أي احسن بنك يشتري لي فيلا بأقل فوائد ؟؟

[RJ83]

السلام عليكم ..

بغيت حد ينصحني بأفضل بنك ويفضل إسلامي يشتري فيلا بأقل نسبة من الفوائد.. وياليت توضيح أكثر قيمة يقدر يشتري لي فيها البنك .. يعني كم ضعف الراتب ؟؟ مثلاً 40 ضعف الراتب أو كم بالتحديد.. وعلى كم سنة القصد الشهري أقصى حد ؟؟
وشكرا

[الامير]

شوف الدوحه الاسلامي

[الخبير العقاري]

أفضل شئ تورح للبنوك وتشوف أقل ربح فيهم لكن نصيحة ابتعد عن البنوك الربوية

المصرف والدولي والريان ماشي حالهم

[RJ83]

مشكورين على الردود ..
بس ما قلتوا لي نسبة الربح اللي يخاذها كل بنك ..
انا حاليا في الدولي الاسلامي وقالوا لي يشترون لي بسعر 40 ضعف الراتب، وفائدة 4.5 .. وانا سمعت ان البنوك الاسلامية الاخرى احسن .. ياليت تعطوني تفاصيل اكثر عن البنوك اللي ذكرتوها لاني ابي إجابة من حد يتعامل أو عنده خلفيه عن البنك..
وشكرا

[TanGo]

جرب اتكلم الوطني الاسلامي

[دولـة قطـر]

ياخوي كل البنوك تعطيك

بس المهم انك تعطي

[جرّاح]

هلا اخوي
الله يوفقك وتشتري بيت يالغالي...

شوف الصفا الاسلامي
لكن حسب علمي ان الدولي الاسلامي اقلهم

المهم انت اتصل بالبنوك واسالهم عن نسبة المرابحه فقط
وقول لهم ان القرض عقاري لأن القروض تختلف نسبتها...
واذا عرفت النسبه ادخل على www.cbq.com
وحط النسبه والدفعه الاولى وعلى كم شهر تبغي الغرض واضغط احسب
وراح تطلع لك النتيجة فوريه
انت طبعا بعض االنظر عن البنك لكن انا اقصد استخدم الحاسبه الموجوده في الموقع لأنها سهله
ومثل ماقالوا الاخوان نصيحتي ابتعد عن البنوك الربويه وان كانت ارخص لأن الفرق راح يكون بسيط جدا
خذ البدائل من البنوك الاسلامية فقط
الدولي الاسلامي
المصرف
الصفا
الدوحه الاسلامي
الوطني الاسلامي

وآسف على الاطاله...

[قطري عصامي]

الله يعينك ، وموفق، وابتعد عن البنوك الربوية

[ام حمودي]

انا نفسك ادورلي بنك
و ابي اسلامي مصرة على الاسلامي
لكن كل بنك او شركة تمويل اسلامية تطلب دفعه اقل شي 10 % من السعر
هاذي اذا تبي تستخدم اقصى مدة و هي 25 سنة للاقساط(يعني مدى الحياة) ان صح التعبير
و تزيد نسبة الدفعة اذا تبيها اقل 7 او 10 سنوات

[Muslim Investor]

منذ يومين كنت في الصفا (الفرع الإسلامي للبنك التجاري) ووجدت عندهم عدة طرق لتمويل المنازل

الطريقة الأولى وهي الإجارة، ويمكن من خلالها تقسيط المبلغ لمدة 30 سنة، ولا يشترط دفعة أولى. أما النسبة فتحتلف باختلاف عدد السنوات فكلما زادت السنوات ارتفعت النسبة.

الطريقة الثانية هي التورق، وأقصى مدة للأقسام هي 10 سنوات، ولا يشترط أيضا دفعة أولى.

وهنالك طريقة ثالثة (لست متأكدا منها لكنني وجدتها في الكتب التعريفي في الفرع) وهي المرابحة، لكن ليست لدي معلومات عنها.

تحيتي

[محمد عبدالرحمن]

جرب بنك قطر الوطني،

تمويل 100%: (بدون دفعة أولى)
30 سنة، نسبة الفائدة 8% + 0.60% تأمين القرض لغاية 3,000,000 ر.ق،
الرسوم 2%مع فترة سماح 6 شهور
طريقة سهلة للحسبة: قسم سعر أي بيت تبي تشتريه على 122 يطلع لك القسط الشهري

تمويل 90% (دفعة أولى 10%)
30 سنة، نسبة الفائدة 7.75% + 0.60% تأمين القرض لغاية 3,000,000 ر.ق،
الرسوم 1%مع فترة سماح 6 شهور
طريقة سهلة للحسبة: قسم سعر أي بيت تبي تشتريه على 125يطلع لك القسط الشهري

الموافقة خلال 24 ساعة، و التنفيذ في اليوم التالي


تحياتي،

[RJ83]

مشكورين على المعلومات المفيدة وجزاكم الله خيرا..
بالنسبة لبنك الصفا الفرع الاسلامي للبنك التجاري وين مكانه؟؟
وكذلك الوطني الاسلامي وين مكانه ؟؟

ويعطيكم العافية

[RJ83]

جرب بنك قطر الوطني،

تمويل 100%: (بدون دفعة أولى)
30 سنة، نسبة الفائدة 8% + 0.60% تأمين القرض لغاية 3,000,000 ر.ق،
الرسوم 2%مع فترة سماح 6 شهور
طريقة سهلة للحسبة: قسم سعر أي بيت تبي تشتريه على 122 يطلع لك القسط الشهري

تمويل 90% (دفعة أولى 10%)
30 سنة، نسبة الفائدة 7.75% + 0.60% تأمين القرض لغاية 3,000,000 ر.ق،
الرسوم 1%مع فترة سماح 6 شهور
طريقة سهلة للحسبة: قسم سعر أي بيت تبي تشتريه على 125يطلع لك القسط الشهري

الموافقة خلال 24 ساعة، و التنفيذ في اليوم التالي


تحياتي،

يعطيك العافية اخوي بس هل انت تقصد الوطني الاسلامي .. لاني ابي ابتعد عن البنوك الغير اسلامية

وشكرا

[ahmed jasim]

بالنسبة لبنك الصفا الفرع الاسلامي للبنك التجاري وين مكانه؟؟
طريق سلوى..نازل الدوحة قبل المطاعم اللى على أشارة رمادا
وكذلك الوطني الاسلامي وين مكانه ؟؟
أعتقد طريق سلوى..بعد أشارة الرمادا مقابل المطاعم

[المديرة]

بالتوفيق

[سهم عربي]

شكرا لكم

[RJ83]

مشكور اخوي احمد..