)( الله يرحم أيام أول ,, افتخر بالعنابي ولكن ,,,, )( >> بقلم الذيبه

[ذيبة الريان]

)( الله يرحم أيام أول ,, افتخر بالعنابي ولكن ,,,, )( >> بقلم الذيبه

الســـلام ع ـــليـــكم ,,

اخــواني واخــواتــي في الله ,,

بالنسبه لي " قطر " ماعاد تنطاق نفس أول ,, وتغيرت كثير إلى الأسوأ للأسف الشديد ,,

ولكن هل الحل أني أرمي الجواز وأروح بلد ثاني أو أقعد اتحلطم طول الوقت ...!!!

الجواب هو : لا ,,

أتمنى الجميع يكونون يد واحده ونرجع قطرنا الحبيبة مثل ماكانت قبل,,

قبل دقائق كنت عند أختي أقولها " على قطرنا السلام ",,

ماعاد أطيق الطلعه أبداً ,, صايره بيتوتيه من الزحمه والحشره وغلاء الأسعار وكل شي,,

:eek3:

الفواتير غاليه ,,

السكن غالي ,,

المحلات غاليه ,,

الفنادق غاليه ,,

الأماكن السياحيه غاليه,,

المشكله ما أقدر أعدد وش اللي غالي فيها ..؟

لأن كل شي فيها غالي ,,

يعني عادي بكره يصير الهوا اللي اتنفسه يصير عليه فواتير بعد ..؟؟ :court:

أخوانــــي وأخـــواتي العزيزات ,,

لو كل شخص متضايق من اللي صاير يساهم في 1 % في حملة نرجع قطر مثل أول ,, نقدر خلال فترهـ إن شاءالله نحسن قطر للأفضل ,,

والأفعال دائماً أحسن من الأقوال ,,

تقولون المحلات غاليه ؟

صراحه ماينلامون ,, تقريباً مبلغ مبيعات شهر حتى مايستفيدون منه ,, على طول تسديد الإيجار ,, وكسبهم شي بسيط,,

يعني رسالهـ إلى أصحاب المحلات التجارية والعقارات :

نزلوا أسعاركم ,,

"ارحموا من في الأرض يرحمكم من في السماء"

إذا واحد نزل سعره الناس بتطلبه والكل راح ينزل معاه ,,

صحيح أنه مايكسب مثل قبل ,,

لكن دعاء الناس له بتكون لصالحه ,,

والفلوس تطير بأسبوع ,, ولكن دعاء الناس لك بيفتح لك أبواب رزق ثانيه ,,

............

رسالة إلى الوسطاء :

كونوا وسطاء خـير ,,

الكل مستانس هالفتره لأن زادت طلبات الفلل والشقق هالأيام؟

وأقصد بالكل " جميع أصحاب العقارات والمكاتب والوسطاء"

ولكن مافكرتوا السبب اللي يخلي الطلب يزيد؟

سكان الريان + الناصريه + مناطق أخرى ,,

على بيوتهم إزاله ,,

50% يتامى أو أرامل أو منزل كله نسوان ,,

جاهم النصيب إلى عندهـم ,, وعطوهـم مبالغ أكثر من قيمة البيت والأرض نفسها ,,

وفيه ناس بينطردون من بيوتهم وللحين يدورون ؟

والكل يستغلهم ومغلي عليهم ,,

حرآآآآم ع ــليكم,,

على الأقل إذا انسان مقتدر نزلوا العموله إلى 1 % أو حتى .05% ,,

وإذا عائله محتاجه جد خلوا عمولتكم دعائهم ,,

في كل الحالات أنتوا ربحانين وانتوا في مكانكم ,,

وفي نفس الوقت كسبتوا أجر من الله ثم دعاوي هالناس المسكينه ,,

...........

قبل 5 سنين ويمكن أقل ,,

الكل يشهد بأهل قطر أنهم من أرقى الناس ومايسكنون إلا فلل ,,

الحين شوفوا في الوسيط والمكاتب ,,

عائـــــــــــلات قطريهـ تدور لها شقق؟

بــ 3000 أو 2500 بالشهر ,,

معقوله اللي يصير؟

>>> مايحتاج أطول أكثر من كذا ,, لأني ابي اتكلم بأشياء عديده ,,

...........


إلى أصحاب أرقام الجوالات والسيارات ,,

معقوله يعني تشتري رقم بـ 700 ريال من كيوتل وتبيعهـ بأسعار توصل إلى 100 ألف ..؟؟

crazy

صحيح بتكسب كثــير ,,؟

ولكن الله ماراح يبارك بأموالك ,,

والله أن ريال بالحلال أبرك من مليون بالحرام ,,

أنا ما أقصد أن فلوسكم حرام ابدا ,,

ولكن الكسب الحلال بالتجارهـ هو زيادة الثلث من سعر السلعه نفسها ,,وليس أكثر ,,

والله راح يبارك لك,, وفي كل الحالات أنت/ي اللي مستفيد/ه ,,

.......

رسالـــة إلى كل من يقرأ موضوعــي ,,

كل شخص بيقول في نفسه ليش أغير واللي حولي مايتغير ؟

لكن صدقوني إذا الشخص تغير تدريجياً الناس اللي حوله ,, واللي يسمعون عنه راح يتغيرون ,,

......

مافي أحد الحين يقول "قطر" صارت غاليه ..؟

ولكن القول ماينفع لحاله ,,

وكل إنسان بتصعب عليه يغير دوله بأكملها ولكن قبل مايفكر يغيرها لازم يغير نفسه أول ..!!

والطريقه فوق من خلال رسائلي لكم ,,

أتمنى رسالتي وصلت لكم ,,

وجزاكم الله خير,,

أختكم في الله /
ذيبة الريان

[**قطـــــر**]

جزاااااااااااااج الله خير لإختى ذيبه الريـــــــــان على الموضوووووع..وحبك لدولتنا الحبيبه


إختــــــــــى ذيبه راااااح أكون متابع لموضوعج وراح يكون لى رد على الموضوع بإذن الله تعالى

[a7medooo]

سبحان الله والحمد لله والله اكبر ولا اله الا الله ....

الله يرحم ايام اول

[BadQatariBoy]

أختي الفاضله .. الغلاء مب في قطر وبس .. الغلاء في كل دول العالم .. الله يهداج بس .. حتى افقر دول العالم زادت عندهم اسعار الاراضي والعقار والمنتجات الاستهلاكيه .. بس مسألة الغلاء عامة ماتنحل الا بكسر الاحتكار .. مثلا مسألة الارقام .. ارقام كيوتل .. لو عندنا 3 او 4 شركات اتصالات ثانيه مابتكون الفواتير او اسعار الارقام المميزه بهالشكل .. لو عندنا سوق مفتوح مافيه احتكار لوكالات معينه ( سيارات , ساعات ومجوهرات , مواد بناء , ... الخ ) مابنشوف هالاسعار ..

[غشيم]

الحمدالله يارب على النعمة اللي احنا فيها
كهربا وماي ببلااااااااااش
علاج ببلاااااااااااااش
تعليم ببلااااااااااااش

والأهم من هاي كله
نعمة الأمن اللي احنا فيها نرقد وبيبان بيوتنا امشرعة

شي مستحيل تحصلونه في بلد غير

الله لا يغير علينا

[القطوة]

الحمدالله يارب على النعمة اللي احنا فيها
كهربا وماي ببلااااااااااش
علاج ببلاااااااااااااش
تعليم ببلااااااااااااش

والأهم من هاي كله
نعمة الأمن اللي احنا فيها نرقد وبيبان بيوتنا امشرعة

شي مستحيل تحصلونه في بلد غير

الله لا يغير علينا
بالضبط إلا إن قبل كانت الاسعار رخيصة مع كل ماذكرت...وهذا الشي الوحيد االي تغيير...
والحمدلله على نعمتك...والله يحفظ لنا قطرنا

[وحيد-الشوق]

الحمدالله يارب على النعمة اللي احنا فيها
كهربا وماي ببلااااااااااش
علاج ببلاااااااااااااش
تعليم ببلااااااااااااش

والأهم من هاي كله
نعمة الأمن اللي احنا فيها نرقد وبيبان بيوتنا امشرعة

شي مستحيل تحصلونه في بلد غير

الله لا يغير علينا

سؤال هل راح تدوم هالنعمة علينا كل العالم حاسدينه على الكهرباء والماي

لو تذكرون تصريح وزير الخارجية لما يقول قطر تسعى إلى إزالة مفهوم 'دولة الرعاية' من المواطنين يعني يوم من الايام والله لايقول ان شاء الله راح ندفع فلوس حالنا مثل حال غيرنا

وثاني شيء اشكر الاخت ذيبة الريان على الموضوع الرائع الي يلامس الواقع الي احنا عايشنه
:)

[ذيبة الريان]

يعطيكم العافيه أخواني واخواتي على الردود ,,

جزاكم الله خير ,,

وجودكم عطر لصفحتــــي ,,

وإن شاءالله نرجع قطر مثل أول وأفضل بعد ,,

[دكتور قطر]

الله يديم النعمه علينا يارب ولايغير علينا

[عتيج الصوف]

الله يرحم ايام اول,,,,والصراحة عنوان الموضوع لفت انتباهي,,,,,ومن شدة حبي لايام اول اسميت نفسي عتيج الصوف,,,,,,وياليت الزمن يعود الى الاول,,,,وترجع النفوس ولاهم بورصة ولا اكتتاب ,,,,وكان الكل مستانس ولا هالزحمة في الشوارع ,,,,حتى نادرا مانسمع عن جرائم او حوادث مثل الان,,,,,,ياليت يعود الزمن الى 30 او حتى 40 سنة ,,,ايام ماكان كل شي على البساطة ,,,,,وليس الان المظاهر والتباهي ,,,,,,والله المستعان,,,,,


والله يعين على الي بيجي بعدنا ,,,,,وكما هو كعروف كل جيل بعد جيل يترحم على ايام الاول,,,,

بالله عليكم ,,,,,ماودكم تطلعون بالسيارة والشوارع بدون زحمة,,,,وجمعة الاهل التي كانت باستمرار ,,,والتي من صعوبات الحياة انها باعدت نوعا ما حتى الاهل والاصدقاء,,,واسال الله ان يهون علينا الدنيا ولا يجعلها في قلوبنا

[ROSE]

هذي تبعات التطور

وهذي ضريبة الانفتاح والرقي

والدينا ماشية واحنا لازم نسايرها

اشكرج اختي على الموضوع الرائع واللي يلامس

قلب كل انسان في كل مكان مش بس في قطر

[al_lord]

يا الربع يمكن ما تصدقون ولكن من اسباب الغلا اسعار البترول

[امـ حمد]

الله يديم النعم علينا يارب ولا يغير علينا والحمد لله علي نعمه الاسلام والايمان والحمد لله علي نعمه الامن في وطننا الحبيب قطر اللهم ديم علينا هذه النعم وحفظها من الزوال امين يارب العالمين

[سهم طايش]

اللهم لك الحمد و الشكر

التفتوا حواليكم و شوفوا جيرانكم من الدول الخليجية و بتعرفون قيمة العنابي

http://www.catnaps.org/islamic/islamimages/passport.jpg

[زعيم البورصة]

الله عليييك يا زمن البحر والبر

[ذيبة الريان]

جزاكم الله خير اخواني واخواتي على مروركم..

ماقصرتوا في تواجدكم..

يعطيكم العافيه والله لايهينكم..

[ناصر العمادي]

أختي ذيبه الريان اشكرك على هذا الموضوع الرائع ..لكن صدقيني لو نجلس نكتب من اليوم لشهر ماراح نقدر نرجع ايام اول ولا بساطة اول ..للأسف اللي راح مايرجع ولا زم ننظر للمستقبل ونجاريه عشان نقدر نعيش براحه نفسيه على الأقل..لأن النفوس تغيرت والناس تغيرت والدنيا كلها تغيرت وايضا نقول للأسف والله..يااختي العزيزه هل نقدر نرجع ايام البساطه في التعامل .. اونرجع التأخي بين الجيران ( صار الجار مايعرف اسم جاره ) هل نقدر نرجع ايام الرخص (الكل ينهش في الثاني ) هل نقدر نرجع احترام الطالب للمدرس ( صار العكس المدرس لازم يحترم الطالب ) هل نقدر نرجع ايام طيران الخليج والرخص ( القطريه مصت دم القطريين)
هل نقدر نرجع ايام رمضان الحلوه والسهر للصبح ( رمضان صار شهر عادي مايفرق عن غيره غير الصوم ) هل نقدر نرجع فرحه العيد ثلاث ايام ( ثلاث ساعات الحين وبعد وايد ) هل نقدر ان نرجع ايام التعامل بالكلمه ( الحين شيك ومحاكم ويالله يرجع حقك ) هل نقدر نرجع ايام ماكنا ننام وباب الحوش مفتوح ( الحين تقفلينه بالمفتاح وبعد تخافين ) هل نقدر نرجع ايام ماكان الراتب ثلاث الاف ويزيد اخر الشهر ( الحين عشرين الف وماتكفي ) وهل نقدر نرجع ايام السباحه في البحر على راحتنا ( الحين كله صار للفنادق والشاليهات او تسبحين بفلوس) هل نقدر نرجع ايام الزيارات والتواصل بين الأهل والأصدقاء ( الحين في الأعياد واحيان بالمسج او التلفون ) يااختي انا طولت لكن كنت اريد ان اوصل لك كلمه لو ظليت اكتب لين بكره الأيام الحلوه ماراح ترجع ..
والله يرحمنا برحمته ويهدي الناس اجمعين وهو القادر على ذلك سبحانه وتعالى..
وتحياتي لك

[WARNING]

جزاااااااااااااج الله خير لإختى ذيبه الريـــــــــان على الموضوووووع..وحبك لدولتنا الحبيبه

[WARNING]

هذي تبعات التطور

وهذي ضريبة الانفتاح والرقي

والدينا ماشية واحنا لازم نسايرها

اشكرج اختي على الموضوع الرائع واللي يلامس

قلب كل انسان في كل مكان مش بس في قطر

[ذيبة الريان]

أخوي ناصر العمادي ,,

اييييييه والله صدقت بكل كلمه قلتها ,,

جزاك الله خير ..

ماقصرت على مشاركتك الثمينه لموضوعي..

الله يصبرنا ..

والله صدقت الحين اقفل على الباب وبعد آموت خوف ,,

البلد مالها امان مثل أول وخاصة كثروا العمال الآسيوين بين الأحياء ,,

....

اخواني أشكركم على مرورك الكريم

لاعدمناكم

[Alpinestars]

أختي ذيبه الريان اشكرك على هذا الموضوع الرائع ..لكن صدقيني لو نجلس نكتب من اليوم لشهر ماراح نقدر نرجع ايام اول ولا بساطة اول ..للأسف اللي راح مايرجع ولا زم ننظر للمستقبل ونجاريه عشان نقدر نعيش براحه نفسيه على الأقل..لأن النفوس تغيرت والناس تغيرت والدنيا كلها تغيرت وايضا نقول للأسف والله..يااختي العزيزه هل نقدر نرجع ايام البساطه في التعامل .. اونرجع التأخي بين الجيران ( صار الجار مايعرف اسم جاره ) هل نقدر نرجع ايام الرخص (الكل ينهش في الثاني ) هل نقدر نرجع احترام الطالب للمدرس ( صار العكس المدرس لازم يحترم الطالب ) هل نقدر نرجع ايام طيران الخليج والرخص ( القطريه مصت دم القطريين)
هل نقدر نرجع ايام رمضان الحلوه والسهر للصبح ( رمضان صار شهر عادي مايفرق عن غيره غير الصوم ) هل نقدر نرجع فرحه العيد ثلاث ايام ( ثلاث ساعات الحين وبعد وايد ) هل نقدر ان نرجع ايام التعامل بالكلمه ( الحين شيك ومحاكم ويالله يرجع حقك ) هل نقدر نرجع ايام ماكنا ننام وباب الحوش مفتوح ( الحين تقفلينه بالمفتاح وبعد تخافين ) هل نقدر نرجع ايام ماكان الراتب ثلاث الاف ويزيد اخر الشهر ( الحين عشرين الف وماتكفي ) وهل نقدر نرجع ايام السباحه في البحر على راحتنا ( الحين كله صار للفنادق والشاليهات او تسبحين بفلوس) هل نقدر نرجع ايام الزيارات والتواصل بين الأهل والأصدقاء ( الحين في الأعياد واحيان بالمسج او التلفون ) يااختي انا طولت لكن كنت اريد ان اوصل لك كلمه لو ظليت اكتب لين بكره الأيام الحلوه ماراح ترجع ..
والله يرحمنا برحمته ويهدي الناس اجمعين وهو القادر على ذلك سبحانه وتعالى..
وتحياتي لك




احب اني اشكرك من كل قلبي على كل كلمه قلتها ياخوي والله انك صدقت في كل كلمه كتبتها وانا أقرا ردك خانتني العبره لما تذكرت الايام الحلوه والبسيطه اللي عشناها وتحولت في قمضة عين اسرع من البرق صارت في الماضي شي لايصدقه عقل تحول سريع جدأ ماكنا نتوقع كل هذا في الطريق الينا الله يرحمنا ابرحمته

في شي لفت انتباهي: نرجع ايام طيران الخليج والرخص ( القطريه مصت دم القطريين)
الحين معقوله القطريه تبيع التذاكر للقطرين اغلا من اي جنسيه ثانيه شيء غريب ياخي الحين احنا قطرين وهذي شركة قطريه وحنا لنا الاولويه بس انا اشوف لنا المضره اغلا الاسعار للقطرين واغلا من الاماراتيه والخليج والاتحاد والسعوديه في الوقت الحالي مب عارف ليش هذا الغلا علينا يعني بنحصلها من العقار ولا من الطياران ولا من البورصه ولا من المحلات يعني ايش بيبدله القطري المسكين !!
الله المستعان ..

بس ماقول غير مثل ماقال اخوي زعيم البورصة الله عليييك يا زمن البحر والبر



والف شكر لج اختي على طرحج الموضوع ذيبة الريان
والله يرحمنا برحمته ويهدي الناس اجمعين وهو القادر على ذلك سبحانه وتعالى..
وتحياتي لك

[hasss1969]

الحمدالله يارب على النعمة اللي احنا فيها
كهربا وماي ببلااااااااااش
علاج ببلاااااااااااااش
تعليم ببلااااااااااااش

والأهم من هاي كله
نعمة الأمن اللي احنا فيها نرقد وبيبان بيوتنا امشرعة

شي مستحيل تحصلونه في بلد غير

الله لا يغير علينا
والله اني مع ماكتبت,واقول للكاتبة لاترمي الجواز ولا حاجة واحمدي ربك ليل نهار انك في قطر وقطرية,غيرك صار لهم خمسين سنة عايشين في قطر ولايزالون من فئة البدون.
وتذكري دوام النعمة يكون بشكر الله عليها..

[buzzle]

السلام عليكم اختي ذيبه الريان...كلامج صح ان قطر تغيرت مب بس في ارتفاع الاسعار وطمع الناس اللي ماله حد..انا اشوف ان قطر تغيرت اكثر من جذي وابعد ...قطر ابتدت تفقدت هويتها وعاداتها وتقاليدها.. لما تدخلين اي مجمع تجاري تلاحظين مش بس غلاء الاسعار لكن المناظر الغريبه على عاداتنا :anger2: ..انا اضم صوتي لصوتج.

واقول حق الاخ اللي يقول الكهربى والماي ببلاش ..انا اقول الحمدلله على النعمه ..ولكن لو حسبنا عدد سكان قطر الاصليين فهم قلييل جدا وقطر من اغنى دول العالم ... والمفروض مش خساره فينا ان يكون الماي والكهربا والتعليم والعلاج مجاني انا اشوف ان هذا من حقنا ...
وشكرا

[تاجر سعودي]

موضوع قووووووي

بارك الله فيك

[ذيبة الريان]

أشكركم جميعاً على بصماتكم الرائعهـ في صفحتي المتواضعه ,,

ماعندي كلام أزيده على ردوكم,,

لاعدمناكم,,

[ابوريما الرياشي]

اختي الفاضله كلامج سليم ومنطقي وعلى ماظن ان الغلاء عالمي ولكن الحمد لله على كل حال ايش بيقولون الذين هم غير قطريين ورواتبهم مقطوعه وعندهم اسره كبيره واجار بيوت مرتفعه ومدارس وماء وكهرباء والحين يفكرون في قوت يومهم شكى لي اكثر من شخص عن الحاله التي هم يمرووون فيها والله يوفق ويستر على كل مسلم ومسلمه