المساعد الشخصي الرقمي

مشاهدة النسخة كاملة : ::: التاهو أم اليوكن ،، وليش؟! ،، رايكم يهمني يا شباب؟! :::



إعلامي قطر
11-07-2007, 12:15 PM
بسم الله الرحمن الرحيم

..

الوضوع الله يسلمكم إني هاليومين مصنف وبخاطري أشتري سياره فورويل أمريكيه..

وشفت اليوكن إللي مسوين عليه عرض بشركة الجمس
وقالوا لي سعره كان 141 ألف تقريباً وإستوى بـ 129 ألف تقريباً ..

وأيضاً شفت التاهو الإل تي إللي مسوين عليه عرض بشركة الشفروليه
وقالوا لي سعره كان 149 ألف تقريباً وإستوى بـ 137 ألف تقريباً..


مبدئياً إللي لاحظته إن هالسيارتين بينهم إختلاف في بعض الشغلات مثلاً
التاهو فيه تلفزيونين في ظهر الكراسي الأماميه وريموت كنترول وتشغيل
السياره عن بعد وطبعاً الكراسي الأماميه فصل ومخمل..

أما اليوكن مافيه لا تلفزيونين ولا تشغيل عن بعد!!

الصراحه قلبي مايل مع التاهو لكن ناس قالوا لي تحمل تاخذه وماعطوني مبررات!!


فمادري شرايكم بالموضوع وياليت تفيدوني الله يخليكم..


ومشكورين وبإنتظار ردودكم وتفاعلاتكم..

..

*بوحمد
11-07-2007, 12:22 PM
اعلامي قطر

المشوره زينه بس انت وش الي في خاطرك

اخذ الي عاجبك وتوكل على الله
لانك انت مقتنع بالتاهو
واليوكن هم بعد ماعليه كلام
بس الاسم اهو الفرق بين الاثنين
واذا على الشاشه امره بسيط
تقدر تطلبه من اليوكن نفس المواصفات

ابوعزوز6
11-07-2007, 12:22 PM
اخوي اليوكن طبعا افضل لانه جمس ومرغوب وهاذا الى اعرفه

Qa6ar
11-07-2007, 12:26 PM
ياخوي مافيه فرق بينهم الا الاسم والتاهو ارخص واكشخ من الجمس اليوكون

مع العلم انا عندي يوكن xl وانصحك بالتاهو عشان السعر والاكشخ والمميزات

إعلامي قطر
11-07-2007, 01:11 PM
..

صح كلامك أخوي Qa6ar التاهو أكشخ ومميزاته أكثر!!

بس ابوعزوز6 ممكن أعرف ليش الجمس مرغوب أكثر؟!
شنو السبب يعني مب الشركتين بنات عم على قولة الشباب :dance


مشكورين على المرور والتفاعل ومادري شكلي بروح الشركه
مره ثانيه أتأكد من موضوع المميزات لأني مستغرب من اليوكن
ليش جذيه مافيه شي كأنه جي ستاندر وبالمقابل سعره غالي بصراحه!!

..

الـخـور
11-07-2007, 01:41 PM
التاهو صراحى احلى .. خصوصا ويه الموتر شكله احلى بكثير من اليوكن

مافي فرق بينهم واخذ الي ترتاح له

جرّاح
11-07-2007, 02:02 PM
الغالي
الموترين ماعليهم كلام
لكن الجمس مرغوب في قطر لا اكثر ولا اقل
بس انا مستفرب اشلون اليوكن مافيه تشغيل عن بعد؟
يالغالي انا عندي يوكن وقل ما اشتريه مريت على التاهو طبعا اليوكن اغلى من التاهو وفيه تشغل عن بعد يعني عكس الكلام اللي قلته
احتمال انت امقارن التاهو فل ابشن مع اليوكن الستاندرد...

هداف
11-07-2007, 02:14 PM
يا اخواني العالم با لشي ليس كا لجاهل به

شركة الجي ام شركه وحده وخط انتاجها واااااااااااحد والجمسي والشيفرليه = جي ام

استغرب من اللي يقول التاهو غير عن اليوكن الاختلاف فقط في الاوبشن وبعض اللمسات الاخيره لايوجد اختلاف جوهري بالنسبه للمحرك والجير والهيكل والدفريشنات السبير بارت للسيارتين يجي مكتوب عليه جي ام مايكتبون عليه تاهو او يوكن

والاوبشن دائما وابدااااااااااااااا في الشيفرليه افضل من الجمسي بصوره عامه وشركة الشيفرليه هي فخررررررررررررر صناعة الجي ام وهذا كلام معروف وعالمي

المسأله اذواق اخي الكريم وانا افضل شكل التاهو الجديد فقط عن الويكن الجديد في السابق كان اليوكن با لشكل اجمل

والان افضل التاهو وايضا شكل السلفرادو ( بيك اب شيفرليه ) افضل من شكل السييرا ( بيك اب جمسي)

السني 73
11-07-2007, 02:58 PM
معروف حتى في امريكا ان خط انتاج الجي ام سي اعلى من خط انتاج الشفر يعني الجمس ارقى من الشفر وهو دايما اغلى ب الفين او زياده شوي ...... بس حاسب من الشفر تحصله مرات فيه اوبشن ناقص وانت ماتدري..... يعني واحد من الربع الكراسي الي ورا ملها زر كهرب ينزلها بسالزر الي عند السواق ...... وبعدين حتى في البيع مر المعارض وشوف تحصل الشفر متوفر لكن الجمس ماتحصله والجمس أرغب وافضل في البيع المستعمل .

الأختصاصي
11-07-2007, 03:00 PM
التاهو ارخص واجمل بالنسبه للمكينه مافي اختلاف

بوبندر
11-07-2007, 03:37 PM
هلا اخوي تدري ليش مسوين عرض عليهم؟ اقولك ليش لنه شهر 10 بينزل فيهم
نغفيشنhttp://www.alainmotors.com/NAV_DB.nrg
اذا كان الامر يهمك انتظر الى شهر 10 والله يسرلك امورك

إنتعاش
11-07-2007, 03:43 PM
هلا اخوي

انا عندي يوكون 2007

ومصنف ابيعه في شهر 10 واخذ تاهو

لان بالفعل شكل التاهو اثبت انه اجمل واكثر شبابيه من اليوكون

لكن مابينهم فرق لأنهم سياره وحده اللهم الاسم غير والوجه مختلف فقط

وطبعا هناك افضلية في نظري لكراج المناعي - يوكون - افضل من كراج الجيدة

لكن اخوي دامك تبي نفس السياره لكن بأسعار رخيصه

جرب مر على معرض باريس للسيارات طريق سلوى

يجيبون تاهو من السعوديه بأسعار الصراحه منافسه

تخيل : مخمل + دفدي + تشغيل عن بعد + دبل دفرنش = 122 الف ريال
>>> على فكره المعرض تلقاه يجيبه من توكيلات الجزيرة او الجميح بـ 115 الف يمكن او اقل


وهناك اللي نفسه بالضبط اللهم بدون دفدي : 118 الف ريال

ربعي اثنين كل واحد ماخذ واحد اشوف اسعارهم حليوة الصراحه

وكم الف ريال في مخباك ابرك واوفر


وبخصوص الضمان يسري عليهم عادي كما سمعت اللهم تدفع مدري كم ريال فتح ملف
في كراج الوكالة وبس

الله يوفقك وتحياتي لك

إعلامي قطر
11-07-2007, 07:59 PM
مشكورين أخواني كلكم من غير استثناء وارحم الله والديكم وماقصرتوا..

أخوي "هداف" مشكور أيضاً على توضيحك الجميل تسلم يمناك..

أخوي "بو اسمه" أياً كان الرابط اللي عطيتني إياه فهو ما إشتغل معاي.. crazy
لكن موضوع الماجلان يهمني كثير وبصراحه وماعندي مشكله أنتظر لو السالفه كذا :con2:

أخوي إنتعاش عيل بيّاع لليوكن؟! حاضرين قول بكم بس :strong

مب لي بس أخوي بخاطره يوكن مع إني قلت له إن الناس لما شافوا التاهو تاهو :dance

عموماً مشكور على الإضافه وأكيد اليوم بحول الله ولا بكره بالكثير بمر على معرض باريس
ويزاك الله خير بصراحه لأنك ذكرت شغله مهمه وهي إحضارهم من السعوديه وفعلاً أبو
رفيجي جايب سيارته من هناك وسبحان الله مادري شلون ماطرى على بالي أسأله
والمشكله إن الرجال مسافر الحين فمالي إلا المعرض بعد الله سبحانه وبعدكم
وإن شاء الله أحيطكم بآخر التطورات يمكن حد يشتري معاي ولا شي :dance

eXpert*
11-07-2007, 10:07 PM
عفواً على المداخلة بس انتم تقارنون الـ LTZ اللي هو افخم انواع التاهو مع اليوكون العاديّ ؟

ليش ماتقارنون الـ LTZ مع الدينالي علشان نكون منصفين ؟
الـ LTZ افخم انواع التاهو و الدينالي افخم انواع اليوكون <=== كذا مقارنه عادلة

التاهو يغلب اليوكون بشئ واحد فقط !! الواجهة الامامية فقط .

اما الباقي فـ الدينالي يتغلب فيها على التاهو ،، يكفي محرك الـ 6.2 لتر المنتج لـ 440 حصان ونظام الملاحة المتوفر من دفعة الثلاث شهور التي مضت ونظام الدوسات(اعزكم الله) الي تنزلق وتطلع عندما تفتح الباب زي الكاديلاك ونظام ديفيدي خلفي .


!!!

إعلامي قطر
11-07-2007, 10:15 PM
عفواً على المداخلة بس انتم تقارنون الـ LTZ اللي هو افخم انواع التاهو مع اليوكون العاديّ ؟

ليش ماتقارنون الـ LTZ مع الدينالي علشان نكون منصفين ؟
الـ LTZ افخم انواع التاهو و الدينالي افخم انواع اليوكون <=== كذا مقارنه عادلة

التاهو يغلب اليوكون بشئ واحد فقط !! الواجهة الامامية فقط .

اما الباقي فـ الدينالي يتغلب فيها على التاهو ،، يكفي محرك الـ 6.2 لتر المنتج لـ 440 حصان ونظام الملاحة المتوفر من دفعة الثلاث شهور التي مضت ونظام الدوسات(اعزكم الله) الي تنزلق وتطلع عندما تفتح الباب زي الكاديلاك ونظام ديفيدي خلفي .

!!!


أخوي الله يسلمك آنا قارنت الإل تي فقط!!
وشفته ومواصفاته مثل ماذكرتها في بداية الموضوع..

ومش الإل تي زد..


وأكيد الدينالي أفضل لكن سعره غالي بزياده!!

eXpert*
11-07-2007, 10:20 PM
أخوي الله يسلمك آنا قارنت الإل تي فقط!!
وشفته ومواصفاته مثل ماذكرتها في بداية الموضوع..

ومش الإل تي زد..


وأكيد الدينالي أفضل لكن سعره غالي بزياده!!

عفواً يا عزيزي والعتب على النظر والكبر شين :p

إعلامي قطر
11-07-2007, 10:27 PM
عفواً يا عزيزي والعتب على النظر والكبر شين :p



فديت خشمك ما صار إلا الخير :dance

Qt.1
12-07-2007, 12:18 AM
هلاا اخوي والله كلاام الشباب كله صح اهم نفس الشي لكن وجه المواتر غير وفعلاا الجمس مرغوب اكثر في قطر مع انه الجمس في امريكا ولاايدرون عنه كله شفر ....

وجه التاهو احلى من اليوكن وفي ناس اتفضل وجه اليوكن على التاهو واهم نفس المكينه بالظبط طبعا ماعدا الدينالي غير لانه اقوى واحلى...

وانت شوف ميزانيتك وشوف خاطرك في وشو انا عن نفسي شديت لي تاهو ماقدرت اقاوم صراحه ..:eek2: :eek2:

http://www.dotnokia.com/upp/uploads/72b2f310b4.jpg

واي استفسار عن التاهو احنا حاضرين...

مدحوب_ قطر
12-07-2007, 12:26 AM
اخذ تاهو Z71 جلد لونين دفيدي ومصفح وماعلية كلام احسن من الدنيالي

xxccvv
12-07-2007, 01:12 AM
والله شكل المقدمة للتاهو افضل من اليوكن وجهة نظري
في الموديلات السابقة يفضلون ال Gmc على الشفرولية

xxccvv
12-07-2007, 01:15 AM
والله شكل المقدمة للتاهو افضل من اليوكن وجهة نظري
في الموديلات السابقة يفضلون ال Gmc على الشفرولية

إعلامي قطر
12-07-2007, 08:44 AM
مشكورين شباب على المرور والإفاده..

بس للعلم من شوي إتصلت في معرض باريس وكلمت أبو المعتز
وفاجأني بعلوم ماهي طيبه الصراحه :court:


التاهو إللي يجيبونه مافيه تلفزيونات ورى الكراسي بس شاشه !!

وقلت له وشو نوعه قال إللي أول نوع يعني مش حتى الإل تي !!
النوع الستاندر يعتبر وميزته إنه دبل وبـ 126 ألف crazy


عموماً للتأكيد بروح أشوف اليوم وبمر الوكاله أيضاً لأن الفكره
قاعد تكبر يومياً وماراح يردني عنه إلا موضوع الماجلان يمكن !!

ابوعزوز6
12-07-2007, 09:04 AM
..

صح كلامك أخوي Qa6ar التاهو أكشخ ومميزاته أكثر!!

بس ابوعزوز6 ممكن أعرف ليش الجمس مرغوب أكثر؟!
شنو السبب يعني مب الشركتين بنات عم على قولة الشباب :dance


مشكورين على المرور والتفاعل ومادري شكلي بروح الشركه
مره ثانيه أتأكد من موضوع المميزات لأني مستغرب من اليوكن
ليش جذيه مافيه شي كأنه جي ستاندر وبالمقابل سعره غالي بصراحه!!

..
اخوي انت نفسك اتقول بالمقابل سعره غالي بصراحه وهاذا واقع السوق الي يعكس رغبه الناس وانا الصراحه حصلت التاهو بكثر في المعارض واشوف شكل الجمس ارز من التاهو وبتوفيق اخوي

علـــي
12-07-2007, 01:11 PM
مرحبا الشيخ في معرض فورتي غراند في شارع سلوى بجانب معرض المملكة عنده تاهوls مخمل حساسات بدون تيك دبل تكاية في الوسط بدون تشغيل عن بعد بدون dvd ب122000 في الشركة ب128000
وعنده التاهوlt فيه تشغيل عن بعد الدواسات اتماتيك تيك دبل فيه درج في النص بدون dvd ب129000 في الشركة ب139000 وكلهم وارد الجيدة
والله يوفقك ياخوي

إعلامي قطر
21-07-2007, 04:46 PM
مرحبا الشيخ في معرض فورتي غراند في شارع سلوى بجانب معرض المملكة عنده تاهوls مخمل حساسات بدون تيك دبل تكاية في الوسط بدون تشغيل عن بعد بدون dvd ب122000 في الشركة ب128000
وعنده التاهوlt فيه تشغيل عن بعد الدواسات اتماتيك تيك دبل فيه درج في النص بدون dvd ب129000 في الشركة ب139000 وكلهم وارد الجيدة
والله يوفقك ياخوي



والله ياخوي ماشفت هاللي تقول عنه :eek2:

ياليت إذا عندك رقمهم تطرشه لي !!

والإل تي دبل مخلص من الشركه للأسف وقالوا لي إنتظر !!


والمعارض أغلبهم يجيبون ls ماشفت ولا معرض عنده lt
وبالمناسبه 99% منهم من السعوديه وإللي يخلي الواحد
يتردد ياخذ منهم إنهم شكره عيني عينك قاشعين لزقة الجميح
ويقولون لك ترى من الدوحه وله ملف بالشركه وووإلخ !! omen

..

msd313
22-07-2007, 12:21 AM
اخوي اعلامي قطر انا شاري تاهو Lt من الاحساء من شركة التوكيلات ب 124000 سعودي يعني تقريبا ب 120500 قطري ويمكن الحين يكون ارخص بعد
والله يوفقك

إعلامي قطر
22-07-2007, 01:43 AM
اخوي اعلامي قطر انا شاري تاهو Lt من الاحساء من شركة التوكيلات ب 124000 سعودي يعني تقريبا ب 120500 قطري ويمكن الحين يكون ارخص بعد
والله يوفقك



طيّب ممكن تقول لي مواصفاته ؟

لأن الإل تي بالبحرين مثلاً من غير تيك وطبلونه فضي ومن غير حساسات
وشغلات ثانيه كثيره مختلفه ..


ممكن تعطيني مواصفات إللي عندك أو رقم الشركه إللي بالحساء
وأكون لك من الشاكرين ..


..

msd313
22-07-2007, 04:19 AM
طيّب ممكن تقول لي مواصفاته ؟

لأن الإل تي بالبحرين مثلاً من غير تيك وطبلونه فضي ومن غير حساسات
وشغلات ثانيه كثيره مختلفه ..


ممكن تعطيني مواصفات إللي عندك أو رقم الشركه إللي بالحساء
وأكون لك من الشاكرين ..


..
مواصفات اللي عندي نفس مواصفات الدوحة، تيك وحساسات وتشغيل عن بعد ودبل وبطرش لك رقم موظف في وكالة التوكيلات شاب محترم ولا راح يقصر وياك

بوسيف الهاجري
22-07-2007, 09:15 AM
مواصفات اللي عندي نفس مواصفات الدوحة، تيك وحساسات وتشغيل عن بعد ودبل وبطرش لك رقم موظف في وكالة التوكيلات شاب محترم ولا راح يقصر وياك
ارسل لي الرقم ولا عليك امر لأني معزم هالاسبوع انشاالله باخذ لي واحد

عبدالله1
22-07-2007, 09:46 AM
كفيتوا ووفيتوا ماشاء الله عليكم..

إعلامي قطر
23-07-2007, 04:17 PM
كفيتوا ووفيتوا ماشاء الله عليكم..


فيهم الخير والبركه الشباب والله ..

وإذا حد عنده كاش وحاب يشتري الـ lt إللي ينباع بالدوحه بـ 137 "الدبل"

بالحساء ينباع بـ 122 ألف "سعودي" ولو إني توقعت
يكون أرخص بصراحه !! :court:


وأرقامهم موجوده وإللي حاب يعرفها حاضرين ..
والشكر موصول طبعاً لأخوي msd313 بارك الله فيه :strong

..

msd313
23-07-2007, 07:26 PM
فيهم الخير والبركه الشباب والله ..

وإذا حد عنده كاش وحاب يشتري الـ lt إللي ينباع بالدوحه بـ 137 "الدبل"

بالحساء ينباع بـ 122 ألف "سعودي" ولو إني توقعت
يكون أرخص بصراحه !! :court:


وأرقامهم موجوده وإللي حاب يعرفها حاضرين ..
والشكر موصول طبعاً لأخوي msd313 بارك الله فيه :strong

..
العفو اخوي واحنا حاضرين للطيبين امثالك

أحمد المالكي
25-07-2007, 02:02 AM
حبيب قلبي

اسمع مني ،، ترى انا سويت مقارنة بين التاهو واليوكن لمدة اسبوع

ورحت عندهم الصناعية ، وشفت السيارات الي هناك

وانصحك تاخذ التاهو نصيحة اخوية صدقني ، لو اخذت اليوكن انك راح تندم اذا كانت ملاحظتك قوية

الـخـور
25-07-2007, 11:52 AM
اخوي من خلال المواقع الاجنبية .. يقولون ان 2008 بينزلون التاهو و اليوكن هايبرد

لكن مادري هل راح ينزلون الهايبرد في قطر والا لا ..

صراحة لو ينزلون راح يكون اليوكن والتاهو شيء عجيب في صرفية البترول

إعلامي قطر
29-07-2007, 03:52 PM
حبيب قلبي

اسمع مني ،، ترى انا سويت مقارنة بين التاهو واليوكن لمدة اسبوع

ورحت عندهم الصناعية ، وشفت السيارات الي هناك

وانصحك تاخذ التاهو نصيحة اخوية صدقني ، لو اخذت اليوكن انك راح تندم اذا كانت ملاحظتك قوية




تسلم أخوي على نصيحتك ومشكور ..




اخوي من خلال المواقع الاجنبية .. يقولون ان 2008 بينزلون التاهو و اليوكن هايبرد

لكن مادري هل راح ينزلون الهايبرد في قطر والا لا ..

صراحة لو ينزلون راح يكون اليوكن والتاهو شيء عجيب في صرفية البترول



ننتظر ونشوف يقولون شهر 10 بتتضح الأمور ..

شكراً أخوي ..

كركور
29-07-2007, 06:32 PM
اخوي اكيد اليوكن

لان اسمه كبير وعريق

؟؟,..,؟؟

سوق واقف
29-07-2007, 06:45 PM
أنا أستعملت اليوكن تبي الصراحة
أنا ما أشجعك بعد ثلاث أربع شهور أسمع الخرخشه في السيارة كأنك راكب قوطبي بيبسي