فحص السيارة

[jaber]

السلا م عليكم:

ارجوا الافادة :

هل يكفي فحص السيارة على الكمبيوتر للحكم على جودة السيارة ؟

[بوحارب]

أذا فحصت في مكان معروف

85% يكفي

[alwahesh]

المشكلة مب في الفحص ..........ولا النسبة

المشله في الناس وخاصه (؟؟؟؟؟؟؟؟؟؟؟؟؟) يحطون ماده في المكينه توقف الدخان الابيض
والي يحط زيت ثقيل اذا عمود الكرنك ( كرنك شافت ) يطلع صوت وتعدي الفحص واكثر من 90 % واول ما تغير الايل تخبط المكينه وبحكم خبرتي في الحياة صارت معاي اكثر من مره وقمت ما اغير الزيت الا اذ؟؟؟؟؟؟؟؟

[المارونـــي]

خذها عن تجربة صادتني وديت الموتر الفحص وطلع 90% مع العلم بانه الموتر موديل 2006
وخذت الموتر مع العلم باني سئلت راعي الموتر الموتر فيه شي حسب كلامه انه محتاج فلوس ويبي يبيع االموتر وكان سعر الموتر انزل من السوق بحوالي 20 الف المهم خلصنى الموتر وشريته وقلبت الاسامي وخذ فلوسه ورحت البيت اكتشفت انه الموتر طايح في البحر اشلون عرفت نزلت السيتات اللي ورى واكتشفت انها محليه مع انه الموتر جديد وبطلت البانه لقيت دينمة الجرج محليه وفي اماكن متفرقه محليه مع انه راعي الموتر على علم به؟ وازيدك من الشعر بيت انه الفحص مابين انه الموتر في خرابات مع انه ماي البحر يحلل اللي مايتحلل وانصحك انك ماتستعيل لانه ضعاف الانفس اكثرو هالايام ؟

[hasss1969]

اضيف هنا على كلام الاخوة ,ان جير السيارة وخاصة الاوتوماتيك مابين في فحص الكمبيوتر,لذلك يجب فحصه بالطريقة العادية ...

[khaled1]

بخصوص الجير تقدر تعرف بنفسك والاشياء الثانية خل ورقة الفحص عندك لو طلع شي في السيارة تقدر تشتكي على محل الفحص ويصلحونلك على حسابهم

[إعلامي قطر]

..

ماشاء الله الشباب كفوا ووفوا أخوي..

وأنصحك أخوي jaber إنك تشوف لك حد من ربعك مثلاً أو شريطي "ثقه"
وتشوف السياره معاه "بالنهار" وتتأكد من صبغ السياره والشغلات الثانيه
ولازم بالنهار تسوي هالشي وأكيد الشريطيه عارفين..


والفحص على حد علمي يبين لك المكينه والقير والدفرنش لكن الصبغ
وهالشغلات مايتدخل فيها وأنصحك بالألماني هذا إللي أخبره زين قبل..

[xxccvv]

لا يكفي فحص الكمبيوتر

[jaber]

شكرا لكم اخواني

وجزاكم الله كل خير

[الحلال فقط]

فحصت سيارة لما اشتريتها عند الخبراء الالمان
كانت قوة المكينة 91 وطلع في الفحص انها تحتاج تغيير الاكس
بعد هذا الفحص بحوالي شهرين اخذه واحد يبي يشتريها عند نفس الخبراء الالمان طلعت المكينة قوتها84 مع اني كنت مخبر الشاري ان قوتها 91 فتفشلنا
وما طلع في الفحص اي كلام عن الاكس
وطلع فيها اشياء لم تذكر في الفحص الاول مثل التايم بلت وسفايف وغيره مع ان السيارة لم تستخدم بين الفحصين الا قليلا
وللعلم لا يفحصون الصبغ وربما يكون فيها حادث وما ينتبهوا

[السني 73]

فحصت سيارة لما اشتريتها عند الخبراء الالمان
كانت قوة المكينة 91 وطلع في الفحص انها تحتاج تغيير الاكس
بعد هذا الفحص بحوالي شهرين اخذه واحد يبي يشتريها عند نفس الخبراء الالمان طلعت المكينة قوتها84 مع اني كنت مخبر الشاري ان قوتها 91 فتفشلنا
وما طلع في الفحص اي كلام عن الاكس
وطلع فيها اشياء لم تذكر في الفحص الاول مثل التايم بلت وسفايف وغيره مع ان السيارة لم تستخدم بين الفحصين الا قليلا
وللعلم لا يفحصون الصبغ وربما يكون فيها حادث وما ينتبهوا

والله يالربع احس انه شركات الفحص اي كلام ....... وهالخبراء الألمان احس انه مب نظيف .... انتو ركزو على الوايرات وطريقة الفحص ..... إذا المواتر الحين الجديده اكثرها وكالاتها يعرفون خرابها من السي دي الي عن طريق الكمبيوتر .... فشلون هالبنانين يعرفون المشاكل والخرابات وقوة المكينه عن طريق هالوايرات.... واحس والله يالربع ان طريقة فحصهم كله تمثيل في تمثيل ( وأنا مابي اقول نصب في نصب استغفر الله) .

[bujasim77]

والله يالربع احس انه شركات الفحص اي كلام ....... وهالخبراء الألمان احس انه مب نظيف .... انتو ركزو على الوايرات وطريقة الفحص ..... إذا المواتر الحين الجديده اكثرها وكالاتها يعرفون خرابها من السي دي الي عن طريق الكمبيوتر .... فشلون هالبنانين يعرفون المشاكل والخرابات وقوة المكينه عن طريق هالوايرات.... واحس والله يالربع ان طريقة فحصهم كله تمثيل في تمثيل ( وأنا مابي اقول نصب في نصب استغفر الله) .


كلامك صحيح
الظاهر انه في تعاون بين اصحاب المعارض ومحلات الفحص او انهم مايعرفون شي في الفحص

[كربيتر كام]

الشيخ انت قبل لاتفحص بالكمبيوتر افحص السياره بنفسك يعني تفحصها بالنظر واذا اعجبتك افحصها بالكمبيوتر ومرات السياره مايكون فيها شي لا بالكمبيوتر ولا بغيره لكن نصيبك اذا خذتها تطلع فيها عله والله يوفقك

[هداف]

اذا تبي تفحص سياره انا حاضر :)

اتمنى من الاخوان انهم يتثقفون ميكانيكيا ولله الحمد الخبره الميكانيكيه موجوده عند بعض الشباب القطري عشاق الصناعيه منذ القدم ( تزويد وماشابه )

ياخوي الجير من السواقه تعرفه المكينه ومشاكل الحراره وصوت صبابات مشاكل في الفيول الخ هذا تقدر تعرفه وانت تسوق وبنظره تفحصيه للمحرك والشرح يطول

السياره اللي تحرق ايل خلها شغاله خمس الى عشر دقايق واذا سخنت عطها ريسسسسسس جامد تقريبا قبل الكت اوف شيل رجلك من الريس وشوف ولن العادم اللي يطلع اذا كان ابيض يعني تحرق ايل ويمكن المشكله بسيطه مجرد تبديل قازقيت الهيد ويمكن يكون رنغ بستن ,, اذا طلعت دخان احمر وبني تكون الانجكترات وصخه او الموتر امكربن من سوء الاستعمال ترى سواقة السياره دائما وابدا على سرعات بطيئه جدا تراها مضره للسياره

واذا كان الدخان اسوووووووووووووووود فيه مشكله في الاجنشن او كهرباء السياره وممكن تكون بسيطه

تبي اتعرف المكينه تبطلت من قبل ولا لا انتبه لبراغي المحرك اذا كانت مفكوكه من قبل تلقاها امجرحه من الفك والتركيب

تبي تعرف شلون كان استخدام الموتر خصوصا الفورويل انزل تحت الموتر وشوف حالة الموتر من تحت (( محلي والشاصي فيه نفخات )) الموتر للرحلات والكشتات والعكس صحيح

تبي اتعرف الصبغ شووووف اماكن الفينشغ في زوايا الموتر بتلاقي الفيشنغ ليس بمستوى شد المصنع ودائما تفحص السيارات السليمه شد الوكاله علشان اتفرق المصبوغه او المدعومه واللي فيها معجون سهل تعرفها المصبوغه من غير معجون مثل ما قلت لك


فحص الدفريشنات اذا اتون ومهلوكه
ولا لااااااااااااااااااااااااااا سوق السياره وعطها نمره خفيفه مثل جير رابع من ار بي ام نازل ودعسسسسس على الريس حده اذا الكارونه تعبانه بتسمع ونه والعاده اذا لكارونه تعبانه بتسمع ونتها في كل نمره


الكلااااااااااااام يطول انا ماذكرت الا القليل اذا عندك سياره تبي تفحصها حاضر لك اذا كنت فاضي صدقني افحصها لك احسن من الوكاله :)

[حمد]

خذها عن تجربة صادتني وديت الموتر الفحص وطلع 90% مع العلم بانه الموتر موديل 2006
وخذت الموتر مع العلم باني سئلت راعي الموتر الموتر فيه شي حسب كلامه انه محتاج فلوس ويبي يبيع االموتر وكان سعر الموتر انزل من السوق بحوالي 20 الف المهم خلصنى الموتر وشريته وقلبت الاسامي وخذ فلوسه ورحت البيت اكتشفت انه الموتر طايح في البحر اشلون عرفت نزلت السيتات اللي ورى واكتشفت انها محليه مع انه الموتر جديد وبطلت البانه لقيت دينمة الجرج محليه وفي اماكن متفرقه محليه مع انه راعي الموتر على علم به؟ وازيدك من الشعر بيت انه الفحص مابين انه الموتر في خرابات مع انه ماي البحر يحلل اللي مايتحلل وانصحك انك ماتستعيل لانه ضعاف الانفس اكثرو هالايام ؟

ناس ماتخاف الله

الله يعوضك ان شاء الله