حاسبوا لايخدعونكم بعض الوكلاء ؟؟

[Bin Hood]

السلام عليكم ورحمة الله وبركاته

قبل اربع شهور كنت في السيتي سنتر اللي في دبي , ودخلت وكيل الدنهل وسألته عن ساعة

معينه قال لي سعرها 10 الاف درهم اماراتي وبعد الخصم 8800 درهم . وقبل شهر بعد رحت

حق نفس الوكيل وسالته عن نفس الساعه وعطاني نفس السعر 8800 درهم . عاد اليوم توني

ياي من مجمع السيف في البحرين ودخلت عند وكيل الدنهل وسألته عن نفس الساعه شفت سعرها 1500

دينار بحريني , ومكتوب على الساعه السعر بس سألته من باب اني اتأكد من السعر .

شقتوا شلون الفرق اكثر من 520 دينار تقريبا 5000 ريال قطري !!

معنى المفروض ان السعر يكون موحد !!

[زعيم البورصة]

وضح اكثر

[Mishaal]

مسألة ضمير...

وعقابهم عند الله.

[Bin Hood]

مشكور اخوي زعيم البورصة على الرد , ان شاء الله الحين توضح الامر


مسألة ضمير...

وعقابهم عند الله.

اخوي انا من الناحية الشرعية مادري جان اللي سواه حلال والا حرام

بس اللي اشوفه ان المسأله مسألة قناعة بالسعر والله اعلم .

بس انا حبيت اني ابين ان هناك فروق في الاسعار بين الوكلاء في الخليج .

[ذوق]

الله لا يهينك تقدر تشتكي عليه...

واذا مانفعت الشكوى,,,,بسيطه لا تعامل معاه مره ثانيه:d

[دولـة قطـر]

اخي الكريم

اللي نعرفه...ان الماركه العالمية مهما كانت في اي بقعه سعر مايفرق كثير من بلد لبلد

يعني لو زاد ب1000 او نقص 1000 المعادله عادله

وكثير من الماركات العالمية وبحكم تجربه السعر شبه ثابت

واللي تقوله عجيب(الفتره شهر) قصيره جدا

والسعر يختلف كثير

فعلا شي محيير

[المهاجره]

صرنا ذيابه كل واحد ينهم الثاني

كل تاجر محاسب يوم القيامة على كل فلس جناه

[وطن]

أسهل شي الواحد يشتري من بره
ولا يطلب اللي يبيه من النت

لان فرق الأسعار عجيب الصراحة !!!

[" روح قطر "]

بس يأخوان يمكن فية فرق
في الأجارات ورواتب العمال
لاتنسون انها محسوية على الزبون
وتنسون أن الأجارات والعقارتختلف من بلد لبلد ومن مجمع لمجمع
يعني تأكدو من هذا قبل ماتتعنون وتشترون من عندهم
شكلها <<<<<<<<<<<<<<<<<<<<<<<،،طلعت :)) أم الزين صاحبة المحل :)،،

[" روح قطر "]

مشكور أخوى على التنبية
والله يجعلها في ميزان حسناتك

[مجروح ومسلسل]

ابشرج ان اغلب والوكلات سواء شنو نوعها وخصوصا الشرق الاوسط تلقينه ناااار
اما لما تروحين للمصنع نفسه او المقر الرئيسي لو كان في الخارج تلقينه ارخص
هنيه الخليج خلاص قالوا ناس بتدفع يزيدون دبل الدبلات

[Bin Hood]

اشكر الجميع على المرور وابداء الرأي

[Mariam]

يمكن مب أصلية ؟

[Bin Hood]

يمكن مب أصلية ؟

اختي الاثنين وكلاء

الاول في دبي وسعره 8800 درهم

والثاني في البحرين وسعره 1500 دينار

[fandi]

لازم تتاكد قبل لا تشتري وشوف البضاعة في الدوحه كم سعرها وبعدين فاضل بينها وترى التجارة شطارة يبيع لك ب8000 وغيرك 12000 وهم بعد غيرك 4000 ويطلع قيمة الساعات منكم بطريقة حلوة

[بوخالد2]

لا اخوى انا مثلك سالت عن الشي هذا

وقالى كل دوله ولها سعر بالذات في دول الخليج

قيمة الاجار للمحل وراوتب العمال --- وكل دوله فيها ارتفاعت مب بسيطه في اسعار الاجارات بالذات المحلات في المجمعات وقيمه الاجار

مثل عندك في المنتدى اهنيه اشياء انصدمت منها (( سعر عرض البضاعه غير مبلغ عالى -- ومنتدى ثاني ونفس الموضوع اقل بقيمه 1500 ريال تقريبا )) شفت يمشي على الرواتب الناس وكل دوله يراعون التجار فيها قيمه المعيشه الى عندهم وراتبهم بعد


الله يعين -- يسلمو بن هوود :strong

[BadQatariBoy]

موضوعك حلو يابن هود .. وانا عندي راي في هالسالفه ..
المصدر ( مثلا في هالحاله شركة ألفيرد دنهل البريطانية الاصل والمنشأ ) لما يعطون توكيل حق اي شخص من اي دوله ( بغض النظر عن موقعها الجغرافي , وعن الضرائب المفروضه في هذي الدوله ) يبيعون لهم البضاعه بنفس السعر اللي يبيعونه حق اي وكيل ثاني في اي دوله اخرى ( مايفرق بين اي وكيل والثاني الا 5 % ) ويكون سعر المنتج من المصدر للوكيل تقريبا مابين ال 45% وال 50 % من السعر المطروح من قبل الوكيل .. يعني الساعه اللي تشتريها من الوكيل بعد الخصم يكون سعرها الاصلي من المصدر تقريبا النص ( وترى المصدر مايبيع بضاعته الا لوكلائه المعتمدين حتى اللي بنفس الدوله ) معظم المصادر العالميه ( مثل دنهل ) تمنع الوكلاء المعتمدين من بيع البضاعه بسعر المصدر ( بس مرات قليله في وقت التصفيه او لما الوكاله تكون انأخذت من وكيل الى وكيل اخر من نفس الدوله ) .. فأخوي انا اتوقع ان سعر الساعه من المصدر تقريبا 6000 ريال او اقل .. وكيل الامارات يبيعها ب 8800 ووكيل البحرين يبيعها ب 1500 وكل وكيل ونظرته للسوق والباقي على المستهلك انه يختار ..
انزين ليش نلاقي اماكن او مواقع بالانتر نت تبيع ماركات معتمده وعليها الضمان الدولي بس مايكونون الوكلاء المعتمدين ؟؟ .. الجواب ان معظم هالمحلات تكون اشترت بضاعتها من وكلاء معتمدين بشكل غير رسمي بالجمله وبأسعار قريبه من سعر المصدر ( يعني الربح فيها يكون تقريبا 20% او حتى 10 % ) وتبيعها على الناس بأسعار ارخص من الوكلاء اللي مب مسموح لهم انهم يبيعون بضاعتهم بشكل رسمي بهالاسعار ..

[Bin Hood]

اشكر الجيمع على المرور

كلامكم سليم يا بوخالد و BadQatariBoy معقول جدا