المساعد الشخصي الرقمي

مشاهدة النسخة كاملة : ما هي أفضل عيادة لزراعة الأسنان لدينا في قطر ..؟ أرجو المشاركه من جميع المجربين


بو ناصـ ـر
16-07-2007, 04:35 PM
السلام عليكم ورحمة الله وبركاته
الحقيقه أحتاج للنصيحه منكم ( سواء من جرب أو من لديه درايه كافيه )
عن أفضل عيادة أسنان في قطر لزراعة الأسنان وتركيب التقويم ..
طبعا ً لو بروح مستشفى الرميله بجلس 10 سنوات علشان يوصل دوري
لأول سن ..!! وبالتالي ماراح أستفيد شيء من التركيب ساعتها .. لأن الأسنان ساعتها بتكون ودعت ..!!
==============
عندي 4 أسنان خلفيه ( ضروس العقل ) مكانها فاضي وبالتالي أحتاج أزرع مكانها .. وبعدها أركب تقويم .. فالحقيقه ما أدري إيش هي أفضل عياده ..
==============
أدري ممكن البعض ينصحني بالسفر للخارج مثلا ً ... لإيران أو مصر
ولكن المسأله ستحتاج لقضاء وقت طويل هناك .. لأني كما ذكرت 4 أسنان وربما أكثر .. وبعدها تقويم .. يعني السالفه طويله ..
وبالتالي اللي بدفعه للإقامه ما راح يفرق لو دفعته هني في قطر ..
على إعتبار عياداتنا أسعارها نار ..
===============
أرجو ممن يطرح رأيه ويشاركني في الموضوع أن يوضح سبب إختياره
هل عن تجربه أم درايه كافيه .. إلخ
الواارد
16-07-2007, 05:23 PM
اخوي ابوناصر ما عندي خلفيةعن احسن عيادة في قطر لاكن ودي افيدك قبل لا تدور على احسن عيادة اسئل عن الدكتور اللي تخصصة زراعة اسنان يعني بعض اطباء الاسنان ما يعرف اوماخذ كورس ومسوي عملية مرة اومرتين . قبل اجراء العملية يجب التاكد من العصب بعيدعن منطقة الزراعة. فية نوعين من الزراعة الاولى الي هي براغي صغيرة تزرع تحت عمق بسيط من اللثة وبعدها يتم تركيب الاسنان عليها وانا ما انصحك فيها لانها ماتدوم اكثر من سنتين الى ثلاث سنوات لاكن بعض الاطباء ما يوضح ها المعلومة لانها اسرع له وفلوسه ما خذها. والثانية تتم الزراعة في عضم الفك ويتم تخيط اللثة وتترك لمدة شهروبعدها يتم تركيب الطقم . وهذه الطريقة اسلم والله يوفقك.
**ورد جوري**
16-07-2007, 06:11 PM
الصراحة انا أنصحك بمجمع الشفاء الطبي
وأسال مجرب

روح حق الزراعة عند الدكتور\رأفت الخراشي

دكتور رائع
في كل شي فالتعامل وشغله وايد زين

وحق التقويم
علي فاروقي
بعد وايد زين
وهاي نصيحتي
علي بابا
16-07-2007, 06:28 PM
أخوي روح عيادة الدكتور تميم ملص ( سوري الجنسية ) شاطر بس رح يدفعك اكثير روح وخذلك فكره وجرب موب خسران ترى أعرفه دكتور معروف على مستوى قطر ......

ههههههههههههههههههههه لو يعرف تميم اني اعمله دعاية يمكن يعطيني مبالغ على الدعاية :eek2:
عبد الناصر
16-07-2007, 07:39 PM
انا والله ماادري
لكن اتمنى من الاخوان يفيدونك
القناعة كنز
16-07-2007, 08:39 PM
مرحبا اخوي
انا جربت الدكتور رافت الخراشي في مجمع الشفاء الطبي شغله نظيف وايد ويده ماشالله خفيفه بس غالي يعني الضرس الواحد 6000 ريال:mad:
بو ناصـ ـر
16-07-2007, 11:01 PM
شكرا ً أخوي / الواارد
كلامك منطقي .. ويبدو لي أنك مجرب الزراعه .. ياليت تعطيني معلومات أكثر عنها ..
يعني مدة العمليه .. هل يشتغل في أكثر من ضرس خلال فتره وجيزه وإلا كل ضرس يسويه بعد الأول بشهر ..
إلخ ..
==============
الدكتور . برأفت الخراشي .. أممم
أعتقد جربته منذ فتره طويله في تنظيف الأسنان .. أعتقد أنه عراقي صح ..؟ .. عيادته بجانب سينما الخليج ..؟ صح أخوي / **ورد جوري** ..؟
==============
شكرا ً لك أخوي / علي بابا .. بس وش إسم عيادته
==============
شكرا ً لك أخوي / عبدالناصر
==============
ياليت أخوي / القناعة كنز تعطيني فكره أكثر عن عملية الزراعه
لأني لم أجرب من قبل .. ومتخوف بصراحه ..
ابوعلي
16-07-2007, 11:10 PM
عندك اخوي الدكتور / طارق السهري (( في منطقة الهلال ))

بس نصيحه اذا رحت عنده اطلبه شخصيا ولا يحولونك على دكتور ثاني
القناعة كنز
16-07-2007, 11:17 PM
مرحبا اخوي
بالنسبه للدكتور رافت الخراشي هو مصري بمجمع الشفاء الطبي
بالنسبه للعمليه هو حط لي دعامه وخيط عليها خلاني يمكن عشرة ايام عقبها رجعت له لبس على هالدعامه مثل برغي وعقب قال لي تعالي عقب شهر ولبسه التاج
معليه تفاصيل العمليه او المسميات مب ذاكرتها عدل بس هو يخدرك يعني ماتحس بالم
انا قبل كنت مثلك متخوفه بس الحمدلله ماصارت لي مشاكل منها
بو ناصـ ـر
17-07-2007, 11:43 PM
تسلم أخوي / ابوعلي
===================
ألف شكر أخوي / القناعة كنز