هل خطر فبالك ......؟؟؟؟ عندك او ماعندك.!!!!

[ملكة البورصة]

حد مر بهالتجربه واللي ما مر هل خطر فبالك....:con2:

مرضت ومحد حولك

صار لك حادث وماقدرت تمشي ..... من بيخدمك

صارت لك مصيبه .... وتبي حد ينقذك او يسلفك او يوقف معاك

ضقت يوم من الايام لان محد متفرغ لك او يسأل عنك

تبي تتمشى , تدش فلم , تسافر بس ماتحصل حد يخاويك

تبي وتبي وتبي بس .............. وين الصاحب

اكيد الله سبحانه مب ناسي عباده والشكوى لغير الله مذله...

بس هل نقدر نعيش بدون الغير ؟؟؟ ولمتى ؟؟؟

اللي عنده حد ربي يدوم عليه النعمه واللي ماعنده ربك الغني والله يكون فعونك

[al_lord]

مستحيل يعيش الانسان بدون اهل او ربع والحمد لله نادر ما يكون هناك شخص كذا فلله الحمد والمنه جميع من اعرف له ربع واهل.

والخير للحين موجود في اهل الديره ولله الحمد ما يصير شي لآي احد من اهل المنطقه الا زاروه كلهم مهما اشغلتهم الدنيا عن التزوار في الايام العاديه والظروف الطبيعيه

[أمة الله]

اي والله فكرت ومازلت أفكر بهالشيء...لا سمح الله لو حصل شي....منو بيعابلني....صحيح هلي الله يخليهم لي بيكونون معاي أكيد بس الله لا يحوجني لحد والله يعطيني الصحه والعافيه لين آخر عمري عشان عمري ما أثقّل على أحد ان شاء الله

[البركان]

انا سافرت الى بلغاريا لوحدى ومرضت وقعدت بالشقه لمدة 4 ايام ماعندى احد كله نوم ومااقدر

اتحرك وبصراحه من عقب هالموقف حرمت اسافر لوحدى


تخيلى 4 ايام جالس بروحى بالشقه والحراره ترتفع وتنزل وموقادر اسوى شئ

لكن الحمد لله تسهلت الامور

[shrook]

الجنه بلا ناس ما بتنداس

[امل الحب]

كلهم فيهم الخير والبركة..

[التيما]

للاسف فعلا انا من الاشخاص لو ضقت مالقيت حد :eek3: :eek3:

[أمير الأسهم]

الحمدلله ربنا رزقني بنعم الاصحاب والاحباب وما يقصرون لو احتجت شي

[M-OH-A-ME-D]

الموت مع الجماعه رحمه

[ملكة البورصة]

شاكرة لكم ردودكم..

فعلا في ناس الله يدوم عليها النعمه والالفه بين بعض... لكن في بعض الاحوال الدنيا دواره ومثلما اخوي البركان صار له موقف الله لا يرده.. صعب جدا صعب.... بالنهايه هذي كلها اختبار من رب العالمين ويشوف فيها عباده هل بيصبرون وبيدعونه والا بيبكون ويتحسرون.. لانسون الله ربكم يسبب الاسباب بس عشان الانسان يدعيه ويلجا له .. فسبحانك يارب... ونحمدك على كل شيء..