تويوتا و لكزس - عبدالله عبدالغني و إخوانه

[محمد عبدالرحمن]

علشان نكون اكثر موضوعية،

انا بافتح موضوع يهم جميع المستهلكين (مستخدمي السيارات) و مشاكل السيارات و الوكالات.

بتشوفون كل موضوع يبدأ بماركة السيارة، و اسم الوكيل في قطر ، محاسن و عيوب.

و اتمنى من كل شخص يضع تقييم لأداء الشركة من 5. بحيث 5 ممتاز و 0 الأسوأ.


تحياتي،

[][ الوحيد ][]

5/5 في كل شي

:)

[محمد عبدالرحمن]

معليش، يمكن انا مب معاك، قارن أسعار التويوتا الحالية مع بعض السيارات الألمانية من ناحية السعر و اللي تحصله في السيارة من مواصفات و أمان، و قارن أسعار الاستهلاك و قطع الغيار. و أضيف، انا الصراحة اعتقد إنه لو وكيل ثاني للتويوتا بيكون أفضل.

[إنتعاش]

: نوعية السيارات : 5-5

خدمة العملاء والكراج : 2-5


التقييم الكلي :

3-5

[طويل النفس]

من ناحية المنتج هو جيد ولا فضل للوكيل في ذالك !!!

اسعار عبد الغني مرتفعة بنسبة للوكلاء في الخليج (لا تقول ضمان .. يرفض الوكيل اصلاح اي عطل من غير مقابل)

السيارات التي تعرض في قطر اقل مواصفات من مثيلا تها في باقي دول العالم

لا يوجد كثير من الخيارات امام الزبون للمفاضله بينها !!!

يوجد موديلات لا يوفرها الوكيل مع انه يستطيع توفيرها للسوق المحليه

لا يثق المورد في السوق وذالك ضاهر من اعداد السيارات المتوفره لدا الوكيل

والاسلام ختام

[Khalid222]

من اسوء الوكلات.. تفتقر الشركة لاهم مقومات استمرارية ونجاح اي شركة هي احترام زبائنها والتطوير في خدمات ما بعد البيع.. شركة محظوظة لانها تسوق لافضل شركة سيارات في العالم وتمنى ان يتم كسر احتكارها وهذا بلا شك لصالح كل العملاء

[ALRAYYAN]

من اسوء الوكلات.. تفتقر الشركة لاهم مقومات استمرارية ونجاح اي شركة هي احترام زبائنها والتطوير في خدمات ما بعد البيع.. شركة محظوظة لانها تسوق لافضل شركة سيارات في العالم وتمنى ان يتم كسر احتكارها وهذا بلا شك لصالح كل العملاء

أأيد كلامك وبكل قوة

أنا من مستخدمي التويوتا وعلى مر الموديلات القديم والجديد والفورويل والصالون
السيارات من احسن مايكون طبعا كمنتج .. ولكن مقارنه باسعارها المفروض تكون احسن من جذي بواجد .. وانا اتكلم عن الكماليات والامان

يعني مثال على ذلك الـ vxr بمجرد مانزلوه بشاشه وصل 210 الآف ريال ... بصراحه سعر مبالغ فيه
اللكزس ال اس 460 ال مو 2007 الجديده .. سياره مالها حل .. روعه في كل شي من وجهة نظري
لكن في النهايه ياباني .. سعرها يبدأ من 270 الف لين 330 الف
بصراحه ادفعها في الماني ممكن .. لكن ياباني ووارد عبدالغني بعد .. بالنسبه لي مايمشي

______________

نجي لخدمه مابعد البيع والصيانه ... بكل اختصار وأمانه درجتي لهم صفر/5
لا احترام للزبون مثل باقي الوكالات
مواعيد تعبانه جدا .. صيانه تعبانه
بالعربي مب فاضيين يشوفون طلباتك بالتفصيل ..

الواحد يدخل وكالة البي ام او المرسيدس .. يحس ان فعلا كل شي تحت امره من الى

لكن التويوتا .. حدث ولا حرج
حلاتهم وانت تحجز لك موتر .. وأنت تستلمه وبس .. وعقب .. يشغلون لك نظام طنش تعش

المبيعات 4/5
الاسعار 2/5
الصيانه وخدمة مابعد البيع 0/5

[rashid-1]

التويوتا والنيساان أفشل وكالتين في خدمة مابعد البيع

والتويوتا أكبر وكالة بقطر لاتستطيع أن توفر صالة عرض ومبيعات في مكان غير البرج بالإضافة لكراجهم الصغير مقارنة مع عدد السيارات

أتمنى من عايلة آل عبدالغني أن يطوروا من خدمتهم أكثر ولانريد بيوم أن تكون الوكاله عند غيرهم لأنهم ناس محترمين ونتمنى لهم التوفيق

[ولد شرق]

الصراحه اخس وكاله على الاطلاق
انا عندي Gxr ولكزس
من ناحية المنتج ماعليه كلام
اما كخدمة حرام اتكون هالوكاله بالشكل ذيه
لا احترام للمواعيد
ولا احترام للزبون
قسما بالله مثل ما قال احد الاخوان فوق مش فاضيين يكشفون عن السياره ويقولون لك اشفيها بس يقولون لك غيّر القطعه واذا غيرتها شغلهم اي كلام
ياخي انا ماشوف حتى المعامله مختلفه مع اللكزس مع انهم يقولون اللكزس غير
الصراحه آل عبدالغني ناس محترمين لكن ماهقيناها منهم
واظن المشكله في الجنسية العربيه اللي تشتغل في الوكاله والكل عارفها طبعا...

اللي امصبرنا ان السياره ماشاء الله عليها ماتخترب ابد الحمدلله...

[Khalid222]

الصراحه اخس وكاله على الاطلاق
انا عندي Gxr ولكزس
من ناحية المنتج ماعليه كلام
اما كخدمة حرام اتكون هالوكاله بالشكل ذيه
لا احترام للمواعيد
ولا احترام للزبون
قسما بالله مثل ما قال احد الاخوان فوق مش فاضيين يكشفون عن السياره ويقولون لك اشفيها بس يقولون لك غيّر القطعه واذا غيرتها شغلهم اي كلام
ياخي انا ماشوف حتى المعامله مختلفه مع اللكزس مع انهم يقولون اللكزس غير
الصراحه آل عبدالغني ناس محترمين لكن ماهقيناها منهم
واظن المشكله في الجنسية العربيه اللي تشتغل في الوكاله والكل عارفها طبعا...

اللي امصبرنا ان السياره ماشاء الله عليها ماتخترب ابد الحمدلله...

مدير الصيانة انجليزي ومساعده فلبيني.. وهم من اسوء الادارين والله ان الشباب الموجودين على الكونترات مساكين وعليهم ضغط مب طبيعي .. وهم مب مرتاحين من الوضع ومن الادارة المتخلفة بقيادة الانجليزي والفلبيني.. تدخل عليهم اقصد الانجليزي او الفلبينيى يعاملونك كانك في مستعمرة..

[محمد عبدالرحمن]

اقترح مقاطعة تويوتا و لكزس، حمدلله ماعندنا ولا تويوتا و لكزس في البيت، و السبب ان اسعارعم نفس الألماني. و طبعا الألماني روعة في الهندسة، الأمان، و الفخامة.

تحياتي،

[ابوعزوز6]

الصراحه اخس وكاله على الاطلاق
انا عندي Gxr ولكزس
من ناحية المنتج ماعليه كلام
اما كخدمة حرام اتكون هالوكاله بالشكل ذيه
لا احترام للمواعيد
ولا احترام للزبون
قسما بالله مثل ما قال احد الاخوان فوق مش فاضيين يكشفون عن السياره ويقولون لك اشفيها بس يقولون لك غيّر القطعه واذا غيرتها شغلهم اي كلام
ياخي انا ماشوف حتى المعامله مختلفه مع اللكزس مع انهم يقولون اللكزس غير
الصراحه آل عبدالغني ناس محترمين لكن ماهقيناها منهم
واظن المشكله في الجنسية العربيه اللي تشتغل في الوكاله والكل عارفها طبعا...

اللي امصبرنا ان السياره ماشاء الله عليها ماتخترب ابد الحمدلله...
اخوي الصراحه كلامك كله مضبوط وبخصوص الجنسيه العربيه هاذي يعنى مايحمدون ربهم ان مشغلينهم شغله محترمه ورواتب وسكن ودلع وفوق هاذا كله اكلمك من طرف خشمه وكان الوكاله وكاله ابوه ونسا الواحد فيهم حالته في ابلاده ينضرب بالبغه القديمه على ادماغ ولايلبط وذا فنشوه قالو شوف العرب ماشغلون الا هنود والله طرطره وبقاحه:anger2:

[محمد عبدالرحمن]

تخيلو لو وكالة التويوتا و لكزس و بعد و كالات السيارات الألمانية يصيرون وكالات قطرية و مشاركة عامة للشعب القطري فقط، و داخله البروصة.

و هم بعد اللي يشتري من هالسيارات تطلع أرباح لأنه مستثمر فيها، المهم كان بس خيال.

الخلاصة، الظاهر الشباب تقييهم للتويوتا بيكون 3 نقاط من 5 بسبب ضعف الوكيل من ناحية نوع السيارات المطروحة و أسعارها مقارنة بالدول المجاورة لنفس المواصفات، و سوء الخدمة. تخيلو لو سوينا مقاطعة للوكيل:)

تحياتي،

[abu essa]

والله كلامكم صحيح 100% وانا انشاء الله اكون اول المقاطعين لهذة الشركة . عيل كامري 2007 لايوجد لها قطع غيار (رفرف وصدام) من شهر. وين صارت هذي؟؟؟!!!!!
ولا الخدمة والمعاملة 0% كان لهم فضل عليك يوم تفضلوا وباعوك السيارة . (يعني لازم تتحمل المذلة)

[قطري عصامي]

100% معاكم الوكاله زفت لا خدمة صح ولا صيانة صح ولا معاملة صح ولا موظفين صح

وبس ساعدهم الحظ انهم وكلاء سياره يابانيه فقط لاغير

اعطيهم -5/5

[سهم طايح]

السيارة 100%

الوكيل 15 %

خدمة ما بعد البيع عندهم من اتعس الخدمات
تشتري السيارة وتتورط فيها اذا احتجت لتصليح اي شيء
اولا لازم تاخذ موعد علشان يقبلون يدخلون سيارتك الشركة
بعدها تنطر لين يصلحون سيارتك
لو الحادث كان بسيط او القطع بسيطة بعد ما تفرق عندهم
يعطونك موعد بعد شهر او شهر ونص
اغلب الناس صاروا يصلحون سياراتهم برع الشركة
اعتقد ان الوكيل لا يستحق هذه الوكالة والمفروض تنسحب منه لانه اشتغل فترة ووقف وما طور الشركة ، واذا على المبيعات فمب من عرقه ولا من جهده والسبب واضح وهو سمعة التيوتا

عن نفسي ودي اخذ الجي الجديد لكن وبكل صراحة متخوف من هالموضوع

[واحد ثقة]

إذا كان التقييم على أساس أداء الوكيل فهو يستحق 0/5 بكل جدارة ...

خدمات مابعد البيع لايوجد ، معاملة سيئة جداً ، الخدمة لمن يدفع أكثر ( رشاوى ) ، سرقة بعض قطع سيارات الزبائن وإبدالها بقطع أخرى تجارية أو مستخدمة و و و ....

[حمد]

بل

خرعتوني والله من التويوتا ... انا ماخبر الوكاله كانت جذي في بداية الالفين ... شصار شسالفه

ترى ابي اخذ لي سياره من عندهم ... شكلي باهون

[ولد شرق]

كلامك خطير اخوي
هل فعلا يسرقون؟

[Thamer_Qat]

وايد سمعت من هالكلام سرقات لقطع اصليه وجديده وأبدالها بقطع خربانه او تجاريه ومش حالك

عيال عبدالغني ما تعلموا من ذاك الدرس يوم راحوا يتراكضون لليبان عند رئيس تويوتا قبل كم سنه علشان ما تنسحب الوكاله منهم لصالح شخصيه معروفه

وياريتها انسحبت كان الوكيل الجديد طورها وريحنا

[gxr o.z]

Ili Yabi Yishtiri Cruiser Yrooh Marad Paris Aw Il Fakirah Aw Il Buraimi

[محمد عبدالرحمن]

وايد سمعت من هالكلام سرقات لقطع اصليه وجديده وأبدالها بقطع خربانه او تجاريه ومش حالك

عيال عبدالغني ما تعلموا من ذاك الدرس يوم راحوا يتراكضون لليبان عند رئيس تويوتا قبل كم سنه علشان ما تنسحب الوكاله منهم لصالح شخصيه معروفه

وياريتها انسحبت كان الوكيل الجديد طورها وريحنا

أعتقد أنه يجب قيام شركة حكومية يكون فيها موظفين قطريين، هاي الشركة تكون وكيلة لجميع السيارات في قطر. بس كل ماركة سيارة تكون فرع منفصل بالكامل. و اعتقد إن هاي بينعش البورصة و دخل ممتاز للجميع.

تحياتي،