دعوه للنقاش :اجتماع الوظيفه مع الدراسه ؟

[خفايا الروووح]

السلام عليكم ورحمة الله وبركاته


اجتماع الوظيفه مع الدراسه

آخر فتره انتشرت سالفه ان الواحد يدرس ويشتغل بـ نفس الوقت ،
بغض النظر عن حاجته للماده ،ممكن لانه يحب الاستقلاليه والاعتماد على النفس ، ممكن يكون شغل لـ وقت الفراغ او ان صادفته بعض الظروف واعاقته عن مسيرته الدراسية اي سبب آخر كان .. !

حدّثوني عن رايكم بـ هالموضوع " وظيفه ودراسه في آن وحد " ؟


و هل بـ رايكم الوظيفه راح تشغلكم وتلهّيكم عن الدراسة ،
او انكم شايفين انكم تقدرون توفّقون بين هالشغلتين ؟!


نظرتكم لـ للموضوع كله ، وهل تفكرون في يوم من الايام انكم تخوضون مثل هالتجربه ،
او هل خضتوها في يوم من الايام ؟! حدثونا عن تجربتكم : )


السبب الرئيسي اللي خلاكم تخوضون هالتجربه ،
او السبب اللي راح يخليكم تخوضونها ؟!


و شنو نوع الشغل او الوظيفه اللي حابين تجربونها ؟
وهل تقبلون بـ اي نوع من انواع الوظائف
حتى وان لم تكن اداريه " مكتب ولابتوب وشغل عدل " ؟!


الموضوع الصراحة شفته ويستاهل ان اشارككم فيه ...ابي اعرف كيف تفكرون هل انتم مناضلون وتحبون التحدي :strong ...

ابيكم تشاركوني ارائكم .. وننقل للبعض الخبرات،،،



أنا واعوذ بالله من كلمة انا..ايه نعم اخوض هالتجربه ..ومااعتبرها تحدي بالعكس اعتبرها كفاح ونضال..لاني ماقدرت اكمل دراستي بسبب ظروف والحين وبعد ما الله يسرها علي اقدر اكمل...وصدق مرات أحس اني مااقدر اوفق ف امور مثل الشغل والاهل والبورصه:looking: قصدي والحلال ،،، واحس اني مقصره بهلي بس اول مااحصل اجازه وتخلص الامتحانات احاول اني اعوض الايام اللي فاتت ...مع ان حلات الشي يكون ف وقته مب عقب..على كل حال اللي يبي يوصل لشي لابد مايضحي ع شان يوصل للي يبيه...وبعد توفيق الله وجهده راح يكون طعم النجاح غيررررررررررررر ...








وسلامتكم :looking:




منقووول مع بعض الإضافات :)

[الخيميائي]

انا جربت هالشيء بس زمان على ايام تشتغل وتدرس عادي وكنت اخذ محاضراتي دايما بعد الظهر واذا في محاضرات الصبح احاول اشرد من الدوام :D ماكنت مجبر بس كنت حابب اني اكون موظف علشان الخبرة وفي نفس الوقت كان لازم اخلص دراستي لانه كل اللى في البيت مخلصين فما حبيت اكون الشاذ بينهم :)

وطبعا كان في حل من الحلين اما الدراسة في جامعة قطر بالتقسيط المريح بعدد الساعات او الانتساب لجامعة عربية وانا اخترت جامعة قطر حسيت ان الدراسة فيها بتكون اسهل بس طلع العكس :p

حاليا ما عندي فكرة عن الموضوع بس احس انها صعبة انه الواحد يجمع بين الدراسة والشغل وخصوصا اغلب الاماكن صار دوامهم اطول ومطلوب الالتزام بالحضور والانصراف


في الاخير انا اشوف انها تجربة ممتعة وتعلم الانسان تحمل المسئولية وتكسبة خبرة وظيفية تسانده لما يخلص دراسته واهم شيء ماتخلي شيء في حياته اسمه وقت فراغ :p

وشكرا على الموضوع ياخفايا

[BURBERRY]

حدّثوني عن رايكم بـ هالموضوع " وظيفه ودراسه في آن وحد " ؟

في رأيي الشخصي .. حلو ان ( الشاب او البنت ) يشتغل و يعتمد على نفسه في مصاريفه و في نفس الوقت يهتم في الدراسه الجامعيه .. و ينسق بين وقت الدراسه و العمل .. ويخصص يوم كامل لزيارة اهله و اقربائه


و هل بـ رايكم الوظيفه راح تشغلكم وتلهّيكم عن الدراسة ،
او انكم شايفين انكم تقدرون توفّقون بين هالشغلتين ؟!

ايه .. الوظيفه بتشغلنا عن الدراسه الجامعيه


نظرتكم لـ للموضوع كله ، وهل تفكرون في يوم من الايام انكم تخوضون مثل هالتجربه ،
او هل خضتوها في يوم من الايام ؟! حدثونا عن تجربتكم : )

بصراحه .. انا اخوض هالتجربه ، اشتغل في .......... ( مابي اقول ..:funny: ) بس ماخذ تفرغ للدراسه

السبب الرئيسي اللي خلاكم تخوضون هالتجربه ،
او السبب اللي راح يخليكم تخوضونها ؟!

ابي اعتمد على نفسي .. :strong

و شنو نوع الشغل او الوظيفه اللي حابين تجربونها ؟

ابي اجرب اكون وزير ..:D
ابي اجرب اكون طيار
ابي اكون ربان ناقلة الغاز

عاد وين هاي بس اماني .. :court:

وهل تقبلون بـ اي نوع من انواع الوظائف
حتى وان لم تكن اداريه " مكتب ولابتوب وشغل عدل " ؟!

مثل شنو؟

[بدور]

طرح موفق

شيء جميل ان يعتمد الشخص على نفسه يشتغل ويدرس بسبب ظروف ما

بالنسبه لي مستحيل مقدر ولا فكرت نعم درست وتخرجت واشتغلت فتره بسيطه

وتعبت من الدوام وطلعت وفكرت اكمل دراسة الماجستير بس مالقيت تشجيع لأني ماراح اشتغل

واكييييد فيه ناس يقدرون يوفقون بين الدراسه والعمل على قد طاقاتهم

ماشاء الله عليج عجبني طموحج واستمرارك بالعمل والدراسه الله يوفقج الغاليه

[أمة الله]

موضوع جداً جميل

بالنسبه لي....آنا الحمدلله خالصه من زماااااان وأشتغل....طبعاً اشتغلت بعد ما تخرجت عادي بس أشجع اللي يدرسون ويشتغلون....شي حلو الصراحه وفيه اعتماد عالنفس و يوّلد الحس بالمسؤولية.

- معليش بستغل موظوعج وبستفسر إذا حد يعرف جهة غير الــ بترول ممكن انها تتبنى خريجين الثانوية..... بمعنى ان يكون لهم مكان لين ما يتخرجون الجامعه.....؟

[بدور]

موضوع جداً جميل

بالنسبه لي....آنا الحمدلله خالصه من زماااااان وأشتغل....طبعاً اشتغلت بعد ما تخرجيت عادي بس أشجع اللي يدروسن ويشتغلون....شي حلو الصراحه وفيه اعتماد عالنفس و يوّلد الحس بالمسؤولية.

- معليش بستغل موظوعج وبستفسر إذا حد يعرف جهة غير الــ بترول ممكن انها تتبنى خريجين الثانوية..... بمعنى ان يكون لهم مكان لين ما يتخرجون الجامعه.....؟


جربي كيوتل او مستشفى حمد اعتقد عندهم نفس نظام مؤسسة البترول

[حنان الدنيا]

بصراحه الله يعين اللى يدرس ويشتغل




الحمدلله شغلي معطيني تفرغ للدراسه واحمد ربي على هالنعمه











مشكوره خفايااااا

[BURBERRY]

موضوع جداً جميل

بالنسبه لي....آنا الحمدلله خالصه من زماااااان وأشتغل....طبعاً اشتغلت بعد ما تخرجت عادي بس أشجع اللي يدرسون ويشتغلون....شي حلو الصراحه وفيه اعتماد عالنفس و يوّلد الحس بالمسؤولية.

- معليش بستغل موظوعج وبستفسر إذا حد يعرف جهة غير الــ بترول ممكن انها تتبنى خريجين الثانوية..... بمعنى ان يكون لهم مكان لين ما يتخرجون الجامعه.....؟

قطر للبترول و الشركات التابعه لها( رأس غاز - قطر غاز - كافاك - كافكو .. الخ)
كيوتل
مستشفى حمد
بنك قطر الوطني
البنك التجاري
بعض الوزارات ..

[التيما]

يا ريت اقدر اكمل دراستي .. للاسف وزارتي ما تبتعث دراسات عليا الا بالعشر سنين حسنه ..

بس لو يحصلي اكمل واشتغل والله اسويها ..

[ضوى]

خفايا موضوع جميل

لي تجربة في الدراسة والعمل والزواج

بس الحمد لله مشى حالي لانه كان تفرغ عن طريق الشغل

بس تعبت بجد لان الزواج كان وايد له تأثير بس الحمد لله ايام وعدت

[ورقــة أمــل]

انا اشتغل ومعطيني تفرغ للدراسة

والحمدلله متوفقة بدراستي وشغلي

[مستقلة]

انا جامعية و اشتغل شغلة كلها مسؤوليات و مافيها فراغ
وادرس الماجستير في العصر
متزوجة و عندي عيال و مسؤوليات
ضغط و تعب جدا لكن اكتشفت ان الضغط يولد الانجاز و التفوق في العمل و الدراسة و البيت و الفراغ يولد البلادة و عدم النشاط و عدم الانجاز
طعم التفوق مع الضغوط و المسؤوليات رائع
ولا تنسون ان مسألة الدراسة بحد ذاتها في اي مجال تفتح الانسان اكثر و توسع مداركه و تضيف له خبرات يستفيد منها في العمل و حياته الاجتماعية
حظ موفق للجميع

[السديم]

طرح جميل اختي خفايا الروح ..

لما تكون جهة الشغل ماعطتني تفرغ للدراسة فما اي مشكلة !!! لاني مثلي مثل اللي تدرس بلا وظيفة ماروح الدوام واتعب ..

انا خضت تجربة الدراسة الجامعية والشغل والامر جدا جدا جدا صعب وبالذات لنا احنا البنات !!

يعني تخيلي دوامي كان من 7-3 ومافيه يمه ارحميني الدخول والخروج محسوب عليج ..

ودوام الجامعه كان تقريبا تعليم موازي من 4 الى 9 او 10 @@

يعني حول ال 16 او 15 ساعه باليوم كرف !!

فالنفسية كانت لج عليها شوي صوب الجامعه وصوب الدوام والجهتين انا بالاكيد كنت مقصرة بحقهم ..

والاهل كنت نادر اني اشوفهم !! صج صج تعبت نفسيا وجسديا ..

مب شي سهل ابد ..

وطبعا اكيد الانسان ما يلجأ لمثل هالخطوة الا وفي باله شي او ظرف معين ..

وعن نفسي انسانه مب طموحه :D

يعني مافي شغله معينه اطمح لها ...

وودي اقعد في البيت :looking: تعبت خلاص :eek3:

لج كل الود خفايااا :)

[امل الحب]

انا جربت الشغل مع الدراسة..

كانت تعب بس تجربة حلوة..

عجيبة كنت استانس رغم كل التعب والصعوبات الي فيه

بس كان في رغبة والرغبة تعطي الشخص الانجاز..

موفقين.

[خفايا الروووح]

انا جربت هالشيء بس زمان على ايام تشتغل وتدرس عادي وكنت اخذ محاضراتي دايما بعد الظهر واذا في محاضرات الصبح احاول اشرد من الدوام :D ماكنت مجبر بس كنت حابب اني اكون موظف علشان الخبرة وفي نفس الوقت كان لازم اخلص دراستي لانه كل اللى في البيت مخلصين فما حبيت اكون الشاذ بينهم :)

وطبعا كان في حل من الحلين اما الدراسة في جامعة قطر بالتقسيط المريح بعدد الساعات او الانتساب لجامعة عربية وانا اخترت جامعة قطر حسيت ان الدراسة فيها بتكون اسهل بس طلع العكس :p

حاليا ما عندي فكرة عن الموضوع بس احس انها صعبة انه الواحد يجمع بين الدراسة والشغل وخصوصا اغلب الاماكن صار دوامهم اطول ومطلوب الالتزام بالحضور والانصراف


في الاخير انا اشوف انها تجربة ممتعة وتعلم الانسان تحمل المسئولية وتكسبة خبرة وظيفية تسانده لما يخلص دراسته واهم شيء ماتخلي شيء في حياته اسمه وقت فراغ :p

وشكرا على الموضوع ياخفايا


تسلم خيو الخيميائي ع المشاركه وانا معاك فترة الدوام صارت أطول والموظفين ملتزمين بالحضور والانصراف...بس الواحد يرتب جدوله ويخلي محاضراته مسائيه مع انه مايحصل كل المواد اللي يبيها:o ،، وجهة الشغل لازم تراعي وتقدر الموظفين اللي يبون يخلصون دراستهم وخصوصا الاماكن اللي مايعطون تفرغ للموظف

ولك جزيل الشكر ع المرور

[خفايا الروووح]

حدّثوني عن رايكم بـ هالموضوع " وظيفه ودراسه في آن وحد " ؟

في رأيي الشخصي .. حلو ان ( الشاب او البنت ) يشتغل و يعتمد على نفسه في مصاريفه و في نفس الوقت يهتم في الدراسه الجامعيه .. و ينسق بين وقت الدراسه و العمل .. ويخصص يوم كامل لزيارة اهله و اقربائه


و هل بـ رايكم الوظيفه راح تشغلكم وتلهّيكم عن الدراسة ،
او انكم شايفين انكم تقدرون توفّقون بين هالشغلتين ؟!

ايه .. الوظيفه بتشغلنا عن الدراسه الجامعيه


نظرتكم لـ للموضوع كله ، وهل تفكرون في يوم من الايام انكم تخوضون مثل هالتجربه ،
او هل خضتوها في يوم من الايام ؟! حدثونا عن تجربتكم : )

بصراحه .. انا اخوض هالتجربه ، اشتغل في .......... ( مابي اقول ..:funny: ) بس ماخذ تفرغ للدراسه

السبب الرئيسي اللي خلاكم تخوضون هالتجربه ،
او السبب اللي راح يخليكم تخوضونها ؟!

ابي اعتمد على نفسي .. :strong

و شنو نوع الشغل او الوظيفه اللي حابين تجربونها ؟

ابي اجرب اكون وزير ..:D
ابي اجرب اكون طيار
ابي اكون ربان ناقلة الغاز

عاد وين هاي بس اماني .. :court:

وهل تقبلون بـ اي نوع من انواع الوظائف
حتى وان لم تكن اداريه " مكتب ولابتوب وشغل عدل " ؟!

مثل شنو؟







تبي تصير وزير :looking:

ليش لاء :looking:











بس لحد ينسانا :p


وتسلم ع المرور

[خفايا الروووح]

طرح موفق

شيء جميل ان يعتمد الشخص على نفسه يشتغل ويدرس بسبب ظروف ما

بالنسبه لي مستحيل مقدر ولا فكرت نعم درست وتخرجت واشتغلت فتره بسيطه

وتعبت من الدوام وطلعت وفكرت اكمل دراسة الماجستير بس مالقيت تشجيع لأني ماراح اشتغل

واكييييد فيه ناس يقدرون يوفقون بين الدراسه والعمل على قد طاقاتهم

ماشاء الله عليج عجبني طموحج واستمرارك بالعمل والدراسه الله يوفقج الغاليه

اهلاً..اهلاًً...بالغلى بدوووور : )

ليه ماتبين تكملين الماجستير أنا منج كملت والله ،، وبخصوص التشجيع تدرين ف هاي صادقه يعني انا واعوذ بالله من كلمة أنا ..لولا التشجيع اللي لقيته من حولي ماكنت خطيت هالخطوه..

والله يوفق الجميع ،، وحياج الله دائماً وأبداً في مواضيعي

[خفايا الروووح]

موضوع جداً جميل

بالنسبه لي....آنا الحمدلله خالصه من زماااااان وأشتغل....طبعاً اشتغلت بعد ما تخرجت عادي بس أشجع اللي يدرسون ويشتغلون....شي حلو الصراحه وفيه اعتماد عالنفس و يوّلد الحس بالمسؤولية.

- معليش بستغل موظوعج وبستفسر إذا حد يعرف جهة غير الــ بترول ممكن انها تتبنى خريجين الثانوية..... بمعنى ان يكون لهم مكان لين ما يتخرجون الجامعه.....؟

شكراً ع مشاركتج يالغلى،،،

وأفا عليج الموضوع وراعيته تحت أمرج ،، بس اني ماعرف مثل هالاماكن والاخوان والاخوات ردو عليج جزاهم الله كل خير :)

[A H M A D]

موضوع راائع اختي ...

هنا يتحدد حسب رغبة شخصا اولا و حسب حاجته هل هو محتاج للعمل ام لا ..وهل يستطيع التوفيق بينهم ..

شخصيا انا كنت ادرس بالجامعة و اشتغل 10 ساعات والسبب اني كنت مضطر للعمل لاني كنت بفلسطين والوضع هناك اكيد الكل يعرف ولا داعي للنقاش فيه ...

والحمد لله صبرنا و نلنا ....

[OTOsan]

مرت علي هذه المرحلة ، وفي اعتقادي ان تلك الايام التي كنت اعمل بها صباحا وادرس بها مساء .. كانت رائعة جدا ، احسست بان يومي لا يضيع هباءا .. وكنت انشغل في الامرين .. ليس كهذه الايام التي اكمل فيها دوامي فاجد فيها اوقات فراغ قاتله !

لك كل الشكر ،،

[khaldoon]

ما شاء الله عليكي

موضوع وطريقة طرح مميزه تعجبني

بس الله يكون في عون اللي يدرسون ويشتغلون

[الفـــارسه]

طرح موفق

شيء جميل ان يعتمد الشخص على نفسه يشتغل ويدرس بسبب ظروف ما

بالنسبه لي مستحيل مقدر ولا فكرت نعم درست وتخرجت واشتغلت فتره بسيطه

وتعبت من الدوام وطلعت وفكرت اكمل دراسة الماجستير بس مالقيت تشجيع لأني ماراح اشتغل

واكييييد فيه ناس يقدرون يوفقون بين الدراسه والعمل على قد طاقاتهم

ماشاء الله عليج عجبني طموحج واستمرارك بالعمل والدراسه الله يوفقج الغاليه


ماب منج من قوم الدلع اللي مدلعينج هلج ماتبين تشتغلين ولا تكملين الماجستير

وشصار فيج كنتي متحمسه خسارة قعدتج في امريكا سنتين وما سويتي شيء للدراسه

يا حبج للراحه عاشقه الراحه ماتبين الشمس تحرقج :anger2:

[خفايا الروووح]

بصراحه الله يعين اللى يدرس ويشتغل


الحمدلله شغلي معطيني تفرغ للدراسه واحمد ربي على هالنعمه


مشكوره خفايااااا

الله يوفقج يالغاليه...وتسلمين ع مشاركتج

[خفايا الروووح]

يا ريت اقدر اكمل دراستي .. للاسف وزارتي ما تبتعث دراسات عليا الا بالعشر سنين حسنه ..

بس لو يحصلي اكمل واشتغل والله اسويها ..
مايصير تكتبين لهم وطالبينهم ؟؟

وحاولي وان شاء الله يوافقون عليج وتكملين : )




خفايا موضوع جميل

لي تجربة في الدراسة والعمل والزواج

بس الحمد لله مشى حالي لانه كان تفرغ عن طريق الشغل

بس تعبت بجد لان الزواج كان وايد له تأثير بس الحمد لله ايام وعدت

ماشاء الله 3 مسؤوليات ف وقت واحد انا الدراسه والشغل وتعبت ...بس ان شاء الله يقدرني واواصل

شكرا ع المشاركة يالغلى ضوى