استفسار حول السفر الى الصين (غوانزو)

[قطري عصامي]

شباب ،

افكر في السفر الى غوانزو (الصين) ومب عارف مين وين أبدأ،

تكفون لا تبخلون علي بأي معلومه ،
ابي اعرف خط سير الرحله ،
اسماء الفنادق؟
واذا عندكم بعد مترجم بتذكرونه لي اتسوون خير

[هاجن داز]

جاري البحث لك عن معلومات

[هاجن داز]

اسماء وارقام المترجمين في الصين

عبدالله 13178825576 0086
اسماعيل 13724073107 0086

الاخ مالك الصينى خريج المدينة النبوية وهو ثقة احسبة والله حسيبة كما توقعنا منة الامانة والاخلاص 008613711349064

علي الصيني .. غوانزهوا .. وللأمانة الأخ أمين وحريص جدا ..
008613725241150

مكتب جيد لأخ صيني مسلم في مدينة كونزو
المكتب يأخذ 5% وعنده مترجمين مسلمين عربي وانجليزي
المكتب تعاملت معهم منذ خمس سنوات وكان تعاملهم واضح وجيد وهم خدومين جدا

رقم علي / 008613710613959
رقم عيسى / 008613794434450
رقم المكتب / 0082083582646
رقم الفاكس / 00862083598484

هذا رقم مترجمة صينية مسلمة تدعى حليمة

13725252404

بصراحة من افضل المترجمين اللي عرفتهم في قوانزو ..

خبرة بالاسواق والمصانع والمعارض والمواصلات بجميع انواعها ..

تتحدث انجليزي وعربي وأوردو.. وصيني طبعا ً

وهي ثقه والله اعلم ..

أجرتها 200 رممبي في اليوم .. وانت وشطارتك في المكاسرة

للامانه منقول من العرب المسافرون

[(ريم الفلا)]

ماشاء الله

معلومات ما احد يتوقعها

موفقين

[@الفجر@]

الله يعطيكم العافيه

[قطري عصامي]

مشكور اخوي هاجن داز

وين الشباب اللي راحوا
نبي نسمع من اهل الخبره
نبي وصف لخط سير رحلتهم من الدوحه الى غوانزواا

شدوا حيلكم شبااااااااااااااااااااااااااب

[قطري عصامي]

للرفع يا شباب

[abo rashid]

حسب المعلومات اللى عندي

تطلع على هونج كونج و بعدها تطلع بالسياره بالقطار بالطياره لانها قريبه
هونج كونج الفيزا من المطار

الصين من هنا في السفاره

[قطري عصامي]

حسب المعلومات اللى عندي

تطلع على هونج كونج و بعدها تطلع بالسياره بالقطار بالطياره لانها قريبه
هونج كونج الفيزا من المطار

الصين من هنا في السفاره


مشكور اخوي ابو راشد ، بس ممكن اتقول لي كم المده المستغرق بالسياره؟بالقطار؟بالطياره؟ وكم الثمن لكل منها؟؟؟؟

وشاكر مرورك


للرفع شباب

[abo rashid]

مشكور اخوي ابو راشد ، بس ممكن اتقول لي كم المده المستغرق بالسياره؟بالقطار؟بالطياره؟ وكم الثمن لكل منها؟؟؟؟

وشاكر مرورك


للرفع شباب

و الله يا اخوي ما ادري بكم

هي مو بعيده

بالطيارة ممكن ساعه

[قطري عصامي]

و الله يا اخوي ما ادري بكم

هي مو بعيده

بالطيارة ممكن ساعه

غريبه اخوي ابو راشد مشاركتك السابقه تقول كأنك رايح لها ، والحين اتقول ما تدري بكم ، امرك غريب؟؟؟!!!!!!!!!!!!!!!!!!!

[رياني1212]

غريبه اخوي ابو راشد مشاركتك السابقه تقول كأنك رايح لها ، والحين اتقول ما تدري بكم ، امرك غريب؟؟؟!!!!!!!!!!!!!!!!!!!
الاخ قطري عصامي=== الاخ ابو راشد ما قال انه راح قال حسب معلوماتي وهناك فرق لان الرجل ما تفلسف وقال انا رحت وارجو منك قراءة رد ابوراشد بتمعن

[قطري عصامي]

الاخ قطري عصامي=== الاخ ابو راشد ما قال انه راح قال حسب معلوماتي وهناك فرق لان الرجل ما تفلسف وقال انا رحت وارجو منك قراءة رد ابوراشد بتمعن


وانت اش مزعلك يعني ؟؟ انت محامي عن ابو راشد ؟؟

انا ما غلطت على الرجال ، وبعدين هو يرد اذا انا غلطان ، انت اش ملقفك؟؟؟؟

[حنان الدنيا]

نصيحه اخوي روح بالقطار وماياخذ وقت كثير تقريبا ساعتين الا
والسعر بعملتهم تقريبا 290 رمبي

وبصراحه منطقه وايد حلووووه وانصحك تروح شارع بيجيلوا او بكين

[قطري عصامي]

نصيحه اخوي روح بالقطار وماياخذ وقت كثير تقريبا ساعتين الا
والسعر بعملتهم تقريبا 290 رمبي

وبصراحه منطقه وايد حلووووه وانصحك تروح شارع بيجيلوا او بكين

اشكرك (اخوي/اختي) حنان الدنيا

ما قصرت،
بس الشارع ذيه في غوازنو؟؟؟؟

290 رومبي كم بالقطري

وشاكر مرورك

[التيما]

اخوي قطري انا توني راده من هناك شوف .. انت بتروح عن طريق هونج كونج وهاذي ما يبيلها فيزه .. بس غوانزوا في الصين لازم تتطلع فيزا زياره من سفاره الصين هني وتاخذ لها يوم ب145 ريال اعتقد او اسبوع 120 ريال لين تطلع من السفاره ولمده شهر وفيزه زياره مره وحده يعني لو رحت الصين وطلعت ما تدخل الا بفيزه ثانيه الا اذا بلغت السفاره انك تبي زيارتين .. ولمن توصل هونج كونج اذا تبي طريقه الباص في باص يوديك من المطار لين محطه الباصات الرئيسيه ومنها مباشره تنزل وتدخل محطه الجوازات عشان يشيكون على فيزه الصين ومنها بيجونك تبع الباص الثاني وبيعرفونك من استكيرز بيعطونك ياه ومنها تقولهم بتروح تشاينا هوتيل لو تبي وعلى طول لغوانزوا ولا تحاتي شي ,, وجدام المحطه الرئيسيه مباشره في فندق خمس نجوم اسمه شاينا هوتيل والاحسن تحجز من هناك لانه ارخص اعتقد الغرفه اطلعت علينا لشخصين اربع ايام 1000 ريال وزياده شوي .. .. اما اذا عن طريق القطار .. عليك انك تاخذ تاكسي من المطار بحوالي 250 دولار هونكجي حوالي 125 ريال وحسب الشنط اللي معاك يفرق السعر اذا شنط اكثر من 2 بيزيد عليك السعر ليش مادري .. والتاكسي بيوديك لمحطه القطارات وهي فخمه ومريحه ومنها لغوانزو مباشره .. بس لين وصلت محطه القطارات في غوانزوا بتتوهق لانك ماراح تعرف تفهمهم اي فندق عندك لانهم للاسف ما يعرفون ولا يتكلمون الا بالصيني واسالني انا تعبت من هالموضوع وااايد وكرهت البلد بهالسبه وحطيت عليها اكس .. وفي بالطايره تحجز من هني الدوحه هونج كونج غوانزو هونج كونج الدوحه .. بس رايي الباص اريح صج تعب ساعتين ونص تقريبا بس اريح لك مباشره امام فندق شاينا هوتيل وعند هالفندق في مطاعم عربيه وااايد .. الاسواق هناك لازم مترجم عشان تتفاهم معاهم والمشكله مو بالتفاهم المشكله شلون تفهمهم انك تبي السوق الفلاني لان الاسواق هناك فيها تخصص يعني في سوق للشنط وسوق للهواتف وسوق للجلود وتواليك وكل سوق عباره عن مجمع بكبره ياخذ منك يوم كامل .. والاسواق هناك تسكر عالست بالضبط اذا مو قبل وتفتح تسع ونص الصبح ..

اذا في اي سؤال انا حاضره .. والله يكون بعونك .. ياريت تقولي متى بتسافر وانا بحاول اجمع لك كل البطاقات اللي عندي للفندق والاسواق وبعطيك ياها لو حاب .. بس لازم مترجم .. انا تعبت من غير مترجم .. كان عندي ورقه بالصيني فيها اسامي الاسواق وبعد تلعوزت لانهم ما يعرفون يقرون ومنهم يقول الحجي مو مفهوم ؟؟؟ شلون مادري .. نصيحه في مطعم احذا الفندق عربي اسالهم عن مكان ومكاتب المترجمين ونصيحه لا تاخذ اخوان عرب واعفوني ماراح اقول ليش احتراما للكل .. بس هاي عن تجربه

[التيما]

اشكرك (اخوي/اختي) حنان الدنيا

ما قصرت،
بس الشارع ذيه في غوازنو؟؟؟؟

290 رومبي كم بالقطري

وشاكر مرورك
اخوي الاخت حنان تقصد شارع " بيجين لو " .. بيجين = بيكين ,, ولو = شارع و هم ينطقونه بيجين لو .. هالشارع للمشاه وحلو صج واسعاره وااااااااايد حلوه وفيه كل شي خاصه بالليل يستوي واايد حلو انا صراحه استانست في هالشارع ..

وعملتهم اخوي 100 ريمبي او وان = 50 ريال قطري

وخذ معاك دولارات تحمل قطري بتروح بشربه ميه ... دولارات ولمن تصرفهم في الصين اصرفهم عن طريق البنك ولازم تاخذ جوازك معاك عشان يصرفونها لك .. في صراف آلي بس بينحسب عليك فلوس زياده .. الدولارات احسن وفي احذا تشاينا هوتيل بنك كله فاضي مافيه زحمه .. عكس الفروع الثانيه

واذا حاب شقق فندقيه بس بعيده حوالي نص ساعه بالتاكسي ولا بيكلف عليك التاكسي هناك واااااااااايد رخيص وااااااااااايد عندك هالشقق فايف ستار.. لازم تاخذ الاسم بالانجليزي والصيني عشان توصل

new pearl river international apartment
No. 795 Bingjiang East Road, Guangzhou
广州新珠江国际公寓
广州市滨江东路795号
China Hotels Reservation Hotline
Tel:(8621) 6322 3855
Fax:(8621) 6360 0967
Contact person:june

[قطري عصامي]

ما قصرتي اختي التيما ، يعطيك العافيه ، بس صراحه افتر راسي من الطريق اللي وصفتيه لي :)

زين ممكن ترسلين لي عناوين مترجمين ،

سؤال انتي كم مره رايحه غوانزوا؟؟