سؤالي عن R.a

[فلفل حار]

هل سيكون الاسكان الحكوميr.a فقط لموظفين الوزارات ام ان القانون الجديد سيشمل ايظا موظفين المؤسسات والهيئات الحكومية. وهل تطرق القانون الجديد لهذه النقطة وعن اسعار التأجير علما بأن الاسكان كان 6000 ريال ويشلون عليك بدل السكن.....يعني ياشباب نبي واحد يوضح لنا بشكل مفصل الله يجزاكم خير

[الواعد]

نفس التساؤل

س1 : هل لو طلبت الحين فله على الأسكان على راح تروح علي 2200 نهائياً

أو راح ترجع لو طلع بيتي إن شاءالله ؟؟ ابغي جواب اكيد مو مجرد خبر قديم من احد

س2: لو حبيت اطلب فله على الأسكان وين اروح بالضبط ؟
هل اروح للأسكان في الدور الثالث في مبنى الخدمة المدنية وبيكون عندهم
اكثر من فله للإيجار وأنا اختار ؟ أو أني اجيب لهم موقع فله معينه ؟


س3: عدد غرف الفله في الدور الأول اكثر شيء كم ؟ هل ممكن احصل لي فله
عدد غرف الدور الأول فيها حوالي 3 غرف أو اكثر ؟ وطبعا في الثاني مايهم العدد

يالييييييييييييت نلقى من يجاوب على التساؤلات

[حيهور]

انا عندي اهم سؤال

ليش ادارة الاسكان ماتوضح للمواطنين القوانين؟

[هدوء العاصفة]

نبغي اجوبة !!!!!!!!!!!!!!!!!!!!

[qatar_son]

أخوي فلفل حار ..
بالنسبة لسؤالك هل سيكون الايجار للمؤسسات فأنا ماتوقع ذلك لأن كل شركة ومؤسسة لها خطتها وميزانيتها قول اللعه يستر على اللي عندهم منازل أر أأ لايسحبونها منهم ..
أما بالنسبة للقانون ماتوقع انه نزل أو تطرق لها.

وبالنسبة للإيجارات مش 6000 عندك لغاية 15000 ومافوق الواسطه :) .

أخوي الواعد ..
س1 : هل لو طلبت الحين فله على الأسكان على راح تروح علي 2200 نهائياً ؟
لا ماتروح نهائيا ترجع لك بعد ماتسلم البيت هذا المعتمد حاليا وقديما في الاسكان .

س2: لو حبيت اطلب فله على الأسكان وين اروح بالضبط ؟
ج / تروح صوب الاسكان اللي في الكورنيش (برج برزان) في الطابق الارضي يعطونك طلب تعبيه وهم يخاطبون البنك ويخاطبون الاسكان الحكومي أنك ماعندك منزل عشان يتأكدون انك ماعندك بيت وانك ماخذت القرض ويطلبون عليك شهادة من مكان عملك تثبت أنك من كبار الموظفين وعقد الزواج وكتاب عدم ممانعه من المالك ويبحثون لك عن بيت ومطوله السالفه .
أذا بغيت الاسرع اخذ شهادة من مكان عملك وخلهم يخاطبون البنك والاسكان وانك غير منتفع واستأجر بيت عن طريق المالك وتاخذ المخططات حق البيت وكتاب ممانعه من المالك وتعطهم الاوراق كاملة بيحولونك على اللجنة ويعطونك المبلغ المقترح اللي هم يشوفونه مناسب وانت وحظك أو أنت وواسطتك والله يعين.

يعني المطلوب .
1- عقد ايجار في حالة وجود البيت.
2- كتاب عدم ممانعه من المالك بالايجار على الاسكان.
3- عقد الزواج .
4- كتاب من جهة عمك أنك من كبار الموظفين وغير منتفع بسكن حكومي.
والطلب الموجود في الاسكان يوضح لك كل حاجه .

س3: عدد غرف الفله في الدور الأول اكثر شيء كم ؟ هل ممكن احصل لي فله
عدد غرف الدور الأول فيها حوالي 3 غرف أو اكثر ؟ وطبعا في الثاني مايهم العدد
ج/ مايهم عدد الغرف بس أهم شي عندهم دور أو دورين .

قصة حقيقية عن الاسكان :-
أذكر واحد من الشباب أستأجر بيت مساحته 1200 راقي وفي منطقه راقيه لكنه دور أرضي وعطوه مبلغ 6500 ريال قال ياجماعه مايصير قالوا هذا اللي نقدر عليه روح جيب فله دورين بنعطيك 10000 ريال . طبعا الفلل هالوقت مساحتها 450م ،قال لهم هل يعقل مقارنه 450متر مربع ب 1200 مترمربع مع أن عدد غرفها متساوي . طبعا رفيجنا حاول يزيد السعر رفضوا بلغ المالك وقال له انا راح أعطيك الفرق من عندي قال المالك انا راح اتصلك المفاجأه ثاني يوم اتصل له المالك قال له خلاص الاسكان وافق لك على 10000 ريال .

[هدوء العاصفة]

مشكور اخوي ولد قطر بس اخوي هل سيستمر الاسكان ام انهم بيكنسلونه يعني خلاص اللي خذ خذ واللي ماخذ راحت عليه

[qatar_son]

أخوي داش عرض ..

لايوجــــــــــــــــــــــــــد رد في الفترة هذي ننتظر قانون الاسكان أو أحلال وزارة الخدمة المدنية والاسكان شهر 10 - أكتوبر ...

[KHALID1]

واللي عنده عقد مع الاسكان لمدة 5 سنوات وتوه بادي بعد بتروح عليه شهر 10 ... ولا كيف ؟

[الواعد]

أخوي الواعد ..
س1 : هل لو طلبت الحين فله على الأسكان على راح تروح علي 2200 نهائياً ؟
لا ماتروح نهائيا ترجع لك بعد ماتسلم البيت هذا المعتمد حاليا وقديما في الاسكان .


أنا اليوم رحت للتربية في الدور الثالث عند واحد مصري وقال لي :

راح تروح عليك نهائيا وماراح ترجع لك ابدا :con2: من اصدق الحين ؟؟؟

وأنا سبق وقريت في المنتدى رد واحد من الأعضاء اكد نفس كلامه وانها ماراح ترجع

حتى مع التقاعد

وأنا اقصد لو طلع بيتي وانبنى ومن ثم طلعت من الفلة للبيت على طول

هل راح تكون 2200 موجودة في الراتب اما لا ؟؟؟

[qatar_son]

أخوي خالد1

ممكن تروح وممكن ماتروح القانون بيوضح لنا كل شي .. والمقصود في الكلام ننتظـــــــــــــر القــــــــــــــــــانـــــــــــــــــــــــــون على قولتهم ..
وهــــــــــــــــــو لازم ينزل قبل احلال الوزارة شهر 10 على حسب كلامهم .


أخوي الواعد ..

أذا طلعت لبيتك على طول تروح عليك .. لانهم وفروا لك سكن .. أما أذا سكنت r a وطلعت منه في بيت ثاني موب بيت الحكومة ترجع لك 2200 ..
لكن سمعنا انه في القانون الجديد أن بدل السكن مايروح عليك أذا سكنت في بيت الحكومة لانك تدفع أقساط شهرية للبنك لكنها تروح على اللي عنده بيت ra .. لان الحكومة وفرت له منزل .

هــــــــــــــــــــــــــــــــــــــــــــذا والعـــــــــــــــــــــــلم عند اللـــــــــــــــــه

[دولـة قطـر]

هي الدنيا كلها هاااات .... مافيها يوم خذذذذذذ

[الكونكورد]

بالنسبة 2200 ريال في السابق تروح على الاثنين
اما الان الي بنى بيتة بيرجعون له 2200 ريال لكن الى الان مارجعوا شي على انه نزل فية قانون تقريبا شهر 2 ايام عطلة الربيع وقالوا بينفذ القانون شهر 4 لكن الى الان لم ينفذ

واخر ماسمعنا انهم بيرجعونها باثر رجعي....؟؟؟؟

والله اعلم