توصيل غرف النوم من السعودية للدوحة [الأرشيف] - منتديات شبكة الأسهم القطرية

مشاهدة النسخة كاملة : توصيل غرف النوم من السعودية للدوحة

الواعد

11-07-2007, 07:32 PM

السلام عليكم

مساء الخير على الجميع

غرف النوم في الدوحة غالية جدا أسعارها تفوق الـ 10 أو 12 ألف

والبعض اشار علي ان اشتري من السعودية مع توصيلها للدوحة

فحبيت استشيركم من يعرف محلات في السعودية عندهم غرف زينة وسعرها مقبول

والتوصيل للدوحة كم يكلف بالضبط من غير سعر الغرفة ؟؟ وكم يوم ياخذ ؟؟

ياليت اللي يعرف أماكن في الحسا أو الدمام يكون افضل لأنه اقرب مكان ممكن اروح له

وهل ممكن اشتري عن طريق الأنترنت ؟

Qt.1

11-07-2007, 11:59 PM

ياخوي الله ليهينك اجر لك مازدا من قطر اهني وخله اييك الحسا ومب مبس تشتري لك غرفة نوم لاا اشتر لك اغراض البيت كله وحطهم ورى في البدي وخله اييبهم لك لين البيت وتقدر اتفاهم مع اي واحد وبخصوص السعر انت وفنك وفي النهايه مابياخذ منك وايد...وتوكل على الله...

عبدالمحسن

12-07-2007, 04:13 AM

اخوي

اهل الحلات هناك اللي بتشتري منهم هم انفسهم اللي بيشوفون لك سيارات توصيل

انا قبل 4 سنوات اشتريت اغراض البيت من الدمام بنص السعر و أجرت شاحنه عن طريق المحل اللي شريت منه اغراضي

اعتقد جابهم لي بــ 2500 أو اقل والله ما اذكر والجمرك علي

احترامي

بوسيف الهاجري

12-07-2007, 08:55 AM

انا العام اللي الفات شريت طقمين كراسي للمجلس وطلبو مني للتوصيل من 800 الى 1200 ريال طبعا رسوم الجمارك علي بس انا كنت رايح في الجمس وحملتهم في البدي ولا دفعوني رسوم في المركز ولا شي

قطر96

12-07-2007, 12:34 PM

يعطيك العافية اخوي الواعـــــد

انا شريت غرفة نوم من ( الدمام ) بـــ 3000 والغرفة من احسن مايكون وشريت طقم كراسي 1700 ريال

وخذيت سيارة من الدمام واااااصله الدوحه بــــ 1000

والغرفة اللحين صارلها عندي 3 سنين والحمد لله واللحين بعد ماخلص المللحق انشاء الله برد اخذ غرفه مرة ثانية

توكل على الله يالواعـــــــد