مرسيدس - بنز (من شركة ديملر كرايسلر)---الوكيل في قطر إن.بي.كي (ناصر بن خالد و أولاده)

[محمد عبدالرحمن]

علشان نكون اكثر موضوعية،

انا بافتح موضوع يهم جميع المستهلكين (مستخدمي السيارات) و مشاكل السيارات و الوكالات.

بتشوفون كل موضوع يبدأ بماركة السيارة، و اسم الوكيل في قطر ، محاسن و عيوب.

و اتمنى من كل شخص يضع تقييم لأداء الشركة من 5. بحيث 5 ممتاز و 0 الأسوأ.


تحياتي،

[محمد عبدالرحمن]

المحاسن:
سيارة ألمانية، أمان أكثر، استهلاك ذكي للوقود، هندسة أفضل، فخامة، و مظهر اجتماعي حسب عاداتنا سواءاً كانت صح ولا غلط. و حسنو من أداءها للسائق عن الموديل السابق.


المساوء:
سعر السيارة مكلف مقارنة بمنافسيها. تشتري المرسيدس إس كلاس بسعر يبدأ من 340,000ر.ق (إس 350، بدون شاشة ولا تليفون و مب لمس) و تبدأ تطلب المواصفات لين مايوصل سعر السيارة تقريباً 420,000ر.ق. و بريكاتها تعيسة.

الوكيل:
تحسن في الآونة الأخيرة، بس لين الحين السمعة المب نظيفة موجودة للعرب اللي شغالين في الكراج (بوق، و تصليح سيارات الأقارب بضمان سيارات القطريين) و هاي سمعة، بس لو في حد يتعامل مع هالوكالة يشاركنا لتأكيد إن كانت هالسمعة صحيحة ولا خاطئة.

أقيم الوكيل 3
تحياتي

[ahn]

الوكاله ممتازه والعاملين بها عرب واجانب ممتازين والكمال لله وقضية الضمان مو مثل ماتتصور له اجراءات وعلى رقم السياره وبعدين معارفهم ماعندهم من السيارات اللي عند القطرين والصراخه بعد تجربه طويله هم افضل الموجود

[MeSh3l_QaTaR]

ماقصروا الاخوان

وانا ماعندي خلفية جيده عن الالماني

قواك الله اخوي