خلل في احد المواقع

[وطن]

بس أبي اقول لكم عن تجربتي
وابي تفسير منطقي من الخبراء بليز
من باب العلم بالشيء "يعني ابي اتثقف في هالجزء يمكن في شي غايب عني ما اعرفه"



من امس احاول ادخل على أحد المواقع عشان اسوي طلب "order"
الموقع شغال عادي
بس لما اجي اسوي Checkout
يعطيني ان في ايروو في الصفحة
تعقدت طول النهار اجرب ومو راضي

المهم
اليوم من الشغل خلصت موضوع طلبيتي

جيت البيت قلت الا اجرب ادش الموقع مره ثانية

وحاولت اسوي تشيك اوت
يعطيني نفس الشي ايروو !!!

يه شالسالفة

سويت دليت للكوكيز ولكل الانترنت تيمروري فايلز
صار الموقع مايفتح خير شر
ويفتح في كل اجهزة البيت الا انا

:anger1:



الحين جربت

فصلت الخط من كيوتل
ورجعت شبكت

على طول فتح الموقع
وقدرت اسوي تشيك اوت بعد !!!

يعني شالسالفة

ابي تفسير منطقي omen

[فريق أول]

ما هو الموقع ؟

[وطن]

احطه هني الموقع ؟!

موقع شوبينغ

[بنت الزعيم]

حتى انا نفس الشي
موقع ادخل فيه من الدوام
لكني ما اقدر ادخل فيه من البيت وتطلع لي صفحه بيضا مكتوب فيها
Network Error (tcp_error)


A communication error occurred: "Operation timed out"
The Web Server may be down, too busy, or experiencing other problems preventing it from responding to requests. You may wish to try again at a later time.

For assistance, contact your network support team.

[وطن]

عيل سوي مثلي
افصلي الكونيكشن من كيوتل
ورجعي شبكي

[بنت الزعيم]

عيل سوي مثلي
افصلي الكونيكشن من كيوتل
ورجعي شبكي
افص الوايرات بعد ولا بس اعمل disconniction?

[وطن]

لا ما يحتاج تفصلين الوايرات
انا سويت ديس كونيكت من السيتينغ مال الواير ليس وانا قاعده مكاني

والواير ليس الرئيسي تحت :)

اذا انتي شابكه من جهاز كيوتل
فصلي الكونيكشن عن طريق الكمبيوتر وردي شبكي
وجربي

واذا نجحت الطريقة
نبي تفسير منطقي من الخبراااااااااء

:(

[بنت الزعيم]

سويت ريستارت ولا فيه فايده :(

[وطن]

انا لما سويت ريستارت ما ضبط
فصلت خط كيوتل نفسه
ورجعت شبكت
لانه اساسا ما يفصل مع ريستارت الجهاز

[eXpert*]

اغلب الظن لازم تسوي رفريش للموقع لانه النسخة المعروضة تكون نسخة مخزنة على الجهاز .

انا من اسبوع صار فيني نفس الموقف راسلت الموقع خبروني انهم يعلمون تحديث للموقع وقالي جرب بعد يومين وحمدالله سويت شيك اوت .

في امان الله

[وطن]

لا اخوي
انا جربت كذا مره
وسالفة الريفريش اسويها

وللعلم اشتغل من جهازي بالدوام
ومن الاجهزة الثانية بالبيت

الا هالجهاز كان متنح :(

الحمدلله انحلت المشكله يوم قطعت خط كيوتل ورديت شبكت

بس شنو السر؟