مطلوب عمارة

[قطري عصامي]

شباب مطلوب عمارة في اي منطقة من مناطق الدوحه ويكون ايجارها زين

[بوحمد2]

اشدعوه مطلوب ؟
انت ماتمر في دواعيس الدوحه وتشوف العماير الي بالهبل معروضه للبيع اوللاجار ومحد يبي.
خلاص صادهم الراش

[قطري عصامي]

يعني تنصحني ما اشتري؟؟؟

[بوحمد2]

اسمع كلام اخوك الي يبي مصلحتك ؟
العقار متضخم حالين وقابل للانفجار في اي لحظه ؟اتمنى ماتكون ضحيه فقاعه عقاريه ممكن تسير نفس ماسارت فقاعه الاسهم .المسلم لايلدغ من جحره مرتيين؟
بروه ناويه على الملاك(الجشعين)نيه سوداء وبتعرظ باسعار مغريه والكل بيحول صوبهم.,
قانون الاسكان الجديد بيعطي كل المواطنين؟تقدر تقولي من بياجر منك شقه وحده بس؟؟؟؟؟؟؟؟؟

[قطري عصامي]

بس متى هالكلام عقب 5 - 10 سنين؟؟؟

انا ظن ان الكلام اللي نسمعه مثل بيض الصعو نسمع به ما انشوفه

[حمد]

موضوع نزول اسعار العقار والايجا رات للاسف نسمع عنه ومانشوفها

صار لي فتره ادور عماره نظيفة للاسف 99% من العمارات المعروضه تطيبها اي كلام واسعارها مرتفعه ... وهذا سبب تأخر تأجيرها ... واجاراتها غاليه بعد .

بالنسبة للاراضي كل يوم نقول بتنزل ولي واضح لي من متابعتي .. ان الاسعار كل يوم ارتفاع

شهر 3 كان الفوت في عين خالد حول 110 واليوم واصل 140 ويمكن اكثر .... بذمتكم في نزول

ياليت نراجع مواضيع قبل سنه او اكثر ... ونشوف الي كان ينقال فيها كل ماحد عرض ارض ... قالوله بيع الاراضي بطيح ... ومابتحصل حد يشتريها ... وشوف اليوم اشصار.

يمرض ومايموت

[hussainy]

السلا م عليكم


أخوي قطري عصامي انت بغيت تشتري حك نفسك ولا وسيط وضح

[bo_hamad]

أخوي وشو رايك في عمارة بام غويلينا مساحته 300 متر

عدد الشقق 12 شقة من غرفتين وتكرم حمامين وصالة ومطبخ

تاريخ التسليم بعد شهرين أو أقل

السعر 8 مليون ويا بلاش

وبالتوفيق

[قطري عصامي]

السلا م عليكم


أخوي قطري عصامي انت بغيت تشتري حك نفسك ولا وسيط وضح

لا انا مب وسيط ، اشتري لنفسي (انشاء الله اوضحت الصوره) :)


أخوي وشو رايك في عمارة بام غويلينا مساحته 300 متر

عدد الشقق 12 شقة من غرفتين وتكرم حمامين وصالة ومطبخ

تاريخ التسليم بعد شهرين أو أقل

السعر 8 مليون ويا بلاش

وبالتوفيق



غالي وايد ،، 8 مليون ،
عقب كم سنة انشاءالله بيرجع راس المال ،

وكم حاط في بالك ايجار الشقه الوحده؟؟؟

ومن بانيها؟؟ اذا ماتبي تذكر اسم الشركة على العام ، طرشه على الخاص

[أبل]

اخوي في واحد عنده عماره في وسط الدوحه تبني اكلامه اليوم هو عرضه للايجار

[bo_hamad]

غالي وايد ،، 8 مليون ،
عقب كم سنة انشاءالله بيرجع راس المال ،

وكم حاط في بالك ايجار الشقه الوحده؟؟؟

ومن بانيها؟؟ اذا ماتبي تذكر اسم الشركة على العام ، طرشه على الخاص[/quote]


الحين انت إنسان على قولك انك تشتري تستفسر عن هذه الاستفسارات من اللي باني ؟ وكم سعر الايجار ؟
اتصل اي مكتب في الدوحة واطلب شقة غرفتين شوف كم رايحين يقولونك

أن شاء الله بعطيك اسم المالك واسم الشركة لو انت جاد في كلامك اخيو قطري عصامي

[قطري عصامي]

الحين انت إنسان على قولك انك تشتري تستفسر عن هذه الاستفسارات من اللي باني ؟ وكم سعر الايجار ؟
اتصل اي مكتب في الدوحة واطلب شقة غرفتين شوف كم رايحين يقولونك

أن شاء الله بعطيك اسم المالك واسم الشركة لو انت جاد في كلامك اخيو قطري عصامي


ليش تسأل عن.....؟ وليش تسأل عن.... ؟ اشرايك اشتري وادفع وانا ساكت؟؟؟ احسن؟؟

وليش اخوي ما يحق لي اسأل عن اللي باني العمارة،

انشاء الله تبيني اخم لي اي عمارة بنيانها اي كلام واتطيح في جبدي،

لا الشيخ اسم الشركة اللي بنت العمارة مهم جدا ،

وليش ما اسأل عن سعر الايجار؟ عسى ماشر الحبيب ، بعد هذيه ما تبيني اعرفه

الشييخ اذا شغلة الدلاله واستفسارات الناس بتضيق خلقك ، ليش تشتغلها؟؟

((((( فيه شي اسمه مبادئ واساسيات اي شغله، لازم اتكون موجوده في الشخص اللي يبي يشتغل هالشغله )))))

[bo_hamad]

أخوي كلام قيل وقال كثير .

أهم شئ الصدقية في الموضوع .

فيه ناس من امثالك كثيرين يتكلمون وما نوصل لنتيجة معاهم .

أما من ناحية اسم مالك العقار او اسم الشركة اللي بنت العمارة ، لو كنت جاد جان قلت وين موقع العمارة علشان اشوفها وتعرف بعد ذلك التشطيب من خلال خبرتك انت حسب ما تتفنن ؟

صاحب العقار بيسافر السبت وبيكون خارج الدولة لمدة شهر ولما يرجع بيطلب في العمارة 8.5 مليون وما راح ينزل عن هاي السعر

والاسعار خلال شهر نوفمبر وديسمبر بتروح للأعلى وما رايح ينفع الندم بعد ذلك .

والله يوفقك أخوي قطري عصامي مع احترامي لك وتحياااتي

[قطري عصامي]

انا ما سألت عن اسم المالك،
انا سألت عن الشركة اللي بنت لأن هناك شركات كثيره اطلعت، شغلها اي كلام مثل شغل معظم السماسرة اللي اطلعوا هاليومين أمثالك همهم الوحيد عمولتهم قبل مبدأ كسب الزبون مما يجعلهم بسبب الجشع يصفون السلعه على غير الوجه الصحيح لها،

اما بالنسبة لمواصفاتها بجيب لها مهندس يشيك عليها وما راح اتفنن لأني مب فنان ، واترك الفن للدلالوه لأن لما يوصوفون لك الشي كأنهم هم اللي بانينه

التفنن لكم مب لي

وسألت عن العائد لها لأعرف مدة الاستثمار لها؟؟

وهالأسئلة بديهيه الكل يسألها قبل لا يشتري، بس انت تبيني ادفع بس بدون لا أسأل ، وهمك الوحيد عمولتك.

واهم شي ،
ما دام ما راح توصل لنتيحه افضل

إذن زبدة الحديث ما فيه داعي اتعب اصابعك وانت تكتب الرد ، واترك المجال لغيرك احسن ليعرض اللي عنده.

وبعدين انا غضيت النظر في التعامل معاك لو تعطيني العماره بلاش

[bo_hamad]

الله يهديك وانا احترامي فقط للموجودين في المنتدى

ومن ناحية العمولة مستعد انا اعطيك 5% مش 1% امام الموجودين في المنتدى

السماسره اللي تعرفهم انت واشكلك نصابين مثلك وصاير لي انك تشتري وانت دلال في العقارات وما تعرف السوق في الاساس.

محد يعطيك شئ ببلاش ومن اللي قال لك اني بتعامل معك يا دلال

[حمد]

يالربع هدوا السالفه ماتسوى

الكل داخل المنتدى يترزق سواء الدلال او الشاري او البايع ... وبلهواش محد مستفيد

[bo_hamad]

ما عليك منه حمد هو دلال حال حال غيره بالمنتدى

لا يطخ ولا يبخ

بس يتفنن انه هو يشتري ولا يعرف قيمة الشراء

والرزق لا هو عنده ولا عند غيره عند رب العالمين

وأشكرك حمد على المرور وخل يموت قهر ما رايح ابيع له ولا اعطيه شئ هو بالاساس متعود يلفلف مكاتب العقارية

[قطري عصامي]

يالربع هدوا السالفه ماتسوى

الكل داخل المنتدى يترزق سواء الدلال او الشاري او البايع ... وبلهواش محد مستفيد


اخوي حمد انا داش وطالب عمارة ، بكل هدوء وبكل احترام ، داش الحبيب علي عرض ، الا امثالك مب صادقين الا ما ادري ايش، ارجع للمواضيع وشوف من اللي بدأ بالغلط

الحين يوم كلمته بنفس اسلوبه زعل ورجه يكتب الا نصاب وما ادري اش (اعتقد انه كل اناء بما فيه ينضح) والنصاب يعرف نفسه زين ،

عموما انا ما راح ارد عليك مع العلم اني اقدر ، بس ما اقدر انزل الى هالمستوى.

ويا ليت تترك لغيرك مجال

[قطري عصامي]

ما عليك منه حمد هو دلال حال حال غيره بالمنتدى

لا يطخ ولا يبخ

بس يتفنن انه هو يشتري ولا يعرف قيمة الشراء

والرزق لا هو عنده ولا عند غيره عند رب العالمين

وأشكرك حمد على المرور وخل يموت قهر ما رايح ابيع له ولا اعطيه شئ هو بالاساس متعود يلفلف مكاتب العقارية



:app: :app: :app: :app: :app: :app: :app: :app:

مسكين ، الله يشفيك

[قطري عصامي]

نرجع يا شباب لموضوعنا الاساسي حد يذكر لنا عمارة سعرها ارخيص ، بس اهم شي اعرف الشركة اللي بانيه العمارة
والدفع كاش ، والشاري انا مب لغيري ورجاءً (يمتنع الدلالوه)

[ابوبشاير]

الله الموفق