اذ المستاجر مادفع ايش تسوي؟؟

[ملكة البورصة]

اتمنى حد يفيدني بموضوع...

اذ انت المالك واجرت الفيلا ووقعت عقد ومعاك شيكات وكل شي تمام

بعد كم شهر جاك المستأجر وقالي مابي ادفع ابي اطلع من البيت لسبب غير مقنع ...

ايش تسوي فهالحاله.... تشتكي عليه ... تسوي عليه حضر سفر... تودي شيكاته العاصمه..

نورونا من جهه قانونيه:deal:

[أبو رماح]

تودين الشيكات العاصمه واهم بيحوسنه لج :app:
واذا ماسوولج شي اطلبي الفزعه وجاهزين للأكشن :strong :dance

[ملكة البورصة]

اوكي تسلم لي اخوي انتوا بس جهزوا العصي المملحه والعقل :)

[كوكب]

انا حصلت معاي نفس المشكلة ولكن بدون شيكات كان المستأجر ما يدفع الايجار الا بطلعة الروح رحت اشتكيت عليه في المحكمة الجزئية اللي في السد وبعد جلسات وخمس شهور من المحاكم حكمت المحكمة لصالحي ودفع الايجار غصبا عليه لاني حجزت على رصيده في البنك ومنعته من السفر هذا باختصار لان السالفه طويلة

[ملكة البورصة]

انزين اروح حق محامي قبل والا على طول اشتكي فالعاصمه

[ابوبشاير]

أختي الكريمة..

الله لا يوصلها للمحاكم بينكم وأنا أشوف الموضوع بسيط بإذن الله ، في هالحالة ممكن تطلبين

منه يجيب مستأجر مكانه وتغيرين العقد معاه أو إنتي تأجرين على واحد ثاني .

أنا بحكم شغلي في العقارات شفت كثير من هالحالات وإنحلت بنفس الطريقة

وطبعا" بعضها توصل للمحاكم . ( الله المستعااااااااان ) .

الله يوفقج ويبعدج عن المحاكم ؛

[ملكة البورصة]

الف الف الف شكر اخوي ابو بشاير ... المشكله محد يبي يدش محاكم بس ساعات يجبرونك

وان شاء الله بالتفاهم كل شي ينحل ... ادعي لي

[ابوبشاير]

الله يستر عليج ؛

[الخبير العقاري]

رأيي من رأي الأخ ابو بشاير.

المشاكل مافيها خير

وممكن ربك يوفقك وتحصلين سعر أكثر


بالتوفيق

[رحال]

هل الأيام لاتزعلين على المأجر اللي راح يمكن الجاي يدفع أغلى وأبرك !!!

مدام كان ملتزم بدفع الأجار للفترة الماضية وظروفة أجبرته لترك العقار

المستأجر اللي بعده بيكمل الأجار وأمورج طيبة والى الأحسن ان شاء الله !!!

وربك حليـــــــــم على عباده ، فخلي نفسك مكانه !!!

[ملكة البورصة]

ان شاء الله خير والف الف شكر.... بس وينه هالمستأجر

[طويل النفس]

انا بعد من رآي ابو بشار ومكتب عقار

واضن انه صريح ... ولا يقدر يكمل (يخاف يقصر)

((الهون احسن ما يكون))