لو ابوك طالب منك سلفيه ! (( تقرضه )) وتوفى ! تسامحه وله تاخذ السلفيه مع الورث !

[المخلب]

السلام عليكم

الموضوع واضح من عنوانه ..

شخص مسلف ابوه مبلغ من المال ! ..

الوالد وعد الولد انه يرجعله المبلغ بالقريب العاجل ..

ولكن - شاء الله وماشاء فعل - قبض الله روحه وتوفاه قبل ان يسدد دينه لولده ! ..

هنا السؤال :

هل تسامح ابوك على السلف الي سلفته اياه .. ؟

او

انك تطالب برد السلفيه (الاموال ) والمشاركه في الورث الذي تركه الوالد ( ولو كان بسيط ! ) ؟ .

وهل ترى انه من حقك ( ان كان جوابك نعم ؟ ) ..

ام تراه نوع من انواع الجحود بالبر بالوالدين ! .. ؟

مع العلم ان الشخص ( الابن ! ) محتاج هذه الاموال لضروف مُلزمه ! ..

[حنان الدنيا]

موضوع حلوو اخوي المخلب

من ناحيتي انااا بعطيه عيوني لو يبي مو فلوووس بس
والله يحفظه ويخليه ان شاء الله

وماانتظر مقابل ابدا لانه هو بعد صرف وتعب علينااااا وحق علينااا وغصب بعد نعطيه ونسامح

[~¤ العنود ¤~]

من عيوني اعطيه

وتفداه الفلوس

لا أطالبه ولا بعد عمر طويل اخذه من الورث

[rashid-1]

الــسلام عليــكم

في حديث للرسول يقول فيه ( أنت ومالك لأبيك )

ماله حق عند أبوه

والله يعوض على صاحبك

[مزيون الدوحه]

طبعا ماسلف ابوي لا اعطيه عطيه
وتحياتي لك

[فارس السهم]

( عيبه ) على ( شارب ) الرجال .. ان طالب برد السلفية من الورث ..

[بوخالد2]

( عيبه ) على ( شارب ) الرجال .. ان طالب برد السلفية من الورث ..

انشهد يالغالي اشدعوه اطلبه يردها بعد هذا الى قاصر بعد حتى لو من الورث

تفداه وانا اخوك ويستاهل اكثر الى صرف علي لين غديت رجال كبير

عيب والله على الرجال يطالب ابوه

والله يفك ضيق رفيقك

[الراقية]

اشكرك يالمخلب على هالموضوع

وراح يكون بحياته له ولا راح اطالبه بها ....كيف لو توفى الله يعطيه طولة العمر ...وماعندي
من خير الا من بركة دعائه ومن وجوده ومن جهوده بحياتي

بعدين الرسول صلى الله عليه وسلم يقول

انت ومالك لأبيك

[التيما]

الله يعطي ابوي طوله العمر يارب .. لا اخوي فلوسي له وحلاله .. ولا ابيها ولا راح اعتبرها سلف اصلا ..

[قطري في لندن]

لحين ابوي ماقصر ورباني وعطني لي ابيه واذا طلبني افلوس ماعطيه لو ابوي يطلب الدنيه ومافيه توصله وماتسوه اثر دوسته لو يطلب اعيوني عطيته ولابطلبه من الورثه ولاشي انا عطيته الغالي ولا باخذه من الورثه ولا غيره ويعطيك العافيه اخوي على الموضوع الحلو وتقبل مروري

[لولوتي]

انا ماادري اشلون الواحد ممكن تطرى عليه مثل هالفكره:confused: :mad:

[BoFahed]

اتفق مع جميع الاراء السابقة ولكن اذا كان فقط في حاجة ماسة يطلب من اخوانه المساعدة باللي يقدرون عليه وهني يعرف معدنهم وواجب عليهم مساعدته بحق الاخوة اولا و عرفانا باللي سواه مع والدهم جميعا ثانيا .

[M-OH-A-ME-D]

كنوز الدنيا كلها لا تعني لي شيء عند والدي , أذا كنت أفديهم بعمري فمعقول أبخل عليهم بفلوسي

[هسلان]

أنت ومالك لأبيك ( حديث شريف)
لن ننسى فظل الاب على الابناء وأن لولا الله ثم الوالدين لم يملك هذا الابن النقود اللتي أعطاها والده
وأنا برايي إذا كان هذا الابن بحاجة لهذا المبلغ والورثة ميسورين الحال أن يتم أرجاع المبلغ له من الميراث وذلك من قبل الورثة فالوالد قد توفى والابن لم يأخذ المال ولم يطالب المال من الوالد ولكن من الورثة
وما أعتقد أنه بيكون نكران للجميل لان هذا ورث
أما في حالة أن الورثة ضعاف فالاولى من الابن أن ينسى الموضوع والله بيرزقه

[بوعبدالله - قطر]

مستحيل افكر مجرد فكرة...
تفداه الفلوس كلها ما تسوى ظفر ريله...
والحلال واحد ما في فرق بيني وبينه..
رباني وكبرني واطالبه بالسلفه؟؟؟؟ اكون نذل لو طالبت...
لو كان عايش ما اطالبه... فما بالك لو مات (الله يرحمه)....
وتحاتي لك...

[After 8]

أنت ومالك لأبيك ( حديث شريف)
لن ننسى فظل الاب على الابناء وأن لولا الله ثم الوالدين لم يملك هذا الابن النقود اللتي أعطاها والده
وأنا برايي إذا كان هذا الابن بحاجة لهذا المبلغ والورثة ميسورين الحال أن يتم أرجاع المبلغ له من الميراث وذلك من قبل الورثة فالوالد قد توفى والابن لم يأخذ المال ولم يطالب المال من الوالد ولكن من الورثة
وما أعتقد أنه بيكون نكران للجميل لان هذا ورث
أما في حالة أن الورثة ضعاف فالاولى من الابن أن ينسى الموضوع والله بيرزقه



أعتقد أن هذا الرد النموذجى

وعفوا

لا داعى لإدعاء الملائكية

[BURBERRY]

الله يطول بعمر ابوي و ابوكم

افلوووسي حلال ابوي و لو يبي عيوني بعطيه

تعب علي و صرف علي يوم اني صغير ورباني و وصلني للجامعه

و ما راح اطالب بفلوسي الي خذها ابوي من الورث حتى لو كنت محتاج ..

بس انت يالمخلب مادري من وين طلعت هالسؤال الي ولا مره خطر على بالي !!؟؟

[أمير الأسهم]

كنوز الدنيا كلها لا تعني لي شيء عند والدي , أذا كنت أفديهم بعمري فمعقول أبخل عليهم بفلوسي
:strong :strong :strong :strong

[المزواج]

أنا واعيالي ومالي فدى ابوي وامي هم أغلى شئ في هذي الدنيا الله يبارك فيهم ويعطيهم طولة العمر

[ضوى]

اعطي سلف لابوي ؟؟؟؟ ليش ؟؟ وهو يامر على اللي عندي كله ؟؟؟؟

طبعا لا ما اطالب لا بحياته ولا بعد موته ، انا كلي لابوي وكل ما املك ما يسوى دوسة ريوله ولا يسوى دعوة واحدة من دعواته لي كل صبح( الله يرحمه والله يغفر له ويوسع قبره ويسكنه جنته )اللهم امين امين

[الجزائري]

اكيد بعطيه بفائده مضاعفه دبل يعني , واخليه يوقع شيكات:deal: ويجيب كفيل قطري بشيك ضمان .

ههههههههه:dance :dance هههههههههههه

اكيد بمزح عمري كله ملكه

[ريان]

الــسلام عليــكم

في حديث للرسول صلى الله عليه وسلم

يقول فيه ( أنت ومالك لأبيك )

كيف اطالبه ؟ ولو طالبني بكل ماصرفه علي كم ادفع ؟

اللهم ارزقني البر بوالدي ورحمهما كما ربياني صغيرا

[halcrow]

الكثير يدعي المثاليه ولكن انا براي لو كان الورث كبير واخواني ميسوره حالهم ...مايمنع اني اطالب بحقي....وكيد الاخوان مفروض يتفهمون هالشي لانه خذو جزء مهب لهم وفي هذه الحاله مافيها اي اجحاد للوالدين

[qatar_moon]

السلام عليكم

الموضوع واضح من عنوانه ..

شخص مسلف ابوه مبلغ من المال ! ..

الوالد وعد الولد انه يرجعله المبلغ بالقريب العاجل ..

ولكن - شاء الله وماشاء فعل - قبض الله روحه وتوفاه قبل ان يسدد دينه لولده ! ..

هنا السؤال :

هل تسامح ابوك على السلف الي سلفته اياه .. ؟

او

انك تطالب برد السلفيه (الاموال ) والمشاركه في الورث الذي تركه الوالد ( ولو كان بسيط ! ) ؟ .

وهل ترى انه من حقك ( ان كان جوابك نعم ؟ ) ..

ام تراه نوع من انواع الجحود بالبر بالوالدين ! .. ؟

مع العلم ان الشخص ( الابن ! ) محتاج هذه الاموال لضروف مُلزمه ! ..

شوف الجواب يعتمد على حالة الشخص

مثلا اذا الشخص مب محتاج ماله داعي

اما اذا الشخص محتاج وظروفه جدا تعبانه ...بعد شيسوي

واعتقد لو ابوه عايش ماظن بيرضى يشوف ولده محتاج ومايعرف شيسوي

[السهم الذهبي 2007]

نوع من انواع الجحود بالبر بالوالدين !
يعطيك العافيه

[simsim1963]

طبعا بسلفه بس بشرط يرجعها بربح واذا توفى بأطالب الورثه يعطوني حقي مقي

[ذوق]

طبعا بسلفه بس بشرط يرجعها بربح واذا توفى بأطالب الورثه يعطوني حقي مقي


:looking: :looking: :looking: :looking: :looking: :looking:

حد يطلب الربا..؟؟ :looking:

[ذوق]

شوف الجواب يعتمد على حالة الشخص

مثلا اذا الشخص مب محتاج ماله داعي

اما اذا الشخص محتاج وظروفه جدا تعبانه ...بعد شيسوي

واعتقد لو ابوه عايش ماظن بيرضى يشوف ولده محتاج ومايعرف شيسوي

أتفق معااااااااااج لأخر نقطة ;)

[الفـــارسه]

ابوي لو يطلب عيوني عطيته يفداه المال والحلال ولو أطر ما اطلب بفلوسي عقب موته

الله يطول بعمر ابوي ويخليه لنا ولا يحتاج لي ولا لحد غيري

[miss-qatr]

الــسلام عليــكم

في حديث للرسول يقول فيه ( أنت ومالك لأبيك )

ماله حق عند أبوه

والله يعوض على صاحبك


انا مع الاخ راشد

الله يرحم موتانا وموتى المسلمين

[المخلب]

أشكركم .. وعلى العموم هناك قصه مشابهه ولكن لرجل رافع قضيه على ابوه !!! وهو حي ولم يمت حتى الان ! .. والسبب انه مسلف ابوه ويبي يرد فلوسه ! .

ان لله وانا اليه راجعون ..

شكرا لكم .

[qatar_moon]

أشكركم .. وعلى العموم هناك قصه مشابهه ولكن لرجل رافع قضيه على ابوه !!! وهو حي ولم يمت حتى الان ! .. والسبب انه مسلف ابوه ويبي يرد فلوسه ! .

ان لله وانا اليه راجعون ..

شكرا لكم .

لا حول ولاقوة الا بالله

طبعا هذا اكبر غلط

بس تدري

احيانا تربيت الاب تفرض هالشي

تعرف في ناس مايدرون عن اباهاتهم ولايقعدون معاهم الا كل شهر ولا شهرين مره

ومافيه اي تواصل

وين يصير الحب

مهما كان بيحس ان ابوه غريب

وفي قصص غيرها اكبر

وغير عدم العدل بين الابناء

ترى اذا الاب حب عياله واهتم فيهم ان شاء الله لين كبروا بيردون له الحب والاهتمام

والي مايدري عن عياله

شلون تبون العيال يدرون عنه

[الزاجل]

هلا بو المخاليب ..

لو سلفت ابوي الله يعطيه الصحة والعافية ورضا رب العالمين
وصار ان ربنا خذ أمانته .. اول شي اشوف وضع امي وخواتي
فإذا ظروفهم بتكون ميسورة لو طالبت بالسلف
راح اطالب بالفلوس على اساس انها كانت سلف ..

اما اذا وضع اخواني وخواتي كان حرج
راح اتنازل عن نصيبي لهم وان كنت محتاج وظروفي صعبة
و راح اسامح ابوي عن الدين ..
اصلا لو ابوي ظروفه صعبة راح اسامحه
في حياته مب في مماته حتى ..

الوالد طول عمره ولله الحمد علمنا نعطي اكثر مما ناخذ
ولكن اذا الظروف اوكي وميسورة مافيها شي اطالب بحقي
لان ربنا سبحانه وتعالى حق وما يرضى الا بالحق.