الفزعة ياهل إيطاليا

[المجد]

أخواني وأخواتي السلام عليكم ورحمة الله وبركاتة
أحتاج مساعدتكم..أنا ناوي بأذن الله أسافر بعد رمضان مباشرة أسافر لمدينة روما وفلورنسا في إيطاليا وبعدين أسافر لمدينة كان الفرنسية وبعدين أروح باريس وعقب أرجع الدوحة...أبي أجلس في روما 4 أيام وفلورنسا 4 أيام ومدينة كان 4 أيام وباقي 18 باريس لأن إجازتي مدتها شهر المطلوب أبي المحترفين الباخسين في هذي المناطق يتكتكون لي الرحلة من حيث المطارات مثلا هل ابتدي بفلورنسا او روما بعدين أبي شورهم في إيطاليا لأني رايح للتسوق يعني شنهي اشهر مناطق التسوق فيهم وأبي أعرف الفنادق الكشخة اللي تكون في منطقة السوق والحقيقة انا أحتاج معلومات عن روما وفلورنسا أكثر شي وكم يبعدون عن بعض في الطيارة وهكذا .........شاكر مقدمآ من الأعماق لكل من سوف يشاركني ويساعدني وجزاة من الف خير وشكر.......تحياتي

[الجزائري]

بس كل الى بقدر افيدك فيه احذر من اهل روما .......... يهود اوربا بتصروفاتهم

وتروح وترجع بسلامه

[المجد]

بس كل الى بقدر افيدك فيه احذر من اهل روما .......... يهود اوربا بتصروفاتهم

وتروح وترجع بسلامه
مافهمت:confused: :confused: ياريت توضح

[راعي ال2008 الاسود]

يقصد احذر من الايطاليين




لانهم يهود بتصرفاتهم مع المسلمين





وبس حبيت اوضح لك وجهة نظرة

[SULTAN1]

بالعكس روما من اجمل المدن وخاصه في الفترة اللى بتزورها ،افضل الفنادق اذا انت تبي تدفع عليك بالسانت ريجيس او الاكسلسيور او الماريوت وكلهم على فيا فينتو ، فلورنس تبعد عن روما حوالي اربع ساعات بالسيارة او بالقطار،بس نصيحة روح فينس احسن لك ،ومنها اطلع ميلان بالسيارة تقريبا ثلاث ساعات ونصف ز الشعب الايطالي مب مثل ما قالوا بعض الاخوان ،تعتبرة شرقي اكثر منه اوروبي .اتمنى ان افدتك

[باريس]

الأخوان ماجاوبوا الأخ على أسئلتة

[المجد]

لين هالدرجة سؤالي صعب

[Muslim Investor]

مرحبا..

بصراحة ما عندي أجوبة لكل أسئلتك .. لكن بخصوص روما أنا زرتها شهر 2 اللي طاف .. وسكنت في فندق: Boscolo Exedra Hotel Rome

سعر الفندق في شهر 2 كان تقريبا 1200 ريال لليلة.

أما موقعه .. فهو قريب من مجموعة كنائس أثرية مهمة في روما ، ويبعد عن محطة القطارات الرئيسية في روما 3 دقايق مشي على الأقدام . يعني لو كنت تبتي تنتقل بين المدن بالقطارات فهذا أحسن فندق لك . لكن منطقة الأسواق والمحلات، فتحتاج انك تروح لها بقطار مترو الأنفاق. والمترو مدخله من الفندق نفسه. يعني من ساحة الفندق تنزل لمترو الأنفاق.

وإذا حاب تعرف أكثر عن روما أنا حاضر.

تحيتي

[ahn]

يعتمد انت رايح سياحه او تسوق ترى روما مو زيادره ميلان وفينس احلى منها والاحلى سردينيا وباريس اكثر من اسبوع ما تحتاج روح ميونخ واستاجر سياره واطلع منها على قارمش وانسبروك وسالسبورق وزلامسي طبيعه ولااحلى منها واقترح انك تسافر دوحه باريس وتاخذ القطار من باريس الى ستراسبورق (مدينه فرنسيه) على حدود المانيا جهة شتتات قورت ومنها في القطار الى ميونخ وبعد رحلة ميونخ ترجع روما وميلان وبعدهم الدوحه وتكون الرحله اقل من 5 ساعات وسفر سعيد

[المجد]

كل الشكر للأخوان اللي شاركوني بمشاركاتهم وماقصرتوا