المساعد الشخصي الرقمي

مشاهدة النسخة كاملة : N73 Music تعــــــبنــــــي أيش الحل معه ؟؟؟؟


الواعد
14-07-2007, 02:13 PM
السلام عليكم

هالجوال كثرت مشاكله مرة يعلق إذا حاولت اصور

ومرة يخرف ويكتب حرف بدل حرف وإذا صكرته علشان يتعدل

طلعت المشكلة الأكبر وهو الرقم السري مايكتبه كامل ويقعد يرفض

لأنه يكتب بعض الحروف وبعضها لا وهذا سبب لي رفض الرقم

وطلب مني رقم Puk مع اني حاط الرقم صح بس ايش اسوي ؟؟

ايش المحل اللي مكن يعدله لي تمااااااااام لاتقولون لي الوكالة

لأني قبل كم يوم مسوي له سوفت وير جديد ومافيه فائدة

ايش افضل جوال حالياً على شرط تكون كاميرته 3 ميقابكسل ؟؟؟؟؟

افكر اشتري N70 Music بس كاميرته 2 ميقابكسل

ايش تنصحوني
][ الوحيد ][
14-07-2007, 02:19 PM
اخوي يمكن السوفت وير تعباان

نصيحه خلك من عوار الراااس النووكيا

وخذ لك سووني اريكسوون
الواعد
14-07-2007, 02:36 PM
[ الوحيد ][']اخوي يمكن السوفت وير تعباان

نصيحه خلك من عوار الراااس النووكيا

وخذ لك سووني اريكسوون

طيب ايش افضل واحد في السوني اريكسون

ويكون صوت النغمات قوي جدا والكاميرا 3 ميقابكسل ؟؟؟؟
bujasim77
14-07-2007, 02:41 PM
ماجربت تسوي له تحديث عن طريق موقع النوكيا ؟
في سوفت وير جديد بتاريخ 26 / 6 / 2007

http://europe.nokia.com/softwareupdate
قناص قطر
14-07-2007, 02:50 PM
نفس المشكله تقريبا

روح للشركه واعمل سوفت وير جديد وكذلك فورمات للميموري

ويرجع احسن من قبل ب 1000 مره

الاثنين اللي طاف مسويله فورمات واب قريد سوفتوير

والحين احسن من العسل
التيما
14-07-2007, 03:14 PM
الله يكون بعونك على قد ما اسمع عن هالنوكيا 73 يعتبر عندي من احلى تلفوناتي .. واجملها للتصوير والاغاني .. بس نصيحه فعلا حلوه عليك بالسوني اريكسون ولا تستعجل السوني شوكلت نازل قريب
القطري554
14-07-2007, 05:36 PM
أخوي انا عندي أن 73 العادي ونفس المشاكل بس سويت لة سوفت وير عن طريق

النت والله صار ممتاز .. وحسن من قبل بكثير ..
m&r
14-07-2007, 07:17 PM
اخوي حياك عندي في المحل وانا بحل لك مشكلتك

المحل في سوق الغرافه

اسم المحل : الهولنديه
الواعد
14-07-2007, 07:21 PM
اخوي حياك عندي في المحل وانا بحل لك مشكلتك

المحل في سوق الغرافه

اسم المحل : الهولنديه


مشكور أخوي على المساعدة

والجوال توني مسوي له سوفت وير جديد من الشركة

بس الحين تمام واللي يصير فيه يصير مرات يعني مو على طول

وبعدين اقوم أنا واصكره لمدة كم ساعة وبعدين افتحه واحصله تمام

ماادري هل له دخل في طول المكالمات ؟ لأني مرة طولت في مكالمة

وصارت المشكلة بعدها على طول

المهم بامر عليك في المحل إذا فضيت والله يعطيك العافية أخوي
A.L.I
14-07-2007, 08:00 PM
الحل انك تبيعه وتشتري واحد ثاني
BURBERRY
14-07-2007, 08:04 PM
انا عندي N80 و كانت تصير فيه مشاكل و بطيء بس حطيت له سوفت وير جديد من النت و صار احسن من قبل .. جرب تحط له سوفت وير جديد من النت و بيصير تمااام ..