شركة ماليزيه نصبت علينا

[مليونيره]

السلام عليكم
انا حبيت اسألكم هو صج في شركة ماليزيه نصبت على القطرين الي مأجرين تريلات ؟؟ صوب جسر المحبه مازال العمل عليه
وصحيح انهم مادفعو اجارات؟
حبيت اتأكد للضروره

[بوحارب]

:looking: :looking: :looking:

[مجروح ومسلسل]

والله علمي علمج بس سمعت ان في شركات كثيره وهميه طلعت في الاونه الاخيره ولعبت في المواطنين لعب

[كاتم المواجع]

نعم فيه شركه طلبت " تريلات بايجار سنتين مقدم" بكميات كبيره0000
واخذت صوره من الاستماره لتقديم على مناقصه000 واخذت المناقصه وقالت لنا سيارتكم ماتصلح بعد اسبوع000 وانا من المتضررين من هذه الحركه ولكن لاحياه لمن تنادي000 وليس لدينا حمايه000

[V.I.P_QATAR]

والله ياخوي ترى في شغل بس اهم شيء انك ماترمي اتريلتك على اي شركه ياخي دور ياكثر الي اماجرين التريلات انشد اي واحد منهم قوله هل استلمتم افلوس التريلا وعقب دخل التريلتك ونا افضل اذا كان السائق على كفالتي مومشكله اذا حتى الخراب كان على بس اهم شيء اني انا الي اشوف الخراب موب اعطيه اي واحد ايركبلي التجاري وعقب اعود اقعد اركب الاصلي يعني الي خذيته برده في التريلا هذا حرام

[الدبلومااسي]

صحيح كلامك ولي يسائل مايتوه وموفقين

[كاتم المواجع]

يعطيكم العافيه0000

[تراثكم]

يالله سترك
هل قطر مب مستحملين نصب زياده

[RE-Qatar]

لاحول ولا قوة الا بالله
والله ياجماعه موضوع التريلات خلى الناس تستخف ، وعلى فكره في فئه معينه هي اللي مسيطره على التريلات في الدوحه ، وعليهم نصب والله عيني عينك .
بس انا اقول لاي واحد لازم يتأكد من الشركه ، هل هي وهميه ولا لا ؟ويسأل على اسمها في قسم الشيكات في مركز العاصمه اذا لها سوابق شيكات .ويشوف عقود الشركه اللي ماختها(المشاريع) ، مب تآخذها منك واتروح اتأجرها بالباطن .