المساعد الشخصي الرقمي

مشاهدة النسخة كاملة : Bmw - الفردان


محمد عبدالرحمن
15-07-2007, 06:00 PM
علشان نكون اكثر موضوعية،

انا بافتح موضوع يهم جميع المستهلكين (مستخدمي السيارات) و مشاكل السيارات و الوكالات.

بتشوفون كل موضوع يبدأ بماركة السيارة، و اسم الوكيل في قطر ، محاسن و عيوب.

و اتمنى من كل شخص يضع تقييم لأداء الشركة من 5. بحيث 5 ممتاز و 0 الأسوأ.


تحياتي،
محمد عبدالرحمن
15-07-2007, 06:06 PM
قامت شركة الفردان بالتخلص من أحد موظفيها المشهورين في قطر و الذين بنو سمعة للوكالة منذ سنة 1996.

الموظف اسمه "مالك" و كان موظف صغير، و بعدها ترقى لين ماصار مدير ما بعد البيع في الصناعية.

إحدى الروايات، ان جودة خدمة البي إم صار مرتبط باسم هالموظف، فاظطرت شركة الفردان للسيارات للاستغناء عن هالموظف، حيث قامت الشركة بمتابعة كل موظفيها من أجل التأكد من أنهم سيقومون بتقديم نفس الخدمة المعهودة من "مالك" و ذلك للمصلحة العامة للشركة حتى لا تكون مبنية على اسماء أفراد.

تصنيفي لوكالة الفردان للسيارات 4.
ahn
15-07-2007, 11:08 PM
بس قولي كيف تقيم الشركات وهل تعاملت معهم والا يقولون الشركه ممتازه ومثل المرسيدس
راعى Sl
16-07-2007, 12:35 AM
البورش

الصراحه بالبدايه كنت خايف من هالماركه هذى بالذات لان الناس ماخذه فكره عن البورش انها غاااااااااااااااااااااااااااليه والصيانه مالتها بعد بس بصراحه وما اخبى عليكم
من زمضان اللى طاف اضربت حصوه على الزجاج الامامى اللى خلانى اضطر انى اغير الزجاج كامل لانه ماله تصليح فرحت الوكاله اسال عن سعر الزجاج مع التركيب بس لما قالوا لى المبلغ تدرون وش قلتلهم ما تتوقعون وش صار يومتها قلتلهم غيروا زجاج الموتر كله

الزجاج الامامى كلفنى والله حول 1080 ريال طبعا ولا شى
مع انى كنت ناوى ابيع الموتر علشان اصلح الزجاج خخخخخخ

والله مع التصليحات اللى كلها بالوكاله والله حسيت نفسى ماخذ تويوتا مو بورش

والحمد لله الوكاله كلها حسنات وما حصلت اى مساوى الين الحين من يوم ما اخذت الموتر واللى كمل سنه عندى

اما المساوى اهى حاجه وحده بس وما تعتبر يمكن مساوى الا وهى انه اذا تم الموتر عندهم ما يعطون موتر بديل خلال قتره التصليح

شكرا

السموحه على الاطاله
مستثمر-قطر
16-07-2007, 12:59 AM
انا عن نفسي افضل الفردان وناصر بن خالد

البورش من سنتين اتعامل معهم وماخذمنهم سيارتين كيان 2006 وكيان 2008 بس مايسون خصم للعميل القديم :anger2:
دولـة قطـر
16-07-2007, 08:06 AM
الفردان وكاله محترمه بصراحه

من ناحية خدمة العملاء

لكن للاسف من ناحية اسعار قطع الغيار صحيح انها معقوله...لكن اللي اكتشفته اغرب من الخيال


مره طلب اجزوز سستم وركبته عندهم كلفني التركيب....1000 ريال

مر اسبوع انكسر عندي المنافول....دخلته الوكاله...وتصلوا فيني يقولون القزوز سستم انكسر

قلت لهم لاحول ولا قوه رجعوا الاصلي....وكتشفت ان المنفول مكسور...والحبيب اللي عطاني هالمعلومه غلطان...

الزبده...طلبت هدرز ودخلت الموتر الوكاله ....

قلت لهم رجعو الجزوز سستم وركبوا الهدرز ...وكتشفوا ان يبيلي تبديل جامبين امامي قيمته 1250 قلت لهم بدلوا

يوم جا وقت الدفع....توقعت ان سعر تركيب الجزوز والهدرز اقل تقدير 1500

والجامبين 500 يعني التوتل لشغل اليد من غير سعر قطع الغيار 2000 ريال

ونصدمت يوم قالي حسابك 1250

بصراحه يوم غلطوا في معلومات المينيفول والجزوز سستم....انا ماقلت شي

بس الظاهر انهم يبون راحت العميل...ولا خذو مني أجر التركيب

مادري ايش معنى هالشي ...!؟

للعلم كنت عامل حساب ادفع وانا ساكت ....
مضاربه
16-07-2007, 09:55 AM
بصراحه موضوع جدا مفيد
wj3
16-07-2007, 09:57 AM
انا تعامات مع الفردان واشوف معامتهم واايد حلوه وشغاهم مب غالي واحسن مكان للي في محطه البترول شغلهم عدل ونظيف بالعكس من الصناعيه شغل اي كلام بس ومجربهم اكثر من مره الصناعيه اتقول لهم الموتر في مثال كم شغله ولما اتجي تاخذه يقلون لك سويناها ولما تركب الموتر اتحصل ولا سوه شي في الموتر كم مره تهاوشت معاهم للي في الصناعيه اما للي في مدينه خليفه الشماليه ماعليهم كلام شغل عدل خاصه عند الموظف رائد
qatary1
16-07-2007, 04:48 PM
والله انا تبهدلت وياهم وبعت السياره والسبب الكمبيوتر
دخلت السياره 3 مرات عندهم ولا فيه فايده
بعدها كرهت السياره وعتها
خطر
17-07-2007, 01:56 AM
اشكرصاحب الموضوع علىالطرح الرائع
محمد عبدالرحمن
17-07-2007, 02:39 AM
شكرا للجميع على تفاعلكم مع الموضوع.

بالنسبة للفردان، من الكلام اللي نقراه أعتقد إنا نقيم الوكيل كالتالي:

خدمة العملاء 4 من 5
تكلفةاقطع الغيار و شغل اليد 2 من 5

ينقصنا شي واحد، نحتاج تعليق أصحاب سيارات بي إم إنهم يعقبون على سياراتهم، أول شي كل واحد يحدد إذا كان مالك أول، نوع سيارته، كم الممشى، شنو المشاكل اللي صادفته و عند أي ممشى. هل الخلاصة إن السيارة عملية أو فئة معينة عملية؟ مناسبة للاستعمال اليومي؟ سعرها فيها؟

تحياتي،
بوخالد2
17-07-2007, 02:43 AM
انا عن نفسي افضل الفردان وناصر بن خالد

البورش من سنتين اتعامل معهم وماخذمنهم سيارتين كيان 2006 وكيان 2008 بس مايسون خصم للعميل القديم :anger2:

في هذا صدقن يالغالي انسىالخصم لازم اتكلم الدرويش او اتعرف حد يعرفه للخصم
ولد شرق
17-07-2007, 02:40 PM
انا الصراحه اشوف اخس وكاله في قطر اهي التويوتا
خدماتهم تعبانه جدا...
التويوتا سياره ماعليها كلام ابد ولكن المشكله كل المشكله تكمن في الوكاله وتعاملهم التعيس مع الزبائن
افكر بجديه اغير نوع الموتر والسبب تعاستهم في الخدمات وناهيك عن الغلا في اسعارهم
اتصدقون صارت السيارات الفخمة الثانيه في خدماتها ارخص...
محمد عبدالرحمن
17-07-2007, 09:22 PM
مع خالص الشكر لجميع المساهمين، أرجو من الجميع تقييم سيارات البي إم دبليو (التقييم من 5 نقاط، حيث 5 يعني ممتاز) :

الفئة السابعة:
السعر 4 نقاط
الإستهلاك اليومي 5 نقاط
أسعار قطع الغيار و شغل اليد 3 نقاط
الوكيل 5 نقاط
سعر إعادة البيع 3.5 نقاط

متوسط النقاط (مجموع النقاط أعلاه تقسيم 5) = 4.1 نقاط


اللي يبي يعدل على تقييمي يحط تقييمه، و بعد ياريت مشاركتكم في الفئات الباقية للبي إم.