تسجيل الدخول

مشاهدة النسخة كاملة : سؤال ... يبغي له إجابه ... سريعه !: " شلون اطلع من بريطانيا لفرنسا واروح ديزني لاند"


المخلب
20-07-2007, 06:43 PM
السلام عليكم

ابي اروح من بريطانيا لـ فرنسا بالبر

وشو اسهل طريقه ! وارخص طريقه !

ومن فرنسا نفسها شلون اروح لديزني لاند ( مابي اتوهق ماعرف فرنسي ! ) وارد بريطانيا في نفس اليوم ! ؟ وان ما قدرت ارد وين احسن مكان اجلس فيه ليومين وارد لبريطانيا ؟

لاني بكل امانه ماطبيت فرنسا !

نسمع ردكم
وطن
20-07-2007, 06:49 PM
المخلب
اذا انت للحين بالبلاد في محل سفريات "قطر تورست" في راس بو عبود
تشتري منه تذكرة اليورو ستار "القطار"

من لندن من المحطة لين ديزني دايركت
ينزلك القطار في ديزني بالضبط
بس تأكد وانت تحجز التذكرة انه على محطة ديزني لان في محطات وايد وممكن يكون في تحويل

هذا اسهل شي

وبالنسبة للسكن
عندك فنادق ديزني وايد
احجز من السفريات او من النت مباشرة من موقع ديزني
او موقع اكسبيديا

وان شاء الله تتوفق وتلاقي حجوزات

:)
التيما
20-07-2007, 06:56 PM
المخلب
اذا انت للحين بالبلاد في محل سفريات "قطر تورست" في راس بو عبود
تشتري منه تذكرة اليورو ستار "القطار"

من لندن من المحطة لين ديزني دايركتينزلك القطار في ديزني بالضبط
بس تأكد وانت تحجز التذكرة انه على محطة ديزني لان في محطات وايد وممكن يكون في تحويل

هذا اسهل شي

وبالنسبة للسكن
عندك فنادق ديزني وايد
احجز من السفريات او من النت مباشرة من موقع ديزني
او موقع اكسبيديا

وان شاء الله تتوفق وتلاقي حجوزات

:)


:app: :app: قالت لك الخلاصه .. بس ممكن بعد عن طريق اي سفريات ثانيه مثل ريجنسي .. اريح لك من هني
رياني1212
20-07-2007, 07:51 PM
اذا وصلت لندن ورتحت احجز من هناك اريح لك عشان ما تلتزم بوقت معين
المخلب
21-07-2007, 04:50 PM
تسلمون .. بس مثل ماقال رياني ! .. ابي احجز بكيفي انا !! يعني ممكن اني اروح ! وممكن لاء ! علشان كذا تنصحوني من هناك ؟ وبكم التكت للقطار ؟

بس بسأل ! فيزه فرنسا كم يوم علشان تطلع ؟
وطن
21-07-2007, 05:52 PM
فيزا فرنسا يمكن تاخذ لها اسبوع
وما يعطونك اياها اذا ما عندك حجز فندق وعودة قطار او طيارة

وتقدر اكيد طبعا تحجز من هناك

وفي موقع خاص حق اليورو ستار "القطار"
تحجز منه لو تبي
al_lord
21-07-2007, 11:49 PM
خذ لك فيزه شنقل من السفاره الالمانيه تأخذ يومين الى 3
نمر بن عدوان
25-07-2007, 02:14 AM
سو فيزا في الدوحه لفرنسا واي وقت تصنف تطلع من لندن من محطة فيكتوريا فيها القطار السريع الي يوديك لفرنسا تحجز منها وفي القطار بيجيكون على الفيزا والتذكره وتوصل محطة باريس الرئيسيه ومنها اعتقد في قطار يوديك على يورو دزني . بس بصراحه انا انصدمت لما رحت يورو دزني مب مثل دزني لاند كلش واليهال ممكن يستانسون فيها اكثر من لكبار.
آل ملياردير
26-07-2007, 01:03 PM
ياخوي وش تبي في دزني عندك ثورن برك في لندن جديده وكبيره وحلوه وااااجد ياخي روح لها وبعدين لندن أبرد من فرنسا ها اليام .
abo rashid
26-07-2007, 01:49 PM
هلا اخوي

رحت من زمان ما اتذكر التفاصيل

بس من دوفر تركب الفيري و توصل ميناء في فرنسا نسيت اسمه و عقبها تروح باريس ترتاح اليوم الثاني روح دزني لاند خذ تذكره فل عشان تدخل كل العروض و الالعاب
ممكن تشتري التذكره من محل دزني في شارع الشانز
من باريس الى دزني تقريبا ساعه بالسياره من محل تزني بيقولول لك اي شارع تسلك من الطريق الدائري او اذا كنت تاخذ القطار
هذا الوقت بيكون زحمه اطلع بدري

فيه اوقات معينه للعروض

ان شاء الله تستمتع