!!.. الدارسة بعد البكالوريوس ... النصيحة الله لا يهينكم ..!!

[Bin Hood]

السلام عليكم ورحمة الله وبركاته ...

الرجاء من اصحاب الخبرة والتجربة الشخصية التكرم علي بنصائحهم وخبراتهم

انا طالب جامعي في كلية الادارة والاقتصاد تخصص "تمويل ومصارف" وسأتخرج في الفصل

القادم ان شاء الله , وانوي مواصلة الدراسة مباشره علشان ما ابرد واتكيسل .

لكنني متحير بين امرين الاول : دراسة الماجستير , وما هي

التخصصات المتعلقة بالبنوك الاسلامية التي تنصحوني بها ( علشان اكون مرغوب ) , بعض

الشباب من اصحاب الخبره والتخصص نصحني اني ما اخذ الماجستير لاني ما راح افيد الشغل

الامر الاخر : اخذ الشهادات مثل ال Cma , Acca , Cfa , Cpa لكن من عيوب هذه

الشهادان ان التدريس يعتمد على الشخص اكثر من المعاهد والامتحان يكون صعب جدا جدا ,

يعني احتمالية الرسوب واردة جدا . لكن من مميزات هذه الشاهادات وخاصة ال Cpa ,

Cfa انها ترفع الراتب والدرجه لكن مثل ما قلت الحصول عليها صعبة .


طبعا اللي عنده اي معلومات لا يبخل علينا

الرجاء من المشرفين عدم نقل الموضوع الى قسم اخر لان هذا هو المكان الامثل له والامثل

من حيث الاعضاء اللي عندم امكانية بأفادتي


جزاكم الله خير

[ابو الاسهم]

الماجستير وبعده الدكتوراه

وما تنقطع يوم واحد

وبعدين ريّح واعمل اللي تريده

[eXpert*]

انا أأيد الناس اللي قالت لك لاتاخذ الماجستير

توكل على الله وقدم على الـ CPA او الـ CMA هالشهادتين من اقوى الشهادات حالياً في مجال المحاسبة وانت وعلى حسب وين ناوي تتوظف ،، الـ CMA تهتم بالمحاسبة الادارية .. الرسوب مب عيب ولا غلط بالعكس الرسوب بيعلمك وين نقاط الضعف لتنهض من جديد وتبدا افضل من الاول وصدقني الامتحان مش الدرجة اللي تتصورها ،، والانترنت يزحم بالنماذج للامتحانات واللي يجيك ما يختلف كثير عن اللي تتمرن عليه . الامتحان يعتمد على عامل الوقت والعامل النفسيّ .

توكل على الله وان شاء الله ما خاب من استشار،، خلال اخر 6 شهور 3 تقدموا لـ الـ CPA وحمدالله تكلل جهدهم بالنجاح . لاتستصعب الامر .

[ابن ادم]

انا أأيد الناس اللي قالت لك لاتاخذ الماجستير

توكل على الله وقدم على الـ CPA او الـ CMA هالشهادتين من اقوى الشهادات.

انا سمعت نفس هذي الكلام قالوا لي الماجستير والدكتوراة تفيد الي بيشتغل في الجامعة أكثر

والماجستير والدكتوراة يحتاجون فلوس وايد
بس الشهادات المذكروة متى تكون مفيدة؟ هل في كل شغلة يهتمون بهذي الزيادات؟ وكم تقريبا الزيادة في الراتب 10% ؟

[Bin Hood]

الرجاء من المشرفين عدم نقل الموضوع الى قسم اخر لان هذا هو المكان الامثل له والامثل

من حيث الاعضاء اللي عندم امكانية بأفادتي




وانا ليش كاتب هالجملة

الظاهر المشرف اللي قام بنقل الموضوع لا قراه ولا هم يحزنون تعال وانقل

[Abu Omar]

الماجستير وبعده الدكتوراه

وما تنقطع يوم واحد

وبعدين ريّح واعمل اللي تريده

هذه هي نصيحتي لك
ابدا في عمل الماجستير واختار بحث في مجال جيد
ليست لدي خبرة عن تخصصك
ولكن افضل شيء الدراسة الاكاديمية
لا تعادلها اي شهادة
ودمتم في امان الله

[~¤ العنود ¤~]

انصحك بال Cpa اخوي .. مطلوبه في كثير شركات .. كلها اربع مواد وممكن التحضير للدراسه في 6 شهور او اقل .. يعتمد عليك

وبالتوفيق

[Bin Hood]

الماجستير وبعده الدكتوراه

وما تنقطع يوم واحد

وبعدين ريّح واعمل اللي تريده

جزاك الله خير يا ابو الاسهم على النصيحة

هذا طني فيك كثر الله من امثالك

[Bin Hood]

انا سمعت نفس هذي الكلام قالوا لي الماجستير والدكتوراة تفيد الي بيشتغل في الجامعة أكثر

والماجستير والدكتوراة يحتاجون فلوس وايد
بس الشهادات المذكروة متى تكون مفيدة؟ هل في كل شغلة يهتمون بهذي الزيادات؟ وكم تقريبا الزيادة في الراتب 10% ؟

مراحب اخوي ابن ادم

من حيث الزيادة فانها اكثر من 100% ( اكثر من الدبل )

والبنوك و الشركات تتهاوش على اللي يحمل ال Cpa , Cfa

[Bin Hood]

انصحك بال Cpa اخوي .. مطلوبه في كثير شركات .. كلها اربع مواد وممكن التحضير للدراسه في 6 شهور او اقل .. يعتمد عليك

وبالتوفيق

ودي اختي الكريمة

لكن ال CPA H, ال CFA مثل ما تفضلتي صعبه جدا جدا

والا انا ودي

لكن هل في جامعات تدرس هالشهادات وتعطيها

[امل الحب]

موفق اخووي..

[~¤ العنود ¤~]

ودي اختي الكريمة

لكن ال CPA H, ال CFA مثل ما تفضلتي صعبه جدا جدا

والا انا ودي

لكن هل في جامعات تدرس هالشهادات وتعطيها

في معاهد ُتدرس وتحضرك للامتحان ال CPA اخوي .. بس يعتمد اذا انت في قطر او بلاد ثانيه

[فارس السهم]

خذها مني واصل ( الماجستير ) .. والله يوفقك .. وبشهادتك ذي بتشتغل .. غير كذا انت توك فرررش متخرج .. يعني الهمه عندك كبيرة .. لكن ان اشتغلت .. بتنشغل .. وعقبها ما تقدر تكمل لان الشغل بيحد من اكمال دراستك غالبا ... ويمكن لا اشتغلت .. امك بتخطب لك وان تزوجت .. انسى تكمل الدراسة .. واشوي اشوي .. تبدى تتغير اهتماماتك واولوياتك .. هذا اللي عندي وفي الاخير استخير وربك يوفقك

[PoBox]

اخوي ماجستير ادارة الاعمال MBA
Master of Business administration
كثير من الجامعات يطلبون شرط من شروط الدخول ان يكون عندك خبرة لاتقل عن سنتين
وشروط عاليه للدخول

كما ان جامعة قطر ايضا عندهم هذا الماستر وشروط دخوله اقل من الخارج
دامك في الجامعة اسالهم وبيفيدونك ( لوكنت في جامعة قطر )


في شي ثاني ينصح به للخريجين الجدد اسمهMSc
اللي هو
Master of science
في التخصص اللي تبيه ايا كان ادارة او مالية او محاسبة او او او او

ومايفرق عن الاول الا ان الثاني هذا
متخصص اكثر

يعني مثلا الMBA تاخذ فيه 12 مادة (( مثلا )) + رسالة
( ادارة + محاسبة + اقتصاد + + )
وتخصص فرعي مالية مثلا

اما الMSc لو كان المطلوب 12 ساعة + رسالة
فال12 كلهم يكونون محاسبة لو تحصصك محاسبة
فالاول كاسم يمكن اقوى
اما واقعيا فالثاني اكثر فائده وعملية واستفادة



ونظام الجامعات حسب الجامعة اقلها 8 شهور الدراسة واطولها سنتين
ومن رايي ترا سنة وسنتين يمرون بلمح البصر
واعتبر انك متاخر في البكالوريوس وكمل على نفس واحد ( لو شفت في نفسك حيل )


اما الشهادات اللي ذكرتها CPA , CFA
اعتبر فترة دراسة الماجستير ( كورس تدريبي ) لتقديم هذه الاختبارات
خصوصا ان هذه الاختبارات ماراح تكون اصعب من اللي تدرسه في الماجستير
ودكاترة الجامعة بيساعدونك كثير انك تقدم هالاختبارات لو طلبت المساعدة

ما ادري ايش يتضمن الاختبار لان ماقدمته
لكن كثير من الشركات عندها هالشهادتين اهم من الماجستير

خلاصة رايي
ادرس الماجستير واثناء دراستك قدم هالاختبارات عدة مرات لين الله يوفقك
ومنها تكون مواصل في شي (الماجستير)
ونفس الوقت جالس تحاول في شي ثاني
ولو صار عندك ال2 مع بعض الماجستير + الشهادات المعنية
بدز لك رسالة خاصة بعد 10 سنوات ووظفني عندك :strong :strong


ولاحد يقص عليك ويقولك كمل دكتوراه
الا في حالة وحده
(( لو بغيت تدرس في الجامعة ))
اما غيرها فالدكتوراه اسم فقط وبرستيج


وآخر شي ، لو صممت واستخرت ربك
فلاتستشير وايد ناس
لان المجتمع عندنا محبط بدرجة ماتتصورها ،
واترك اللي يقولك صعب وصعب وبتموت

فيه جهد كبير تبذله ، لكن مب صعوبة بالدرجة اللي الناس تتخيلها

اما سؤالك عن البنوك الاسلامية
ما اعتقد تحصل

لكن بكل بساطه تقدر تسوي رسالتك عن البنوك الاسلامية

وتحياتي لك والله يوفقك وييسر دربك

[M-OH-A-ME-D]

أخوي العزيز بالنسبالي , العلم نور ويا ريت أحصل على كل الشهادات الدراسيه في العالم
لزيادة درجت تعلمي .

أما بالنسبه للعمل وما يناسبك , أقول أن الرزق على الله لا أنا ولا أنت نحدد أو نختار عملنا, فهو الرزاق.

ملاحظه : معظم الدوائر الحكوميه وقتاعات العمل الخاص تبحث عن الخبره أكثر من الشهادات.

ولكل شخص رأيه الخاص.
تحياتي

[PoBox]

مراحب اخوي ابن ادم

من حيث الزيادة فانها اكثر من 100% ( اكثر من الدبل )

والبنوك و الشركات تتهاوش على اللي يحمل ال Cpa , Cfa


اخوي بخصوص الزيادة
لاتتوقع زيادة خيالية
يمكن مع اول التوظيف يكون حالك من حال حامل البكالوريوس:looking:

لكن بيختلف الوضع معاك في الترقيات
راح تترقى اسرع ،، واي شاغر فوقك
علطول العين راح تكون عليك (( خصوصا لو كنت شغول ))
والشهادة تسندك في هالشي

[بلاهويـــــة]

وين
ممكن ادرس Cpa في قطر

[PoBox]

وين
ممكن ادرس Cpa في قطر

في جامعة قطر

[ابو الحارث]

السلام عليكم ورحمة الله وبركاتة
الماجستير , الدكتوراء = شهادة اكاديمية
cpa ,CMA = شهادة مهنية
انا انصحك ان تحدد مجال الذي تريده من الشهادة ان كنت تريد العمل في الحكومة فادرس الماجستير
وان كنت تريد العمل في الخاص ( الشركات , البترول , البنوك ) فانصحك تدرس الشهادات المهنيةلانها تقدمك على غيرك
ونصيحة خاصة ادرس الماحستير ثم CMA وتصبح على شارعين وخاصة ان الماجستير فيه تعليم جزء من الشهادات المهنية
على فكرة ان ادرس الماجستير وان اشاء الله ادرس بعدها CMA

[واستخير في كلا الحالتين
لقول النبي صلى الله عليه وسلم ((لاخاب من استخار ولاندم من استشار ولاعال من اقتصد))

[eXpert*]

جامعة قطر عندنا ماعندها CPA انما اتعلمك طريقة الامتحانات وكيفية توزيع الوقت لحل المسائل والتكلفة تقريباً 13 الف ريال قطري غير شامل للكتب هالكلام اخبره اول ما افتحوا قسم التعليم المستمر في جامعة قطر .

وارد انوه الشهادات CPA و MBA و CMA تفيد في مجال العمل اكثر من الماجستير والدكتوراه ... عمركم شفتوا اعلان مطلوب محاسب حاصل على دكتوراه في المحاسبة ؟؟ لاطبعاً لان الماجستير ماهي الا بوابه للعبور لشهادة الدكتوراة ،،، والدكتوراة فايدتها اذا قررت تكون دكتور في الجامعة او مثل ما اقال بوكسنغ اذا كنت حاب يكون لك منصبك في المجتمع والناس تقولك يا دكتور فلان .

[قطري كشخه]

السلام عليكم ...

بالنسبه لي انا كذالك ناوي اكمل دراستي للماجستير وخاصه انه التخريج انشاء الله راح يكون بالسنه الجايه وقاعد اعد روحي حق الماجستير واحاول اسأل ناس عن Mba

في الاول كنت الشطه ماخذتني وكنت افكر بقوه اني اكمل الماجستير ولكن كثير من الناس ولين احين يقولولي حرام تكمل الماجستير ماراح يغير من درجتك في الوظيفه وراح يكون حالك حال البكالوريوس بس راح يكون ديكوريشن اسم ماجستير...

ولزلت افكر في اني اكمل الماجستير لكن لحد الان ماحصلت تشجيع من احد الكل يقول عامل الخبره والخبره اهم من الماجستير اكثر الى استشرتهم يقولونلي توظف وخذ خبره بعدها فكر في الماجستير وانا ماودي اطبق هالنظام خاصه مثل ماذكر اخوي صاحب الموضوع انه احنا لين احين فرش ودام المخ لين احين فيه شده دراسه بعد الشغل ينهد حيل الواحد:looking:

[~¤ العنود ¤~]

وين
ممكن ادرس Cpa في قطر

شوف Ernest & Young اخوي .. كان البرنامج عندهم .. وتقديم الامتحانات بعد

بالتوفيق

[~¤ العنود ¤~]

في جامعة قطر

ما اعتقد اخوي جامعه قطر تدرس للCPA .. اذا دارس Accounting ممكن تكون غطيت معظم المواد المطروحه في ال CPA بس هم ما يطرحون كورسات لتعليم ال CPA فقط

عرضوا هالدراسه من فتره .. بس كل ظني انهم كنسلوا

[Bin Hood]

اخوي ماجستير ادارة الاعمال MBA
Master of Business administration
كثير من الجامعات يطلبون شرط من شروط الدخول ان يكون عندك خبرة لاتقل عن سنتين
وشروط عاليه للدخول

كما ان جامعة قطر ايضا عندهم هذا الماستر وشروط دخوله اقل من الخارج
دامك في الجامعة اسالهم وبيفيدونك ( لوكنت في جامعة قطر )


في شي ثاني ينصح به للخريجين الجدد اسمهMSc
اللي هو
Master of science
في التخصص اللي تبيه ايا كان ادارة او مالية او محاسبة او او او او

ومايفرق عن الاول الا ان الثاني هذا
متخصص اكثر

يعني مثلا الMBA تاخذ فيه 12 مادة (( مثلا )) + رسالة
( ادارة + محاسبة + اقتصاد + + )
وتخصص فرعي مالية مثلا

اما الMSc لو كان المطلوب 12 ساعة + رسالة
فال12 كلهم يكونون محاسبة لو تحصصك محاسبة
فالاول كاسم يمكن اقوى
اما واقعيا فالثاني اكثر فائده وعملية واستفادة



ونظام الجامعات حسب الجامعة اقلها 8 شهور الدراسة واطولها سنتين
ومن رايي ترا سنة وسنتين يمرون بلمح البصر
واعتبر انك متاخر في البكالوريوس وكمل على نفس واحد ( لو شفت في نفسك حيل )


اما الشهادات اللي ذكرتها CPA , CFA
اعتبر فترة دراسة الماجستير ( كورس تدريبي ) لتقديم هذه الاختبارات
خصوصا ان هذه الاختبارات ماراح تكون اصعب من اللي تدرسه في الماجستير
ودكاترة الجامعة بيساعدونك كثير انك تقدم هالاختبارات لو طلبت المساعدة

ما ادري ايش يتضمن الاختبار لان ماقدمته
لكن كثير من الشركات عندها هالشهادتين اهم من الماجستير

خلاصة رايي
ادرس الماجستير واثناء دراستك قدم هالاختبارات عدة مرات لين الله يوفقك
ومنها تكون مواصل في شي (الماجستير)
ونفس الوقت جالس تحاول في شي ثاني
ولو صار عندك ال2 مع بعض الماجستير + الشهادات المعنية
بدز لك رسالة خاصة بعد 10 سنوات ووظفني عندك :strong :strong


ولاحد يقص عليك ويقولك كمل دكتوراه
الا في حالة وحده
(( لو بغيت تدرس في الجامعة ))
اما غيرها فالدكتوراه اسم فقط وبرستيج


وآخر شي ، لو صممت واستخرت ربك
فلاتستشير وايد ناس
لان المجتمع عندنا محبط بدرجة ماتتصورها ،
واترك اللي يقولك صعب وصعب وبتموت

فيه جهد كبير تبذله ، لكن مب صعوبة بالدرجة اللي الناس تتخيلها

اما سؤالك عن البنوك الاسلامية
ما اعتقد تحصل

لكن بكل بساطه تقدر تسوي رسالتك عن البنوك الاسلامية

وتحياتي لك والله يوفقك وييسر دربك



جزاك الله خير على ردك واهتمام بي قبل موضوعي

بالنسبة للشغل سنتين ومن ثم الرجوع للدارسة زين لكن المشكلة اني اخاف ابرد وتزيد الالتزامات , ما تدري البيت يحنون تزوج وتزوج وعقب الزواج على الدراسة العوض ومنها العوض.

اما بخصوص ال MSc فهذا شي يديد علي الصراحة اول مره اسمع عنه الصراحة ممكن تتكوم علي وتقول لي اي جامعات يعطونك هالشهادة.

ننتقل حق النقطة الخيالية وهي اني ادرس ماجستير وفي نفس الوقت اخذ ال CFA او CPA فهي قويه الصراحة , حتى انشتاين ما يقدر يسويها ( اصلا انشتاين دش البورصة ببعض فلوسه اللي ربحها من جائزة نوبل وخسر ... معلومة صحيحة) , في واحد من الشباب وايد شاطر وسقط ورد يدرسها مرة ثانية بس للحين ما قدمها مرة ثانية .

بخصوص الراتب سمعت من اكثر من شخص يعملون في اماكن مختلفه بنوك و شركات , ان الراتب يرتفع وايد , قالوا دبل العهده عليهم ( عندنا في البحرين بس اعتقد ان في قطر راح يكون اكثر )

اما من ناحية اني اتوسط لك فالعين لا تعلى عن الحاجب , وانا ماراح احصل احسن منك ريال والنعم ما عليك زود واقدر اشم ريحة طيب خلقك من ردودك ومساهماتك في المنتدى.

ثانيا انا من البحرين شلون وين تبي تشتغل خلك في قطر ابرك لك بين هلك

جني صدقت روحي شوي !!

[Bin Hood]

السلام عليكم ...

بالنسبه لي انا كذالك ناوي اكمل دراستي للماجستير وخاصه انه التخريج انشاء الله راح يكون بالسنه الجايه وقاعد اعد روحي حق الماجستير واحاول اسأل ناس عن Mba

في الاول كنت الشطه ماخذتني وكنت افكر بقوه اني اكمل الماجستير ولكن كثير من الناس ولين احين يقولولي حرام تكمل الماجستير ماراح يغير من درجتك في الوظيفه وراح يكون حالك حال البكالوريوس بس راح يكون ديكوريشن اسم ماجستير...

ولزلت افكر في اني اكمل الماجستير لكن لحد الان ماحصلت تشجيع من احد الكل يقول عامل الخبره والخبره اهم من الماجستير اكثر الى استشرتهم يقولونلي توظف وخذ خبره بعدها فكر في الماجستير وانا ماودي اطبق هالنظام خاصه مثل ماذكر اخوي صاحب الموضوع انه احنا لين احين فرش ودام المخ لين احين فيه شده دراسه بعد الشغل ينهد حيل الواحد:looking:

الحال من بعضه يالكشيخ :D

اذا عرفت شي يديد لا تنسى اخوك بن هود اللي يحب لك الخير :strong

[Bin Hood]

يا جماعة الخير هل جامعة قطر تعطي ال Cfa ؟؟

[Bin Hood]

اشكر الجميع على المرور وابداء الرأي والمشورة

والله يكتب اللي فيه الخير والصلاح

[PoBox]

جزاك الله خير على ردك واهتمام بي قبل موضوعي

بالنسبة للشغل سنتين ومن ثم الرجوع للدارسة زين لكن المشكلة اني اخاف ابرد وتزيد الالتزامات , ما تدري البيت يحنون تزوج وتزوج وعقب الزواج على الدراسة العوض ومنها العوض.

اما بخصوص ال MSc فهذا شي يديد علي الصراحة اول مره اسمع عنه الصراحة ممكن تتكوم علي وتقول لي اي جامعات يعطونك هالشهادة.

ننتقل حق النقطة الخيالية وهي اني ادرس ماجستير وفي نفس الوقت اخذ ال CFA او CPA فهي قويه الصراحة , حتى انشتاين ما يقدر يسويها ( اصلا انشتاين دش البورصة ببعض فلوسه اللي ربحها من جائزة نوبل وخسر ... معلومة صحيحة) , في واحد من الشباب وايد شاطر وسقط ورد يدرسها مرة ثانية بس للحين ما قدمها مرة ثانية .

بخصوص الراتب سمعت من اكثر من شخص يعملون في اماكن مختلفه بنوك و شركات , ان الراتب يرتفع وايد , قالوا دبل العهده عليهم ( عندنا في البحرين بس اعتقد ان في قطر راح يكون اكثر )

اما من ناحية اني اتوسط لك فالعين لا تعلى عن الحاجب , وانا ماراح احصل احسن منك ريال والنعم ما عليك زود واقدر اشم ريحة طيب خلقك من ردودك ومساهماتك في المنتدى.

ثانيا انا من البحرين شلون وين تبي تشتغل خلك في قطر ابرك لك بين هلك

جني صدقت روحي شوي !!


بالنسبة للجامعات اللي تعطي ال MSc جامعات لاتحصى
وغالب اللي يعطون MBA يعطون MSc ايضا

يكفيك تكتب في القوقل
MSc Finance
مثلا وشوف النتايج

وهذي وحده
http://www.wbs.ac.uk/students/masters/finance/

وهذي الثانية
http://www.lums.lancs.ac.uk/Postgraduate/pgfin/finance/



http://www.qub.ac.uk/schools/SchoolofManagementandEconomics/ProspectiveStudents/PostgraduateTaughtDegrees/MScFinance/


وغيرهم كثير جدا جدا جدا
يعتمد عليك حسب الدولة او المنطقة او الميزانية اللي بتروحها او بتحطها .
نزل البروشور ( الكتالوج او الكتيب ) تبعهم واقراه وممكن تطلبه ويوصلك لباب بيتك بس يطول
واختار الافضل لك .

ولا تاخذ شيئ وااايد قوي تتوهق فيه ولا شي واطي تبتلش فيه من ناحية قوة الجامعة
في مواقع تحط لك مدى قوة الجامعة ايضا اكتب top mba or Msc
وغيرها وراح تجيك لستة الله اعلم بحجمها فيها مالذ وطاب ومالم يطب من الجامعات


واذا دخلت حقل العمل ، خذها مني راح تبرد ،، وراح تتعقد عليك الامور بشكل كبير
فاضرب الحديد وهو حامي ، خصوصا ان المدة بسيطة سنة وبالكثير سنة ونصف باستثناء بعض الجامعات فيها مدة سنتين

اما بخصوص الماجستير والCPA نفس الوقت او ال CFA
تراهم امتحانات تقدمها وتروح لحال سبيلها يعني مافي دوام ومافي اي شي ثاني
واكيد راح ترسب من أول مرة واعتقد ان عندي نوع من الثقة في هالشيئ :eek2:

(( حسب راي اكثر من شخص ، نادر اللي ينجحون من اول مرة ))
بس ماعندي فكرة عن رسوم الاختبار كل مرة .
وخلك من اينشتاين آينشتين كان كسلان وبليد بالمدرسة يقولون :funny:


اما الراتب فيمكن يفرق معاك انك تحصل وظيفه اسرع من غيرك واماكن احسن .
وانت اذا صدت المكان الزين ،، سلم الترقيات ان شاء الله مفتوح امامك خصوصا ان لك الاولوية في الترقيات او الدورات لاحقا لانك راح تكون شخص قابل للتطوير اكثر من غيرك
فتكون العين عليك اكثر من غيرك (( وطبعا كله يعتمد عليك وعلى شغلك ايضا ))

وبخصوص وظيفتي ،
الله يسلمك وما عليك زود

و يوم تمسك المنصب المطلوب
نزل اعلان في الجريدة

مطلوب PoBoxing للعمل كنائب للمدير :eek2: :funny: :funny: :funny:
ودامك في البحرين لي وقتها يمكن الجسر يكون انبنى ، سهل اداوم عندكم :app: :app: :strong


وهذا موقع كلية الادارة والاقتصاد جامعة قطر

http://www.qu.edu.qa/qu/colleges/bus/bus_mission.html
كلمهم وشف وش يقولون لان ماعندي خلفيه عن برنامجهم الا ان كم واحد سجلوا في الCPA
لكن ما اعرف هل كانت دورة ام الامتحان نفسه اللي يتقدم في امريكا :con2:

[المتأمل خيرا]

لطفاً لاحظ المساهمة التالية..

[المتأمل خيرا]

فقط أحببت أن اضيف الرأي المتواضع الآتي.. إضافة إلى ما ذكره الأخ "PoBoxing" - :

أولاً.. أتفق من حيث المبدأ مع الرأي أن تكون الدراسة المتممة قبل الإلتحاق بالعمل - إن كانت الظروف المادية تسمح.. أو شروط البعثة.. إن كانت هناك بعثة - ..

موضوع الخبرة.. أظن أنها نقطة جديرة بالتفكير إن كانت في نفس مجال التخصص المستقبلي.. لكن ذلك يتوقف على مقدار "اندفاع" أو حب الشخص للدراسة.. فإذا كان هذا العامل متوفراً.. ففي ظني أن الخبرة المناسبة ستكون ذات فائدة.. على ألا يكون الإنقطاع أكثر من 4 سنوات.. بين الدراستين.. - ويفضل قبل الزواج :) - ..

وموضوع الإلتحاق بعمل له ميزة من حيث ليس فقط توسعة مدارك الملتحق.. وإنما أن مثل هذا الوضع سيتيح له إمكانية القيام ببحوث لها علاقة بمجال / محيط العمل.. بدلاً من أن تكون الأبحاث كلها نظرية مثلاً..

الأمر الآخر.. وهو أمر قد لا ينتبه له بما يكفي.. هو بشأن المشرف.. فقد يكون دوره حاسماً.. ليس فقط من حيث قدراته، ولكن أيضاً استمراريته.. فأنصح أن تتأكد أن المشرف الذي سيعيـّن لك ليس له نية أو ظرف يجعله يترك الجامعة.. وأنت ما زلت في مرحلة الدراسة.. وإذا كان هناك خيار من حيث بدائل.. فالأنسب أن تقابلهم.. وتسأل عنهم.. - إن أمكن - ..

مع خالص التحية..

[Bin Hood]

الاخوان

poBoxing

المتأمل خير

جزاكم الله عني خير الجزاء

[Bin Hood]

وانا كل ما غفلت عن الموضوع القاء راح الصفحة الثانية

ما في احد يبي ينصح بعد