ملل ملل ملل !

[~¤ العنود ¤~]

السلام عليكم

"ملل"

كثير هي اللحظات اللي تمر علينا وتكون ُممله! يا ترى هل نحن صانعي الملل او ان الملل موجود لا محاله ؟!

كثير منا يحاول ان يشغل وقته بأمور ممكن تكون مفيده وممكن لا! ممكن تنفعنا او تضرنا!

ليش يا ترى نحس بالملل ؟

هل هو خلل فينا ؟

في طريقة حياتنا ؟

ابتعادنا عن الناس؟ وحدتنا ؟

ظروف العمل ؟ البيت ؟

ممكن للملل ان يكون السبب في هلاكنا .. عند محاوله القضاء على هذا الملل بطرق خطره .. او محرمه .. وما يهمنا في ذلك الوقت هو فقط القضاء على الملل .. دون التفكير في النتائج

بصراحه انا انسانه اعترف دايما متملله .. أحاول قدر استطاعتي اتجنب اوقات الملل .. حزات الجأ الى النوم في اوقات خاطئه ! اوقات التزم الصمت اليوم بأكمله .. افضل الوحده والانعزال! ليه كل هذا ؟؟

يمكن هو الخوف من استغلال الملل بطريقه خاطئه ؟! ملىء هذا الفراغ صعب جدا .. وقوي الأيمان فقط هو القادر على ملئه بالطريقة الصحيحه .. لأن الكثير من اخطائنا وطيشنا هي من نتائج الملل ..

غايتي من الموضوع ..وعظ نفسي قبل غيري ..

اتمنى كلمه "ملل" تنمسح من حياتي .. ومن حياتكم

والله يبعده عنكم

(من كتاباتي المتواضعه)

[nooora]

سلامتج يالعنود الافضل ان يكون لج جدول يومي تخصصين بعض من وقتج للرياضه مثل المشي السريع او اي رياضه سهله ;) واقرأي سورة البقرة مفيده جدا فإن اخذها بركه وتركها حسرة ;)

[كحيلان]

انتي الحين داخله على وجه اجازه يعني تقريبا شهرين متواصله ومن الحين تقولين ملل !!

بسويلك جدول من راسي ومشي عليه اذا عجبك ممتاز واذا لم يعجبك كثري من النوم ..

عندي قريب فاتحله كذا مشروع لقتل الملل خاصه لناس اللي ماتحب تسافر للخارج ,, وشرايك ؟

[~¤ العنود ¤~]

سلامتج يالعنود الافضل ان يكون لج جدول يومي تخصصين بعض من وقتج للرياضه مثل المشي السريع او اي رياضه سهله ;) واقرأي سورة البقرة مفيده جدا فإن اخذها بركه وتركها حسرة ;)

نوره .. جزاج الله خير على نصيحتج .. ومثل ما قلتي .. ملىء وقت الفراغ بأشياء تعود علينا بالنفع .. كالقرآن والرياضه ..

وان شاء الله نصيحتج استفيد منها آنا وجميع من يقراها

[~¤ العنود ¤~]

انتي الحين داخله على وجه اجازه يعني تقريبا شهرين متواصله ومن الحين تقولين ملل !!

بسويلك جدول من راسي ومشي عليه اذا عجبك ممتاز واذا لم يعجبك كثري من النوم ..

عندي قريب فاتحله كذا مشروع لقتل الملل خاصه لناس اللي ماتحب تسافر للخارج ,, وشرايك ؟

مجال شغلي ما يسمح لي بإجازه في الصيف .. فأنا عكس الناس ما احس بالصيف على انه موسم إجازات الا موسم شغل وكرف :court:

وأيش هذا المشروع اللي يقتل الملل :con2: ؟؟

[كحيلان]

مجال شغلي ما يسمح لي بإجازه في الصيف .. فأنا عكس الناس ما احس بالصيف على انه موسم إجازات الا موسم شغل وكرف :court:

وأيش هذا المشروع اللي يقتل الملل :con2: ؟؟

ياسلام عليك يعني مجال شغلك مايسمح لك بالأجازه في الصيف !!

أجل ليش سادحه موضوعك في المنتدى !!

أنا على بالي أو أحسبك فاضيه ماعندك شيء بالصيف ,, طلعتي ماشاءالله عليك تقومين من صبح وماتردين الا على الظهر وتقولين ملل !! بالله عليك وين الملل !؟!

تعوذي من أبليس ومافيك لا ملل ولا طفش .

[~¤ العنود ¤~]

ياسلام عليك يعني مجال شغلك مايسمح لك بالأجازه في الصيف !!

أجل ليش سادحه موضوعك في المنتدى !!

أنا على بالي أو أحسبك فاضيه ماعندك شيء بالصيف ,, طلعتي ماشاءالله عليك تقومين من صبح وماتردين الا على الظهر وتقولين ملل !! بالله عليك وين الملل !؟!

تعوذي من أبليس ومافيك لا ملل ولا طفش .

اشفيك عصبت :looking:

زاد الملل الحين :o

ياخوي الموضوع مب مسأله اني اروح الشغل من الصبح ومارد الا الظهر .. المشكله فيني وفي الناس اللي مثلي .. اللي كل شوي والثاني قالوا "ملل"

عاد عدني مريضه وعالجني .. لا تهاوشني

[themasteraaa]

المشكلة هذا الشعور مب بس عندك اختي
أنا عن نفسي توني طالب جامعي يعني ما اشتغل ومن يوم تجي الاجازة والملل يطب
يمكن لأن الشباب الي معاي سافروا والموجودين ما اسمع صوتهم
والي اعرفهم موجودين كلن لاهي بمشاكله
بس اعتقد أنه احسن حل هو اجتناب العزلة بطريقة أو بأخرى
كنت أحب أني اسمع عن معسكرات للشباب الصيفية
أو حتى ورشات عمل للبنات يفرغون فيها الطاقات
المفروض الهيئة العامة للشباب تهتم بالمواضيع هذه
وشكرا على الموضوع

[~¤ العنود ¤~]

المشكلة هذا الشعور مب بس عندك اختي
أنا عن نفسي توني طالب جامعي يعني ما اشتغل ومن يوم تجي الاجازة والملل يطب
يمكن لأن الشباب الي معاي سافروا والموجودين ما اسمع صوتهم
والي اعرفهم موجودين كلن لاهي بمشاكله
بس اعتقد أنه احسن حل هو اجتناب العزلة بطريقة أو بأخرى
كنت أحب أني اسمع عن معسكرات للشباب الصيفية
أو حتى ورشات عمل للبنات يفرغون فيها الطاقات
المفروض الهيئة العامة للشباب تهتم بالمواضيع هذه
وشكرا على الموضوع

مشكلتك اخوي ومشكلتي يمكن عند الكثيرين منا .. سواء نشتغل او ندرس ..

يمكن مثل ما تفضلت .. سفر الاصدقاء وكلن لاهي في شغله عنا .. مشكله اذا تمللت تفضل تقعد بنفسك ولا تكون ثقيل على اللي حولك ..

اهم شي تعرف شلون تشغل وقت فراغك.. مع ان الفراغ مو ُمسبب للملل .. ممكن اكون مشغوله وبعد متملله ..

شكرا على مشاركتك

[الخيميائي]

المشكلة في الفئات العمرية الصغيرة الي يلزمها توجيه علشان مايواجهون هذي المشكلة اعتقد المفروض تتكاتف وزارة التربية مع الهيئة العامة للشباب(اي ماعليه كفايه عليهم شغلهم :p ) ويحطون لهم برامج صيفيه او على مدار السنة علشان يستغلون هذا الوقت الى يضيع من اعمارهم طبعا ما ننسى دور الاسرة في هذا الموضوع هذا بالنسبة للفئة العمرية الصغيرة بالسن اما بالنسبة للكبار فاعتقد لازم يحسون بقيمة الوقت يعني المفروض الشباب يحسون من انفسهم بقيمة الوقت ويعرفون انه اي نشاط او اي مهارات يكتسبونها في وقت فراغهم حاليا راح تنعكس عليهم بالمستقبل سوءا في مجال عملهم او في حياتهم

بصراحة موضوع مهم والله يبعد الملل عنا

وشكرا على الموضوع وعذرا على الاطالة :)

[امل الحب]

يحليلج مع انج موظفة وتقولين ملل..

:looking: انا حالتي نفس حالتج بس عندي شغل اكمله فالبيت ;) يعني الصرااحة ماعندي وقت اقعد فيه فاضية واذا صار لفيت فالنت ادور الجديد في عالم الكمبيوترات والتطور الي صار فيها.. يعني شغل وقت فراغ:nice:

[كحيلان]

اشفيك عصبت :looking:

زاد الملل الحين :o

ياخوي الموضوع مب مسأله اني اروح الشغل من الصبح ومارد الا الظهر .. المشكله فيني وفي الناس اللي مثلي .. اللي كل شوي والثاني قالوا "ملل"

عاد عدني مريضه وعالجني .. لا تهاوشني

بما انك مصممه خلاص راح أعدك مريضه بعيادة كحيلان بس عاد ديري بالك الدكتور كحيلان مايحب مرضاه المتتمللين يخالفون اوامره ,, اذن ترقبي قريبا برنامج خاص لمريضتي العنود الله يشفيها ,, بس عاد لا تنسين الله الله بالدعايات ولك خصم خاص 90% عز الله العياده الخسرانه :)

[~¤ العنود ¤~]

المشكلة في الفئات العمرية الصغيرة الي يلزمها توجيه علشان مايواجهون هذي المشكلة اعتقد المفروض تتكاتف وزارة التربية مع الهيئة العامة للشباب(اي ماعليه كفايه عليهم شغلهم :p ) ويحطون لهم برامج صيفيه او على مدار السنة علشان يستغلون هذا الوقت الى يضيع من اعمارهم طبعا ما ننسى دور الاسرة في هذا الموضوع هذا بالنسبة للفئة العمرية الصغيرة بالسن اما بالنسبة للكبار فاعتقد لازم يحسون بقيمة الوقت يعني المفروض الشباب يحسون من انفسهم بقيمة الوقت ويعرفون انه اي نشاط او اي مهارات يكتسبونها في وقت فراغهم حاليا راح تنعكس عليهم بالمستقبل سوءا في مجال عملهم او في حياتهم

بصراحة موضوع مهم والله يبعد الملل عنا

وشكرا على الموضوع وعذرا على الاطالة :)

التربيه وهيئه الشباب مشغولين بأمور ثانيه اخوي .. ماعندهم وقت .. مع اني اسمع عن وايد معسكرات ورحلات لطلاب المدارس في الصيف

اما للكبار :p فمسأله معرفه قيمه الوقت اعتقد وارده وندركها .. بس المشكله مو بالوقت واستغلاله .. المشكله فينا .. يمكن هذا مرض محتاج لعلاج :eek3:

شاكره لك مشاركتك القّيمه ..

[~¤ العنود ¤~]

بما انك مصممه خلاص راح أعدك مريضه بعيادة كحيلان بس عاد ديري بالك الدكتور كحيلان مايحب مرضاه المتتمللين يخالفون اوامره ,, اذن ترقبي قريبا برنامج خاص لمريضتي العنود الله يشفيها ,, بس عاد لا تنسين الله الله بالدعايات ولك خصم خاص 90% عز الله العياده الخسرانه :)

صدقني الزباين وايد .. شوفنا كلنا مجابلين شاشه الكمبيوتر.. من الملل ترا :p

[~¤ العنود ¤~]

يحليلج مع انج موظفة وتقولين ملل..

:looking: انا حالتي نفس حالتج بس عندي شغل اكمله فالبيت ;) يعني الصرااحة ماعندي وقت اقعد فيه فاضية واذا صار لفيت فالنت ادور الجديد في عالم الكمبيوترات والتطور الي صار فيها.. يعني شغل وقت فراغ:nice:

هلا اختي أمل

صدقيني انا بعد احاول اشغل وقتي .. لدرجه حزات والله ادخل على ايميل الشغل وأرد على ايميلات الشغل !!

اشغل وقتي بشي مفيد .. بس بعد ملل .. ملل والله

مشكوره على تعليقج :)

[كحيلان]

صدقني الزباين وايد .. شوفنا كلنا مجابلين شاشه الكمبيوتر.. من الملل ترا :p


مو شرط الجلوس على النت سببه الملل ,, انتي كذا غلطانه لانك حاسه بهذا الشعور ويتخيلك ان الناس مثلك أو زيك !
أنا عاد لما أشوف سوق الأسهم مو عاجبني أنا من طبعي أحب أميل على أعضاء المنتدى العام أشوف يبون شيء محتاجين شيء ناقصهم شيء ,, وهذا احنا حصلنا العنود عندها مشكله متعلقه بالملل .

لاتنسين صحيح أنا متملل بس لاني متواجد الى الأن بمستشفى حمد العام لمدة شهر و 10 أيام بالتمام والكمال ,, وشوفينا ماشاء الله علينا ذابحين وخانقين الملل اللي تشتكين منه .

[~¤ العنود ¤~]

مو شرط الجلوس على النت سببه الملل ,, انتي كذا غلطانه لانك حاسه بهذا الشعور ويتخيلك ان الناس مثلك أو زيك !
أنا عاد لما أشوف سوق الأسهم مو عاجبني أنا من طبعي أحب أميل على أعضاء المنتدى العام أشوف يبون شيء محتاجين شيء ناقصهم شيء ,, وهذا احنا حصلنا العنود عندها مشكله متعلقه بالملل .

لاتنسين صحيح أنا متملل بس لاني متواجد الى الأن بمستشفى حمد العام لمدة شهر و 10 أيام بالتمام والكمال ,, وشوفينا ماشاء الله علينا ذابحين وخانقين الملل اللي تشتكين منه .

صحيح كلامك .. مب شرط قعدتنا عالنت سبته الملل .. فيه للشغل وفيه لزيادة المعرفه وفيه لمساعدة الناس والاتصال معاهم

وماتشوف شر اخوي ..

خلاص ماراح اشتكي :o والحمد الله على كل حال .. وربي اقولها دايما

[كحيلان]

مجابلين :p


صراحه عصرت مخي أبي أعرف معنى مجابلين بس عجزت أعرف معناها !!

من جد ممكن تعريف لمعنى مجابلين؟!:)

[Qa6ar]

الا بذكر الله تطمئن القلوب


وانشاءالله يبعد عنج الملل

[~¤ العنود ¤~]

صراحه عصرت مخي أبي أعرف معنى مجابلين بس عجزت أعرف معناها !!

من جد ممكن تعريف لمعنى مجابلين؟!:)

:looking: :looking:

مجابلين الشاشه.. يعني مقابلين الشاشه.. يعني مشاهدين الشاشه.. يعني staring يعني facing

اوصلت ؟ :shy:

[~¤ العنود ¤~]

الا بذكر الله تطمئن القلوب


وانشاءالله يبعد عنج الملل

والنعم بالله اخوي

ويبعده عن الجميع ان شاء الله

[الجزائري]

اختي العنود مساء الخير ....... علشان نقتل الملل فتصوري يجب علينا ان لا نؤمن بلملل
بمعنى لا نفكر في الملل او انو اى اشي ممكن نعمله يكون ممل صح .... مثلي انا كنت اتملل من الدوام واحكي هووووووهههه كليوم دوام دوام ..... بعدين اقتنعت انو انا غلاط وحيك حربت الملل ومسحته من قموس حياتي .

وفي النهايه على قولة المثل : الانسان بطبعه ملول

[~¤ العنود ¤~]

اختي العنود مساء الخير ....... علشان نقتل الملل فتصوري يجب علينا ان لا نؤمن بلملل
بمعنى لا نفكر في الملل او انو اى اشي ممكن نعمله يكون ممل صح .... مثلي انا كنت اتملل من الدوام واحكي هووووووهههه كليوم دوام دوام ..... بعدين اقتنعت انو انا غلاط وحيك حربت الملل ومسحته من قموس حياتي .

وفي النهايه على قولة المثل : الانسان بطبعه ملول

صدقت اخوي .. يجب ان نقلل من كلمه "ملل" لأن هي اللي تجلب الملل من الأساس

شاكره لك مشاركتك

[كحيلان]

:looking: :looking:

مجابلين الشاشه.. يعني مقابلين الشاشه.. يعني مشاهدين الشاشه.. يعني staring يعني facing

اوصلت ؟ :shy:

شكرا على المعلومه thank u وبيض الله جهك ياعنقليزيه :)

[themasteraaa]

في عندي اضافة بسيطة
الصراحة انا مهندس ميكانيكي من جامعة قطر
تمنيت تتوفر لي فرصة تدريب او حتى بدون تدريب بس نشوف الشغل
بس للافس عبس
طبعا المصانع محد يطل فينا السبب مجهول ويوم نتخرج يقولك اقبض الباب ما في خبرة
وأنا اشوف انه معظم البرامج الي يسويها المجتمع بشكل عام هي لملا ساعات الفراغ
احنا ما عنا مشكلة بملاها اي واحد باستطاعته يملا وقته مليون ومليون الف شي
بس وين الفايدة المكتسبة بالتسلية الي تقتل الملل
أنا يوم كنت بالمدرسة كنت اتمنى أعرف شو في وظائف متاحة بالبلد حتى اعرف ميولي او رغباتي طبعا سلامتك
وانا اشوف انه الهدف الي ممكن يحطه الواحد من هو وصغير هو الي يقتل الملل
اسمحولي للاطالة

[M-OH-A-ME-D]

عدم أستغلال وقت الفراغ بشكل سليم

[~¤ العنود ¤~]

في عندي اضافة بسيطة
الصراحة انا مهندس ميكانيكي من جامعة قطر
تمنيت تتوفر لي فرصة تدريب او حتى بدون تدريب بس نشوف الشغل
بس للافس عبس
طبعا المصانع محد يطل فينا السبب مجهول ويوم نتخرج يقولك اقبض الباب ما في خبرة
وأنا اشوف انه معظم البرامج الي يسويها المجتمع بشكل عام هي لملا ساعات الفراغ
احنا ما عنا مشكلة بملاها اي واحد باستطاعته يملا وقته مليون ومليون الف شي
بس وين الفايدة المكتسبة بالتسلية الي تقتل الملل
أنا يوم كنت بالمدرسة كنت اتمنى أعرف شو في وظائف متاحة بالبلد حتى اعرف ميولي او رغباتي طبعا سلامتك
وانا اشوف انه الهدف الي ممكن يحطه الواحد من هو وصغير هو الي يقتل الملل
اسمحولي للاطالة

مشكور اخوي على مشاركتك .. وتحديد الأهداف بامكانه قتل الملل والروتين طبعا

[~¤ العنود ¤~]

عدم أستغلال وقت الفراغ بشكل سليم

كلامك صحيح .. ولكن اوقات اذا مشغولين .. بعد يكون الاحساس بالملل موجود .. يعتمد على نوعية الشغل ومدى اقتناعنا به

شكرا عالمرور

[المخلب]

والله الملل ذابح الكل .. والجو مخلي الملل يصير بلل ! ..

استغفر الله ..

[الراقية]

اختي العنود


نعم نعيش الملل متى ما انوجد وقت الفراغ بدون اي عمل


عشان جذية بالنسبة لي شاغلة يومي طول بعرض

مابين قراءة ...ورياضة ..وجلسات عائلية ...طلعات عائلية اخترعها ولو على حسابي رحلات مطاعم بحر اي شي المهم ما اعيش الملل

لان احيانا يكون سلاح خطير على النفس


كل التحية والتقدير لك ولقلمك

[~¤ العنود ¤~]

والله الملل ذابح الكل .. والجو مخلي الملل يصير بلل ! ..

استغفر الله ..

الجو بعد عامل مسبب والله

الله يعين الجميع

شاكره لك مرورك وتعليقك

[بوخالد2]

هلا اختى العنود

موضوع الملل مصيبه صابت الجميع وقتل الوقت مشكله شوفي اختى اعملي لنفسك جدول يومي تمارسين في امور معينه في حياتك اليوميه مثل زياره الاقارب وصله الارحام شي ضروري --- او عمل رياضه المشي -- او الاشتراك في ندوات دينيه -- وغيرها

يعطيك العافيه هاى اقتراحي مادرى شنو رايك :con2:

[~¤ العنود ¤~]

اختي العنود


نعم نعيش الملل متى ما انوجد وقت الفراغ بدون اي عمل


عشان جذية بالنسبة لي شاغلة يومي طول بعرض

مابين قراءة ...ورياضة ..وجلسات عائلية ...طلعات عائلية اخترعها ولو على حسابي رحلات مطاعم بحر اي شي المهم ما اعيش الملل

لان احيانا يكون سلاح خطير على النفس


كل التحية والتقدير لك ولقلمك

اولا اشكر لج مرورج على موضوعي وتعليقج عليه اختي .. اسعدني

صحيح .. الملل ينوجد في اوقات الفراغ .. بس بعد اختي .. اذا "الملل" فينا .. حتى ان طلعنا ورحنا وجينا بعد ملل

هالأيام حتى الطلعه ُممله .. وين نروح مافي مكان .. الواحد يقعد في البيت احسن له ويحاول يستغل وقته بشكل سليم

[الراقية]

اولا اشكر لج مرورج على موضوعي وتعليقج عليه اختي .. اسعدني

صحيح .. الملل ينوجد في اوقات الفراغ .. بس بعد اختي .. اذا "الملل" فينا .. حتى ان طلعنا ورحنا وجينا بعد ملل

هالأيام حتى الطلعه ُممله .. وين نروح مافي مكان .. الواحد يقعد في البيت احسن له ويحاول يستغل وقته بشكل سليم
انا معاج لان صارت الاماكن هي هي
والمجمعات من الزحمة تملل
والشوارع تملل

عشان جذية اعتمدي جدول بعيد عن هالاشياء
وجربي الرياضة التحقي بنادي وراح تدعين لي يالعنود

[~¤ العنود ¤~]

هلا اختى العنود

موضوع الملل مصيبه صابت الجميع وقتل الوقت مشكله شوفي اختى اعملي لنفسك جدول يومي تمارسين في امور معينه في حياتك اليوميه مثل زياره الاقارب وصله الارحام شي ضروري --- او عمل رياضه المشي -- او الاشتراك في ندوات دينيه -- وغيرها

يعطيك العافيه هاى اقتراحي مادرى شنو رايك :con2:

هلا اخوي

المصيبه ان الملل اوقات يخلينا نسوي امور خاطئه بدون تفكير وعدم استغلال الوقت بالامور اللي ترجع علينا بالنفع ..

وبخصوص اقتراحك .. ان شاء الله احاول اطبقه .. وحاليا اذهب مره في الاسبوع لندوه دينيه .. وفيه زيارات عائليه وفي الويك اند اطلع .. احاول اشغل وقتي .. ولكن بعد اوقات كثيره تمر علي .. يمكن وانا لحالي احس فيها بملل قاتل

شكرا على مرورك وتعليقك وربي يبعد الملل عن الجميع

[~¤ العنود ¤~]

انا معاج لان صارت الاماكن هي هي
والمجمعات من الزحمة تملل
والشوارع تملل

عشان جذية اعتمدي جدول بعيد عن هالاشياء
وجربي الرياضة التحقي بنادي وراح تدعين لي يالعنود

هذا اول شي بسويه ان شاء الله

موجود على جدول اعمالي :p

مشكوره اختي على تعليقج ومتابعتج :)

[قطري في لندن]

والله اختي كل واحد وطريقته في الحياه في ناس هم يجبون الملل حق نفسهم ويزهقون لي معاهم :d

وفي بعضهم يسلون نفسهم ولا يعرفون شي عن الملل واذا قعت معاهم انشرح صدرك ;) وانا طبعا منهم :d

وفي بعضهم يضيعون الملل بل العباده وهاي الناس انا احسدهم حسد خبرج انا حسود :d واتمنى اصير مثلهم

ولي ابي اوصله كل واحد وطبيعت حياته وشلون يديره وشلون جدوله اليومي

وتقبلي مروري اخوج قطري في لندن

[~¤ العنود ¤~]

والله اختي كل واحد وطريقته في الحياه في ناس هم يجبون الملل حق نفسهم ويزهقون لي معاهم :d

وفي بعضهم يسلون نفسهم ولا يعرفون شي عن الملل واذا قعت معاهم انشرح صدرك ;) وانا طبعا منهم :d

وفي بعضهم يضيعون الملل بل العباده وهاي الناس انا احسدهم حسد خبرج انا حسود :d واتمنى اصير مثلهم

ولي ابي اوصله كل واحد وطبيعت حياته وشلون يديره وشلون جدوله اليومي

وتقبلي مروري اخوج قطري في لندن

صدقت اخوي .. انا قلت قبل ان تكرار كلمه "ملل" هي تخلينا نحس به .. حتى لو هو مب موجود ..

بس انا اعارضك في ان طبيعة الانسان هي اللي تجيب الملل .. الظروف المحيطه بهالانسان هي اللي تجيبه اخوي وتسببه ومب احنا

يعطيك العافيه عالمرور والتعليق

[على قد حالها]

العنود تكفين لين لقيتي حل للملل اللي صايدج دزيه صوبي :o لاني انا فاهمه نوع الملل اللي فيج لاني من فتره امر بهالشي....

يعني حتى لو اطلع اطلع بملل :(

[~¤ العنود ¤~]

العنود تكفين لين لقيتي حل للملل اللي صايدج دزيه صوبي :o لاني انا فاهمه نوع الملل اللي فيج لاني من فتره امر بهالشي....

يعني حتى لو اطلع اطلع بملل :(

مافي حل اختي .. لازم نبدأ بنفسنا .. تغيير الروتين اهم شي .. وترا الناس اللي حولنا اعتقد لهم دور في الملل وزيادته

ربي يبعده عنج

[بوعبدالله - قطر]

الواحد لازم يغير روتين اليومي له عشان مايحس بالملل...
انا عن نفسي اتملل مرات من قلب...
اروح اونس صدري بخطوط طويله مع ربعي او لحالي او رحلات مفاجئه مع ربعي...
والرياضه مفيده للصحة والذهن يااختي الفاضله...
وتحياتي لج...

[على قد حالها]

مافي حل اختي .. لازم نبدأ بنفسنا .. تغيير الروتين اهم شي .. وترا الناس اللي حولنا اعتقد لهم دور في الملل وزيادته

ربي يبعده عنج


في ذي الشي صدقتي ....انا احب الفرفشه والانطلاق واللي حولي جامدين crazy crazy شاسوي وين اطق بعمري ؟؟حتى صعب الواحد يتعرف على ناس نفس طبايعه الحين؟الصداقه صارت مب بالشي السهل:eek3: :eek3:

[~¤ العنود ¤~]

الواحد لازم يغير روتين اليومي له عشان مايحس بالملل...
انا عن نفسي اتملل مرات من قلب...
اروح اونس صدري بخطوط طويله مع ربعي او لحالي او رحلات مفاجئه مع ربعي...
والرياضه مفيده للصحة والذهن يااختي الفاضله...
وتحياتي لج...

سهل للرجل انه يغير الروتين بحياته .. يسافر فجأه .. يطلع متأخر .. يسهر .. ولكن صعب علينا

شاكره لك مشاركتك اخوي

[~¤ العنود ¤~]

في ذي الشي صدقتي ....انا احب الفرفشه والانطلاق واللي حولي جامدين crazy crazy شاسوي وين اطق بعمري ؟؟حتى صعب الواحد يتعرف على ناس نفس طبايعه الحين؟الصداقه صارت مب بالشي السهل:eek3: :eek3:

كثير منا .. يحب الفرفشه وتجربة كل شي جديد .. بس على قولتج .. الناس اللي حولنا ما يساعدون على هالشي .. وايجاء اصدقاء جدد مو هو الحل للمشكله

وضع الاهداف .. ترتيب الوقت .. رياضه .. شغل وقت الفراغ بشي مفيد .. كل هذي امور ممكن تبعد الملل .. ولكن السبب الرئيسي اهو احنا .. لازم نبتدي بنفسنا ..

مشكوره اختي على متابعتج .. وتعليقج

[قطري في لندن]

صدقت اخوي .. انا قلت قبل ان تكرار كلمه "ملل" هي تخلينا نحس به .. حتى لو هو مب موجود ..

بس انا اعارضك في ان طبيعة الانسان هي اللي تجيب الملل .. الظروف المحيطه بهالانسان هي اللي تجيبه اخوي وتسببه ومب احنا

يعطيك العافيه عالمرور والتعليق

اختي بفهمج اشلون لانسان يكون مملل مثلا واحد كله جدوله قهوه معهد معهد قهو بيزهق ولا مو زاهق والله بيزهق وبيزهق لي معاه يمشي بس واحد ثاني يغير اليوم قهوه ومعهد وبكره بولنق ومعهد ولي عقبه مادري شنو ولوي كند ينزل لندن اشلون يزهق حتى لي يمشي ويه مايزهق عكس الثاني الر وتيني تراه الروتين له دور وشخصيه لانسان له دور اكبر

وتقبلي مرور اخوج قطري في لندن

[~¤ العنود ¤~]

اختي بفهمج اشلون لانسان يكون مملل مثلا واحد كله جدوله قهوه معهد معهد قهو بيزهق ولا مو زاهق والله بيزهق وبيزهق لي معاه يمشي بس واحد ثاني يغير اليوم قهوه ومعهد وبكره بولنق ومعهد ولي عقبه مادري شنو ولوي كند ينزل لندن اشلون يزهق حتى لي يمشي ويه مايزهق عكس الثاني الر وتيني تراه الروتين له دور وشخصيه لانسان له دور اكبر

وتقبلي مرور اخوج قطري في لندن

صدقت اخوي .. وهذا هو كسر الروتين

يعطيك العافيه :)

[كحيلان]

اختي العنود ان قريت اغلب ردودك حسيت انك تشتكين من قلبك !!

طيب ل تأكدتي من حالتك النفسيه انها سليمه والا لاء؟؟ لان فيه ناس تعتقد ان الي فيها ملل وهذا غير صحيح ,, لان فيه ملل مرتبط بالحاله النفسيه ليس قصدي ان عندك مشكله نفسيه بس مايمنع انك لو تروحين لدكتور نفساني يشيك على حالتك . . ممكن تلقين حل عنده .. جربي وش خسرانه :)

الصوره اللي حاطتها عطتني انطباع عنك ,, بس مو متأكد من هالأنطباع.

[~¤ العنود ¤~]

اختي العنود ان قريت اغلب ردودك حسيت انك تشتكين من قلبك !!

طيب ل تأكدتي من حالتك النفسيه انها سليمه والا لاء؟؟ لان فيه ناس تعتقد ان الي فيها ملل وهذا غير صحيح ,, لان فيه ملل مرتبط بالحاله النفسيه ليس قصدي ان عندك مشكله نفسيه بس مايمنع انك لو تروحين لدكتور نفساني يشيك على حالتك . . ممكن تلقين حل عنده .. جربي وش خسرانه :)

الصوره اللي حاطتها عطتني انطباع عنك ,, بس مو متأكد من هالأنطباع.

وش فيه قلبي اخوي ! وش فيها ردودي ! وش فيها صورتي الشخصيه ؟!

بس لاني كتبت موضوع عن "الملل" بتطلعني مريضه نفسيا :confused:

في وايد ناس يحسوون بالملل في حياتهم .. وهذا سببه الروتين او عدم استغلال الوقت بصوره جيده .. ومب معناه ان الشخص مريض نفسيا .. مع اني ماشوف ان عيب الواحد منا يزور طبيب نفسي اذا شاف انه بحاجه لمساعده .. مافيها شي .. ولا شي الواحد يخجل منه