أيش هدفك من الرد على المواضيع في المنتدى ؟ [الأرشيف]

~¤ العنود ¤~

14-07-2007, 11:51 PM

السلام عليكم

حبيت اطرح هالسؤال عالجميع .. وان شاء الله ردودكم تكون بغايه الصراحه والبعد عن المجامله ..

أيش الغايه اللي تنشدها من الرد على المواضيع في المنتدى ؟

هل هو لجذب الانتباه ؟

هل لزيادة عدد المشاركات ؟

هل لان كاتب الموضوع صديقك او مقرب لك ؟

هل لان الموضوع يستاهل ترد عليه وجذبك ؟

أو اسباب لا يعرفها غيرك ؟

اتمنى مشاركتكم الصريحه

والسموحه

بيانو

14-07-2007, 11:53 PM

بصراحه

جميع الاسباب التى ذكرتيها اختى

ولكى تحيه على طرح هذا الموضوع الواقعى

التيما

14-07-2007, 11:56 PM

والله اختي مو سبب وااحد بس اولها ان الموضوع شدني .. ثانيها يمكن الموضوع استفزني
او ضحكني او غيره يعني الاسباب عديده بس مو منها اني اهتم من كاتب الموضوع ؟ هاي اخر اهتمامي في اعضاء اعزهم وايد بس مو كل مواضيعهم ادشها .. ولا يهمني عدد مشاركاتي بعد .. يسلموووووووو عالموضوع

~¤ العنود ¤~

14-07-2007, 11:57 PM

بصراحه

جميع الاسباب التى ذكرتيها اختى

ولكى تحيه على طرح هذا الموضوع الواقعى

شلون يعني جميع الاسباب ؟ يعني في اوقات كثيره ترد على المواضيع فقط لمجرد زيادة المشاركات أو المجامله أو أو ؟

والتحيه لك للمشاركه ..

~¤ العنود ¤~

14-07-2007, 11:59 PM

والله اختي مو سبب وااحد بس اولها ان الموضوع شدني .. ثانيها يمكن الموضوع استفزني
او ضحكني او غيره يعني الاسباب عديده بس مو منها اني اهتم من كاتب الموضوع ؟ هاي اخر اهتمامي في اعضاء اعزهم وايد بس مو كل مواضيعهم ادشها .. ولا يهمني عدد مشاركاتي بعد .. يسلموووووووو عالموضوع

تسلمين على صراحتج اختي التيما .. في اوقات كثيره نشارك في مواضيع للأسباب اللي ذكرتيها .. ان ضحكني وحبيت أشارك او شدني .. وأهم شي ان نبتعد عن المجاملات اللي تؤدي في الاخير الى الشلليه .. وهالشي اللي نشوفه في كثير من المنتديات

تسلمين عالرد .. وربي يعطيج العافيه

الخيميائي

15-07-2007, 12:00 AM

كثيرة الاسباب

بس اهمها المزاج والحالة النفسية ومحتوى الموضوع بغض النظر كان مفيد او فكاهي :)

,,,, وشكرا

~¤ العنود ¤~

15-07-2007, 12:05 AM

كثيرة الاسباب

بس اهمها المزاج والحالة النفسية ومحتوى الموضوع بغض النظر كان مفيد او فكاهي :)

,,,, وشكرا

وإذا عرف السبب بطل العجب

تسلم اخوي عالمشاركه .. صحيح الحاله النفسيه لها دور كبير في اختيارنا للمواضيع اللي نرد عليها

فارس السهم

15-07-2007, 12:52 AM

الهدف اني اطلع واقول اللي في خاطري .. واعبر عن رايي لعل وعسى فيه الفايده

A H M A D

15-07-2007, 01:31 AM

يسلموووا على الموضوع ... والله ما بطلع على عدد المشاركات .. وردي للموضوع يكون حسب عنوانه واذا عجبني او لا .. يعني مو كل المواضيع ارد عليها والله

الزاجل

15-07-2007, 01:58 AM

~¤ العنود ¤~
السلام عليكم
وعليكم السلام ورحمة الله وبركاته

حبيت اطرح هالسؤال عالجميع .. وان شاء الله ردودكم تكون بغايه الصراحه والبعد عن المجامله ..
بحاول كثر ما اقدر اني ابتعد عن المجاملة :D

أيش الغايه اللي تنشدها من الرد على المواضيع في المنتدى ؟

استعراض للعضلات :strong

هل هو لجذب الانتباه ؟

ما في انسان ما يدور لفت الانتباه ..
هل لزيادة عدد المشاركات ؟
:looking:

هل لان كاتب الموضوع صديقك او مقرب لك ؟
امممم
ابدا
هل لان الموضوع يستاهل ترد عليه وجذبك ؟

شي اكيد

أو اسباب لا يعرفها غيرك ؟
مرات اييه ...تكون هناك اسباب محد يدري عنها :D
اتمنى مشاركتكم الصريحه
كانت صريحة :app: ان شاءالله تعجبك

والسموحه

عادي ما صار شي

:looking:

الطرف الأغر

15-07-2007, 02:57 AM

أيش الغايه اللي تنشدها من الرد على المواضيع في المنتدى ؟

هل هو لجذب الانتباه ؟

لا

هل لزيادة عدد المشاركات ؟

لا

هل لان كاتب الموضوع صديقك او مقرب لك ؟

لا

هل لان الموضوع يستاهل ترد عليه وجذبك ؟

نعم

أو اسباب لا يعرفها غيرك ؟

:con2:

اتمنى مشاركتكم الصريحه

أرد لانجذابي للموضوع و لشعبيته ويستحق المشاركه وابداء الرأي الخاص ،،
أحيانا أفوت مواضيع كثيره تستحق الرد والشكر والثناء لضيق الوقت

شكر لطرحج أختي

والسموحه [/SIZE][/QUOTE]

أ9032

15-07-2007, 07:18 AM

حتى تصبح مشاركاتي 100 لأستطيع أرال رسائل خاصة، فمشاركاتي ليست بالضرورة مجامالات أو رد مفيد بل فقط الغاية منها هو زيادة المشاركات لا أكثر.

بيانو

15-07-2007, 08:34 AM

شلون يعني جميع الاسباب ؟ يعني في اوقات كثيره ترد على المواضيع فقط لمجرد زيادة المشاركات أو المجامله أو أو ؟

والتحيه لك للمشاركه ..

اختى حينما قلت لكى جميع الاسباب
بمعنى ساعات الواحد يدخل ويرد على موضوع مش قوى ولاكن الى حدا ما كويس ويرد
من باب كسر الملل .
واوقات فى مواضيع تشد الواحد ومش يرد فقط ويطلع لااااا يفضل متابع الموضوع للنهايه ( للاستفاده ) .

وفى البدايه والنهايه كله حسب الحاله المزاجيه .

اتمنى اكون وضحت الاجابه

M-OH-A-ME-D

15-07-2007, 08:44 AM

سبب ردي على أي موضوع هو تبادل وجهات النظر وتصحيح المعلومه أذا كان فيها سؤ فهم

وأحترام الأخرين ( الدخول والرد ) وليس مجرد المرور

أما بالنسبه لزياده المشاركات فلا أتطرق لها لأنها شيء عادي..............لا تعليق.

السر الغامض

15-07-2007, 08:52 AM

انا عن نفسي ارد على المواضيع لسببين لا ثالث لهما:
اولا لكي ابدي برأيي للموضوع
ثانيا اذا لدي معلومة افيد بها الغير

ضوى

15-07-2007, 01:02 PM

هل لان الموضوع يستاهل ترد عليه وجذبك

هذا هو السبب الحقيقي للرد على المواضيع ، ولي مقربين جدا في المنتدى بس ما ادش كل مواضيعهم اللي يجذبني بس واحس انه الموضوع صج يستاهل الرد عليه

يسلمو

حنان الدنيا

15-07-2007, 01:39 PM

اعتقد اختي العنود لو موضوعج ماشدني ماكنت دشيت

وانا اهم شئ عندي الموضوع اذا عجبني ارد واذا ماعجبني ارد واعلق واوقول رايي
ومااهتم بصاحب الموضوع او اعرف صاحب الموضوع

اهم شئ الموضوع

وشاكره لج اختي العنوود

القناعة كنز

15-07-2007, 04:12 PM

هدفي من الرد اذا كان الموضوع يناقش قضية مهمة في مجتمعنا اني اقول رايي
واما اذا كان الموضوع مثلا فكاهي او نقل معلومه ارد عشان اشكر صاحب الموضوع انه بذل مجهود ليثري معلوماتنا او يوسع صدورنا
ومشكوره على هالموضوع اختي

تقبلي تحيات اختج:)

نجود

15-07-2007, 04:39 PM

شوفي موضوعك مرررررررة حلو

انا اشارك بالموضوع اول شي اذا اعجبني الموضوع وكنت قادرة افيد بردي

او
اذاكان الموضوع لايقبل ان يكون في ردود او استفتاء لكن موضوع مفيد ومن باب العلم احب ادعي لصاحبة

الشي الثالث انا احبكم ياهل قطر وودي ارد علي الي اعرفة واشارك لو بالدعاء للي مااعرفة

~¤ العنود ¤~

15-07-2007, 05:29 PM

الهدف اني اطلع واقول اللي في خاطري .. واعبر عن رايي لعل وعسى فيه الفايده

هلا اخوي .. اقدر اعطيك افضل اجابه لحد الحين ..

صدقت .. اهم شي الواحد يقول اللي في خاطره .. بس بحدود .. وعدم جرح الغير ..

تسلم عالمشاركه

~¤ العنود ¤~

15-07-2007, 05:31 PM

يسلموووا على الموضوع ... والله ما بطلع على عدد المشاركات .. وردي للموضوع يكون حسب عنوانه واذا عجبني او لا .. يعني مو كل المواضيع ارد عليها والله

يسلمك اخوي عاشق الصمت

عدد مشاركاتك كثير صيحح .. وانت الشخص اللي راح يحكم عليها .. هل كلها بفايده او لاء .. في الاخير اهم شي انك انت تكون مقتنع بردودك لانها هي اللي تحدد شخصيتك امام الآخرين

~¤ العنود ¤~

15-07-2007, 05:35 PM

~¤ العنود ¤~
السلام عليكم
وعليكم السلام ورحمة الله وبركاته

حبيت اطرح هالسؤال عالجميع .. وان شاء الله ردودكم تكون بغايه الصراحه والبعد عن المجامله ..
بحاول كثر ما اقدر اني ابتعد عن المجاملة :D

أيش الغايه اللي تنشدها من الرد على المواضيع في المنتدى ؟

استعراض للعضلات :strong

هل هو لجذب الانتباه ؟

ما في انسان ما يدور لفت الانتباه ..
هل لزيادة عدد المشاركات ؟
:looking:

هل لان كاتب الموضوع صديقك او مقرب لك ؟
امممم
ابدا
هل لان الموضوع يستاهل ترد عليه وجذبك ؟

شي اكيد

أو اسباب لا يعرفها غيرك ؟
مرات اييه ...تكون هناك اسباب محد يدري عنها :D
اتمنى مشاركتكم الصريحه
كانت صريحة :app: ان شاءالله تعجبك

والسموحه

عادي ما صار شي

:looking:

هلا اخوي الزاجل

دايما اخوي متميز في ردودك .. بس الصور اللي تحطها لها معاني كثيره غير عن اللي تقوله :) فحاسب من هالشي ((:looking: ))

* تعتقد مافي انسان يدور على لفت الانتباه ؟ ماعتقد هالشي صحيح .. في ردودنا وكتابتنا للمواضيع .. نسعى لارضاء نفسنا باللي نطرحه ولفت انتباه الغير لنا حتى لو 1 % .. كلي اللي نسويه ونقوله في حياتنا .. فيه نوع من لفت الانتباه اخوي .. فكر فيها وبتعرف اني صح

* اما بخصوص استعراض عضلاتك في الرد على المواضيع .. فأعتقد انك قصدت عضلاتك في الاملاء والتعبير .. وانا اشهد لك بهالشي ..

* واخيرا .. يحصلي الشرف ان موضوعي شد انتباه انسان مثلك .. وعلق عليه

وراح ابتعد عن الابتسامات .. علشان ما يكون فيه معنى ُمبطن لكلامي

:)

مشكور على ردك

~¤ العنود ¤~

15-07-2007, 05:40 PM

أيش الغايه اللي تنشدها من الرد على المواضيع في المنتدى ؟

هل هو لجذب الانتباه ؟

لا

هل لزيادة عدد المشاركات ؟

لا

هل لان كاتب الموضوع صديقك او مقرب لك ؟

لا

هل لان الموضوع يستاهل ترد عليه وجذبك ؟

نعم

أو اسباب لا يعرفها غيرك ؟

:con2:

اتمنى مشاركتكم الصريحه

أرد لانجذابي للموضوع و لشعبيته ويستحق المشاركه وابداء الرأي الخاص ،،
أحيانا أفوت مواضيع كثيره تستحق الرد والشكر والثناء لضيق الوقت

شكر لطرحج أختي

والسموحه [/SIZE][/QUOTE]

مشكور اخوي الطرف الاغر على ردك

كثيره هي (لاءاتك) :)

وافضلها هي انك خمتها بأن كثير مواضيع تستحق الرد عليها بس لضيق الوقت نتجاهلها أو ننساها

يعطيك الف عافيه

~¤ العنود ¤~

15-07-2007, 05:41 PM

حتى تصبح مشاركاتي 100 لأستطيع أرال رسائل خاصة، فمشاركاتي ليست بالضرورة مجامالات أو رد مفيد بل فقط الغاية منها هو زيادة المشاركات لا أكثر.

هني نسأل .. ايش غايتك من الرسائل الخاصه ؟

يعطيك العافيه

~¤ العنود ¤~

15-07-2007, 05:44 PM

اختى حينما قلت لكى جميع الاسباب
بمعنى ساعات الواحد يدخل ويرد على موضوع مش قوى ولاكن الى حدا ما كويس ويرد
من باب كسر الملل .
واوقات فى مواضيع تشد الواحد ومش يرد فقط ويطلع لااااا يفضل متابع الموضوع للنهايه ( للاستفاده ) .

وفى البدايه والنهايه كله حسب الحاله المزاجيه .

اتمنى اكون وضحت الاجابه

شكرا اخوي على توضيح الاجابه .. الاستفسار كان على أساس نتناقش ..

وصدقت اوقات كثيره الحاله النفسيه تحكم علينا في اختيار المواضيع اللي نرد عليها

يعطيك الف عافيه على متابعتك الموضوع والرد

~¤ العنود ¤~

15-07-2007, 05:46 PM

سبب ردي على أي موضوع هو تبادل وجهات النظر وتصحيح المعلومه أذا كان فيها سؤ فهم

وأحترام الأخرين ( الدخول والرد ) وليس مجرد المرور

أما بالنسبه لزياده المشاركات فلا أتطرق لها لأنها شيء عادي..............لا تعليق.

تبادل الخبرات ووجهات النظر .. سبب مهم جدا .. ومثل ما تفضلت .. اهم شي احترام النفس والآخرين ..

تسلم عالمشاركه

~¤ العنود ¤~

15-07-2007, 05:47 PM

انا عن نفسي ارد على المواضيع لسببين لا ثالث لهما:
اولا لكي ابدي برأيي للموضوع
ثانيا اذا لدي معلومة افيد بها الغير

اسبابك مميزه اخوي .. مشكور على مشاركتنا اياها

يعطيك العافيه

~¤ العنود ¤~

15-07-2007, 05:49 PM

هل لان الموضوع يستاهل ترد عليه وجذبك

هذا هو السبب الحقيقي للرد على المواضيع ، ولي مقربين جدا في المنتدى بس ما ادش كل مواضيعهم اللي يجذبني بس واحس انه الموضوع صج يستاهل الرد عليه

يسلمو

يشرفني ان موضوعي جذب انتباهج اختي ضوى ..

تسلمين على مشاركتج اسبابج في الرد على المواضيع .. المجاملات هالأيام ما تنفع .. لاني اذا بجامل فبيكون فيها خذاع لنفسي قبل الاخرين

يعطيك الف عافيه

:)

~¤ العنود ¤~

15-07-2007, 05:51 PM

اعتقد اختي العنود لو موضوعج ماشدني ماكنت دشيت

وانا اهم شئ عندي الموضوع اذا عجبني ارد واذا ماعجبني ارد واعلق واوقول رايي
ومااهتم بصاحب الموضوع او اعرف صاحب الموضوع

اهم شئ الموضوع

وشاكره لج اختي العنوود

وردج عليّ يشهد لكلامج اختي حنان الدنيا .. يمكن اول مره تشوفين اسمي بالمنتدى ومع ذلك رديتي على موضوعي :)

يعطيج الف عافيه عالمشاركه

~¤ العنود ¤~

15-07-2007, 05:52 PM

هدفي من الرد اذا كان الموضوع يناقش قضية مهمة في مجتمعنا اني اقول رايي
واما اذا كان الموضوع مثلا فكاهي او نقل معلومه ارد عشان اشكر صاحب الموضوع انه بذل مجهود ليثري معلوماتنا او يوسع صدورنا
ومشكوره على هالموضوع اختي

تقبلي تحيات اختج:)

ودليل على كلامج ان عدد مشاركاتك 5 ورديتي على موضوعي ..

اسبابج مافي احلى منها .. ربي يوفقج

:)

~¤ العنود ¤~

15-07-2007, 05:55 PM

شوفي موضوعك مرررررررة حلو

انا اشارك بالموضوع اول شي اذا اعجبني الموضوع وكنت قادرة افيد بردي

او
اذاكان الموضوع لايقبل ان يكون في ردود او استفتاء لكن موضوع مفيد ومن باب العلم احب ادعي لصاحبة

الشي الثالث انا احبكم ياهل قطر وودي ارد علي الي اعرفة واشارك لو بالدعاء للي مااعرفة

الحلوه عيونج اختي نجود ..

الحب عدوى .. اذا حبيتي اللي تتعاملين وياه .. فأكيد راح يرد لج هذا الحب بالمقابل ..

يعطيك الف عافيه عالمشاركه وربي يوفقج

خالد32

15-07-2007, 06:36 PM

شكراً على النقل

~¤ العنود ¤~

15-07-2007, 06:39 PM

شكراً على النقل

لاحظت اكثر ردود على المواضيع في المنتدى هي (شكراً على النقل) ! :confused:

وانا أرد عليك وأقولك .. لا تعليق

مشكور على وقتك في الرد

M-OH-A-ME-D

15-07-2007, 06:45 PM

لاحظت اكثر ردود على المواضيع في المنتدى هي (شكراً على النقل) ! :confused:

وانا أرد عليك وأقولك .. لا تعليق

مشكور على وقتك في الرد

هذا الرد ما بيصدر من حد إلا أذا كان عقولو كبير وصاحب زوق

تحياتي

الجزائري

15-07-2007, 07:12 PM

والله اذا موضوع جدي ومهم حلو انو الواحد يناقش فيه ويستفيد منه

~¤ العنود ¤~

15-07-2007, 07:45 PM

والله اذا موضوع جدي ومهم حلو انو الواحد يناقش فيه ويستفيد منه

شكرا اخوي على مشاركتنا اسبابك للرد على المواضيع .. في مواضيع جديه تجذبنا للرد عليها وفي مواضيع فكاهيه يعتمد ردنا عليها لحالتنا النفسيه .. واذا ما خرجنا عن حدود الأدب والتجريج فكلها جائزه ..

يعطيك العافيه

بوخالد2

15-07-2007, 08:00 PM

والله اختى العنوود انا اشارك في المنتدى لاابداء رائي في موضوع معين ونقد معين

واحب افيد غيري واستفيد من غير معلومات يمكن اجهلها

شارك لج اختى الموضوع الجميل

~¤ العنود ¤~

15-07-2007, 08:03 PM

والله اختى العنوود انا اشارك في المنتدى لاابداء رائي في موضوع معين ونقد معين

واحب افيد غيري واستفيد من غير معلومات يمكن اجهلها

شاكر لج اختى الموضوع الجميل

هلا أخوي

حلو ان الواحد يشارك غيره بخبرته ومعلوماته .. وفي نفس الوقت يستفيد منهم أكيد .. مافي انسان كامل المعرفه .. والانسان يتعلم من نفسه ومن غيره ..

يعطيك العافيه على ردك ..

أ9032

15-07-2007, 08:17 PM

هني نسأل .. ايش غايتك من الرسائل الخاصه ؟

يعطيك العافيه

غاية تجارية لبحث عن عقار وبيع عقار

~¤ العنود ¤~

15-07-2007, 09:05 PM

غاية تجارية لبحث عن عقار وبيع عقار

ربي يوفقك ..

الزاجل

16-07-2007, 12:11 AM

هلا اخوي الزاجل

دايما اخوي متميز في ردودك .. بس الصور اللي تحطها لها معاني كثيره غير عن اللي تقوله :) فحاسب من هالشي ((:looking: ))

* تعتقد مافي انسان يدور على لفت الانتباه ؟ ماعتقد هالشي صحيح .. في ردودنا وكتابتنا للمواضيع .. نسعى لارضاء نفسنا باللي نطرحه ولفت انتباه الغير لنا حتى لو 1 % .. كلي اللي نسويه ونقوله في حياتنا .. فيه نوع من لفت الانتباه اخوي .. فكر فيها وبتعرف اني صح

* اما بخصوص استعراض عضلاتك في الرد على المواضيع .. فأعتقد انك قصدت عضلاتك في الاملاء والتعبير .. وانا اشهد لك بهالشي ..

* واخيرا .. يحصلي الشرف ان موضوعي شد انتباه انسان مثلك .. وعلق عليه

وراح ابتعد عن الابتسامات .. علشان ما يكون فيه معنى ُمبطن لكلامي

:)

مشكور على ردك
بحيل الله وقوته راح ارجع اعقب على ردج في القريب العاجل

~¤ العنود ¤~

16-07-2007, 12:12 AM

بحيل الله وقوته راح ارجع اعقب على ردج في القريب العاجل

بحول الله وقوته ان شاء الله

وانا بالانتظار

بيانو

16-07-2007, 12:18 AM

شكرا اخوي على توضيح الاجابه .. الاستفسار كان على أساس نتناقش ..

وصدقت اوقات كثيره الحاله النفسيه تحكم علينا في اختيار المواضيع اللي نرد عليها

يعطيك الف عافيه على متابعتك الموضوع والرد

تسلمى اختى العنود

~¤ العنود ¤~

16-07-2007, 12:20 AM

يسلمك اخوي

تسلم على متابعه الموضوع

الزاجل

16-07-2007, 01:23 AM

بحول الله وقوته ان شاء الله

وانا بالانتظار
انغلبت crazy .. رديت للمنتدى ..:strong

شوفي يالعنود .. اولا خليني اقول لج شكرا على الثناء
واخجلتي تواضعنا:p

ندخل في التطرق لردك نقطة نقطة ..
1- بخصوص الصور .. اعتقد تقصدين الصور الانيمشن اللي احطها
البعض منها تعجبني بالفعل والبعض الاخر منها احطها كنوع من
الرد على اعضاء معينين ولهدف معين ..
وفي وحدة بعدي ما حطيتها لأنها اتضحكني واتسد النفس
http://www.portlandmercury.com/blogtown/files/2006/07/gay-spiderman.gif crazy

اما اذا تقصدين الصور الثانية بالنسبة لي تعبر عن حالتي
او عن حالة سمعت عنها .. وبكل صراحة ما يهمني غيري
اشبيقولون دام ان الصور مافيها ما يسيء الأدب .. او انها
ما تطالب بأمور خاطئة ..

2- نقطة مافي انسان ما يحب يلفت الانتباه
ما قصدت فيها .. انني اكتب حتى الفت الانظار
ولكن ممكن اتبع اسلوب معين حتى الفت الأنظار
والأسلوب هذا ما بيكون فيه تعدي على حقوق احد او
اكل نقصان من واجباتي ..
فلما اكتب موضوع يا العنود يهمني جدا ان موضوعي يلفت الأنظار
ويكون العمل اللي سويته ملفت للأنظار من كل النواحي
يكون اسلوبه ملفت للنظر ترتيبه ملفت للنظر
تنسيقه ملفت للنظر وكل هذا يعود على صاحب الموضوع
اللي بيكون ملفت للنظر عند طرحه للمواضيع ..

في الوقت اللي اتفق معاج ان الانسان لما يكتب شي
لابد ان يكون مؤمن فيه
وعلى هالأساس سهل جدا ندخل منتديات الفنانين والفنانات
ونلفت الانتباه هناك بحيث نشاركهم في امور اهل الفن
من باب اني احب الفت الأنظار ..
ونفس الشي ممكن ندخل القاعة الإسلامية
وانزل درازن من المواضيع من غير ما اقراها و السبب
اني حاب الفت الانظار ..ألفت الأنظار من خلال طريقة طرح الموضوع
غير لما الفت الأنظار من خلال الكذب على الناس ..

احنا متفقين يا العنود على الأساس
بس اعتقد خاني التعبير الصحيح في الرد على السؤال ..

3- استعرض عضلاتي .. :D
ابدا ما قصدت الإملاء والتعبير
اممم
شوفي .. احنا مرات كثيرة لما نشارك في منتديات
تتولد مصطلحات جديدة تكون لها مدلولات خاصة ما بين
الأعضاء ولا شعوريا نستخدم هالمصطلحات ..
فتعبير استعرض عضلاتي :looking:
نستخدمها كنوع من المشاركة اللي يكون الهدف منها
التحرش ببعض الاعضاء عن طريق الردود الجانبية
او
التدقيق في الرد على بعض الأعضاء
اللي يناقضون نفوسهم من خلال اكثر من موضوع ..

فلما ندخل عليه
يكون الهدف فيه الكثير من الدهاء و استعراض للعضلات
ولكن لما استعرض عضلاتي استمتع كثيرا
وخاصة لو اللي بستعرض عليه شخص اكن له
احترام واشوف ان الاستعراض هذا يولد
نوع خاص من الردود اللي يكون لها تأثير ايجابي
علينا كلنا كأعضاء ..
والمصطلح متداول ما بيننا كمجموعة في منتدى معين
ونستخدمه اكثر شي في الرسايل الخاصة :strong

فاستعرض عضلاتي لها اكثر من مدلول
حسب العضو اللي راح نستعرض قدامه ..
مرات نستعرض قدام واحد مسوي نفسه يفهم كل شي
ومرات يستعرضون عضلاتهم علينا :looking:
يعني ممكن تستعرضين عضلاتج علينا :eek2: ..

4- الابتسامات
:eek2: :eek2: :eek2:
:looking: :looking: :looking:
:p :p :p
crazy crazy crazy
:dance :dance :dance

بالنسبة لي اتعامل مع الابتسامات بكل جوارحي :D
خاصة لو الموضوع ما كان فيه مزح او غشمرة ..
اما فالغشمرة ممكن يكون استخدام الابتسامات بشكل
عبيط كتعبير حي عن الحالة حزة العبط ..

اما بشكل عام
ليش تبعث لي بنت مثلا قلب مجروح في رسالة خاصة
او ليش
اتحط لي قلب ينزف لأني ما تفاعلت مع موضوعها
ونظرات هيام وعلامات سهر وحركات تؤثر على النفس .. ؟

فلما استخدم شخص يضرب :court: يكون له
نفس اتأثير لما استخدم شخص يبوس ..( اسمحي لي على التعبير)
ونفس لما استخدم شخص يطرش قبلات قلوب او شفاه تقبل ..

ولكن لما نتعامل بمزح او غشمرة او عبط
الموضوع مختلف نهائيا ..
ومع هذا احاول ابتعد عن الابتسامات المثيرة واحط مليون خط
تحت كلمة مثيرة وخاصة المثيرة للمشاعر مع اي طرف ثاني
حتى ما يتم تفسير الابتسامة التفسير الخطأ ..

مب لأنني مب واثق من نفسي
ولكن حتى ما أضر العضوة اللي ابعث لها مثل هالأنواع
من الابتسامات .. فسهل جدا يقال الزاجل مغازلجي
ولسألتيهم ليش؟
قالوا لج
يطرش واحد يبتسم وبيده وردة حق العنود :eek2:
مع اني عمري ما طرشج لج شي :looking:

ومرات كثيرة الابتسامات ما يكون فيها معاني مبطنة
لأنها تكون لحظية ومب مؤثرة على المشاعر ..
ولكنها في الحقيقة دائما تعبر عن حالتنا اللي نعجز رسمها
بالكلام فتعبر الصور هذه عن حالتنا اللي نكون عليها ..
( صح والا لا )؟;)

ردينا على العنود
وتحية لج

~¤ العنود ¤~

16-07-2007, 01:32 AM

اخوي الزاجل

ما شاء الله عليك :p

قريت ردك .. بس مافيني ارد الحين .. بروح انام .. وبجهز لك الرد المناسب بكره :)

جلمود

16-07-2007, 02:06 AM

الهدف في الردود هو تبادل وجهات النظر وتصحيح المعلومه أو ماشابه ذالك والهدف الاساسي هو الاستفاده من لب الموضوع

~¤ العنود ¤~

16-07-2007, 03:49 PM

الهدف في الردود هو تبادل وجهات النظر وتصحيح المعلومه أو ماشابه ذالك والهدف الاساسي هو الاستفاده من لب الموضوع

شاكره لك اخوي جلمود على المشاركه

تبادل الخبرات ووجهات النظر أهم شي في الرد على المواضيع .. وأهم هدف مثل ما قلت الاستفاده

~¤ العنود ¤~

16-07-2007, 04:01 PM

انغلبت crazy .. رديت للمنتدى ..:strong

شوفي يالعنود .. اولا خليني اقول لج شكرا على الثناء
واخجلتي تواضعنا:p

ندخل في التطرق لردك نقطة نقطة ..
1- بخصوص الصور .. اعتقد تقصدين الصور الانيمشن اللي احطها
البعض منها تعجبني بالفعل والبعض الاخر منها احطها كنوع من
الرد على اعضاء معينين ولهدف معين ..
وفي وحدة بعدي ما حطيتها لأنها اتضحكني واتسد النفس
http://www.portlandmercury.com/blogtown/files/2006/07/gay-spiderman.gif crazy

اما اذا تقصدين الصور الثانية بالنسبة لي تعبر عن حالتي
او عن حالة سمعت عنها .. وبكل صراحة ما يهمني غيري
اشبيقولون دام ان الصور مافيها ما يسيء الأدب .. او انها
ما تطالب بأمور خاطئة ..

هلا اخوي الزاجل ..

أول شي اشكرك على الوقت في الرد على الموضوع

بخصوص الصور.. وربي ما قصدت صور مخله بالآداب .. اللي قصدته الانيميشن .. مثل ما قلت .. حزات يكون الرد بالصور كفايه .. وممكن صاحب الموضوع يفهم المغزى من الصوره بدون كلام .. في حزات نقول شي ونحط صوره ما تتعلق بالرد .. مثلا اذا كنت جاد في الرد .. وبعدها تحط صوره مالها علاقه بالتعليق ممكن الموضوع ينفهم غلط ..

تراني ما اتكلم عنك .. انا بس اعطي مثال :p

- نقطة مافي انسان ما يحب يلفت الانتباه
ما قصدت فيها .. انني اكتب حتى الفت الانظار
ولكن ممكن اتبع اسلوب معين حتى الفت الأنظار
والأسلوب هذا ما بيكون فيه تعدي على حقوق احد او
اكل نقصان من واجباتي ..
فلما اكتب موضوع يا العنود يهمني جدا ان موضوعي يلفت الأنظار
ويكون العمل اللي سويته ملفت للأنظار من كل النواحي
يكون اسلوبه ملفت للنظر ترتيبه ملفت للنظر
تنسيقه ملفت للنظر وكل هذا يعود على صاحب الموضوع
اللي بيكون ملفت للنظر عند طرحه للمواضيع ..

احنا متفقين في هالنقطه .. كلنا نسعى للفت الانتباه بطريقة او بأخرى .. سواء بالتعليق او الرد او اختيار المواضيع .. بشرط ان لا يكون فيه تعدي على حقوق الاخرين

- استعرض عضلاتي ..
ابدا ما قصدت الإملاء والتعبير
اممم
شوفي .. احنا مرات كثيرة لما نشارك في منتديات
تتولد مصطلحات جديدة تكون لها مدلولات خاصة ما بين
الأعضاء ولا شعوريا نستخدم هالمصطلحات ..
فتعبير استعرض عضلاتي
نستخدمها كنوع من المشاركة اللي يكون الهدف منها
التحرش ببعض الاعضاء عن طريق الردود الجانبية
او
التدقيق في الرد على بعض الأعضاء
اللي يناقضون نفوسهم من خلال اكثر من موضوع ..

اووووووووووكي .. فهمت قصدك الحين :shy:

يعني ممكن تستعرضين عضلاتج علينا ..

لا بليز .. مافيني .. خلني بعيده احسن :o

- الابتسامات

بالنسبة لي اتعامل مع الابتسامات بكل جوارحي
خاصة لو الموضوع ما كان فيه مزح او غشمرة ..
اما فالغشمرة ممكن يكون استخدام الابتسامات بشكل
عبيط كتعبير حي عن الحالة حزة العبط ..

مثل ما قلت .. هي تعبر عن حالتنا النفسيه .. وممكن توصل الرساله اللي نبيها بدون كلام

فسهل جدا يقال الزاجل مغازلجي
ولسألتيهم ليش؟
قالوا لج
يطرش واحد يبتسم وبيده وردة حق العنود
مع اني عمري ما طرشج لج شي

متى ؟؟:looking: لا والله انا اشهد انك ما طرشت لي شي :p

ومرات كثيرة الابتسامات ما يكون فيها معاني مبطنة
لأنها تكون لحظية ومب مؤثرة على المشاعر ..
ولكنها في الحقيقة دائما تعبر عن حالتنا اللي نعجز رسمها
بالكلام فتعبر الصور هذه عن حالتنا اللي نكون عليها ..
( صح والا لا )؟

صح :rolleyes:

ردينا على العنود
وتحية لج

ردينا على الزاجل

والتحيه لك اخوي على وقتك بالرد عليّ .. اسعدني قراءه ردك والرد عليك :)