلاني اروح يمين يسار هههههههههه
وتسلم ع الموضوع يالمخلب

[ولد الشمال]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه
الله يستر علي انا توني باااااااادي
الله يعين الاسعاف علينا
المخلب خخخخخخخخخخخخخف على المتان اشووووووووووووي
يعيييييييييييييك العععااااااااافيه

[البرنس-قطر]

مشكووووور والله قريت قصة بومحمد والله واقعيه وممتعة والف شكر

[ANONYMOUS]

للعلم وللمفهوميه

ترى اصابع يدك مب سوا..

يعني

الرجيم اللي ينفع مع فلان ماينفع مع علان..

بس في النهايه تخفيف الاكل والرياضه هي الحل

وموفقين

[الخيميائي]

الله يعينه بومحمد بصراحة مب ريجيم هذا عذاب :p

عموما بعطيه النصيحة السرية للريجيم

قوم من على اي وجبة قبل ماتشبع ويمشي نص ساعه ثلاث مرات في الاسبوع بكل بساطة وشوف الجسم كيف بيصير :p

تحياتي لك ولموضوعك الظريف

[المخلب]

ههههههههههههههه والله اني ضحكت اول شي ع العنوان لان توني من يومين اقول حق وحده مافي احسن من رجيم الصيف ههههههههاااي عاد مب ف الظهر ع شان تنسلخ صح
اما بخصوص الدايت سنتر اعرف بنات طايحين فيه طيحه واخر شي لاعت جبودهم من الاكل(الله يعز النعمه ) وطلعوا بعد ماقطو كمن الف بس ع شان الوجبات:shy:
ومااقول غير الله يعين خويك بومحمد..وكل الضعاف :funny: قصدي شسمونهم :shy:


بس لو جينا للصح ان الواحد لازم ولو 3 مرات ف الاسبوع يمشي او يسوي اي رياضه حتى لو ف البيت ..مب ع شان الضعف..ع شان اللياقه بعد:strong ...كلش ماعاد عندنا شي اسمه اللياقه خصوصا ان روتين الحياه اليوميه يذبح الشغل نشتغل واحنا قاعدين ونرجع البيت ونرقد ..وع الكمبيوتر نكتب واحنا قعود...اخبر مره قلت حق اختي اوف زهقت وانا قاعده اكتب قالت لي اوقفي واكتبي هههه ادري ماعندها سالفه :anger1:


شكلي طولت ..اسمح لي ..وويعطيك العافيه يالمخلب


:D :D :D :D :D

يُقال .. ان اول رد احلى رد .. :looking: .. وزين انه طلع رد مميز من عضوه مميزه :D

شكرا على الرد الحلو .. وقرائه الموضوع بالكامل .. :nice:

تحياتي .

[المخلب]

الله يعيين أبو محمـــــــــــد


كل الشكر اخوي المخلب


العفو أستاذي الكريم .. وتحياتي لك ..

[المخلب]

طال عمرك احنا نجلس هاديين مب مثل المعصقلين
يناقزون جنهم سلوس
صحيح كومتنا ثقيلة بس نفكر قبل لانسوى اى شي
وعند صواني الهرفي مانقدر نقاوم
واهل الكروش دايما هم في القيادة
عمرك شفت مسئول معصقل لانها ماتركب
الظاهر انا طلعت ع موضوعك لاكن موضوعك شيق
وهذا الي خلاني اروح يمين يسار هههههههههه
وتسلم ع الموضوع يالمخلب


:nice: :nice: :nice:

الله يسلمك .. وهالله هالله بالرجيم .. :looking:

[المخلب]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه
الله يستر علي انا توني باااااااادي
الله يعين الاسعاف علينا
المخلب خخخخخخخخخخخخخف على المتان اشووووووووووووي
يعيييييييييييييك العععااااااااافيه


لا تخاف توكل على الله وكمل المشوار .. :strong

بس بتوازن .. يعني خلك نورمل .. :looking:

والله يعافيك

[المخلب]

مشكووووور والله قريت قصة بومحمد والله واقعيه وممتعة والف شكر


العفو .. وشكرا على المرور والقرائه .. :) ..

[المخلب]

للعلم وللمفهوميه

ترى اصابع يدك مب سوا..

يعني

الرجيم اللي ينفع مع فلان ماينفع مع علان..

بس في النهايه تخفيف الاكل والرياضه هي الحل

وموفقين


كلام سليم .. وشكرا لك ..

[المخلب]

الله يعينه بومحمد بصراحة مب ريجيم هذا عذاب :p

عموما بعطيه النصيحة السرية للريجيم

قوم من على اي وجبة قبل ماتشبع ويمشي نص ساعه ثلاث مرات في الاسبوع بكل بساطة وشوف الجسم كيف بيصير :p

تحياتي لك ولموضوعك الظريف

هههههه .. شكرا لك يالخيميائي :) ..

[السديم]

المخلب سرد رائع لمشكلة الكثير يعانون منها ..

هذا وبومحمد رجال وكذا معتفس :court:

عيل ام محمد شتسوي :confused: :confused:

ومشكلتنا نركض ورا اي شي جديد سمعناه على امل اكتساب جسم وقوام رشيق في مدة بسيطة ونحسبها سحر ..

مافي احسن من الرياضة والتخفيف :strong

لك كل التحيات :app:

[المخلب]

المخلب سرد رائع لمشكلة الكثير يعانون منها ..

هذا وبومحمد رجال وكذا معتفس :court:

عيل ام محمد شتسوي :confused: :confused:

ومشكلتنا نركض ورا اي شي جديد سمعناه على امل اكتساب جسم وقوام رشيق في مدة بسيطة ونحسبها سحر ..

مافي احسن من الرياضة والتخفيف :strong

لك كل التحيات :app:

تحياتك واصله ياست الحسن والدلال ..

أشكرك جزيل الشكر على القراءه المميزه والرد ..

وصحيح الناس تركض ورى التخسيس لكن ياريت بتوازن طبيعي ..

شكرا لك مره ثانيه والف تحيه لك .. :nice:

[كينيا]

ا:strong نصح لمتان بريجيم دشتي أو نظام أتكنز عجييييييييييييييييييييييييب

[المخلب]

ا:strong نصح لمتان بريجيم دشتي أو نظام أتكنز عجييييييييييييييييييييييييب


شكرا لك ..

[غزلان]

مافي احسن من الرياضه والتخفيف وعن تجربه

شكرا

[المخلب]

مافي احسن من الرياضه والتخفيف وعن تجربه

شكرا


شاكرلك مرورك .. تحياتي لك

[al-erada]

في اختراع اسمة ربط المعدة واحسن دكتور يسويها في مستشفى حمد الدكتور القطري عبد العظيم شغلة عدل ماشاء الله علية ونحك شي تسوي وتتبع بعد العملية من رياضة واكل

[المخلب]

في اختراع اسمة ربط المعدة واحسن دكتور يسويها في مستشفى حمد الدكتور القطري عبد العظيم شغلة عدل ماشاء الله علية ونحك شي تسوي وتتبع بعد العملية من رياضة واكل

الدكتور عبد العظيم .. سامع عنه .. صحيح هو جراح ممتاز .. وكذا مره يستضيفونه بالتلفزيون ..

شكرا لك اخوي الارضي .. وتحياتي لك :) ..

[دلة الرسلان]

اشكرا ع الموضوع يالمخلب وبانقل لكم تجربة اخت امريكية مسلمةمع السمنة تعرفت عليها

في امريكا وكانت تنظم طعامها منذ ان كانت 13 سنة وانا تعرفت عليها وعمرها 63 ومازالت

تطبق هذا النظام .

تشرب شاي اخضر بدون سكر لاتأكل اطعمة مملحة لاتأكل بعد الساعة السادسة الا سلطة فقط

وتحتفظ في حقيبتها بمذكرة تكتب فيها كم كان وزنها في نفس اليوم من العام الماضي واذا زاد

ولو باوند تقتصر ذاك اليوم ع حبة فاكهة فقط . وذاك كله لانها تحب جسمها اكثر من الطعام

-مقولتها الدائمة -

يعني الريجيم ليس لفترة بسيطة ثم نترك اجسامنا تشيط ولكن نظام حياة .

[المخلب]

اشكرا ع الموضوع يالمخلب وبانقل لكم تجربة اخت امريكية مسلمةمع السمنة تعرفت عليها

في امريكا وكانت تنظم طعامها منذ ان كانت 13 سنة وانا تعرفت عليها وعمرها 63 ومازالت

تطبق هذا النظام .

تشرب شاي اخضر بدون سكر لاتأكل اطعمة مملحة لاتأكل بعد الساعة السادسة الا سلطة فقط

وتحتفظ في حقيبتها بمذكرة تكتب فيها كم كان وزنها في نفس اليوم من العام الماضي واذا زاد

ولو باوند تقتصر ذاك اليوم ع حبة فاكهة فقط . وذاك كله لانها تحب جسمها اكثر من الطعام

-مقولتها الدائمة -

يعني الريجيم ليس لفترة بسيطة ثم نترك اجسامنا تشيط ولكن نظام حياة .

والله هذي مشكلتها صعبه ! .. انك تكون قياسي في امور الاكل لدرجه الهفوه !!

اعتقد هذي مبالغه ! .. حتى لو انها تحب جسمها حباً جما , اتوقع ان آخرته قبر وبتاكله الدود :(

مع ذلك الحفاظ على الجسم السليم والرشيق هو الغايه المطلوبه ..

تحياتي لك ..

[التيما]

ههههههههههههههههههه كسر خاطري والله ... حد يمشي العصاري انا جربت مره وحد وطحت عليهم والله ستر شب احليوه دق على اخر رقم ويكلم اختي هههههههههههههه وتجيني ويسوولي سالفه بالبيت ومن يومها حرمت انا كله امشي في الليل الا قلت اجرب العصر وتوبه ههههههههههههههههههههههه .. بس الاكل ماقدر اوقف عنه وصراحه وللامانه اللي يبي يضعف لا يتعشى اسالوني انا جربت شهر والله خسيت من قلب

[ورقــة أمــل]

انا نزلت 8 كيلو ونص في 8 شهور
بدون رياضه ولا شي
اكل كل اللي بخاطري بس ماكثر منه
والكل يسئلني شنو الريجيم اللي اتسوينه....

[المخلب]

ههههههههههههههههههه كسر خاطري والله ... حد يمشي العصاري انا جربت مره وحد وطحت عليهم والله ستر شب احليوه دق على اخر رقم ويكلم اختي هههههههههههههه وتجيني ويسوولي سالفه بالبيت ومن يومها حرمت انا كله امشي في الليل الا قلت اجرب العصر وتوبه ههههههههههههههههههههههه .. بس الاكل ماقدر اوقف عنه وصراحه وللامانه اللي يبي يضعف لا يتعشى اسالوني انا جربت شهر والله خسيت من قلب


:eek2: :eek2: :eek2: :eek2:

اثرج متينه :looking: :funny: ..

الله يكون بعونك وعونا .. :eek3: :app:

شكرا لك التيما على المرور الطيب والاضافه الحلوه ذي :dance

[المخلب]

انا نزلت 8 كيلو ونص في 8 شهور
بدون رياضه ولا شي
اكل كل اللي بخاطري بس ماكثر منه
والكل يسئلني شنو الريجيم اللي اتسوينه....


ماشاء الله رجيم مميز هذا ..

شكرا لك .. على الاضافه الحلو .. :)

[خاربه خاربه]

مسكين ابومحمد:eek3:

كسر خاطري وصج والله شلون الاسعاف شلوه:looking:

ويعطيك العافيه مؤسسنا:dance

[المخلب]

مسكين ابومحمد:eek3:

كسر خاطري وصج والله شلون الاسعاف شلوه:looking:

ويعطيك العافيه مؤسسنا:dance

حي الله الي مولوده امس :funny:

ها يالدبه .. :app:
اعجبك الموضوع اهم شئ :looking: :funny:

شكرا على المرور يا خروبه المنتدى ;)

[BURBERRY]

السلام عليكم

مشكوووور اخوي المخلب على القصه الحلوه

و الله يعينك يا بو محمد .. ان شاء الله تضعف :nice:



واهل الكروش دايما هم في القيادة
عمرك شفت مسئول معصقل لانها ماتركب


صدقت ... حتى الدكتور في الكليه يقولي انت تصلح تكون مدير كبير :nice:

الي يبي يضعف اول شي مب من اول يوم يمشي ساعه

لا المشي يكون تدريجياً .. مثلا اول ثلاث ايام من الرياضه الواحد يمشي 10 دقايق و بعدين 20 دقيقه كم يوم .. يعني تدرجياُ .. الخ

و جربو لا تتغدون .. انا في ايام الداوم ماكنت اتغدى لان غداهم مب شي (الله يعز النعمه) اكتفي فقط بالعصير .. و ارجع البيت على العصر و ماتغدى بس اتعشى الساعه 6.. و نزل وزني :nice:

[المخلب]

السلام عليكم

مشكوووور اخوي المخلب على القصه الحلوه

و الله يعينك يا بو محمد .. ان شاء الله تضعف :nice:



صدقت ... حتى الدكتور في الكليه يقولي انت تصلح تكون مدير كبير :nice:

الي يبي يضعف اول شي مب من اول يوم يمشي ساعه

لا المشي يكون تدريجياً .. مثلا اول ثلاث ايام من الرياضه الواحد يمشي 10 دقايق و بعدين 20 دقيقه كم يوم .. يعني تدرجياُ .. الخ

و جربو لا تتغدون .. انا في ايام الداوم ماكنت اتغدى لان غداهم مب شي (الله يعز النعمه) اكتفي فقط بالعصير .. و ارجع البيت على العصر و ماتغدى بس اتعشى الساعه 6.. و نزل وزني :nice:


شكرا على ردك الرائع يا زميل العزيز بربريز ( حبيتك من الماركه :D ) ..

تحياتي لك

[الزاجل]

بو المخاليب

مافي احسن من التخسيس في الصيف
بس عاد مب مشي في عز القايلة ..

عقب المغرب او بعد صلاة الفجر
او بداية الصبح احسن شي ..

وانت شموديك الكورنيش ع الظهر ؟

[بوعبدالله - قطر]

هههههههههههه...:D
الله يعين بومحمد ،،، صج قصتك حلوه من الواقع....:funny:
عن نفسي ماأسوي رجيم أشوف جسمي حلو بالنسبة لي...:nice:
وإذا إطلعت كرشة احاول اتخلص منها بسرعه بالرياضه...:strong
صج ما نتحرك كليش حتى المسجد قريب بيتنا نروح بالموتر....:(
فينا كسل بس لازم نمشي ونتحرك عشان الجسم ودورة الدموية...:court:
ولك احلى التحية لمواضيعك المميزة وللجميع...:app:

[المخلب]

بو المخاليب

مافي احسن من التخسيس في الصيف
بس عاد مب مشي في عز القايلة ..

عقب المغرب او بعد صلاة الفجر
او بداية الصبح احسن شي ..

وانت شموديك الكورنيش ع الظهر ؟


حي الله الزاجل .. :looking:

وينك ماتبين ؟ يعني انا ارد على مواضيعك اوكي .. انت ترد على مواضيعي لاء ! << شفيه الشرهان :funny: :funny: :funny: crazy

امزح وياك .. :p

شكرا على الرد الحلو ذا ..

بخصوص الكورنيش .. (( ياخي مش الموضوع عاد لازم فضايح )) :eek3:

[المخلب]

هههههههههههه...:D
الله يعين بومحمد ،،، صج قصتك حلوه من الواقع....:funny:
عن نفسي ماأسوي رجيم أشوف جسمي حلو بالنسبة لي...:nice:
وإذا إطلعت كرشة احاول اتخلص منها بسرعه بالرياضه...:strong
صج ما نتحرك كليش حتى المسجد قريب بيتنا نروح بالموتر....:(
فينا كسل بس لازم نمشي ونتحرك عشان الجسم ودورة الدموية...:court:
ولك احلى التحية لمواضيعك المميزة وللجميع...:app:


:eek2: :eek2: :eek2: :eek2:

شكرا لك . :eek2:

[حنان الدنيا]

ضحكتني اخوي المخلب على القصه وكسر خاطري بومحمد هذا

بس نصيحتي للى يبون يضعفون كل يوم يمشون ويخففون اكل وبيضعفون بس مشكلتناااا
نبي اليوم رياضه وبكره خلاص ضعيف مايصير

ويعطيك العافيه اخوي

[المخلب]

ضحكتني اخوي المخلب على القصه وكسر خاطري بومحمد هذا

بس نصيحتي للى يبون يضعفون كل يوم يمشون ويخففون اكل وبيضعفون بس مشكلتناااا
نبي اليوم رياضه وبكره خلاص ضعيف مايصير

ويعطيك العافيه اخوي


الله يعافيك .. :shy: :funny:

[الزاجل]

حي الله الزاجل .. :looking:

وينك ماتبين ؟ يعني انا ارد على مواضيعك اوكي .. انت ترد على مواضيعي لاء ! << شفيه الشرهان :funny: :funny: :funny: crazy

امزح وياك .. :p

شكرا على الرد الحلو ذا ..

بخصوص الكورنيش .. (( ياخي مش الموضوع عاد لازم فضايح )) :eek3:

باعترف لك اعتراف خطير :shy:

بشكل عام اتعرض لضغط مب طبيعي من الظروف المحيطة :D
لذلك
وركز على ما بعد لذلك

اذا دخلت مواضيع اتحصلني ادخل على الطاير
واطير كم من رد و ما اقدر اواصل ..

وبما ان المخلب من الأعضاء
اللي مواضيعهم تكون نتيجة عصارة افكاره والظروف المحطية
بكل صراحة
ما احب ارد قبل ما اعطي الموضوع حقه ..

فتأكد اذا ما دخلت لك موضوع فهذا يعني ما كان عندي وقت لقرايته
وما اقدر ارد عليك من غير قراية ..

بس ناوي ان شاءالله
اعفد على مواضيع كثيرة
بس اتخف الزحمة اللي امحوطتني وماخذة كل وقتي
الا وقت راحتي اللي العب فيها :strong

اشره اشعاد من لك غيرنا تشره عليهم :D

[المخلب]

باعترف لك اعتراف خطير :shy:

بشكل عام اتعرض لضغط مب طبيعي من الظروف المحيطة :D
لذلك
وركز على ما بعد لذلك

اذا دخلت مواضيع اتحصلني ادخل على الطاير
واطير كم من رد و ما اقدر اواصل ..

وبما ان المخلب من الأعضاء
اللي مواضيعهم تكون نتيجة عصارة افكاره والظروف المحطية
بكل صراحة
ما احب ارد قبل ما اعطي الموضوع حقه ..

فتأكد اذا ما دخلت لك موضوع فهذا يعني ما كان عندي وقت لقرايته
وما اقدر ارد عليك من غير قراية ..

بس ناوي ان شاءالله
اعفد على مواضيع كثيرة
بس اتخف الزحمة اللي امحوطتني وماخذة كل وقتي
الا وقت راحتي اللي العب فيها :strong

اشره اشعاد من لك غيرنا تشره عليهم :D


عزيز وغالي نشوفك على خير :)