)( سمسارهـ جديـده )(

[ذيبة الريان]

السلام ع ــليكم ورحمة الله وبركاته..

اخـواني واخواتـي..

ابي نصيحتكم..

خاطري ابدأ مشروعي وأكون سمساره وأخذ عموله تنفعني وماتضر ولا تخسر العميل..

كيف ابدأ مشروعي..!

وشلون يكون التواصل بيني وبين العملاء..!

وكيف أنجح ..!

وأي نصايح زياده لاتبخلون علي وجزاكم الله خير..

أختكم /
ذيبة الريان

[بنت الدوحه]

ذيبة الريان

وعليكم السلام يا هلا اختي

العقار يبي له طووووووولة بال اهم شي

ولا تسوين مثلي حاولي تلقين لك طريقه تضمنين فيها حقك

لانه للاسف احيان ياخذون منك العروض

وموقع العقار او الارض ويروحون

يخلصون مع المالك وانتي تطلعين منها

فيه ناس ما تبي غير مصلحتها

الله يعينك ويوفقك يارب

[bo_hamad]

جواب شافي من قطعة سكر والله يوفقج اختي ذيبة الريان وتحياااتي

[بوهزاع]

جواب شافي من قطعة سكر والله يوفقج اختي ذيبة الريان وتحياااتي

[رووز]

هلا والله ذيبة الريان الله يوفقج انشاء الله
من يتوكل على الله ويعمل بصدق الله يرزقه من حيث لا يعلم انت تبين تبداين تعاملي مع كل طلب بجدية يعني طلب صغير مبلغ صغير لا تقولين اتعب روحي علشان مبلغ صغير بهالتعامل الصغير تكسبين خبرة وعملاء وتعاملي مع وسطاء من هالمنتدى والله كلهم رجال كفو وحطي دايما في بالج هالمقولة "علمت ان رزقي لم يأخذه احد فأطمأن قلبي" وذا اي خدمة اختج حاضرة لك وبالتوفيق

[أبو رماح]

:mad: اقووول .. تبين نصيحتي ؟؟!! أبعدي عن هالموضوع قسماً بالله عوار راس يعني الزباين يتعبون والملاك نفس الشي بيجي الزبون بيبكي على بيت ويالربع متضايق تكفون ابيلي بيت بحدود 10 آلاف بنجيبله البيت والله الغرف صغيره وقبل يومين متضايق وماعنده وقت بصراحه شي يملل وسوري عالأطاله

[ذوق]

كيف ابدأ مشروعي..!

وشلون يكون التواصل بيني وبين العملاء..!

وكيف أنجح ..!

وأي نصايح زياده لاتبخلون علي وجزاكم الله خير..

أعزائ أختكم طلبت الطريقه المثلى للتعامل...يعني البنت جديدة جدآ على الشغله ماتعرف تكلم من..وتبتدي مع من..وشلون تنجح والخ..من الأسئله...
ماتقصد أن لا تطمع في السعر وماشابه ذلك..يعني تبي خيط البدايه من عندكم..عشان تكمل الباقي..

والله يوفقج عزيزتي

[ابوبشاير]

الموضوع سهل إن شاء الله
بس مثل ما قالوا الأخوان الصبر وطولة البال
وحاولي إتعرفين على كم سمسار ( مثلي ) طبعا إذا حابه تتعاملين مع الآخرين .

الله الموفق

[alhiran4u]

السلام عليكم اختي ذينة الريان
انا عندي فيلتين متلاصقتين فى الوكره قيد الانشاء والتسليم بعد 6 شهور والسعر 3200000ريال
لمزيد من المعلومات ارجو التواصل على الايميل
khalid_s@qasco.com.qa

[بنت اليورو]

حبيبتي

شغلة السمسار للبنت شغلة صعبة جدا جدا

ومن اسباب صعوبتها ...السمسار لازم يروح مع الشراى للعقار بحكم انة يبي يشوفة

واكثر الناس يحب يتفرج ولايشترى ...فمابالك لو كان السمسار بنت ...اكيد يبي يتفرج

وبيلح علشان يتفرج أكثر وأكثر ....

فنصيحة أخت عليج بالأسهم تبيعين وتشترين وانتي في بيتج وتحت سترج ....

وخصوصا احنا في مجتمع مايرحم ...والبنت دوم ذكية واذا أنتصرت وتفوقت في اى نشاط تجارى

قالو عنها المنافسين اللي ماينقال ....الناس ماترحم يالغالية

عليج ..بالأسهم ...او تجارة العطور ...او الشنط ,,,او الملابس

وكلها تبي راس مال بسيط ..واذا بغيتي أى معلومات عن كيفيهة فتح اى مشروع منها

ابشرى بعزج يالغالية ...وراح ادلج على الكثير من الصديقات اللي مشو في هالتجارة وانجحو

وانشاء الله تكونين منهم ...

اسمحي لي على الأطاله

وبالتوفيق يالغالية

بنت اليورو

[بنت الدوحه]

اختي بنت اليورو

كلامك ماعليه غبار يالغاليه

جزاك الله كل خير على نصيحتك لاختنا ذيبة الريان

عندك انا الحين لي 5 شهور بالعقارات

لكن تعاملي فقط بالنت ومن خلال الايميل والرسايل الخاصه

و ما استفدت اي شي خلال هالفتره كلها

اوصل الزبون للشخص اللي عنده العرض وما ادري وش يصير

صحيح اتصل واسال لكن الله اللي يعلم

صح كل واحد له رزقه محد ياخذ رزق احد

بس عشان البنت فعلا صعب عليها تشتغل هالشغله

حتى لو كان في اطار المنتدى والنت والايميل

ذيبة الريان

لو تحصلين شخص ثقه شاب خايف ربه

يقدر يكون هو الوسيط بينك وبين اللي يطلبون العقارات والاراضي

ويطلع معاهم يشوفون المطلوب ويكلمهم

يكون افضل واستر لك

لان فيه كثير يبون الرقم بس ما يبون العقار

ولا هم جادين

وموفقه ان شاء الله