معاناتي لسنه 2001 فصل الربيع فجــــــــــــــــرا

[**قطـــــر**]

صرااااحه هي مش لعبه بحد ماهي حقيقه في حاله إن سيارتي إنسرقت :)



بس اللي أبى أوضحه أنه في يوم من الأيااام كنت راجع للبيت الساعه تقريبا 4 فجرا
وصفيت سيارتي بالطبيـــله وأخذت لي لفه على البيت على بال ماخلص التلفوون اللى معى يعنى تقريبا دخلت الغرفه الساعه الــ 5 وحاجه فجرا ,,
تعوذت من إبليس وقريت آيه الكرسى علشان أنام فى حفض الخالق خذيت غفوه (( :( )) وماوعيت إل يدقون الباااااااب على ,,,,,,,

,,,,,,,,,,,نعم من عند البااااااب
,,,,,,,,,,, أنا أخوك عندي دوام وسيارتي مبنشره أنت وين سيارتك وين مهدفهــــــــــــا
,,,,,,,,,,, :(؟؟ سيارتي أنا

بالطبيله .. ورااااح تلقي المفتاح على تلفزيون الصاله

طبعا أنا متحلطم أبي أنام

شوي إلا الباب يندق شبلااااااك أنت شكلك منت بصاحي سيارتك مو موجوده بالطبيله مع إن مفتاح سيارتك موجووووووود

هني أنا طااار النوم مني سيارتي مو موجوده ومفتاحي موجود (( لاحول ولا قوه إلا بالله شهالمصيبــــه على الصبح

طبيعي قمت ورحت أشيك هل كلاام إخوي صحيح ولا مقلــــــــب ؟؟

بققت عيوني أدور يمين يساااار ماكو شئ؟؟؟؟ :(

إتصلت بالربع يمكن إحدي المقالب منهم .. كلهم عطونـــــــى طااااااااااااااااااااااااااااااااااااااااااااف

أكيد طاااااااااااااااف العالم نايمـــــــه :looking:

قلت مافيه إلا أبلغ الشرطــــه .. بلغنا وبعدها جاتنا دوريــــه للبيت تعاين الموقع,,وقالو الي يبه تعال لنا المركز علشان ناخذ الإفاده منك ... رحت لهم وخذوا الإفاده <:court: > قالوا لي تشك بأحـــــــــد قلت لهم لااا والله ماأشك في أحد وأنا الحمد لله ماعندي عداووه مع أحـــد << يبلفيت إجتماعـــــــــــي طبعا مع إبتسامـــــــــه:D

طلعت من المركــــز وكان الرد منهم أن لو حصلوا السياره بتصلوووووون فيني,, دارت الأيام

اليوم الأول ؟؟؟:funny:

اليوم الثانـــــي ؟؟؟:eek3:

اليوم الثـــــــــــــــــــالث ؟؟؟:mad:


لاحياه لمن تنادي أنا في مكان وسيارتـــــــي ماأدري وينها

طبيعي فقدت الأمل

إتصلوت لـــــــي ربعي ها ياأبو فلااااان شصار مع سيارتك ؟؟ قلت لهم للحين وأنا من قلب متملل

واحد من الربع كان مبرز مفاجآه كان حاجز بالشاليهــــــــات

الحبيب عازم الربع كلهم على أساس نهايـــه الإمتحانات((بس لاتستانسون منه بالنهايــه طلعت الدعوه حطيـــــه ))

يعني سيارتي مسروووووووقه وهم بحط فلووووووووووس <<يوم إسود كااااااااان

ماأطول عليكم رحنا سيلين وإستانسنا أول يووووووم

نمنا وجا اليوم الثانــــــي **اكيد يوم ثاني عيل يوم خامس ** متملل :(

سبحنا ولعبنا

وحل الضلاااام إلا فيه واحد من الربع عازم ناس طبعا ماأعرفهم
جاوا الشباب وكانو كيــــــــــوت كنا نسولف سالفه ورا سالفه

إلين جا الموضوووووع الحلو وهو سرقه السياااااااااارت

عاد أنا مقهوووور من اللي سارق سيارتي وأبي أسولف
وقلت حق الشبااااب أحداث الموقف اللي مر على .. وعلى سيارتي اللى مسروووووقه إلي ألحيــــن طبعا مع ذكر مواصفاتهـــا إلا واحد من الشباب اللى ماعرفهم يصيح بأعلى صوتــه وأنا أقول شفيه صاحب هالسياره موقفها صووووب فريجنا أثاريها كانت مسرووووووقه

قالى إسمع المواصفات اللى ذكرتها نفس مواصفات السياره اللى واقفه بفريجنا ,,
طبعا أنا فرحت وبنفس الوقت كنت مقهوووووور من الشرطه لأن الولد اللى قاللى عن سيارتي قالي هي موجوده في موقع عااااااام ومكشوفه للجميــــــــــــــــــــع:mad:


إتصلت على إخوي وقلت له الموضوووووووع ,, راح للموقع المذكوووور إلا وسيارتي هي اللى صافه بالمكان لااا وأزيدكم من الشعر بيت لها 3 أياااام على نفس الوقفه

إتصل إخوي بالمركــــز وقال لهم لقيت السياره ,,, توقعوا شنو قالوله

لااااااااااااااااااااااااااا تلمس السياره علشان ناخذ البصمات أوكــــــــــي :)إخوي يقول بخاطره مالت على البمبـــــــــر

جات الشرطه ونثرت المحاليل والبودره على كل السياره وأخذوا البصمات وبالنهايــــــــــه قالوا له والله للأسف الشخص الحراااااامي كان لابس قفاز ومابينت بصماته................... :(

جيت انا من الشاليهات اليوم الثاني بعد ماسمعت خبر تقرير الشرطــــــــه
ورحت على طووووووووول للمركز شفت السياره كانت سليمه بس فيها دعمــــــــه بالصدام الأمامي .. وكان التــــــــــاير الخلفي مشير عليـــــه الــ :mad: إلين إمسحه الخطوط

دخلت داخل السياره لقيت العجب العجاب

الحرااااامي شمسوي ماخذ أوراااااااق خاصه لي وملع فيها إلين النصف ومخلي الباقي بالسياره طبيعي كل الكماليات اللي بالسياره مسرووووووقه


والقهر ألبوووووم حق السفره الأخيره أنا والشباب سرقه ماأدري شيبي فيــــه ؟؟؟؟؟


طلعت للضابط

السلااام عليكم حضره الضابط

عليكم السلااااام آمــر يبه

قلت مايامر عليك ضالم انا الشخص اللى مسرووووقه سيارتي من 4 أيام وبلغت عن فقدانهــــــــــا
وكذالك أنا اللى بلغت عن وجودها ومكانهــــــــا :dance

الضابط قام يضحك ,, عاد يبي يرقع حق الشرطه
فقلت له ياحضره الضابط شي يترقع وشي مايترقــــــع


اللي أبيه تقرير خبير البصمـــــــه والمستجدات :deal:

قال الضابط والله اللى أعرفه أن الحراامي لابس قفاز فــ ماصدنا بصماتــــه

قلتله كل الشكر إخوي بس أنا أبي خبير البصمات
لأعاين معاه السياره مرة ثانيه ليطمئن قلبي أظن أن لي الحق

طلب الضابط الخبير ووصل لي الخبير السوداااااااااني وطلعنا مع بعض للسياره

قال اللي الخبير شوفه عينـــك كل شي أخذنا بصماتــــــــه

بعد المعاينـــــــه :con2:

قلت استاذي أنا عندي ملااحظه بسيطه لعلها تفيدكـــــــــم قالي قوووووول

قلت له أنا يوم نزلت من السياره قبل لاتنباق السياره كنت أسمع غير هالشريـط اللي موجوود بالمسجل ,, أخذتوا بصمات الكاسيــــت,, فال لا ولكن ماأظن لان الشخص مابانت عليه أي بصمه بالسياره كاملــه داخلا وخارجا

ولكن رااااح أشيك على الشريط

طبيعي أنا بعد ذلك رحت للبيت ,, واليوم الثاني إتصلوا لى وقالوا حنا صدنا الحرااااااااامي وهو موجود عندنا بالنضاره (( الحجز ))

توقعوا أن الخبير لقي بصماته على الشريــــــط الكاسيت

طبعا انا إستانست أن أنا اللي بلغت عن السرقه وانا اللي بلغت عن وجود السياره وهم انا اللى بملاحظتي صادوا المجرم الحرااااااااامي (( والعياذ من كلمه أنا ))omen omen omen

الأدهي والأمـــــر لما طلبت مقابله الحراااااااااامي توقعوا صدمتــــــــى عمره لايتجاوز 15 سنـــــه وطلع عنده قضايا أكثر من 21 قضيـــــه متفرقه في أنحاء الدوله

والادهي أن أبوة متبرئ منــــــــــــــه

سالت الحرامي ياأخي شلوووون سرقت السياره من البيت

بكل بروووووود يقول لي عادي حركاااااااات سلف ووايراااااااات
بعدين أنا ماكنت أبي أسرق السياره كنت في فريجكم وماحصلت تاكسي أروووووح للبيت ,, وماحصلت غير سيارتك

بكل بساطه قالي الموضووووووووع ...وأنا في قلبي أقول ماأدري أذبحه شسوي له هالشيطان البارد

تماسكت نفسي وطلع آخذ سيارتي توقعوا مركز الشرطه قال لي لا السياره لازم تقعد عندنا كمان يومين لإنهااء الإجراءااات.....

ورحت للبيت وانا مقهور إلى الأن

""""""""""""""""""""""""""""""""""""""""""""""""""""""""""""""""""""""""""""""""""""""""""

شاكر لكم حسن القراءه وسورى طولت عليكم

[امل الحب]

ههههههههههههههههههههههه

حالتك كسيفة..

الله يعينك..

بس لو انا منك ذبحته عالعذر الي عطاني اياه..

[بوحارب]

مسكين الصبي

ما لقا تكسي

أحتسبها أجر :funny: :funny:

[*بوحمد]

**قطر**
راد البيت الساعه اربع الفجر ليش وين كنت سهران
لا وبعد تكلمت فالتليفون الى الساعه خمس يعني مندمج فالمكالمه
ليش ماسمعة صوت السياره فترة تواجدك فالحوش ولا المكالمه ماخذه قلبك

طيب وشلون عرفو الشرطه ان الحرامي لابس قفازات
مع ان عمر الحرامي 15 سنه اكيد الولد مجهز نفسه للسرقه

وعلى طاري الالبوم الصور رجعه لك وباقي الاوراق

بس اتصدق انت تصلح خبير سرقات ولا الشرطه ماعندها وقت تفحص كل قطعه فالسياره

بس اتصدق انك ذكي وشلون جاتك الفكره عن الشريط الي فيه البصامات صج انك خطيييييييييييير

يله اتعيش وتسهر سهرا احسن منها بس مب لين الساعه اربع الفجر

بس ماقتلي ايش نوع السياره

[خفايا الروووح]

عجيب هالحرامي :looking:


واهم شي جت سليمه اخوي :p

[غلا زايد]

الله يعينك أخوي

[السديم]

crazy crazy crazy

بتقولي عن الشرطة ..

اول شي الحمدلله رجعت لك سيارتك سالمة .. وماشاءالله عليك طلعت نبيه ودقيق وهذي صضفة حلوة فيك ..

صار لي موقف شبيه بموقفك :)

بس انا مب سرقة لا انا حريقة :D

رديت من الدوام وعلى القايلة قلت بريح شوي .. مامر على دخولي البيت الا نص ساعه والله شوي الا العالم يصارخون عند الباب سيارتكم تحترق ...

ماطلعت الا قلبي عورني سيارتي مولعه وشابه ضو ومحد يبي يروح صوبها كل من خايف تنفجر في ويهه ..

طبعا المطافي ماجاو الا بعد ما النيران كلت كل السيارة crazy crazy

ويوم جاو قال بفعل فاعل ؟؟ انزين وينه الفاعل .. سحبو السيارة عندهم وخبير وبصمه وتحقيق وحالتهم حاله وهم مصرين ان الحريق بفعل فاعل وتميت شهر على هالحاله يوم يأسو عطوني التقرير قضاء وقدر :court: :court:

انزين انا متأكده ان السالفه وراها شي .. بس للأسف ماصرت مثلك كولمبوس ودققت خليتهم هم يتصرفون ..

والحمدلله على كل حال

[**قطـــــر**]

ههههههههههههههههههههههه

حالتك كسيفة..

الله يعينك..

بس لو انا منك ذبحته عالعذر الي عطاني اياه..


شفتي عااااااااااد ((بس المسامح كريــــــــــــــم))

مع إني مقهوووووووووووور:anger1:

[**قطـــــر**]

مسكين الصبي

ما لقا تكسي

أحتسبها أجر :funny: :funny:



شاكر المروووووووووور والدوريات بوحارب (( :( ))

[**قطـــــر**]

**قطر**
راد البيت الساعه اربع الفجر ليش وين كنت سهران
لا وبعد تكلمت فالتليفون الى الساعه خمس يعني مندمج فالمكالمه
ليش ماسمعة صوت السياره فترة تواجدك فالحوش ولا المكالمه ماخذه قلبك

طيب وشلون عرفو الشرطه ان الحرامي لابس قفازات
مع ان عمر الحرامي 15 سنه اكيد الولد مجهز نفسه للسرقه

وعلى طاري الالبوم الصور رجعه لك وباقي الاوراق

بس اتصدق انت تصلح خبير سرقات ولا الشرطه ماعندها وقت تفحص كل قطعه فالسياره

بس اتصدق انك ذكي وشلون جاتك الفكره عن الشريط الي فيه البصامات صج انك خطيييييييييييير

يله اتعيش وتسهر سهرا احسن منها بس مب لين الساعه اربع الفجر

بس ماقتلي ايش نوع السياره


شفت بوحمد* شلوووووون أنا قوي :strong (( والعياذ بالله من كلمه أنا ))

بعدين بالنسبه للخبره تري ماعندي مانع أخدمــك ..بس خبرني أول ماتنسرق سيارتك ياحلوووو:con2: علشان أحطك بالجدول العملي :deal:

نوووووووووووع السياره (( نيسان لونين ذهبي وعنابي موديل 92 رنقات 94 حركاااااااااااات جامعيــــــــه ))
بس تعرف بوحمد* من عقب هالولـــد صارت السياره تشتغل معاي بأي مفتــــــــاح لا وأبشرك مرااااات أشغلها بمفتاح الكبت أو بملعقــــــه ((خخخخ))

شاكر لك المرووووووووووور :D

[**قطـــــر**]

عجيب هالحرامي :looking:


واهم شي جت سليمه اخوي :p



شاكر لك إخوي بس

التاير الخلفـــــــي ممسووووووووووح

دعمه بالدعاميـــــه الأماميـــــه

بس زين ذكرتني بنقطـــــه خلتني أدووور على محات البتروووول اللى حوالينا

(( يوم وقفت السياره كان البترووووووول تحت الربع <<خبرج طلاب وماعندنا غير المصرووووف اللى يحطونه لنا فوق التلفزيون ((ياهالتلفزيون سبب لى أزمــــــه ))
ويوم إستلمت السياره كان البترووول فيها فوق النصف .. هني هلكت وأنا أدور المحطات اخاف يكون على بلااااااااغ صاب بترووول وشارد))

[**قطـــــر**]

crazy crazy crazy

بتقولي عن الشرطة ..

اول شي الحمدلله رجعت لك سيارتك سالمة .. وماشاءالله عليك طلعت نبيه ودقيق وهذي صضفة حلوة فيك ..

صار لي موقف شبيه بموقفك :)

بس انا مب سرقة لا انا حريقة :D

رديت من الدوام وعلى القايلة قلت بريح شوي .. مامر على دخولي البيت الا نص ساعه والله شوي الا العالم يصارخون عند الباب سيارتكم تحترق ...

ماطلعت الا قلبي عورني سيارتي مولعه وشابه ضو ومحد يبي يروح صوبها كل من خايف تنفجر في ويهه ..

طبعا المطافي ماجاو الا بعد ما النيران كلت كل السيارة crazy crazy

ويوم جاو قال بفعل فاعل ؟؟ انزين وينه الفاعل .. سحبو السيارة عندهم وخبير وبصمه وتحقيق وحالتهم حاله وهم مصرين ان الحريق بفعل فاعل وتميت شهر على هالحاله يوم يأسو عطوني التقرير قضاء وقدر :court: :court:

انزين انا متأكده ان السالفه وراها شي .. بس للأسف ماصرت مثلك كولمبوس ودققت خليتهم هم يتصرفون ..

والحمدلله على كل حال


شاكر لج إختي السديم على إضافه معاناتج :con2:
بس تدريـن أنا مصيبتي كانت أهون

(( من شاف بلاوي الناس هانت عليـــه بلوتــــه ))

تدرين أنا \\

أنا //


أنا //


أنا//


شاكر لج مروووووورج والله يعوضك بأخير من سيارتج ويرزقج ((بمايبااااااااااخ))


ولا أقوول طياره خاصـــه بس بشرط كل أعضاء المنتدي ياخذوووون عليها لفه وأولهــــــــــــم أنا ((والعياذ بالله من كلمـــ÷ أنا )) <<<شدخل أنا :dance

[*بوحمد]

نيسان وموديل 92 ومسويها سالفه ومعاناه
لا وبعد با اي مفتاح تشتغل عيل الي باقي السياره سوا فيك خير

الحمدالله سيارتي ماتنسرق تدري ليش

عاد قولي ليش

وكيه باقولك

لان سيارتي ماتشتغل بغير مفتاحها الاصلي يا راعي الشرده من حجز المرور

[**قطـــــر**]

نيسان وموديل 92 ومسويها سالفه ومعاناه
لا وبعد با اي مفتاح تشتغل عيل الي باقي السياره سوا فيك خير

الحمدالله سيارتي ماتنسرق تدري ليش

عاد قولي ليش

وكيه باقولك

لان سيارتي ماتشتغل بغير مفتاحها الاصلي يا راعي الشرده من حجز المرور



ولا يهمك إخوي بوحمد*......... الله يهنيك بسيارتك اللى ماتشتغل إلا بالمفتاح الأصلـــي مع إني لو كسرت الجامه الخلفيه وقلت للعالم يدفونها ونتعتها(( هذه الكلمه بالذاات مالها أي شبيه اللى عنده توضيح يقول ))كان رحت وسويت اللى أبيه ياحلوووووووووو :)


بس بالنبســــــه لقضيــــه الشــــــــــرده من حجز المروووووووووور.. راح أكتب معاناتي فيها بإذن الله بالعدد القادم << خف علينا إخوي :deal:

[*بوحمد]

:nice: :nice: :nice: :nice: :nice: :nice: :nice: :nice: :nice: :nice: :court: محكمه

عاد الشرده من الحجز خوش سالفه
ولعبها عليكم الشرطي عاد مرتين تنصاد فيها
امممممممممممممممممممممممممممممممممممممممممممم مممحق والله
وطالع فيها انك منبه الشرطه على بصمة الشريط

بس اهم شي فالسالفه البوم الصور ارجعت لك ولا لا

[**قطـــــر**]

:nice: :nice: :nice: :nice: :nice: :nice: :nice: :nice: :nice: :nice: :court: محكمه

عاد الشرده من الحجز خوش سالفه
ولعبها عليكم الشرطي عاد مرتين تنصاد فيها
امممممممممممممممممممممممممممممممممممممممممممممممحق والله
وطالع فيها انك منبه الشرطه على بصمة الشريط

بس اهم شي فالسالفه البوم الصور ارجعت لك ولا لا


إخوي بوحمد* أنت مش فاهم السالفه صح إنتظر العدد القادم ورااااااح تعرف سبب إصطيادي من قبلهم<<<<<<<< يامن شراله من حلاله عله >>أكيد فهمت قصدي ,,,


ألبووووووووم الصور يسلم عليك كان شفتــه أنت تراني شفته << روحه بلا رجعـه بس كان فيه أشياء ماتفوت:)

[بدور]

خطاك الشر

الشرطه بس فالحين ينزفون منا المخالفات مره حزام ومره تقاطع ومره رادار ومره تجاوز

لكن ان صارت سرقه سيارات ومشاكل ثانيه مالهم شغل غير الابتسامه ويصير خير

تقول خبير البصمات سوداني عز الله ربحنا

مدري ليش يقولون الشرطه في خدمة الشعب وعندنا العكس

[**قطـــــر**]

خطاك الشر

الشرطه بس فالحين ينزفون منا المخالفات مره حزام ومره تقاطع ومره رادار ومره تجاوز

لكن ان صارت سرقه سيارات ومشاكل ثانيه مالهم شغل غير الابتسامه ويصير خير

تقول خبير البصمات سوداني عز الله ربحنا

مدري ليش يقولون الشرطه في خدمة الشعب وعندنا العكس




بدور من ناحيـــــه المخالفات الله لايوريك طايحين فينا قصب

بس للأمانه ياويل الأشخاص اللى بالمروووووووور والدوريات من عقاب رب العالميــــن ((مش كلهم بس اللى ماخذ الدعوه سلطـــــه وشوفوني أقدر ؟؟أو اللى ماخذهاااا فزعــــــه))


على فكره أنا عندي سؤاااااال؟؟ من سواااالف المخالفات عندي
1-مخالفــــه عدم استعمال حزام الامان بالطرق الداخلية والخارجية وقيمتها 300ريال
2-الانشغال اثناءالقياده او جلوس الاطفال بالمقعد الامامي وقيمتها 300 ريال
لا وأبشرج كلها بنفس الشارع وبنفس الوقت

شلوون يسجل المخالفه رقم (2) بــ >أو< وهو مش متأكد


ماأقوووول إلا الله المستعااااااااااااان

وشاكر لج إختي المروووووووووووور والدوريات والخويـــــــــا


ههه

[وطن]

هاهاهاهاهاها

قطر

الحمدلله الحين عندك سيارة جديدة تسوى اللي كانت عندك

[**قطـــــر**]

هاهاهاهاهاها

قطر

الحمدلله الحين عندك سيارة جديدة تسوى اللي كانت عندك




هلاااااااا وغلا إختـــــــــــي وطن:dance .. ذكرتيني إختي باللذي مضــــــــى:court:

على قولتج عندي سياره جديده وتسوى اللى كانت عندى,, بس قديمك نديمك:eek3:

[الخيااال]

بس سؤال هل انت من متابعي مسلسل الاطفال كونان ؟

[مغروور قطر]

هاهاها والله سالفه والي يرفع الضغط عذر الحرامي

[مطراش]

بس سؤال هل انت من متابعي مسلسل الاطفال كونان ؟


:eek2:

[**قطـــــر**]

بس سؤال هل انت من متابعي مسلسل الاطفال كونان ؟



:con2: :con2: :con2: :con2: :con2:

:D ومن منا مايتابع كونـــــــــــان:D

شاكر لك إخوي مرووووووووووورك

[**قطـــــر**]

هاهاها والله سالفه والي يرفع الضغط عذر الحرامي



إى والله إخوي مغروور قطر

((( عذر أقبح من ذنب )))

متشكر ياريس على المرووور

[**قطـــــر**]

:eek2:


:deal: :deal:
:deal: لاتندهش عندى حقائق:deal:
:deal: :deal:

[وطن]

إخوي بوحمد* أنت مش فاهم السالفه صح إنتظر العدد القادم ورااااااح تعرف سبب إصطيادي من قبلهم<<<<<<<< يامن شراله من حلاله عله >>أكيد فهمت قصدي ,,,


ألبووووووووم الصور يسلم عليك كان شفتــه أنت تراني شفته << روحه بلا رجعـه بس كان فيه أشياء ماتفوت:)
هاهاهاهاهاها

باجر نشوف صورك على النت

:funny:

[فلوه]

الله يعوضك خير
(ويابخت من بات مظلووووووم ولا بات ظااااااااالم)

[**قطـــــر**]

هاهاهاهاهاها

باجر نشوف صورك على النت

:funny:






:anger2: أبشرج ياوطن كل الصور اللى مصورها كنت متلطم فيهـــــــا:anger2:

متلطــــــــــــــــم=لاف الغتــــــــره على وجهــــــــــى

[**قطـــــر**]

الله يعوضك خير
(ويابخت من بات مظلووووووم ولا بات ظااااااااالم)






آميــــن إختــــــــــــي شاكرلج مواساتى ومروووورك ذوووووووووق

ذووووووووق=عضوه مميزه فى منتدانا الغالـــــــــــى

[وطن]

:anger2: أبشرج ياوطن كل الصور اللى مصورها كنت متلطم فيهـــــــا:anger2:

متلطــــــــــــــــم=لاف الغتــــــــره على وجهــــــــــى


هاهاهاهاهاها

:funny:

[الراقية]

واااااااعليه

ما حصل تاكسي وانت تعرف الحين اشلون كروة يمر على الواحد ويحفص

والليموزينات غالية عليه


وسيارتك واقفة عند الباب يعني شيسوي :looking:

[**قطـــــر**]

واااااااعليه

ما حصل تاكسي وانت تعرف الحين اشلون كروة يمر على الواحد ويحفص

والليموزينات غالية عليه


وسيارتك واقفة عند الباب يعني شيسوي :looking:


شكرا إختي الراقيه على المروووووووور ...crazy
بس هالمعاناه صارت لى قبل كـــــــرورcrazy .. يعنى على أيام التكاسى بو لونيـــــــن المتوفره فى دواعيس قطر كلها :p

وسيارتى ماكانت واقفة عند البابكانت بالطبيلـــه داخل الحووووووووووووووووش:looking:

[*بوحمد]

داخل الجووووووووووووووووش:deal:
:funny: :funny: :funny: :funny:

يعني مب داخل الحووووووووووووووش:anger1:

[**قطـــــر**]

داخل الجووووووووووووووووش:deal:
:funny: :funny: :funny: :funny:

يعني مب داخل الحووووووووووووووش:anger1:


*بو حمد شسالفه أى جووووووش الله يهديكomen

فى الحووووووووش يبه بس تكفى لاتطالع آخر تعديل crazy

العتب على الكيبورد أقصد الحراااامى اللى هبل فينى:deal:

[**قطـــــر**]

هاهاهاهاهاها

:funny:



دووووووم إن شاء الله هالضحكــــــــه إختى وطن

[*بوحمد]

وانا مالي احلى ضحكه

[**قطـــــر**]

وانا مالي احلى ضحكه



شتقصد *بوحمد:con2:


ترى أنت غالى ياخوك بس ترى ماتعرفنى يوم أعصب:mad:

بس علشااااااااانك رااااااااااااااااااااح
أوزع إبتساماااااااااااااااااااااااااااااات


لا ومخصوصه لك:funny: